Morgunblaðið - 06.12.2002, Blaðsíða 8
8 B FÖSTUDAGUR 6. DESEMBER 2002 MORGUNBLAÐIÐ
AUÐLESIÐEFNI
Morgunblaðið/Ásdís
Jón Arnar Magnússon í keppni í
kúluvarpi í tugþrautarkeppni.
JÓN Arnar Magnússon er talinn vera
fjórði besti tug-þrautarmaður heims á
þessu ári samkvæmt styrkleika-lista
bandaríska frjáls-íþróttatímaritsins
Track&Field News sem gefin er út á
hverju ári.
Jón Arnar er eini Íslendingurinn sem
er á listum blaðsins fyrir þetta ár.
„ Ég er að mörgu leyti sáttur við árið
þótt ég hefði vissulega viljað geta gert
betur á einhverjum mótum. Aðalmálið
er þó að maður er laus við öll meiðsl
og því á ekkert að vera því til fyrirstöðu
að maður haldi áfram að vera í
þessum hópi eitthvað áfram. Þetta er
fyrst og fremst heiður og viðurkenning
fyrir mig,“ segir Jón sem býr í
Gautaborg í Svíþjóð um þessar mundir
með fjölskyldu sinni. Þar einbeitir
hann sér að æfingum og hefur í hyggju
að halda sínu striki fram yfir
Ólympíu-leikana í Aþenu árið 2004.
Jón Arnar á meðal
þeirra bestu á ný
TILNEFNINGAR til Íslensku
tónlistar-verðlaunanna
2002 voru tilkynntar á
dögunum.
Flestar tilnefningar, eða
fjórar hver, hlutu Bubbi
Morthens og hljómsveitirnar
Leaves og Sigur Rós Eru þeir
allir tilnefndir í flokki popp-
og rokk-tónlistar, en
tónlistar-verðlaun eru einnig
veitt í flokki djass-, nútíma-
og sígildrar tónlistar.
Djasstónlistar-mennirnir
Jóel Pálsson, Skúli
Sverrisson og Davíð Þór
Jónsson fá þrjár tilnefningar
hver sem og hljómsveitin
Írafár.
Athygli vekur að
sigurvegarar Íslensku
tónlistar-verðlaunanna í
fyrra, XXX Rottweilerhundar,
sem gáfu út nýja plötu á
dögunum, fengu enga
tilnefningu í ár.
Íslensku
tónlistar-verðlaunin verða
afhent 23. janúar á næsta
ári og verður bein
sjónvarps-útsending frá
athöfninni.
Morgunblaðið/Golli
Íslenska rokksveitin Leaves er tilnefnd sem flytjandi árs-
ins, fyrir bestu plötuna og besta lagið, og Arnar Guðjóns-
son sem besti söngvari.
Bubbi, Leaves og
Sigur Rós áberandi
Tilnefningar til Íslensku tónlistar-verðlaunanna 2002
HLUTI af stýrinu á Concorde-þotu
datt af í síðustu viku að því er sagt
var frá á miðvikudag.
Ekki er vitað hvers vegna hluti af
hliðar-stýrinu svo kallaða datt af.
En verið er að rannsaka málið.
105 manns voru um borð í
Concorde-þotunni sem missti
stýrið. Engan sakaði þó í óhappinu
og lenti flugvélin heilu og höldnu.
Þotan var á leiðinni frá London,
höfuð-borg Bretlands, til New York
í Bandaríkjunum.
Sérfræðingar segja að fólkið um
borð í þotunni hafi ekki verið í
neinni hættu. Hliðar-stýrið skiptist
í fjóra hluta. Getur þotan flogið
þótt aðeins einn hluti stýrisins sé í
lagi.
Þetta er í fjórða skiptið á
stuttum tíma sem Concorde-þota
lendir í erfiðleikum.
Stýrið datt
af þotunni
Reuters
Concorde-þota í lendingu.
FYRIR nokkrum árum voru mörg
hænsnabú á Húsavík. En nú er
engin hæna í bænum lengur.
Það er ekki langt síðan margir
íbúar í Suður-Þingeyjarsýslu og í
öðrum sveitum höfðu hænur á
heimilinu. En sagt er að egg þeirra
séu betri en þeirra sem búa inni
allt árið. Heimilis-hænur fá
nefnilega flestar að vappa um úti
þegar þær vilja og geta þá tínt
orma og borðað arfa og grös.
Það kostar hins vegar pening og
vinnu að hafa hænur. Og þar sem
egg úr stórum verksmiðju-búum
eru ódýr borgar sig ekki alltaf að
selja eggin úr heimilis-hænunum.
Þá hefur reglum verið breytt og má
nú ekki lengur hafa hænur í
fjósum. En hænurnar eru sagðar
þurfa meiri hita en kýrnar.
Morgunblaðið/Atli Vigfússon
Krakkarnir á bænum Hólmavaði í
Aðaldal leika sér við hænurnar.
Engin hæna
býr á Húsavík
Netfang: auefni@mbl.is
KONA á þrítugsaldri
slasaðist alvarlega og er á
gjörgæslu-deild eftir að bíll
sem hún ók lenti á hvolfi í
Hólmsá síðast-liðinn
föstudag.
Þriggja ára dóttir hennar
sem var með henni í bílnum
slasaðist líka. Tvö eldri
börn, 6 og 11 ára, sem voru
einnig í bílnum slösuðust
minna. Konan virðist hafa
misst stjórn á bílnum með
þeim afleiðingum að hann
endaði í ánni. Er talið að
hann hafi verið á kafi í
nokkrar mínútur.
Vegfarendur sem komu
að slysinu björguðu fólkinu
út. Þeir þurftu að skera á
bílbelti konunnar og litlu
stúlkunnar til að losa þær
úr bílnum. „Hugsun mín
snerist um að ná öllum út úr
bílnum. Erfiðast var að sjá
hann á hvolfi í ánni og heyra
í börnunum, sagði
Sigmundur Felixson. En
hann bjargaði fólkinu í félagi
við Sigurð G. Ragnarsson.
Margir lögreglu-menn og
slökkviliðs-menn komu
einnig á slysstað til
aðstoðar.
Konu og börnum bjargað úr Hólmsá
Morgunblaðið/Júlíus
Bíllinn endaði á hvolfi í Hólmsá en konan virðist hafa misst stjórn á honum.