Morgunblaðið - 28.03.2004, Blaðsíða 41

MINNINGAR
MORGUNBLAÐIÐ SUNNUDAGUR 28. MARS 2004 41
✝ Kristín Ermen-reksdóttir fædd-
ist í Reykjavík 19.
janúar 1919. Hún lést
í Kaupmannahöfn 29.
desember síðastlið-
inn. Foreldrar henn-
ar voru Ingunn Ein-
arsdóttir, f. 13.
október 1887, og Er-
menrekur Jónsson
trésmíðameistari, f.
16. febrúar 1886.
Systkini Kristínar
eru: Einar Ermen-
reksson, látinn; Guð-
jón Ermenreksson,
látinn; Guðmundur Ermenreks-
son (alnafni hans), lést í bernsku;
Svanlaug Ermenreksdóttir, f. 5.
september 1925.
Kristín eignaðist tvær dætur.
Þær eru Hrafnhildur
Vera Rodgers, gift
Arnóri Sveinssyni.
Þau eiga sex börn.
Ingunn Olsen, gift
Erik Olsen, Ingunn á
tvo syni frá fyrra
hjónabandi en eina
dóttur með Erik.
Kristín vann ýmis
störf á árum áður en
lengst af í smjörlík-
isgerð Ragnars í
Smára, og í eldhús-
inu á Borgarspítal-
anum. Síðustu árin
vann hún í af-
greiðslu Sundlaugar Breiðholts
eða þar til hún hætti 70 ára göm-
ul.
Útför Kristínar var gerð frá
Fossvogskapellu 14. janúar.
Hinn 29. desember sl. var okkar
elskaða móðir, tengdamóðir og
amma skyndilega hrifin burt. Henn-
ar er sárt saknað. Það er undarleg til-
finning að hún skuli ekki oftar koma
til okkar í Danmörku en hingað hafði
hún komið mörgum sinnum á ári sl.
35 ár. Hún datt niður heima hjá okk-
ur seint um kvöld án þess að hafa ver-
ið veik áður. Það var strax farið með
hana á Bisbebjerg Hospital og kom
þá í ljós að hún hafði fengið alvarlegt
heilablóðfall sem ekki varð við ráðið.
Ég og Sara dóttir mín, 10 ára, sátum
hjá henni þangað til hún skildi við
snemma morguns. Hún hélt í hendur
okkar beggja. Sara mín teiknaði
strax mynd af hjarta og skrifaði: Ég
elska þig amma. Síðan lagði hún blað-
ið á brjóst ömmu sinnar. Hjúkrunar-
konan kom inn og bað Söru að hjálpa
sér að opna gluggann upp á gátt svo
að sálin hennar ömmu gæti flogið upp
til Guðs. Nú voru drengirnir mínir,
Jónas og Jakob, komnir ásamt Erik
manninum mínum. Frænkur mínar
Hanna og Ingunn komu með fyrsta
flugi frá Íslandi en aðeins of seint til
þess að kveðja ömmu sína lifandi.
Einnig kom Kristín Björk, systir
þeirra, frá Jótlandi. Þær sátu hjá
okkur lengi og kvöddu hana þannig.
Það var mikill stuðningur að fá þær
því margt þurfti að gera varðandi
flutninginn heim. Við vorum svo lán-
söm að geta farið til Íslands og verið
við jarðarförina. Við munum alltaf
minnast mömmu með þakklæti og
söknuði. Allir vinir hennar hér í Dan-
mörku munu minnast hennar sem
góðrar, duglegrar og hjálpsamrar
konu. Sérstaklega Gerða og Gunnar í
Bisserup sem eru miklir vinir fjöl-
skyldunnar. Þau tóku á móti mér 17
ára að aldri þegar ég kom fyrst til
Danmerkur og reyndust mér sem
bestu fósturforeldrar. Við þökkum
mömmu allt það góða sem hún gerði
fyrir okkur.
Ingunn og fjölskylda.
Þú varst um margt mjög sérstök
kona, amma mín. Mjög jarðbundin og
skipulögð en um leið fagurkeri og
dul. Þú hafðir unnið fyrir þér og þín-
um frá unglingsaldri og leystir öll
störf óaðfinnanlega af hendi og með
miklum sóma. Sögur úr hattabúðinni,
úr tíð þinni hjá Ragnari í Smára og úr
eldhúsinu á Borgó fengu dularfullan
blæ í þinni frásögn.
Lífið hafði ekki farið um þig mjúk-
um höndum alla tíð og markaði það
sín för í sál þína og hjarta og viðmót
þitt bar þess oft merki. En þú varst
sterkust í mótbyr og þegar þú gast
aðstoðað aðra í erfiðleikum. Svo ótrú-
lega sjálfstæð og réttlætiskenndin
rík. Þú lifðir fyrir dætur þínar og
barnabörn og seinna barnabarna-
börn.
Alltaf á þönum. Oftast fyrir aðra.
Þú varst í essinu þínu þegar þú gast
útréttað eitthvað fyrir vini, frænkur,
frændur eða okkur barnabörnin.
