Morgunblaðið - 12.06.2003, Side 10

TVEIR fyrstu laxar sumarsins úr
Laxá í Kjós veiddust í gærmorgun,
14 punda í Klingeberg og 10 punda
í Kvíslafossi. Nýir fiskar voru í
Kvíslafossi og menn sáu laxa víðar
þótt ekki veiddust fleiri við svo bú-
ið.
Ásgeir Heiðar, umsjónarmaður
Laxár, sagði í samtali við Morg-
unblaðið að vel mætti vera meira
vatn í ánni, en slíkt hefði ekki kom-
ið að sök í fyrra, laxinn hefði byrjað
að ganga í ána mjög vatnslitla. „Það
eru aðeins örfáir dagar í stærsta
straum og ég reikna með því að það
lifni vel yfir veiðinni í krinum það,“
bætti Ásgeir við.
Vatnaskilin
að gefa
Í gærmorgun voru komnir níu
laxar á land úr Brennunni, þar sem
Þverá í Borgarfirði mætir Hvítá.
Flestir veiddust allra síðustu daga.
Sjö þessara laxa voru 10 til 14
pund, tveir smálaxar og flestir
veiddir á flugu. Í Straumunum, þar
sem Norðurá fellur út í Hvítá, hef-
ur einnig verið að veiðast, a.m.k.
1–2 laxar á dag að undanförnu,
flestir stórir og flottir.
Vænar
hálendisbleikjur
Vel hefur verið að veiðast í
Köldukvísl og Tungnaá að undan-
förnu, en þar hafa nýir leigutakar
komið sér fyrir með aðsetur í há-
lendismiðstöðinni Hrauneyjum.
Þarna er selt á tvö svæði í Köldu-
kvísl, hvort um sig með þremur
stöngum og fylgir Tungnaá svæð-
Fyrstu
laxarnir
úr Laxá í
Kjós
Morgunblaðið/Atli Vigfússon
Jón Helgi Vigfússon á Laxamýri
með fyrsta lax sumarsins úr Laxá í
Aðaldal, 14 punda hæng úr
Bjargstreng.
unum til skiptis. Þarna hafa menn
verið að fá fín skot að undanförnu,
t.d. veiddust 27 fiskar á bilinu 2 til
5 pund þar á tvær stangir um síð-
ustu helgi, að sögn leigutaka, og
þrír félagar náðu níu fiskum,
tveggja til fjögurra punda á einni
kvöldstund fyrir skemmstu.
Ný svæði
hjá SVFR
Stangaveiðifélag Reykjavíkur
hefur bætt við veiðistaðaflóruna að
undanförnu, en félagið tók nýverið í
umboðssölu annars vegar svokall-
aðan Grenlæk 1 og Veiðiós og hins
vegar Kolbeinsstaðaá og Hjalta-
dalsá í Skagafirði. Það eru Sport-
menn Íslands sem eru leigutakar
svæðanna beggja. Það fyrrnefnda
er sagt öflugt sjóbirtingssvæði og
það síðarnefnda prýðisgott sjó-
bleikjusvæði með laxavon.
ERU
ÞEIR AÐ
FÁ’ANN?
FRÉTTIR
10 FIMMTUDAGUR 12. JÚNÍ 2003 MORGUNBLAÐIÐ
ÞRÍR hafa hlotið styrki til rann-
sókna á einelti úr Styrktarsjóði
Margaretar og Bents Scheving
Thorsteinssonar. Styrkirnir nema
850 þúsundum króna en þetta er í
fyrsta skipti sem úthlutað er úr
sjóðnum.
Elín Einarsdóttir, námsráðgjafi
við Digranesskóla, hlaut styrk til
samanburðarrannsókna á eðli og or-
sökum eineltis í grunnskólum á Ís-
landi og í Noregi. Rannsóknin, sem
er hluti af meistaranámi hennar við
Háskólann í Stavangri, beinir sjón-
um sérstaklega að áhrifum tækninn-
ar á einelti, svo sem notkun farsíma,
sms-skeyta og tölvupósts.
Vanda Sigurgeirsdóttir, meistara-
nemi við Kennaraháskóla Íslands,
hlaut styrk til rannsóknar meðal 700
íslenskra kennara við 21 grunnskóla
landsins sem er meðal annars ætlað
að varpa ljósi á viðhorf kennara til
eineltis og leiðir þeirra til þess að
bregðast við því en markmið rann-
sóknarinnar er að auka færni kenn-
ara til að taka á einelti.
