Morgunblaðið - 04.12.2003, Page 56

56 FIMMTUDAGUR 4. DESEMBER 2003 MORGUNBLAÐIÐ

 



 
   
   

 

     



 
67
 8  ! 
9
3
3 

! 
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FLEST þekkjum við þessa setningu
úr lagi sem Valgeir Guðjónsson
samdi fyrir nokkrum árum vegna
kynningarátaks um að fólk ætti ekki
að aka undir áhrifum áfengis. En hér
er umfjöllunarefnið ekki þetta ágæta
ljóð Valgeirs Guðjónssonar, heldur
almenningssamgöngur á höfuðborg-
arsvæðinu. Tilfellið er nefnilega það,
að þeir sem ekki eiga bíl og þurfa að
ferðast með strætisvögnum geta í
mörgum tilfellum komist fljótar leið-
ar sinnar gangandi heldur en með
strætó. Hitt er svo annað mál, hvort
það sé raunhæfur eða vænlegur
kostur fyrir alla sem almennt ferðast
með strætó að ganga heim, þótt það
sé fljótlegra. Þannig gæti t.d. verið
ástatt um þá sem af einhverjum
ástæðum hafa ekki fulla hreyfigetu,
svo sem eldri borgara, þá sem þurfa
að ganga með staf eða göngugrind,
eða í raun fyrir hvern sem er þegar
veður er vont, t.d. rok og rigning, eða
þegar norðankuldi gengur yfir, eins
og gerist oft á tíðum á Fróni.
Ástæðan fyrir þessu sérkennilega
ástandi er annars vegar sú að tíðni
strætóferða er mjög stopul, sérstak-
lega um helgar og á kvöldin, en þá
ganga flestir vagnar einungis á 30–
60 mínútna fresti. Hin ástæðan er sú
að vagnarnir ganga í mjög skamman
tíma. Tökum dæmi um aðila sem býr
í Selásnum, en til þess að komast
þangað koma leiðir 10, 11 og 110 til
greina. Leiðir 10 og 11 ganga ein-
ungis frá kl 11–17 á laugardögum á
hálftíma fresti, en ekkert á sunnu-
dögum, en leið 110 gengur frá kl. 7–
24 á laugardögum og kl. 10–24 á
sunnudögum, einnig á hálftíma
fresti. Þeir sem hafa aðgang að Int-
ernetinu, getað notað svokallaðan
„ráðgjafa“ á www.straeto.is til að
finna heppilegustu leiðina, en hann
lagði til eftirfarandi þrjá valkosti til
að komast frá Háteigsvegi í Selásinn
kl. 18:30 á laugardegi:
Sjá töflu.
Samkvæmt „ráðgjafanum“ má
reikna með því að það taki frá u.þ.b.
1 ½ til 2 klst. að komast leið með
strætó, sem tekur einungis um 10 til
15 mínútur að komast í bíl. Ef svo
óheppilega vill til að viðkomandi hitt-
ir illa á brottfarartíma og missir af
strætó má reikna með enn lengri
tíma og ef hann eða hún þarf að
ferðast eftir miðnætti, standa við-
komandi engir valkostir til boða með
almenningsvögnum, því þeir eru allir
hættir að ganga. Afleiðingarnar af
þessum afleitu almenningssamgöng-
um eru m.a. þær að fleiri aðilar en
ella kaupa sér bíl, enda er bílaeign á
hvern íbúa á Íslandi ein sú mesta
sem um getur í heiminum. Til að
mæta þeim útgjöldum sem það kost-
ar að eiga og reka bíl neyðast jafnvel
unglingar sem eru í skóla að vinna
með námi, en það getur dregið úr
námsárangri og aukið streitu. Síðan
erum við undrandi yfir því að okkar
nemendur standa sig ekki eins vel og
nemendur annarra þjóða. Er hugs-
anlegt að einhverra skýringa sé að
leita í samgöngukerfinu?
Aukin bílaeign leiðir til aukins
kostnaðar við vegaframkvæmdir og
viðhald vega, að ekki sé talað um
bílastæðavandamál sem víða er orðið
mikið, m.a. við skóla og bókasöfn. Er
þetta það sem við viljum? Er e.t.v.
þjóðhagslega hagkvæmara að bæta
almenningssamgöngur, jafnvel þótt
það þurfi að greiða þær niður að ein-
hverju leyti? Hvers eiga þegnar
samfélagsins að gjalda? Viljum við
styðja þegnana okkar betur en við
gerum með þessu kerfi? Er þetta sú
þjónusta sem við viljum bjóða er-
lendum ferðamönnum?
Búum við ekki í nútímaþjóðfélagi
þar sem hægt er að reikna með að
fólk geti ferðast á milli staða með al-
menningsvögnum á styttri tíma? Er
ekki hægt að bjóða fólki annan val-
kost í samgöngumálum en að eiga og
reka bíl sjálft? Þótt við séum ný-
skriðin út úr torfbæjunum er þetta
fulllangt gengið.
GUNNAR ÓSKARSSON,
Kleifarási 12,
110 Reykjavík.
Ég held ég
gangi heim, held
ég gangi heim
Frá Gunnari Óskarssyni
Komu- Biðtími/
Leið Tími: Frá: Til: tími: Ferðat:
Tillaga 1
Leið 6 kl. 16:57 Rauðarárstígur Kringla kl. 17:04 0:27 klst.
Leið 110 kl. 17:31 Kringla Selásbraut kl. 18:20 1:23 klst.
Tillaga 2
Leið 6 kl. 16:36 Rauðarárstígur Lækjartorg kl. 17:23 0:03 klst.
Leið 110 kl. 17:26 Lækjartorg Selásbraut kl. 18:20 1:46 klst.
Tillaga 3
Leið 3 kl. 16:28 Rauðarárstígur Lækjartorg kl. 17:03 0:23 klst.
Leið 110 kl. 17:26 Lækjartorg Selásbraut kl. 18:26 1:58 klst.