Morgunblaðið - 16.04.2002, Blaðsíða 1

87. TBL. 90. ÁRG. ÞRIÐJUDAGUR 16. APRÍL 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 16. APRÍL 2002
AÐ MINNSTA kosti 118 manns létu
lífið þegar Boeing 767-þota kín-
verska flugfélagsins Air China
fórst í Suður-Kóreu í gær. Níu
manna var enn saknað og björg-
unarmenn fundu 39 á lífi í flakinu,
en flestir þeirra voru alvarlega
slasaðir.
Suður-kóreskir rannsóknarmenn
sögðu að slysið hefði að öllum lík-
indum orðið vegna mistaka flug-
manns.
Vélin fórst í fjallshlíð í annarri
tilraun til lendingar á flugvellinum
við Busan á suðurströnd S-Kóreu.
Veður var slæmt er slysið varð, um
klukkan 11.30 að staðartíma, eða
hálfþrjú í fyrrinótt að íslenskum
tíma. Vélin var að koma frá Peking.
Flugmálafulltrúar segja að
margir þeirra sem komust lífs af
hafi verið í fremri hluta þotunnar,
og bendi það til þess að afturhluti
hennar hafi fyrst komið niður er
hún hrapaði. Einn þeirra sem kom-
ust lífs af, Kim Mun-hak, 35 ára,
sagði að vélin hefði hrapað
skömmu eftir að farþegum var sagt
að spenna sætisólarnar. „Vélin
fórst með ægilegum hávaða, og
mér tókst að komast út úr henni, og
ég sá þykkan reyk og eld.“ Að sögn
sjónarvotta tók það um tvo tíma að
slökkva elda er kviknuðu í flakinu.
Að sögn flugmálafulltrúa höfðu
flugumferðarstjórar á Busan-
flugvelli gefið áhöfn þotunnar
heimild til lendingar, en beðið um
að komið yrði inn úr andstæðri átt,
vegna mikils mótvinds. Vélin rakst
í fjallshlíðina þegar hún var á leið
umhverfis flugvöllinn. Að sögn lög-
reglu var rigning og þykk þoka er
slysið varð. Flugritar vélarinnar
voru komnir í leitirnar síðdegis í
gær.
Í þotunni voru 135 Kóreumenn,
30 Kínverjar og Úsbeki.
Björgunarmenn eru hér að störf-
um í flaki þotunnar.
Reuters
Flugslys
kostar
118 lífið í
S-Kóreu
Kimhae. AP.
AL-JAZEERA-sjónvarpsstöðin í
Katar sýndi í gær myndband með
Osama bin Laden, næstráðanda
hans, Ayman al-Zawahri, og
manni, sem var sagður hafa tekið
þátt í hryðjuverkaárásunum í
Bandaríkjunum 11. september sl.
Ekki er ljóst hvenær myndirnar
voru teknar en líklegast er, að þær
séu misgamlar.
Donald Rumsfeld, varnarmála-
ráðherra Bandaríkjanna, sagði, að
svo virtist sem um væri að ræða
„samtíning af myndum“ sem tekn-
ar hefðu verið í fyrra.
Starfsmaður Al-Jazeera sagði,
að myndbandið hefði borist stöð-
inni fyrir nokkrum dögum en hún
hefur áður birt myndbönd með bin
Laden. Ætlar hún að birta nýja
myndbandið í heild á fimmtudag en
í gær sýndi hún lítinn bút af því.
Sýnir hann bin Laden og al-Zaw-
ahri sitja saman og sá síðarnefndi
lýsir því yfir, að hryðjuverkin 11.
september hafi verið „mikill sigur“.
Annað myndskeið var af manni,
sem sjónvarpsstöðin kallaði Algh-
amdi, en FBI, bandaríska alríkis-
lögreglan, segir, að tveir menn með
því nafni, Hamza Alghamdi og
Ahmed Alghamdi, hafi verið meðal
hryðjuverkamannanna. „Það er
kominn tími til að drepa Banda-
ríkjamenn í þeirra eigin landi,“
segir maðurinn með tilbúna mynd
af World Trade Center í ljósum
logum í bakgrunninum.
Al-Jazeera segir, að þetta sýni í
fyrsta sinn, að hryðjuverkamenn-
irnir hafi vitað, að þeirra biði einnig
dauðinn.
Reuters
Bin Laden (t.h.) og al-Zawahri á myndbandi sem sýnt var í gær.
Bin Laden á
myndbandi
Kairó. AP.
Vaxandi
stuðning-
ur við ESB
STUÐNINGUR við aðild Noregs að
Evrópusambandinu fer vaxandi ef
marka má skoðanakönnun sem dag-
blaðið Aftenposten birti í gær.
Samkvæmt könnuninni eru 54%
Norðmanna nú hlynnt því að sótt
verði um aðild að ESB og 46% andvíg.
Sveiflan er umtalsverð því sam-
kvæmt samskonar könnun voru fylk-
ingarnar nokkurn veginn jafnstórar í
febrúar.
Í Aftenposten er þessi niðurstaða
tengd við aukinn áhuga Íslendinga á
aðild að ESB. Þannig telja 44% þátt-
takenda að aðildarumsókn frá Íslandi
myndi gera að verkum að nærtækara
væri en ella fyrir Norðmenn að huga
að því að bætast í hóp ESB-ríkja. 23%
þeirra sem eru andvíg aðild telja að
umsókn frá Íslandi myndi auka mik-
ilvægi þess að Norðmenn sæktu einn-
ig um inngöngu í Evrópusambandið.
mein. „Verði hann
drepinn eða auð-
mýktur hefur það
hörmulegar af-
leiðingar fyrir
Ísraela og magn-
ar hringrás of-
beldisins.“
Barghouti, sem
er 42 ára, hefur
verið nefndur
sem hugsanlegur
eftirmaður Arafats. Hann er á meðal
þeirra Palestínumanna sem Ísr-
aelsstjórn hefur lagt mesta áherslu á
að handtaka og sakar um að hafa
skipulagt hryðjuverk. Hann er talinn
vera leiðtogi Al Aqsa-hersveitanna,
sem hafa gert tugi skotárása á Ísr-
aela og einnig staðið fyrir sjálfs-
ÍSRAELSKIR hermenn handtóku í
gær Marwan Barghouti, náinn sam-
starfsmann Yassers Arafats, leið-
toga Palestínumanna, og forystu-
mann Fatah-hreyfingar Arafats á
Vesturbakkanum.
Barghouti var handtekinn í húsi
annars Fatah-manns skammt frá
höfuðstöðvum Arafats í borginni
Ramallah. Talsmaður Ariels Shar-
ons, forsætisráðherra Ísraels, stað-
festi að Barghouti hefði verið tekinn
til fanga ásamt tveimur samstarfs-
mönnum sínum. Hann var fluttur í
fangelsi ísraelsku öryggislögregl-
unnar í Jerúsalem.
Jibril Rajoub, æðsti embættis-
maður Palestínumanna í öryggis-
málum á Vesturbakkanum, varaði
Ísraela við því að gera Barghouti
morðsárásum á ísraelska borgara
síðustu mánuði.
Palestínskt hjúkrunarfólk flutti í
gær lík úr flóttamannabúðum í Jenín
á Vesturbakkanum undir eftirliti
fulltrúa Alþjóðaráðs Rauða krossins,
ICRC. „Fulltrúar ráðsins, sem skoð-
uðu lítinn hluta búðanna, sáu eyði-
leggingu sem minnti einna helst á
jarðskjálfta: hrunin hús, brak út um
allt og vegi sem hafa eyðilagst,“
sagði talsmaður ICRC.
Mannréttindanefnd SÞ
fordæmir hernaðinn
Mannréttindanefnd Sameinuðu
þjóðanna gagnrýndi hernað Ísraela
harðlega og sakaði þá m.a. um
„fjöldamorð“ og „gróf brot á mann-
réttindum“, svo sem aftökur án
dóms og laga, ólöglegar handtökur,
pyntingar á föngum, umsátur um
palestínska bæi og árásir á sjúkra-
bíla og sjúkrahús. „Nefndin fordæm-
ir harðlega stríðið sem Ísraelsher
hefur hafið gegn palestínskum bæj-
um og flóttamannabúðum og hefur
kostað hundruð óbreyttra borgara
lífið, meðal annars konur og börn.“
Yfirlýsing nefndarinnar var sam-
þykkt með 40 atkvæðum gegn fimm
og sjö sátu hjá. Fulltrúar Bretlands
og Þýskalands greiddu atkvæði á
móti yfirlýsingunni en önnur ríki
Evrópusambandsins studdu hana.
Ariel Sharon sagði í viðtali við
CNN í gær að Ísraelar kynnu að
flytja hersveitir sínar frá Jenín,
Nablus og fleiri bæjum á sjálfstjórn-
arsvæðum Palestínumanna innan
viku en lagði áherslu á að þær yrðu
lengur í Ramallah og Betlehem.
Colin Powell, utanríkisráðherra
Bandaríkjanna, fór til Líbanons og
Sýrlands í gær til að hvetja þarlend
stjórnvöld til að stöðva árásir skæru-
liðahreyfingarinnar Hizbollah í Líb-
anon á landamærastöðvar Ísr-
aelshers. Hann sagði að árásirnar
gætu orðið til þess að nýtt stríð
blossaði upp í Mið-Austurlöndum.
Líbanskir og sýrlenskir embætt-
ismenn sögðu hins vegar að Ísraelar
bæru alla ábyrgð á átökunum og
þeim myndi ekki linna fyrr en Ísr-
aelsher færi af sjálfstjórnarsvæðum
Palestínumanna.
Powell ræðir við Sharon í dag og
hyggst fara á fund Arafats á morg-
un.
Leiðtogi hreyfingar
Arafats handtekinn
Ramallah, Genf, Tel Aviv. AP, AFP.
Marwan
Barghouti

Arafat útilokar/22