Morgunblaðið - 13.06.2002, Síða 13

FRÉTTIR
MORGUNBLAÐIÐ FIMMTUDAGUR 13. JÚNÍ 2002 13
FORSETI Íslands veitti forstjóra
elstu síldarverksmiðju Dana,
Lykkeberg A/S, riddarakross
hinnar íslensku fálkaorðu í síð-
ustu viku sem þakklætisvott fyr-
ir áralanga sölu á íslenskri síld
til danskra neytenda.
Susanne Folmer, forstjóri
Lykkeberg, sagði við athöfnina
á Bessastöðum að fyrirtækið
hefði ávallt haldið á lofti ís-
lensku síldinni þar sem hún væri
vara í sérflokki. Sagði hún að
neysla á síld væri stöðugt að
aukast í Danmörku sem sýndi að
fyrirtækið hefði orðið við óskum
neytenda.
Fékk
fálkaorðu
fyrir sölu
á síld
Morgunblaðið/Jón Svavarsson
LÖGREGLAN stóð vel að örygg-
isgæslunni vegna NATO-fundarins
í Reykjavík í nýliðnum mánuði,
samkvæmt símakönnun ÍM Gallup.
Helstu niðurstöður könnunarinn-
ar voru að rúmlega 86% þeirra,
sem tóku afstöðu, töldu lögreglu
hafa staðið sig vel, tæplega 9%
töldu hana hvorki hafa staðið sig
vel né illa og tæplega 5% töldu
hana hafa staðið sig illa. Ekki var
marktækur munur á viðhorfum eft-
ir aldri, kyni, búsetu, menntun eða
tekjum.
Um 62% töldu viðbúnað lögreglu
hafa verið hæfilegan, um 36% töldu
hann hafa verið frekar mikinn eða
of mikinn og um 2% töldu viðbún-
aðinn frekar lítinn eða of lítinn.
Um 81% sagðist lítið sem ekkert
hafa orðið vart við öryggisgæslu
vegna NATO-fundarins, en um
17% urðu mjög eða frekar mikið
varir við hana. Yngri þátttakendur
urðu frekar varir við gæsluna en
eldri þátttakendur og íbúar á póst-
númerasvæðum 107 og 101 frekar
en íbúar á öðrum svæðum. Tæp-
lega 27% þeirra sem urðu varir við
öryggisgæsluna sögðu að lögreglan
hefði verið sýnilegri, um 23% urðu
varir við flugvélina sem flaug yfir
borgina meðan á fundinum stóð,
um 17% nefndu breytta umferð,
um 14% urðu varir við gæsluna í
gegnum fjölmiðla og um 9% nefndu
búsetu nálægt fundarstaðnum.
Símakönnunin fór fram 16. til 20.
maí og var gerð fyrir ríkislögreglu-
stjóra til að skoða ímynd fólks á
viðbúnaði lögreglu vegna fundar-
ins. Könnunin náði til 1.500 manna
slembiúrtaks 18 til 90 ára einstak-
linga búsettra í Reykjavík. 989
svöruðu könnuninni, sem er 70,4%
svarhlutfall.
Lögreglan
stóð vel að ör-
yggisgæslu
Könnun í kjölfar NATO-
fundarins í Reykjavík
„MÉR líst ágætlega á tilraunir til
einkareksturs einstakra þjónustu-
þátta í tengslum við spítalann eða
inni á spítalanum og við höfum
reyndar gert svolítið af því,“ segir
Magnús Pétursson, forstjóri Land-
spítala – háskólasjúkrahúss, LSH, er
hann er spurður álits á slíkum hug-
myndum.
Forstjóri Landspítalans segir að
spítalinn hafi á árinu 2000 samið við
einkahlutafélagið Lampann um
rekstur á um 20 rúma öldrunardeild.
Stóð sá samningur í á annað ár eða
þar til Sóltún tók til starfa. Lampinn
leigði einn gang á geðdeild spítalans
og tiltekinn búnað og keypti fæði og
læknisþjónustu af spítalanum.
Magnús segir LSH með nýjan
samning við Lampann í burðarliðn-
um um tímabundinn rekstur á 20–21
sjúkrarúmi fyrir hvíldarinnlagnir
fyrir aldraða. Leigir fyrirtækið deild
á Landakoti fyrir þá þjónustu í fjórar
vikur. Þá nefnir Magnús að verið sé
að kanna breyttan rekstur á augn-
deild spítalans, hugsanlega með
stofnun hlutafélags.