Þá hlaut Inga Dóra Sigfúsdóttir,
félagsfræðingur, fyrir hönd Rann-
sókna og greiningar, styrk til rann-
sóknarinnar „Einelti meðal ís-
lenskra unglinga: Umhverfi og
aðstæður“ en hún byggist á könn-
unum sem hafa verið lagðar fyrir
alla nemendur í áttundu, níundu og
tíundu bekkjum grunnskóla lands-
ins. Rannsókninni er ætlað að draga
upp mynd af félagslegum aðstæðum
íslenskra unglinga sem verða fyrir
einelti og þeirra sem beita því.
Bent Scheving Thorsteinsson
stofnaði sjóðinn árið 2001 í nafni
sínu og eiginkonu sinnar, Marg-
aretar, en markmið sjóðsins er að
styðja rannsóknir á einelti og kanna
lagalegar og siðferðislegar leiðir til
að fyrirbyggja einelti og bæta fyrir
afleiðingar þess.
Morgunblaðið/Arnaldur
Styrkþegarnir Elín Einarsdóttir, Inga Dóra Sigfúsdóttir og Vanda Sigurgeirsdóttir ásamt Bent Scheving Thor-
steinsson, Páli Skúlasyni háskólarektor og Margaret Scheving Thorsteinsson.
Þrír styrkir til eineltisrannsókna
REYKJAVÍKURBORG afhenti ný-
lega Umhverfisviðurkenninguna í
sjöunda sinn. Að þessu sinni var það
fyrirtækið Umslag ehf. sem fékk við-
urkenninguna en sex fyrirtæki komu
til greina. Starfshópur á vegum um-
hverfis- og heilbrigðisnefndar
Reykjavíkur valdi það fyrirtæki sem
best þótti hafa staðið sig og var val
starfshópsins á Umslagi ehf. sam-
þykkt einhljóða. Markviss umhverf-
isstefna fyrirtækisins, skapandi
vinnuumhverfi, gerð umhverfisút-
tektar, gæðastefna fyrirtækisins og
flokkun alls úrgangs voru meðal
þeirra atriða sem val starfshópsins
byggðist á auk þess sem Umslag ehf.
„hefur verið í fararbroddi í umhverf-
ismálum, hefur lagt áherslu á lág-
mörkun úrgangs og að reka fram-
úrskarandi starfsumhverfi“ eins og
fram kemur í rökstuðningi.
Fyrirtæki sem áður hafa hlotið
umhverfisviðurkenninguna eru Far-
fuglaheimilið í Laugardal, Prent-
smiðjan Oddi, Olíuverslun Íslands,
Árvakur, Hjá Guðjóni Ó. og Mjólk-
ursamsalan.
Umslag fær um-
hverfisverðlaun
Morgunblaðið/Golli
Forráðamenn Umslags taka við viðurkenningunni frá Þórólfi Árnasyni.
MINNIHLUTI Samfylkingar í bæj-
arstjórn Kópavogs kvartar yfir því að
í ársreikning bæjarfélagsins fyrir árið
2002 hafi vantað efnahags- og rekstr-
arreikning fyrir Tónlistarhús Kópa-
vogs, Salinn, og hafi bæjarstjóri því
lagt til í maí að afgreiðslu ársreikn-
ings yrði frestað fram í júní. Gefi árs-
reikningur ranga mynd af fjármálum
bæjarins. Bæjarstjóri Kópavogs, Sig-
urður Geirdal, segir að um sé að ræða
eðlileg vinnubrögð og viðbrögð Sam-
fylkingar séu stormur í vatnsglasi.
Kópavogsbær á Salinn í félagi við
Tónlistarfélag Kópavogs. Telja Sam-
fylkingarmenn þá afgreiðslu brjóta í
bága við sveitarstjórnarlög, þar sem
kveðið er á um að afgreiðslu ársreikn-
inga sé lokið 1. júní og skuli þá hafa
farið fram tvær umræður um reikn-
ingana. Minnihlutinn telur hvoruga
umræðuna hafa farið fram og hefur
beint fyrirspurn til félagsmálaráðu-
neytisins þar sem spurt er meðal ann-
ars hvort bæjarfulltrúum sé skylt að
undirrita ársreikning sem bersýni-
lega gefi ranga mynd af fjárhagsstöðu
bæjarfélagsins við árslok 2002. Í svar-
bréfi ráðuneytisins kemur meðal ann-
ars fram að allir bæjarfulltrúar skuli
undirrita ársreikning en hafi þeir at-
hugasemdir fram að færa skuli undir-
ritun gerð með fyrirvara eða bókun
fylgja henni. Í bréfi til bæjarstjórans
vísar félagsmálaráðuneytið til úr-
skurðar sem fordæmisgildi hafi og
mælist til þess að bæjarstjórn kynni
sér þann úrskurð.
Stormur í vatnsglasi?
