Morgunblaðið - 28.04.2004, Blaðsíða 11
FRÉTTIR
MORGUNBLAÐIÐ MIÐVIKUDAGUR 28. APRÍL 2004 11
V
O
R
T
Ó
N
L
E
IK
A
R
m
iðvikud
aginn
28.ap
rílkl.20
íH
afnarb
org
m
m
tud
aginn
29.ap
rílkl.20
íH
afnarb
org
laugard
aginn
1.m
aíkl.16
íG
rafarvogskirkju
K
A
R
L
A
K
Ó
R
IN
N
ÞRESTIR
Jóhann
Sigurðarson
•
JónasÞórir
SAMKOMULAG milli ríkisvaldsins
og Reykjavíkurborgar um skipulag
lóðar Landspítala – háskólasjúkra-
húss vegna ákvarðana um framtíðar-
uppbyggingu spítalans og stofnana
Háskóla Íslands var undirritað í gær.
Tekur samningurinn til lóða við
Hringbraut, í Fossvogi og Arnarholti.
Þá var kynnt í gær áfangaskýrsla
nefndar um uppbyggingu LSH og er
þar lagt til að fram fari hönnunar-
samkeppni um skipulag lóðarinnar
við Hringbraut og deiliskipulagi lokið
eigi síðar en 2006. Miðað við það gætu
framkvæmdir hafist 2009 og þeim
verið lokið 2018. Heildarkostnaður
yrði nærri 37 milljarðar króna.
Jón Kristjánsson, heilbrigðis- og
tryggingamálaráðherra, og Þórólfur
Árnason borgarstjóri undirrituðu
samkomulagið en það var kynnt í rík-
isstjórn í gærmorgun og borgarráði
einnig.
Mikilvægur áfangi
Jón Kristjánsson sagði að hér væri
mjög mikilvægum og stórum áfanga
náð og lagður grunnur að frekari
uppbyggingu. Hann sagði brýnt að
halda áfram þeirri vinnu og taka
næstu skref. Hann kvaðst mundu
kynna sér áfangaskýrslu nefndarinn-
ar og í samtali við Morgunblaðið
sagðist hann óska eftir framlagi til að
tryggja áframhaldandi undirbúnings-
vinnu. Hann sagði flókin og umfangs-
mikil mál nú komin í réttan farveg.
Þórólfur Árnason borgarstjóri sagði
að með samningnum væri tryggt að
stærsti vinnustaður í Reykjavík yrði
áfram á miðborgarsvæðinu. Hann
sagði skipulag svæðisins flókið og því
tengdust svæði við Valsheimilið og
Umferðarmiðstöðina, flutningur
Hringbrautar og almenningssam-
göngur. Hann sagði samninginn enn
eina staðfestingu á góðri samvinnu
ríkis og borgar í þessum efnum.
Með samningnum er mætt lóða-
þörf spítalans á Hringbrautarsvæð-
inu og auk færslu Hringbrautar er
kveðið á um uppbyggingu og rekstur
bílastæðahúsa og skipulag almenn-
ingssamgangna. Einnig tekur sam-
komulagið til lóða á vegum LSH í
Fossvogi og Arnarholti. Svæðið við
Hringbraut skerðist nokkuð miðað
við fyrstu hugmyndir vegna flutnings
götunnar en í staðinn fær LSH svæði
sunnan við Hringbraut eftir flutning-
inn. Þá afmarkast lóð spítalans í
Fossvogi við Áland að norðan og
Háaleitisbraut að vestan og núver-
andi íbúðabyggð að austan og sunnan
en áður hafði spítalinn einnig umráð
yfir lóðarhluta vestan Háaleitisbraut-
ar.
Samið um lóðir, bílastæði
og samgöngumál
Samanlögð stærð lóðar LSH við
Hringbraut með nýja samningnum er
21,61 hektari og heimilt er að byggja
þar alls rúmlega 196 þúsund fer-
metra. Langmest verður byggt á lóð-
inni þar sem núverandi spítalabygg-
ingar eru en síðan á svæðinu þar sem
Hringbraut liggur nú og í þriðja lagi
við Læknagarð. Heimilt er að reisa
um 25 þúsund fermetra byggingar á
svæðinu sunnan Læknagarðs og um
23 þúsund fermetra við Umferðar-
miðstöðina.
