Morgunblaðið - 12.09.2003, Side 57

FÓLK Í FRÉTTUM
MORGUNBLAÐIÐ FÖSTUDAGUR 12. SEPTEMBER 2003 57
ORGELKVARTETTINN Apparat er stöðugt að vinna
sér inn nýja og nýja bandamenn um heim allan.
Í byrjun október mun kvartettinn, sem meðlimir sjálfir
hafa kallað „stærsta orgelkvartett heims“ enda er hann
fimm manna, spila í Pompidou-safninu í París. Safn það
er eitt það virtasta þar í borg og þykir arkitektúr bygg-
ingarinnar sem það hýsir vera afar merkilegur, en öll rör
hússins liggja utan á því, í stað þess að vera inni í veggj-
um eins og eðlilegt þykir.
Kvartettinn mun leika þar á einum tónleikum og meðal
annars verður kynnt í fyrsta skipti sjónarspil sem hann-
að hefur verið sérstaklega fyrir kvartettinn af hinum
ýmsu listamönnum og verður það keyrt meðfram tónleik-
unum.
Sérstakur gestur á tónleikunum verður Kira Kira sem
mun flytja nýtt verk, sem samanstendur af hljóð- og
sjónrænum þáttum.
Annað er það frétta að smáskífa með laginu „Rom-
antica“ hefur gengið vel að sögn Jóhanns Jóhannssonar,
eins meðlima kvartettsins. Platan var gefin út í sumar af
Duophonicmerkinu, sem er í eigu hljómsveitarinnar Ste-
reolab.
„Platan hefur gengið vel og hreyfist ágætlega. Hún
fékk góða dreifingu og sömuleiðis góðar viðtökur.“
Jóhann efast þó um að það verði framhald á því sam-
starfi, þar sem samstarfið var bara byggt í kringum
þessa einu smáskífu.
„Við höfum líka verið að vinna í dreifingarmálum er-
lendis og það er komið skrið á þau mál í Japan og Am-
eríku. Það eru að detta inn tilboð þaðan.“
Þess má að lokum geta að í október 2004 mun íslensk
listahátíð fara fram í Frakklandi. Tónleikar Orgel-
kvartettsins eru hugsaðir sem einhvers konar forspil að
þessu.
Orgelkvartettinn Apparat í góðum málum
Á leið til
Pompidou
Orgelkvartettinn Apparat.
BYLGJAN, Kringlan og
Danssmiðjan standa fyrir
söfnun til styrktar Krafti,
baráttufélagi ungs fólks sem
greinst hefur með krabba-
mein og aðstandenda þeirra.
Söfnunin nefnist Dans-
Kraftur og gengur út á að fá
einstaklinga, hópa og fyr-
irtæki til að láta fé af hendi
rakna. Hvert framlag er
merkt með tveimur nöfnum
þekktra Íslendinga og er þar
með skorað á viðkomandi að
mæta í Kringluna á laug-
ardaginn og taka línudans-
spor.
„Jónsi í Svörtum fötum er
búinn að lýsa því yfir að
hann vilji vera með en það er
ekki búið að skora á hann
ennþá. Hann er klár að koma
á laugardaginn ef einhver
skorar á hann,“ segir Jóhann
Örn Ólafsson danskennari,
sem ætlar að taka að sér
stjórnina á dansgólfinu á
morgun. Jóhann Örn efast ekki um
að einhver skori á Jónsa á Bylgj-
unni í dag og er spenntur fyrir
laugardeginum. „Það verður gam-
an fyrir fólk að fylgjast með eða
taka þátt í línudansinum,“ segir
hann en línudansuppákoma verður
klukkan 13, 14 og 15 á laugardag-
inn. „Við erum með fullt af flinkum
línudönsurum og Lalla töframann
og við verðum með skemmtiatriði
inn á milli.“
Allir geta tekið þátt í þessu.
„Þegar ég tek fólk út á gólfið vegna
áskorananna þá eru allir velkomnir
með því þá er ég að kenna línudans-
inn. Svo er lagið sett á og allir
dansa.“
Jóhann Örn hvetur fólk til að
senda netpóst á bylgjan@bylgjan.is
eða hringja í síma 567 1111 með
framlög í söfnunina og áskoranir.
Um leið og fé verður safnað með
þessum skemmtilega hætti verður
opið símanúmer Krafts 907 2700 og
ef hringt er í það númer greiðast
1.000 krónur með næsta símreikn-
ingi.
Söfnunin Dans-Kraftur hefst í dag
Verður skorað
á Jónsa?
Morgunblaðið/Jim Smart
Jón Jósep Snæbjörnsson, Jónsi í Svörtum
fötum, er búinn að lýsa því yfir að hann
vilji vera með en það er ekki búið að skora
á hann ennþá.
HINNI annáluðu kvikmyndahátíð í Toronto verður slitið nú
um helgina. Myndirnar Nói albínói í leikstjórn Dags Kára
Pétursson og Stormviðri í leikstjórn Sólveigar Anspach hafa
verið sýndar fyrir fullu húsi á öllum sýningum og hafa hlotið
afar góðar viðtökur áhorfenda sem og blaðamanna. Báðar
myndir munu fara í almenna dreifingu í Kanada en auk þess
mun Nói albínói fara í dreifingu í Bandaríkjunum snemma á
næsta ári. Einn virtasti leikstjóri Kanada, Guy Madden, en
hann er af íslensku bergi brotinn, frumsýndi einnig mynd
sína Saddest Music in the World. Myndin hefur hlotið góðar
viðtökur gagnrýnenda jafnt sem áhorfenda. Madden var á
hátíðinni og kynnti myndina ásamt aðalleikonunni, Isabellu
Rosselini.
Kvikmyndahátíðinni í Toronto lýkur um helgina
Íslendingar áberandi
Ljósmynd/Jón Gústafsson
Laufey Guðjónsdóttir ásamt Sólveigu Anspach.