Þú veittir mér athvarf í Grýtu-
bakkanum öll menntaskólaárin mín
og þar átti ég ótalmargar stundir við
próflestur menntaskólaáranna. Inni
á milli var spáð í bolla og slegið á létta
strengi, þú sagðir sögur og hvattir
mig áfram. Grunnurinn var lagður.
Þegar ég fór síðan til háskólanáms
í Kaupmannahöfn varstu dugleg að
heimsækja mig og það gladdi mig
mikið að fá sendingarnar frá þér með
flatkökunum, kindakæfunni, Cheer-
iosinu og Prins pólónu – þú vissir
hvernig átti að gleðja við hvert tæki-
færi.
Það eru svo ótalmargar minningar,
margt broslegt en sumt alvarlegra.
Þú kunnir að þegja yfir leyndarmál-
um, bæði þínum eigin og annarra. Þú
varst traust og trygg þínum.
Það varð þér mikið áfall þegar
mamma veiktist. Þú hafðir alltaf ver-
ið svo náin henni og hún þér mikil
stoð og stytta. Þú gerðir þér ekki
grein fyrir umfangi veikindanna
fyrstu árin, ekkert frekar en við hin,
en eftir því sem sannleikurinn varð
ljósari varðstu daprari og daprari og
náðir í raun aldrei að sætta þig við
þennan nöturlega veruleika.
Sorgin var aðgangshörð en þú lést
hana aldrei buga þig.
Elsku amma. Ég trúi því að þú sért
sátt núna og vakir yfir okkur öllum
eins og þú gerðir þegar þú varst hér
hjá okkur. Ég þakka þér fyrir allt
sem þú varst mér, fyrirmynd í elju og
dugnaði og umhyggju fyrir ástvinum
og hjálpfús í hvívetna.
Kristlaug Vera og Markús Hávar
biðja á hverju kvöldi bænina sem þú
kenndir mér og ég síðan þeim og
senda fingurkoss til þín í hvert skipti.
Takk fyrir allt.
Eitt kann ég kvæði
sem Kristur kenndi mér,
eilíf ást og gæði
í guðs ríki er.
Það er happ í heiminum,
það er happ í heiminum
að haga sér vel.
(Höf. ók.)
Hanna María, Jón Örn, Krist-
laug Vera og Markús Hávar.
KRISTÍN ERMEN-
REKSDÓTTIR
Jón Sævar Jónsson flutti til
Bandaríkjanna árið 1958 með konu
og þrjú börn. Þau eignuðust svo
stúlku í Bandaríkjunum eftir tveggja
ára búsetu þar. Jón hafði starfað
sem sjómaður á Goðafossi fyrst er
þau kynntust en fékk stuttu síðar
vinnu á Keflavíkurvelli við pípulagn-
ir. Þar hitti hann mikið af bandarísk-
um varnarliðsmönnum og komst að
því að enskan var mál sem hann
JÓN SÆVAR
JÓNSSON
✝ Jón Sævar Jóns-son fæddist í
Reykjavík 10. júní
1926. Hann lést í
Redondo Beach í
Kaliforníu 8. mars
síðastliðinn. Foreldr-
ar hans voru Jón
Jónsson, f. 10.5.
1869, d. 2.1. 1954, og
Guðrún Jónsdóttir, f.
3.2. 1895, d. 16.4.
1983.
Jón kvæntist
Huldu Birnu Jóns-
dóttur 18. apríl 1951
og eignuðust þau
fjögur börn, þau eru: 1) Lárus
Björn Sævar Jónsson, f. 29.6.
1952, maki Sue Anne Kovatch, 2)
Sigrún Jónsdóttir, f. 14.5. 1954, d.
31.5. 1999, synir hennar eru Erik
Sævar Griego, og Kristjón Þór
Víkingur Griego, 3) Jón Jökull
Jónsson, f. 15.1. 1958, maki Þor-
gerður Steinunn Ólafsdóttir og 4)
Lorraine Lee Jónsdóttir, f. 16.8.
1960.
Útför Jóns hefur farið fram.
hafði góð tök á. Hann
átti í engum vandræð-
um með að aðlagast
nýju landi og háttum.
Fékk strax vinnu við
virt fyrirtæki og vann
þar allan sinn starfsfer-
il sem yfirmaður við-
halds, og öðlaðist þar
bæði virðingu og vin-
skap þeirra sem unnu
með honum.
Allt sem hann gerði í
lífinu gerði hann vel og
af krafti. Ferðahugur
hans tók hann og fjöl-
skyldu hans um öll
Bandaríkin og Mexíkó, í ferðir sem
sitja eftir í huga þeirra sem eftir eru.
Eftir að hann hætti að vinna var
hans aðalskemmtun að fara til Las
Vegas með konu sinni og hafa gaman
af lífinu á þann hátt, sem honum var
einum lagið. Þrátt fyrir að hafa búið
erlendis meirihluta lífs síns var Ís-
land alltaf í huga hans og sérstak-
lega húsið þeirra á Lindargötu 28,
sem var hans æskuhús með kærum
minningum um hans yngri ár. Þetta
er húsið þar sem hann byrjaði bú-
skap sinn með Birnu, og þrjú af
þeirra fjórum börnum fæddust í.
