Morgunblaðið - 13.06.2002, Page 14

ÞEIR sem eiga kanínur
eða dúfur og búa í þéttbýli
þurfa sérstakt leyfi frá
heilbrigðisnefndum til að
halda þessi dýr. Þessu
komst íbúi við Nýlendu-
götuna nýverið að þegar
hann fékk bréf frá Um-
hverfis- og heilbrigðis-
stofu þar sem gerð var at-
hugasemd við að hann
hefði ekki tilskilin leyfi til
kanínuhalds.
Íbúinn á eina kanínu
sem af og til heldur til í
kofa í garðinum. Kemur
fram í bréfinu, sem heil-
brigðisfulltrúar rita undir,
að kanínan hafi uppgötv-
ast er þeir voru á ferð um
miðbæinn í eftirlitsferð,
sem farin var vegna
kvartana um slæma um-
gengni víða um miðbæinn.
Í bréfinu er bent á að
samkvæmt heilbrigðis-
reglugerð þurfi leyfi heil-
brigðisnefndar fyrir því að
halda kanínur í þéttbýli.
Þá segi í lögum um dýra-
vernd „að eigendum eða
umráðamönnum dýra beri
að sjá þeim fyrir viðun-
andi vistarverum og full-
nægjandi fóðri, drykk og
umhirðu“. Er farið fram á
að viðkomandi sæki um
leyfið og skuli undirritað
samþykki annarra íbúa í
húsinu fylgja umsókninni.
Svín og fiðurfé
bannað í þéttbýli
Í umræddri heilbrigðis-
reglugerð sem vísað er til
í bréfinu segir orðrétt:
„Óheimilt er að halda svín,
hænsn, endur, gæsir eða
annað fiðurfé í þéttbýli.
Leyfi heilbrigðisnefndar
þarf til að mega halda
kanínur og dúfur í þétt-
býli.“ Björg Guðjónsdótt-
ir, fulltrúi hjá Umhverfis-
og heilbrigðisstofu telur
ólíklegt að fólk viti al-
mennt af þessu ákvæði.
Spurð um viðurlög segir
hún að ef eigendur slíkra
gæludýra vanræki að
sækja um leyfi eftir að at-
hugasemd er komin við
dýrahaldið, gildi sömu við-
urlög og í öðrum málum
sem koma inn á borð heil-
brigðisnefnda. Það séu al-
menn viðurlög á borð við
áminningar og sektir.
Leyfi þarf
fyrir kanínum
og dúfum
Miðborg
Morgunblaðið/Arnaldur
Þessi hnoðri er í félagi við dúfur því leyfi heilbrigð-
isnefnda þarf fyrir veru hans í þéttbýli.
HÖFUÐBORGARSVÆÐIÐ
14 FIMMTUDAGUR 13. JÚNÍ 2002 MORGUNBLAÐIÐ
LANDNÁMSSKÁLINN í
Aðalstræti, merkingar sögu-
minja og Viðey eru þau þrjú
atriði sem hvað mesta
áherslu ber að leggja á í
menningartengdri ferða-
þjónustu í Reykjavík. Þetta
er mat forstöðumanns Höf-
uðborgarstofu, menningar-
málastjóra borgarinnar og
menningarfulltrúa.
Tillögur þessara aðila
voru nýverið kynntar í
menningarmálanefnd
Reykjavíkur og segir í bréfi
sem fylgdi tillögunum að
Reykjavíkurborg fagni því
að yfirvöld ferða- og menn-
ingarmála í landinu ráðgeri
nú markvissa uppbyggingu
á sviði menningartengdrar
ferðaþjónustu. Um leið er
vakin athygli „á þremur af
þeim mikilvægu verkefnum
sem framundan eru á vett-
vangi menningartengdrar
ferðaþjónustu í Reykjavík“.
Upphafspunktur
menningararfsins
Í tillögunum eru fyrst tí-
undaðar þær hugmyndir
sem uppi eru varðandi forn-
minjarnar við Aðalstræti
eða svokallaðan Landnáms-
skála. Segir að í væntanleg-
um sýningarskála verði lögð
áhersla á að segja frá land-
námi, búsetusögu, daglegu
lífi landnámsmanna og forn-
leifauppgreftrinum. „Þá er
einnig gert ráð fyrir svoköll-
uðu fjölnotarými í sýning-
arskálanum sem hentað get-
ur fyrir alls kyns viðburði,
s.s. sérsýningar, leiksýning-
ar, fyrirlestra og annað sem
tengist þema skálans.“
Tíundað er að áformað sé
að inngangur í sýningarskál-
ann verði um Víkurgarð eins
og áður hefur komið fram.
„Settar hafa verið fram hug-
myndir um að á sumrin
verði sýndir leikþættir o.fl. í
garðinum og að þarna verði
„upphafspunktur“ menning-
ararfs höfðuborgarinnar,“
segir í tillögunum.
Þá er vísað í fylgiskjal þar
sem ítarlegar er fjallað um
þá starfsemi sem gæti farið
fram í skálanum. Má þar
nefna árlegan landnámsdag
þar sem sett væri á svið lif-
andi saga með fólki í vík-
ingaklæðum, sýningu stutt-
mynda og aðrar sýningar
tengdar skólum á öllum
skólastigum auk leiksýning-
anna sem tíundaðar eru hér
að ofan.
Loks er tilgreint að áætl-
aður kostnaður vegna sýn-
ingarskálans sé 380 milljónir
króna en kostnaður vegna
landnáms- og búsetusýning-
ar verði um 100 milljónir
króna.