Hlutafélag um augndeild?
„Það er enn á umræðustigi en
deildin er umfangsmikil og starfs-
menn sem þar vinna eru ýmist á
fastakaupi eða fá greitt eftir samn-
ingum um ferliverk. Við erum að
kanna stofnun fyrirtækis, hluta-
félags, sem yrði í eigu læknanna,
annarra starfsmanna og spítalans.
Framlag spítalans gæti hugsanlega
verið húsnæði og tæki og síðan yrði
starfsmönnum boðin aðild. Deildar
meiningar eru ennþá um þessa hug-
mynd og því ekki ljóst hvernig henni
reiðir af,“ segir Magnús og að líklega
fáist niðurstaða fyrir árslok.
Einnig hefur það verið rætt hjá yf-
irstjórn spítalans hvort leigja mætti
út aðstöðu til sjúkraþjálfunar síðdeg-
is eða um helgar. Segir hann að bæði
gætu sjúkraþjálfarar spítalans og
þeir sem starfa utan hans hugsan-
lega leigt slíka aðstöðu.
Í lokin nefnir Magnús að LSH hafi
einnig boðið í læknisþjónustu fyrir
aðra aðila. Þegar Félagsþjónustan í
Reykjavík bauð út læknisþjónustu á
öldrunarheimilum var Landspítalinn
annar bjóðenda og var samið við spít-
alann. Hann segir að þar sem spít-
alinn hafi yfir nauðsynlegum mann-
skap að ráða hafi verið ákveðið að
bjóða í þennan rekstur og sé samn-
ingurinn uppá um 20 milljónir króna.
„Reynsla okkar af því að aðrir reki
ákveðna starfsemi inni á spítalanum
eða í tengslum við hann er ágæt og
ég hygg að við getum fært eitthvað
út kvíarnar á þessu sviði eins og er
nú í athugun. Þá verða verkefnin að
vera vel skilgreind og báðir aðilar
verða að hafa hag af slíkum samn-
ingum.“
Magnús Pétursson forstjóri Landspítala – háskólasjúkrahúss
Líst vel á tilraunir til einka-
reksturs einstakra þátta
FJÁRMÁLARÁÐHERRAR Norð-
urlanda staðfestu á fundi sínum í As-
ker í Noregi á miðvikudag að dregið
hefði úr hagvexti undanfarið en það
skýrðist fyrst og fremst af niður-
sveiflu á alþjóðavettvangi. Hagvöxt-
ur á Norðurlöndum fór niður í 1,1%
árið 2001 miðað við um 3% árin þar á
undan, en samt skiluðu ríkissjóðir
flestra Norðurlandanna afgangi í
fyrra. Ráðherrarnir ræddu í þessu
samhengi mikilvægi þess að hafa
hemil á kostnaðarþróuninni og að
áfram verði fylgt aðhaldssamri
stefnu í ríkisfjármálum.
Verðbólguþrýstings gætti í ein-
staka löndum en ráðherrarnir töldu
að verðbólga á Norðurlöndum í heild
væri tiltölulega stöðug. Hún jókst
tímabundið á Íslandi og í Svíþjóð á
liðnu ári en á fundinum kom fram að
gert væri ráð fyrir að hún færi hratt
minnkandi á þessu ári. Í ár er reikn-
að með að hagvöxtur verði um 1½% á
Norðurlöndunum en frá og með
næsta ári er talið að hann verði 2 til
2½%.
Í máli Geirs H. Haarde fjármála-
ráðherra kom fram að niðursveiflan
hefði ekki verið mikil á Íslandi og að
reiknað væri með að hagvöxtur ykist
á ný á næsta ári og yrði um 2½ til 3%
á næstu árum. Fjármálaráðherra
sagði að þjóðarbúskapurinn væri
smám saman að færast nær jafnvægi
eftir mikla uppsveiflu síðustu ár.
Ráðherrarnir ræddu einnig um
framtíð velferðarkerfisins í ljósi
breyttrar aldurssamsetningar þjóð-
anna. Ennfremur ákváðu ráðherr-
arnir að styrkja samráð Norðuland-
anna um þau málefni sem efst eru á
baugi á vettvangi Evrópusambands-
ins/Evrópska efnahagssvæðisins.
