Morgunblaðið - 12.05.2002, Blaðsíða 48

48 SUNNUDAGUR 12. MAÍ 2002 MORGUNBLAÐIÐ






 




  
 

      

 
 






  

   


BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ var í byrjun árs 1994 sem ég
hitti Gunnar Marel í fyrsta skipti er
hann kom til mín til að athuga með
búnað fyrir víkingaskip. Í fyrstu
hlustaði ég á áætlanir hans með ör-
litlum efasemdum þar sem mér
fannst það nánast út úr myndinni að
einstaklingur hefði getu og áræði til
að ráðast í slíkt stórvirki. Eftir nokk-
urra mínútna samtal hafði þessi nú-
tíma víkingur hrifið mig með sér og
sannfært mig um að hann væri fær
um verkefnið. Meðan á smíðinni stóð
fór ég margar ferðir til að skoða skip-
ið og dást að smíðinni og fylgjast með
hvernig Gunnar leysti öll þau flóknu
atriði sem fylgja því að smíða vík-
ingaskip. Með hverri ferðinni óx
hrifning mín á skipinu og álit mitt á
Gunnari. Þegar skipið var fullsmíðað
fór ég enn einu sinni til að virða fyrir
mér afrekið. Er ég stóð fyrir framan
stefni skipsins og horfði á fagrar línur
þess, datt mér í hug sú samlíking að
skip sem þessi hafi verið nokkurskon-
ar þotur víkingana, svo rennilegur er
skrokkur þessara skipa. Gunnari
tókst sitt ætlunarverk og ég sé engan
annan núlifandi Íslending sem gæti
leikið þetta eftir honum. Gunnar lét
ekki þar við sitja, heldur safnaði liði
og sigldi til Ameríku eins og frægt er
orðið. Hann og hans skipshöfn luku
siglingunni með miklum sóma og við
Íslendingar erum öll stolt af þessari
fræknu ferð þessa duglega fólks.
Fjölmiðlar hér heima og erlendis
höfðu uppi hástemmd lýsingarorð og
landafundanefnd var rígmontin af af-
rekinu. En hvar er þakklæti okkar til
Gunnars, jú eitthvað í orði en lítið á
borði. Verkefnið hefur kostað hann
allt sem hann á og mikið meira enn
það. Í dag er hann skuldugur vegna
þess sóma sem hann sýndi íslensku
þjóðinni. Ég hef ekki hitt einn einasta
mann sem ekki er því fylgjandi að
reynt verði að aðstoða Gunnar til að
komast frá þessu án þess að hann
missi allt sitt, hann á annað skilið.
Ágætu ráðamenn þessarar þjóðar:
Ég skora á ykkur að taka á málinu af
festu og öryggi við að koma skipinu
til Íslands aftur og tryggja Gunnari
þá fjármuni sem hann á inni hjá okk-
ur Íslendingum fyrir sína stórkost-
legu landkynningu. Skipinu skal síð-
an fundinn góður staður þar sem
koma má upp sýningu er sýnir smíð-
ar og siglingar forfeðra okkar.
JÓHANN ÓLAFUR
ÁRSÆLSSON,
Víðivangi 22, Hafnarfirði.
Víkingaskipið
Íslendingur
Frá Jóhanni Ólafi Ársælssyni:
Morgunblaðið/Þorkell
Víkingaskipið Íslendingur og áhöfn.
ÞESSIR ógnaratburðir sem eiga sér
stað um þessar mundir í Palestínu
eru í augum flestra hörmulegir og
mikil vonbrigði fyrir alla, líkt og sjálf-
an mig, sem leit á Bandaríkin sem
talsmann hins frjálsa heims og Ísr-
aelsmenn sem þjóðina sem hrakin um
aldir, hötuð og myrt, fékk annað tæki-
færi. En nú sýnir það sig því miður að
meirihluti Bandaríkjamanna virðist
ótrúlega óupplýstur og heilaþveginn
og Ísraelsmenn sýna á sér þessa þjóð-
ernisofstækishlið, sem líklega er ein
helsta ástæða gyðingaofsókna fyrri
tíma. Ástæða þess að Bandaríkja-
menn stöðva ekki þennan hrylling
samstundis er aðallega fjárhagslegs
eðlis. Gyðingar í Bandaríkjunum eru
geysilega öflugur þrýstihópur sem
styður endurreisn fyrirheitna lands-
ins í blindu trúarofstæki og eins og
fyrirkomulag forsetakosninga er í
Bandaríkjunum verður vesalings for-
setaframbjóðandinn að dansa í kring-
um gullkálfinn, líka eftir að í Hvíta
húsið er komið. Hinn almenni borgari
í Bandaríkjunum er mataður á ein-
hliða síonískum áróðri, sem er svo
veruleikafirrtur að flestir sæmilega
upplýstir jarðarbúar fyllast viðbjóði
og sorg yfir heimsku mannanna. Það
er líka alveg ljóst að Sameinuðu þjóð-
irnar eru máttlaus pappír þegar á
hólminn er komið. Það er sömuleiðis
kaldranalegt að drjúgur hluti sann-
kristinna (að eigin sögn) álítur Ísr-
aelsmenn guðs útvöldu þjóð og öðrum
betri og byggir það aðallega á því að
Jesús fæddist í Betlehem, en lítur
framhjá því að einmitt trúarleiðtogar
gyðinga létu krossfesta frelsarann
fyrir að gefa sig út fyrir að vera
Messías og hafa aldrei viðurkennt
hann. Ef þessir bláeygu stuðnings-
menn Sharons í baráttunni taka til að
mynda ekkert mark á skoðunum
Martins Lúters eða kaþólsku kirkj-
unnar um síonisma veit ég ekki hvar
annars staðar en úr Gamla testa-
mentinu þeir fá þessar hugmyndir.
Það er eins og mig minni að einhvers
staðar í Nýja testamentinu vari Jesús
við falsspámönnum sem komi fram í
hans nafni en gangi í raun erinda ann-
ars og heldur óskemmtilegri aðila.
JÓNATAN KARLSSON,
Hólmgarði 34, Reykjavík.
Tímanna tákn
Frá Jónatani Karlssyni: