Morgunblaðið - 13.06.2002, Blaðsíða 62
FÓLK Í FRÉTTUM
62 FIMMTUDAGUR 13. JÚNÍ 2002 MORGUNBLAÐIÐ
Laugavegi 95 - Kringlunni - Smáralind
Kringlukaststilboð:
Lemmy bolir 2.490 1.690
Luca peysur 4.490 2.990
Trapp gallabuxur 6.990 3.990
Glenn leðurjakkar 9.900 5.990
o.fl. spennandi tilboð
Laugavegi 97 - Kringlunni - Smáralind
Kringlukast
Kringlukaststilboð:
Shoulderbolur 1.990 990
Plus skyrta 2.990 1.490
Edge pils 2.990 1.990
Ratri frakki 6.490 3.990
o.fl. spennandi tilboð
MARIKO Margrét Ragnarsdóttir
var að ljúka fyrsta ári í við-
skiptafræði í Háskólanum í Reykja-
vík. Með skólanum kenndi hún nem-
endum Verzlunarskóla Íslands í
aukatímum stærðfræði og þýsku. Í
fyrravetur sá hún um Djúpu laugina
á Skjá einum. Dans er eitt af hennar
helstu áhugamálum og síðasta sum-
ar ól hún manninn í Japan til að
skerpa japönskukunnátu sína.
Þóra Karítas Árnadóttir er að út-
skrifast nú í vor frá Háskóla Íslands
með BA-próf í guðfræði. Hún hefur
látið til sín taka í Stúdentaleikhúsinu
og var í vetur í stjórn UNIFEM.
Líkt og Mariko er hún ekki alls óvön
dagskrárgerð en hún á að baki þætt-
ina Pensúm og Hjartslátt. Í haust
kemur svo út bók í þýðingu Þóru
sem ber heitið Við eigum hálfan
heiminn og hefur að geyma ýmsan
fróðleik ætlaðan unglingsstelpum.
Þær Þóra og Mariko munu í sum-
ar leiða saman hesta sína í stræt-
isvagni í sjónvarpsþættinum Hjart-
sláttur í strætó.
Fullnæging í Kringlunni
„Strætisvagninn okkar er orðinn
voða kósý. Við erum búnar að gera
hann mjög heimilislegan enda verð-
ur hann eins og okkar annað heimili í
sumar,“ byrjar Mariko.
„Þátturinn mun þó ekki allur fara
fram í strætó heldur verður hann
eins konar tenging milli allra atrið-
anna í þættinum,“ útskýrir Þóra.
„Já, við keyrum um bæinn og
finnum eitthvað skemmtilegt sem er
að gerast. Við ætlum að reyna að
hitta forvitnilegt fólk á förnum vegi,
þátturinn verður ekki til að einblína
á fræga fólkið, þótt það verði vissu-
lega tekið með,“ segir Mariko. „Við
vekjum alltaf einhvern þekktan ein-
stakling í hverjum þætti. Það er gert
til að reyna að ná fólki í sínu eðlilega
umhverfi, ekki uppstilltu í upp-
tökuveri heldur bara heima með
stírurnar í augunum.“
„Ástæðan fyrir því er líka sú að
upp á síðkastið hafa verið svo margir
þættir á öllum sjónvarpsstöðvunum
sem einbeita sér að þekktu fólki og
ég held að fólk sé orðið svolítið leitt á
því að sjá alltaf sömu andlitin,“ segir
Þóra.
Auk viðtala og listsýninga í stræt-
isvagninum bjóða þær stöllur upp á
leik sem nefnist Sex í strætó. Leik-
urinn er í ætt við þá raunveruleika-
sjónvarpsþætti sem öðlast hafa
miklar vinsældir á síðustu árum. Í
þessum leik verður þó enginn kosinn
úr leiknum heldur safna keppend-
urnir sex stigum svo að lokum stend-
ur einn uppi sem sigurvegari. Þraut-
irnar eru hinar fjölbreyttustu og
þurfa keppendurnir meðal annars að
apa eftir frægu fullnægingaratriði
Meg Ryan úr kvikmyndinni When
Harry met Sally í Kringlunni.
„Keppendurnir okkar sex voru
ótrúlega duglegir og viljugir að gera
allt sem við báðum þá um,“ segir
Mariko.
Strætóinn skemmtilegur
En af hverju skyldi strætisvagn
hafa orðið fyrir valinu?
„Upphaflega ætluðum við bara að
hafa leikinn í strætó en svo fannst
okkur strætóinn eiga svo vel við
þáttinn að við ákváðum að hafa hann
bara allan þar,“ segir Þóra. „Ég held
að það henti líka blönduðum
skemmtiþætti af þessu tagi að hafa
einhverja tengingu milli atriða.“
„Strætó er líka bara svo skemmti-
legur, þar er fullt af alls konar fólki,“
bætir Mariko við.
Aðspurðar hvernig samstarf
þeirra hafi borið að svarar Mariko:
„Við kynntunst bara uppi á Skjá
einum, þar sem Þóra hafði séð um
Pensúm og ég Djúpu laugina. Svo
var okkur í rauninni bara púslað
saman í sumar.“
„En samstarfið hefur gengið ótrú-
lega vel. Við náum mjög vel saman,“
fullyrðir Þóra og Mariko er sama
sinnis.
En hvað þarf að prýða góðan sjón-
varpsþátt að mati hinna nýju þátta-
stjórnenda?
„Hann þarf að halda athygli, vera
hraður og má alls ekki vera lang-
dreginn,“ svarar Mariko að bragði.
„Mér finnst líka skipta mjög miklu
máli að umsjónarmenn þáttarins
taki sig ekki of hátíðlega. Við ætlum
að gera óspart grín að okkur sjálfum
í þættinum,“ segir Þóra og bætir við:
„Hallærislegt er eiginlega okkar
hugtak.“
„Já,“ samsinnir Mariko. „Svona
hallærislega skemmtilegt.“
Fyrsti þáttur af Hjartslætti í
strætó er á dagskrá Skjás eins í
kvöld klukkan 22 og hvetja strætó-
stjórarnir alla áhugamenn um
strætóferðir og fjölbreytt mannlíf til
að setjast að viðtækjunum.
Morgunblaðið/Jim Smart
Strætóbílstjórarnir Þóra Karítas og Marikó Margrét.
Hallærislega
skemmtilegt
Í kvöld hefur göngu sína nýr íslenskur
sjónvarpsþáttur á Skjá einum. Af því
tilefni hitti Birta Björnsdóttir strætó-
stjórana Mariko Margréti Ragnarsdóttur
og Þóru Karítas Árnadóttur.
birta@mbl.is
Hjartsláttur í strætó á Skjá einum í kvöld