Áfram aðhalds-
söm stefna í
ríkisfjármálum
Fjármálaráðherrar Norðurlanda Á FYRSTA fundi nýkjörinnarbæjarstjórnar Seltjarnarness í
gær var Jónmundur Guðmarsson
kjörinn bæjarstjóri.
Hann mun taka við embættinu
af Sigurgeiri Sigurðssyni síðar í
þessum mánuði, en Sigurgeir hef-
ur gegnt því í tæp 40 ár.
Á sama fundi var Ásgerður
Halldórsdóttir kjörin forseti
bæjarstjórnar. Jónmundur og Ás-
gerður voru kjörin með fjórum at-
kvæðum fulltrúa meirihlutans en
minnihlutinn sat hjá við atkvæða-
greiðsluna.
ÍSLENDINGAR höfðu ekki heppn-
ina með sér þegar dregið var um
fjórfaldan pott í Víkingalottóinu í
gærkvöldi.
Fyrsta vinningi, rúmum 242 millj-
ónum króna, skiptu Danir og Norð-
menn bróðurlega á milli sín og kom
tæp 61 milljón í hlut hvers.
Í Jokernum hlaut einn Íslending-
ur 1.500 þúsund krónur og var mið-
inn seldur í Hamraborg á Ísafirði.
Víkingalottó
242 millj-
ónir skipt-
ust í fernt
Seltjarnarnes
Jónmundur
kjörinn
bæjarstjóri
♦ ♦ ♦
GENGIÐ var frá sölu Ísafoldar-
prentsmiðjunnar hf. og dóttur-
félaga hennar, ÍP-Prentþjónust-
unnar og Flateyjar bókbands-
stofu, í gær. Kaupendurnir eru
þeir Kristþór Gunnarsson, sem
var framkvæmdastjóri prent-
smiðjunnar á árunum 1996–2000,
Kjartan Kjartansson, prent-
smiðjustjóri Ísafoldarprentsmiðju
til margra ára, og Guðjón Ingi
Árnason. Kaupverðið fæst ekki
gefið upp.
Forsvarsmenn Ísafoldarprent-
smiðjunnar fóru fram á það við
Héraðsdóm Reykjaness 31. maí
síðastliðinn að félagið yrði tekið til
gjaldþrotaskipta. Héraðsdómur
varð við þeirri beiðni og skipaði Jó-
hann Nielsson hrl. skiptastjóra.
Hann staðfesti við Morgunblaðið í
gær að Landsbanki Íslands, sem
var stærsti kröfuhafinn, hefði leyst
til sín allar veðsettar eignir þrota-
búsins og selt þær þremenningun-
um. Ljóst er að þar með hefur öllu
verið ráðstafað úr búinu og að ekk-
ert fæst upp í aðrar kröfur. Kröfu-
lýsingarfrestur er þó frá 14. júní til
14. ágúst nk.
Kristþór Gunnarsson segir nýja
eigendur stefna á að auka verulega
við reksturinn og stækka prent-
smiðjuna. Þeir taki við fyrirtækinu
í fullum rekstri en nú standi fyrir
dyrum að ganga frá endurráðning-
um starfsmanna, sem eru um 50
talsins. Segir hann þá verða endur-
ráðna að stórum hluta.
Vilja stærri hluta af kökunni
„Fyrirtækið verður áfram rekið
með sama sniði og verið hefur en
þetta er mikill samkeppnismark-
aður sem við störfum á og við ætl-
um okkur að ná stærri hluta af
kökunni.
Fyrirtækið fer af stað á styrkum
fótum enda er bæði fjármögnun
kaupanna og rekstrarfjármögnun
frágengin.“
Um ástæður kaupanna segir
Kristþór: „Við þekkjum vel þenn-
an rekstur og höfðum þess vegna
áhuga á að kaupa þrotabúið.“
Hann segir að nafninu Ísafoldar-
prentsmiðja verði haldið enda eigi
það sér merka sögu. „Ísafoldar-
prentsmiðja var stofnuð 1877 af
Birni Jónssyni, föður Sveins
Björnssonar forseta, til að gefa út
Ísafold. Það er því mikil saga í
þessu nafni sem við höfum áhuga á
að halda í.“
Ísafoldar-
prentsmiðj-
an seld