Reykjavíkurborg tekur þátt í upp-
byggingu bílastæða og bílastæðahúsa
á lóð LSH og leggja til þess 500 millj-
ónir króna á verðlagi síðasta árs. Seg-
ir í samkomulaginu að tryggja skuli
að bílastæðin á reitnum sem tengist
miðborgarstarfsemi skuli nýtast
þeim sem sækja þjónustu til spítalans
til jafns við aðra. Þá lýsir borgin sig
reiðubúna að gera þjónustusamning
við LSH um rekstur bílastæða eða
húsa.
Auk ákvæðanna um bílastæði segir
í samningnum að Reykjavíkurborg
muni tryggja að leiðakerfi almenn-
ingsvagna í borginni verði skipulagt
með þeim hætti að áhersla verði lögð
á bættar samgöngur almennings-
vagna við LSH og að hönnun umferð-
armannvirkja sem hafi áhrif á að-
gengi að spítalanum og tengdum
stofnunum muni verða unnið í sam-
ráði við LSH og Háskóla Íslands.
Tillögur um næstu skref
Nefnd sem skipuð var í október
2002 til að halda áfram að vinna að
uppbyggingu á LSH skilaði í gær
áfangaskýrslu sem heilbrigðisráð-
herra kynnti á ríkisstjórnarfundi í
gær. Nefndinni var falið að halda
áfram starfi nefndar um framtíðar-
uppbyggingu LSH sem lagði til að
spítalinn yrði byggður upp á lóðinni
við Hringbraut. Ragnheiður Haralds-
dóttir, skrifstofustjóri í heilbrigðis-
ráðuneytinu, sagði að í skýrslunni
væru settar fram tillögur um næstu
skref, áherslur LSH um forgangsröð-
un framkvæmda, tíma- og fjárhags-
áætlun og ýmislegt fleira. Fram kem-
ur að framkvæmdum megi skipta í
fjóra áfanga og verði fyrst unnið að
uppbyggingu slysa- og bráðaþjón-
ustu sem ráðgert er að kosta muni
12,8 milljarða, í þeim næsta hugað að
rannsóknarstofnunum og stoðstarf-
semi sem kosta 8,6 milljarða, þriðji
áfangi, sem ráðgert er að kosti 11,5
milljarða, yrði dag- og göngudeildir
og í fjórða áfanga yrðu byggðar upp
legudeildir og stjórnsýsla en kostn-
aður vegna þeirra eru fjórir milljarð-
ar.
Tímaáætlun gerir ráð fyrir að und-
irbúningur standi í fimm ár og ljúki í
árslok 2008 og í ársbyrjun 2009
myndu framkvæmdir við fyrsta
áfanga hefjast. Þeim myndi ljúka árið
2011 og þá yrði ráðist bæði í annan og
þriðja áfanga og stefnt að því að þeim
lyki árin 2013 og 2014. Síðasti áfang-
inn stæði síðan fram á árið 2018.
Má ekki seinna vera
Magnús Pétursson, forstjóri LSH,
sagði í samtali við Morgunblaðið að
þessi framkvæmdatími mætti ekki
seinni vera. Hann sagði að á næstu
vikum og mánuðum myndi ljúka
margs konar vinnu varðandi áherslur
og forgangsröðun spítalans sem stað-
ið hefði yfir að undanförnu. Í skýrsl-
unni kemur fram að fulltrúar nefnd-
arinnar hafi rætt við fram-
kvæmdastjórn spítalans og fulltrúa
læknaráðs og hjúkrunarráðs. Þá
kemur fram að nefnd um hlutverk
LSH, undir forystu Jónínu Bjart-
marz, muni skila tillögum fyrir sum-
arfrí en henni er ætlað að marka spít-
alanum skýrari stöðu í heil-
brigðisþjónustunni en verið hefur. Er
henni bæði ætlað að skilgreina
verksvið LSH og Fjórðungssjúkra-
hússins á Akureyri sem hátækni-
sjúkrahúsa.