Í annan stað er í tillög-
unum fjallað um merkingar
söguminja og fornleifa í
Reykjavík og á Kjalarnesi.
Segir að markmiðið sé að
merkja þá staði sem hafi
hvað mesta sögu og forn-
leifar að geyma og eru
áhugaverðir fyrir ferðafólk,
bæði innlent sem erlent.
Hafa rúmlega 20 staðir ver-
ið skilgreindir sem lykilstað-
ir í þessu samhengi en það
eru Kvosin og Grjótaþorp
þar sem þrír staðir eru sér-
staklega tilgreindir, Skild-
inganes, Engey, Viðey, og
jarðirnar Laugarnes, Klepp-
ur, Bústaðir, Breiðholt, Ár-
bær, Ártún, Elliðavatn,
Gröf, Gufunes, Keldur,
Korpúlfsstaðir, Reynisvatn,
Esjuberg og Hof. Hinar
tvær síðastnefndu eru land-
námsjarðir á Kjalarnesi þar
sem friðlýstar fornleifar er
að finna.
Er gert ráð fyrir að
tvenns konar skilti verði
sett upp, annars vegar
stærri skilti með ítarlegum
upplýsingum á fjórum
tungumálum og hins vegar
minni skilti sem yrðu 4 til 5
á hverjum stað með nánari
upplýsingum. Er gert ráð
fyrir að kostnaður við stærri
skiltin verði um 400 þúsund
krónur á skilti en um 100
þúsund krónur á þau minni.
Fornleifauppgröftur og
fræðslustofa í Viðey
Loks er Viðey tilgreind í
tillögunum sem mikilvægur
þáttur í menningartengdri
ferðaþjónustu í borginni og
er vísað til nýlegrar sam-
þykktar borgarráðs á
stefnumörkun fyrir framtíð
eyjarinnar. Er þar gert ráð
fyrir ýmiss konar aðgerðum
til að styrkja menningar-
tengda ferðaþjónustu í Við-
ey og má þar nefna forn-
leifauppgröft, merkingar,
stígagerð, uppbyggingu
gestastofu, fræðslustofu o.fl.
Tillögur um menningartengda ferðaþjónustu kynntar í menningarmálanefnd borgarinnar
Árlegur landnámsdagur
og merkingar sögustaða
Reykjavík
Morgunblaðið/Golli
Í tillögunum er lögð áhersla á Viðey sem mikilvægan stað í menningartengdri ferða-
þjónustu og er gert ráð fyrir ýmiss konar aðgerðum í því skyni að styrkja eyna sem slíka.
FRAMKVÆMDIR við suð-
urenda Hvalfjarðarganganna
standa nú yfir en verið er að
breikka veginn á leiðinni út úr
göngunum. Það er Vegagerð-
in sem annast verkefnið en
Spölur ehf. leggur allt að 40
milljónir til verkefnisins.
Að sögn Gísla Gíslasonar,
stjórnarformanns Spalar, er
verið að gera aukaakrein við
suðurenda ganganna í því
skyni að liðka fyrir umferð
þegar hún kemur út úr göng-
unum. Aukaakreinin mun ná
upp fyrir afleggjarann inn í
Hvalfjörðinn en að auki er
verið að bæta lýsingu frá
göngunum. Hann segir að
borið hafi á umferðarteppu á
þessum kafla en með þessu sé
verið að gera stærri bílum
auðveldara um vik að víkja
fyrir minni bílum.
Vegagerðin hannaði breyt-
ingarnar og bauð út en Spölur
leggur allt að 40 milljónir
króna í verkefnið. Aðgerðin
mun þó ekki breyta neinu um
afkastagetu ganganna. „Við
teljum að þetta sé liður í því
að auka öryggið í og við göng-
in með því að menn reyni ekki
ótímabæran framúrakstur
þegar þeir koma út úr þeim,“
segir Gísli.
Framkvæmdirnar hamla
ekki umferð í og úr göngunum
þó að vegurinn verði ofurlítið
þrengri á meðan á fram-
kvæmdunum stendur. Að
sögn Jónasar Snæbjörnsson-
ar, umdæmisstjóra Reykja-
nesumdæmis Vegagerðarinn-
ar, er áætlað að hægt verði að
taka nýju akreinina í notkun
fyrir verslunarmannahelgi en
lokafrágangur verður í sept-
ember. Heildarkostnaðar-
áætlun er að hans sögn 45–50
milljónir króna.
Vegurinn breikkaður
við Hvalfjarðargöngin
Morgunblaðið/Þorkell
Nýja akreinin mun ná frá göngunum sunnan megin og upp fyrir Hvalfjarðarafleggjarann.
Kjalarnes
LÚÐVÍK Geirsson, nýr
bæjarstjóri í Hafnarfirði,
tók við lyklavöldum úr
hendi Magnúsar Gunn-
arssonar, fráfarandi bæj-
arstjóra, á skrifstofum
Ráðhúss Hafnarfjarðar í
gær. Magnús Gunnarsson
hefur gegnt embætti bæj-
arstjóra síðastliðin fjögur
ár.
Gengið var frá ráðningu
Lúðvíks á bæjarstjórnar-
fundi á þriðjudag en þá var
Jóna Dóra Karlsdóttir jafn-
framt kjörin forseti bæj-
arstjórnar. Sömuleiðis var
kosið í bæjarráð.
Á myndinni má sjá ný-
ráðinn og fráfarandi bæj-
arstjóra skiptast á lyklum,
blómum og hlýjum orðum á
bæjarstjóraskrifstofunni í
gær. Morgunblaðið/Arnaldur
Nýr bæjarstjóri
tekinn við
Hafnarfjörður