Síðast er hann kom til Íslands var
dökkur kafli í lífi hans. Dóttir þeirra,
Sigrún, var látin og skildi það eftir
sár sem aldrei greri. Söknuðurinn
var mikill og eftir voru tveir ungir
drengir í sárum sem þurftu á afa sín-
um og ömmu að halda. Víkingur og
Erik gáfu honum gífurlega gleði í líf-
inu og elskaði hann þessa drengi af
öllu hjarta, og var þeirra tilvera hans
stærsta hjálp til að komast yfir sorg-
ina. Þrátt fyrir veikindi sem herjuðu
á hann missti hann aldrei kímnigáf-
una og styrkleikann sem einkenndi
allt hans líf, og til enda barðist hann
við veikindin sem tóku loks yfirhönd-
ina í lífi hans.
Elsku Sævar minn, við eigum eftir
að sakna þín meir en orð geta lýst.
Ég þakka þér fyrir að hafa leyft mér
að vera partur af lífi þínu í þennan
stutta tíma sem ég hafði með þér.
Þorgerður Steinunn
Ólafsdóttir og fjölskylda.
MORGUNBLAÐIÐ birtir afmælis- og minningargreinar endurgjalds-
laust alla daga vikunnar. Greinunum má skila í tölvupósti (netfangið er
minning@mbl.is - svar er sent sjálfvirkt um leið og grein hefur borist)
eða á disklingi og þarf útprentun þá að fylgja. Nauðsynlegt er að til-
greina símanúmer höfundar og/eða sendanda (vinnusíma og heima-
síma). Tekið er á móti afmælis- og minningargreinum á 1. hæð í húsi
Morgunblaðsins, Kringlunni 1 í Reykjavík, og á skrifstofu Morgun-
blaðsins Kaupvangsstræti 1 á Akureyri.
Birting afmælis-
og minningargreina
Ástkær eiginkona mín, móðir, tengdamóðir,
amma og langamma,
FANNEY J. GUÐMUNDSDÓTTIR,
Hraunhvammi 3,
Hafnarfirði,
verður jarðsungin frá Víðistaðakirkju mánu-
daginn 29. mars kl. 15.00.
Þeim, sem vilja minnast hennar, er bent á
Systrasjóð St. Jósefsspítala.
Friðrik Sigfinnsson,
Sigríður J. Friðriksdóttir, Mohammad Sardar,
Guðfinna H. Friðriksdóttir,
Kristín G. Friðriksdóttir, Björgvin Áskelsson,
Sigurbjörg G. Friðriksdóttir,
Ragnheiður M. Björgvinsdóttir,
barnabörn og barnabarnabörn.
Innilegar þakkir sendum við öllum þeim sem
sýndu okkur hlýhug og samúð við andlát og
útför ástkærs föður okkar, tengdaföður og afa,
HILMARS H. GESTSSONAR
vélstjóra,
Granaskjóli 14,
Reykjavík.
Sérstakar þakkir færum við starfsfólki líknar-
deildar Landspítala, Landakoti, fyrir góða
umönnun.
Jóhann Óli Hilmarsson,
Kristinn Hilmarsson,
Gestrún Hilmarsdóttir, Garðar Vilhjálmsson,
Eiríkur Hilmarsson, Linda B. Helgadóttir
og barnabörn.
Hjartkær sonur minn og bróðir okkar,
BJÖRN HALLGRÍMUR GÍSLASON,
Austurbergi 36,
Reykjavík,
andaðist á Landspítala við Hringbraut miðviku-
daginn 24. mars.
Fyrir hönd okkar,
Sigrún Einarsdóttir.
Ástkær eiginmaður minn, faðir, tengdafaðir, afi
og langafi,
EINAR HANNESSON
skipstjóri,
Vatnsnesvegi 29,
Keflavík,
lést á Heilbrigðisstofnun Suðurnesja aðfaranótt
föstudagsins 26. mars.
Jarðarförin auglýst síðar.
María Jónsdóttir,
Hannes Einarsson, Laufey Steingrímsdóttir,
Sigurlaug Einarsdóttir, Bjarni Ásgeirsson,
Margrét Lilja Einarsdóttir, Jón Pétursson,
Jón Ben Einarsson, Gerður Pétursdóttir,
barnabörn og barnabarnabörn.
Ástkær móðir okkar, tengdamóðir og amma,
ERNA ÞORGEIRSDÓTTIR,
Snorrabraut 56,
Reykjavík,
sem lést á líknardeild Landspítalans í Kópa-
vogi laugardaginn 20. mars, verður jarðsungin
frá Fossvogskirkju þriðjudaginn 30. mars
kl. 13.30.
Katrín Magnúsdóttir,
Erna Hjaltested, Sigfús Þór Sigmundsson,
Stefán Hjaltested,
Guðrún Hlín Hjaltested,
Guðrún Magnúsdóttir, Helgi G. Sigurðsson,
Gunnar Páll Helgason,
Jóhann Örn Helgason,
Sighvatur Magnús Helgason.