„Þetta er óttalegur stormur í
vatnsglasi,“ sagði Sigurður Geirdal
bæjarstjóri. „Við eigum Salinn nátt-
úrlega ekki einir, það var búið að boða
að hann yrði lagður fram við seinni
umræðu og þar af leiðandi var hann
ekki í reikningunum í fyrri um-
ræðunni. Það hefði að sjálfsögðu verið
best að tölur vegna hans væru þar en
það var ekki. Þetta eru bara fastir lið-
ir eins og venjulega, það vantar alltaf
einhver blöð og einhver skjöl,“ sagði
Sigurður og bætti því við að um eðli-
leg vinnubrögð væri að ræða. Hann
hafi sagt minnihlutanum að velkomið
væri að endurtaka fyrri umræðu um
reikningana og taka svo þá seinni
hálfum mánuði síðar.
Hjá félagsmálaráðuneytinu feng-
ust þær upplýsingar að mest um vert
væri að vinnubrögð við ársreikning
væru sambærileg milli sveitarfélaga.
„Það vantar allt-
af einhver blöð
og einhver skjöl“
Minnihluti í bæjarstjórn Kópavogs
ekki sáttur við ársreikninga
ÁSTAND fjallvega er víða mjög
gott og þeir koma margir vel
undan vetri. Í liðinni viku voru
Fjallabaksleið syðri og Arnar-
vatnsheiðin opnuð samkvæmt
upplýsingum frá Vegagerðinni.
Einnig opnuðust Kjalvegur og
línuvegurinn frá Gullfossi og
Geysi yfir í Kaldadal.
Fjallvegir opnast margir
hverjir óvenju snemma í ár, og
voru margir hverjir opnaðir um
viku fyrr en í fyrra. Fjallvegir á
miðhálendinu eru enn velflestir
lokaðir en til stendur að athuga
þá fljótlega.
Fjallabaksleið
syðri opnuð í
vikunni
Rakel Olsen um tillögu um veiðibann á hörpuskel
Mestar áhyggjur af
áhrifum á markaðsstarf
TILLAGA Hafrannsóknastofnunar
um að engin veiði verði á hörpudiski
á næsta kvótaári hefur mikil áhrif á
rekstur Sigurðar Ágústssonar ehf. í
Stykkishólmi. Þetta getur m.a. haft
slæm áhrif á viðskiptatengsl sem
byggð hafa verið upp á markaði, að
mati Rakelar Olsen, forstjóra Sig-
urðar Ágústssonar ehf.
„Það er náttúrlega það sem maður
hefur hvað mestar áhyggjur af.
Markaðsstarfið hefur átt sér stað á
síðustu þrjátíu árum og hefur farið
batnandi síðustu tíu til fimmtán ár,“
segir hún.
Sigurður Ágústsson ehf. selur
stærstan hluta af hörpudisksfram-
leiðslu sinni beint í verslanakeðjur í
Frakklandi. Rakel segir að sam-
dráttur síðustu ára hafi valdið því að
fyrirtækið hafi ekki annað eftirspurn
frá erlendum viðskiptavinum.
„Við erum búin að selja allt sem
við framleiddum í fyrra og kúnnarnir
fara ekki að banka upp á fyrr en
næsta haust. Við vonum bara að
þetta taki sem minnstan tíma og að
það fari fram rannsóknir á því hvað
er að valda þessu hruni,“ segir Rak-
el.
Vekja at-
hygli á bið-
listum
Á FUNDI félagsmálaráðs
Reykjavíkur í gær lögðu fulltrú-
ar Sjálfstæðisflokksins fram
bókun þar sem vakin er athygli
á biðlistum eftir félagslegum
íbúðum. Í bókun sjálfstæðis-
manna er því haldið fram að 990
einstaklingar séu nú á biðlista
eftir félagslegum íbúðum. Þeir
átelja vinnubrögð R-listans í
húsnæðismálum og segja í bók-
un sinni að „[a]ðgerðarleysi og
stefna R-listans í skipulags- og
lóðamálum [hafi] átt stóran þátt
í þeirri verðsprengju sem orðið
[hafi] á íbúðamarkaðnum í
Reykjavík“.
Óska svara um
félagsstarf aldraðra
Fulltrúar Sjálfstæðisflokks
lögðu einnig fram fyrirspurn
vegna skerðingar sem orðið hef-
ur á félagsstarfi í nokkrum af
þjónustumiðstöðvum aldraðra í
Reykjavík. Sjálfstæðismenn
telja að ákvörðun sem tekin var
um niðurskurð í félagsstarfinu
hafi að hluta til komið til fram-
kvæmda þrátt fyrir að hafa ver-
ið tekin til baka.