Einnig er að störfum nefnd spít-
alans sem stjórna á vinnu notenda við
undirbúning byggingar nýs spítala
við Hringbraut. Tekur verkefni henn-
ar til líklegrar þróunar á umfangi
starfseminnar og endurskipulags. Er
litið til áætlana um þróun mannfjölda,
aldurssamsetningar og búsetuþróun-
ar svo og breytinga sem sjá má fyrir
um tíðni sjúkdóma og fleira. Einnig
eru metin áhrif tækniþróunar á
möguleika til meðhöndlunar og eft-
irlits utan sjúkrahúsa.
Allir möguleikar verði skoðaðir
Varðandi fjármögnun uppbygging-
arinnar leggur nefndin til að skoðaðir
verði allir möguleikar á tilhögun
framkvæmda og fjármögnunar. Bent
er á að sjúkrahúsbyggingar séu með
flóknustu mannvirkjum og krefjist
gríðarlegs undirbúnings með mikilli
samvinnu við notendur. Áfangaskipt-
ing er sögð gefa svigrúm í fram-
kvæmdahraða og fjármögnunarleið-
um. Þá er bent á að kostur opinberrar
fjármögnunar sé að fjármagnskostn-
aður verði í lágmarki en gallinn sé
mikil fjárútlát í upphafi. Kostir einka-
fjármögnunar eða einkaframkvæmd-
ar séu þeir að útgjöld ríkissjóðs dreif-
ist á endingartíma eignarinnar og
verði í formi leigugjalda.
Ríki og Reykjavíkurborg semja um lóðamál fyrir Landspítala – háskólasjúkrahús
Hönnunarsamkeppni vegna
uppbyggingar við Hringbraut
Morgunblaðið/Ásdís
Skrifað undir samkomulag um Landspítalalóð: Jón Kristjánsson heilbrigð-
isráðherra, Ragnheiður Haraldsdóttir, skrifstofustjóri í ráðuneytinu, Þór-
ólfur Árnason borgarstjóri og Björn Ingi Sveinsson borgarverkfræðingur.
MEGINTILLÖGUR nefndarinnar
um næstu skref á Landspítalalóð
eru eftirfarandi:
Lagt er til að hönnunarsam-
keppni fari fram um skipulag Land-
spítalalóðar við Hringbraut og
grunngerð nýbygginga. Á grund-
velli niðurstöðu úr samkeppninni
verði unnið deiliskipulag lóðarinnar
í samráði við Reykjavíkurborg og
því lokið fyrri hluta árs 2006.
Lagt er til að fengnir verði ráð-
gjafar til að meta hvernig best er að
ná sem mestu hagræði í starfsemi
sjúkrahússins með þeirri end-
urskipulagningu sem ný bygging
gefur kost á. Það er mat nefnd-
arinnar að vænta megi verulegra
samlegðaráhrifa við að sameina
starfsemi Landspítala – háskóla-
sjúkrahúss á einum stað, en til þess
að ná fram hámarksárangri er
nauðsynlegt að undirbúningur sé
vandaður. Lagt er til að í uppbygg-
ingu spítalans verði hugað sér-
staklega að skipulagðri þátttöku
einkaaðila við hönnun, byggingu og
fjármögnun hans. Til þess að und-
irbúa þátttöku einkaaðila er nauð-
synlegt að kynna verkefnið op-
inberlega og jafnframt að skilgreina
hlutverk þeirra og hins opinbera
skilmerkilega. Jafnframt þarf að
huga áfram að fjölþættri fjár-
mögnun eftir efnahagslegum að-
stæðum í samfélaginu hverju sinni.
Lagt er til að nefndin starfi áfram
að yfirstjórn verkefnisins þar til
frumathugun er lokið og komið að
áætlanagerð. Nú þegar verði ráðinn
verkefnisstjóri sem starfi með
nefndinni.
Lagt er til að fjármagn verði
tryggt til undirbúnings framtíð-
aruppbyggingar LSH þegar á næsta
fjárlagaári.
Hugað verði
að þátttöku einkaaðila
Í kjölfar samnings
Reykjavíkurborgar
og heilbrigðisráðu-
neytis um lóðamál
við Landspítala – há-
skólasjúkrahús
verður nú unnt að
halda áfram vinnu
við uppbyggingu
spítalans við Hring-
braut. Framkvæmd-
ir hefjast vart fyrr
en í ársbyrjun 2009
og áætlaður kostn-
aður er tæpir 37
milljarðar króna.