NT - 04.07.1985, Blaðsíða 13
Fimmtudagur 4. júlí 1985
Wyman
heldur
31 árs
afmælið!
■ Sú var tíðin að hún var fræg
og eftirsótt kvikmyndaleik-
kona, og vann reyndar til Ósk-
arsverðlauna einu sinni auk þess
sem hún var tilnefnd til þeirra í
þrjú önnur skipti. Síðan er mik-
ið vatn runnið til sjávar og Jane
Wyman heyrðist lítið nefnd á
nafn lengi vel, nema hvað ein-
hverja minnisgóða gamlingja
rámaði í að hún myndi einhvern
tíma hafa verið gift Ronald
nokkrum Reagan, sem farinn
var að láta að sér'kveða í pólitík.
En Jane Wyman, sem kirkju-
bækur segja vera orðna 71 árs
gamla, hefur sýnt að hún hefur
bein í nefinu, og hún hefur allt
annað í hyggju en að falla í
gleymsku og dá í augum al-
mennings. Hún er nú ein eftir-
sóttasta sjónvarpsstjarna
Bandaríkjanna og reyndar vel
þekkt hér á landi líka hjá mynd-
bandaunnendum fyrir hlutverk
sitt í þáttunum Falcon Crest, en
þar leikur hún eitt af þeim harð-
drægu skössum, sem svo vinsæl
eru í bandarískum sjónvarps-
þáttum um þessar mundir.
Jane gengur því í endurnýjun
lífdaganna þessa dagana, enda
bauð hún vinum og veiunnurum
til mikillar veislu hér um daginn,
þar sem hún hélt 31 árs afmæli
sitt hátíðlegt! Hvernig má það
vera spurði fólk, þar sem hún
hefur aldrei haldið því leyndu
að fæðingardagur hennar er 4.
janúar 1914. - Svarið er einfalt,
segir Jane. - Ég tel mig hafa
endurfæðst 29. mars 1954 þegar
ég snerist til kaþólskrar trúar!
Þá var Jane búin að gera
ítrekaðar tilraunir til að höndla
hjónabandsgæfuna. Fyrstu til-
raunina gerði hún 1937, þegar
hún gekk að eiga milljónamær-
ing, en það hjónaband varð ekki
langlíft, því lauk eftir 2 ár.
Næstur í röðinni var ungur og
óþekktur Ieikari, Ronald Reag-
an, sem hún giftist 1940. Þau
eignuðust saman dótturina
Maureen, sem upp á síðkastið
hefur verið að vasast í pólitík.
Eftir 8 ár var svo komið að Jane
var orðin stórstjarna í kvik-
myndunum, en Ronald hafði
ekki vegnað eins vel á þeim vett-
vangi. fstaðinn sneri hann sér í
sífellt auknum mæli að stjórn-
málaþátttöku og skildu leiðir
þeirra endanlega árið 1948.
Árið 1948 giftist hún svo hljóm-
sveitarstjóranum Freddy Kar-
ger og sama ár gekk Ronald
Reagan að eiga Nancy Davis.
Sem kunnugt er hefur hjóna-
band þeirra Reagan-hjóna
gengið með ágætum, en öðru
máli gegnir um hjónabandstil-
raun Jane. Hún fór innan
skamms út um þúfur, en þó lifði
eitthvað lengur í gömlum
glæðum, því að þau Jane og
Freddy gerðu aðra tilraun síðar,
sem þó fór á sama veg og sú
fyrri.
Sennilega hefur kaþólskan
fært Jane þann frið, sem hún
hafði lengi leitað að og því ekki
að ástæðulausu að hún sér
ástæðu til að halda þann dag há-
tíðlegan þegar hún öðlaðist
trúna.
■ Jane Wyman bý nú ein síns liðs á Kaliforníuströnd og
unir hag sínum vel.
■ Moore sem ívar Hlújárn 1958 (t.v.) og í hlutverki
„Dýrlingsins“ (t.h.) - en fyrir neðan sjáum við
James Bond í nýjustu myndinni „A View to A Kill“
með Tanya Roberts og Grace Jones.
■ Þau þóttu eitt glæsllegasta par Hollywood fyrir 40 árum.
Jane Wyman og Ronald Reagan áttu saman dótturina Maur-
een.
13