Heimilistíminn - 12.06.1975, Blaðsíða 12
POI
Focus
Hollenzku hljómsveitinni Focus tókst
aö brjótast gegn um yfirráðamúr
ensk/bandariskrar rokktónlistar. k
Hljómsveitin kom til sögunnar árið
1969 og lék þá undir i hollenzku upp-
setningunni af Hárinu, en áheyrendur
voru ekki lengi að gera sér grein fyrir,
að þessir menn voru frábrugðnir þvi
venjulega. Eftir þessar góðu undir-
tektir ákváðu þeir að mynda varan-
lega hljómsveit og eins og tiðkast um
flestar pop-hljómsveitir meginlands
Evrópu, ákvað Focus að hasla sér völl
i Bretlandi. Þar kvaö vera hliðið að al-
þjóðlegri frægð.
Heldur gekk það tregt til aö byrja
með, en með LP-plötunum ,,In and out
of Focus”, „Moving Waves” og
„Focus III” komst Focus inn á brezka
markaðinn, sem er þó ærið sérvitur. I
árlegri atkvæðagreiðslu pop-blaðsins
Melody Maker, var Focus kjörin
„bezta von ársins” og segir það all-
nokkuð. Frægðin kom siðan með
tveimur LP-plötum, sem lentu i öðru
og þriðja sæti vinsældalistans og tvær
litlar plötur voru báðar i einu ofarlega
á vinsældalistanum. 1 Bandarikjunum
hefur hljómsveitin einnig látið að sér
kveða, bæöi með hljómleikum og á
vinsældalistunum.
Þessar vinsældir eru fyrst og fremst
að þakka hinum framúrskarandi tón-
listarmönnum Thijs van Leer, sem er i
rauninni stofnandi Focus og Jan
Akkerman. Thijs leikur á orgel, flautu
og syngur, en Akkerman leikur á gitar
og lútu. Hinir eru bassaleikarinn Burt
Reiter og trommuleikarinn Colin
Allen. Allen er Breti, hann lék áður
með Stone in the Cróws, Zoot Money og
John Mayall. t október 1973 kom hann i
stað Pierre van Linden i Focus, en
Pierre hætti þar vegna tónlistarlegs á-
greinings milli hans og hinna og hóf að
leika með Trace.
Fjórmenningarnir i Focus hafa allir
stundað nám i sigildri tónlist. Ná-
kvæmni og mikil tæknileg kunnátta er
vörumerki hljómsveitarinnar og erfitt
er að flokka hana á sérstökum stað.
Auðvitað ráða fjórmenningarnir við
þungt, traustlegt rokk, jafnvel flestum
betur. En þeir slá lika á ljóðræna
strengi og nálgast oft rólegan, róman-
tiskan jazz. A sviði eiga þeir til að
bregða fyrir sig einu og einu sigildu
stefi, en hvert svo sem efnið er, er út-
setningin þeirra eigin.
Thijs van Leer og Jan Akkerman
hafa báöir gefið út sólóplötu og bæði
þeir og hljómsveitin i heild eiga nýjar
LP-plötur i búðum ytra á næstunni.
Akkerman er orðinn vel þekktur sóló-
gitarleikari og honum er iðulega jafn-
að við Eric Clapton og John Mayall.
Á myndinni eru frá vinstri: Jan
Akkerman, Colin Allen, Thijs van Leer
og Burt Reiter.