Morgunblaðið - 11.12.2004, Blaðsíða 28

28 LAUGARDAGUR 11. DESEMBER 2004 MORGUNBLAÐIÐ
MINNSTAÐUR
Hafnarfjörður | Sjófarendur sem sigla inn í
Hafnarfjarðarhöfn hafa síðustu 90 árin sett
stefnuna á turninn á Hafnarfjarðarkirkju
þegar þeir koma inn í höfnina, og er það lýs-
andi fyrir hlutverk kirkjunnar sem leiðarviti
fyrir mannlífið og atvinnulífið frá því hún var
reist og vígð 20. desember 1914.
„Hafnarfjarðarkirkja hefur ákaflega mikið
að segja fyrir umhverfi sitt og mannlíf Hafn-
arfjarðar og hefur gert frá fyrstu tíð,“ segir
sr. Gunnþór Þ. Ingason, sóknarprestur í
Hafnarfjarðarkirkju. Undir þetta tekur sr.
Þórhallur Heimisson, prestur við kirkjuna.
„Kirkjan þótti mikið stórvirki þegar hún
var byggð og hún hefur alltaf þótt fögur, ein
af þeim kirkjum sem engin áhöld hafa verið
um. Þetta er steinsteypt kirkja með kros-
sörmum og eitt fegursta verk Rögnvaldar
Ólafssonar, fyrsta menntaða arkitekts Íslend-
inga. Hún var þannig staðsett af þeim sem
stóðu að byggingu hennar á sínum tíma, að
turn hennar undir háum Hamrinum er ná-
kvæmt mið, eða leiðarviti, fyrir sjófarendur,“
segir sr. Gunnþór.
Kirkjan stendur á styrkum stoðum við sjó-
inn. Það kom best í ljós er safnaðarheimilið
Strandberg var byggt við hlið hennar. Þegar
íþróttahúsið við Strandgötu, sem stendur ná-
lægt kirkjunni, var reist þurfti að grafa mjög
djúpt til að komast á fast, en þegar byrjað
var að grafa fyrir safnaðarheimilinu og tón-
listarskóla Hafnarfjarðar, sem er sam-
byggður því, kom í ljós að slétt steinhella var
undir kirkjunni og fyrirhuguðu bygging-
arlandi, rétt um metra undir yfirborðinu.
„Það er eins og hún hafi verið ætluð fyrir
þessar byggingar,“ segir sr. Gunnþór.
Samleið kirkju og bæjarfélagsins
Hafnarfjarðarkirkja hefur átt góða samleið
með bæjarfélaginu sem hefur vaxið upp með
henni, en Hafnarfjörður fékk kaupstaðarétt-
indi 1908 og kirkjan var vígð sex árum síðar.
„Þjóðkirkja í hverju bæjarfélagi er mjög
tengd sínum bæ, og við viljum að bæj-
arfélagið sé í nánu samstarfi við kirkjuna og
hún í samstarfi við bæjarfélagið. Safn-
aðarheimilið og tónlistarskólinn, sem tengist
því, votta glöggt þessi sterku tengsl,“ segir
sr. Þórhallur.„Hafnarfjarðarkirkja er máttugt
og fallegt Guðshús sem hefur lýst upp og
saltað mannlífið í Firðinum með helgihaldi
sínu og safnaðarstarfi,“ segir sr. Gunnþór.
„Þrátt fyrir víðtækar breytingar á ytri kjör-
um og háttum fólks er það mikils um vert að
ná því fram, að kirkjan sé ekki jaðarfyrirbæri
í mannlífinu, heldur miðlæg og mótandi og
snerti það oftar en aðeins við upphaf og enda-
lok lífsferðar hér í heimi og á stórhátíðum.“
Gjarnan er sagt að staða kirkjunnar fari
versnandi og kirkjusókn sé á undanhaldi. Sr.
Gunnþór og sr. Þórhallur kannast við þetta,
en segja sóknarfærin vera mikil hjá kirkjunni
í dag. „Það er jákvæður tónn gagnvart kirkj-
unni, og það er boðið upp á miklu fjölbreytt-
ara helgihald en var hér áður og safn-
aðarstarfið er stöðugt að aukast. Fólk sækir
kirkjuna þegar það fær hvatningu til þess og
laðast að henni við það að koma á helgan stað
og finna þar styrk og gefandi gleði,“ segir sr.
Þórhallur.
„Hér er ágætis kirkjusókn þó að hún geti
auðvitað orðið enn meiri í svona stórum söfn-
uði,“ segir sr. Gunnþór. „Fólk gæti gert það
að jákvæðri lífsvenju sinni að fara í kirkju á
sunnudegi, svipað og það ákveður að gera
eitthvað fyrir líkama sinn og heilsu með því
að fara út að hlaupa eða synda reglulega.“
Sr. Þórhallur segir gott samfélag myndast
í Hafnarfjarðarkirkju. „Fólk hittist og tengist
kirkjunni á ýmsa vegu, auk þess að taka þátt
í helgihaldi. En auðvitað viljum við að þau
sem taka þátt í safnaðarstarfinu, og því fé-
lagsstarfi öðru sem fram fer í Strandbergi,
sæki kirkjuna líka. Það myndar og styrkir
vinatengsl og skapar virkan og lifandi söfn-
uð.“
Miklar endurbætur á kirkjunni
Afmælishaldið mun ná yfir heilt ár, og
stefnt er að ráðstefnuhaldi og ýmsum við-
burðum vegna afmælisins. En stærsta afmæl-
isgjöf safnaðar kirkjunnar til hennar mun fel-
ast í endurbótum innandyra í kirkjunni sem
Þorsteinn Gunnarsson arkitekt mun hafa um-
sjón með. Kirkjunni verður lokað tímabundið
eftir hvítasunnu næsta vor vegna þessara
Hafnarfjarðarkirkja fagnar 90 ára afmæli sínu
Leiðarljós bæjar-
búa frá upphafi
Morgunblaðið/Ómar
Formin í kirkjunni notuð Til að nýlegt safnaðarheimili passaði við gömlu kirkjubygginguna
var það hannað eftir formum sem finnast í kirkjunni; hring og bogadregnum glugga.
Morgunblaðið/Golli
Prestarnir Sr. Þórhallur Heimisson (t.v.) og
sr. Gunnþór Þ. Ingason við kirkjuna.
HÖFUÐBORGARSVÆÐIÐ
AMTSBÓKASAFNIÐ á Akureyri
hlaut viðurkenninguna „Lofsvert
lagnaverk 2003“. Vilhjálmur Þ. Vil-
hjálmsson, formaður Sambands ís-
lenskra sveitarfélaga, afhenti viður-
kenningar við hátíðlega athöfn í
Amtsbókasafninu í vikunni. Lagna-
félag Íslands hefur frá árinu 1990
veitt viðurkenningar fyrir lagnaverk í
nýbyggingum á Íslandi, sem þykir
framúrskarandi í hönnun og uppsetn-
ingu.
Tilgangur viðurkenninganna er að
efla gæðavitund meðal þeirra sem
starfa á þessum vettvangi, efla þróun
í lagnamálum með bættum vinnu-
brögðum, og bæta val á lagnaleiðum
og lagnaefnum. Síðast en ekki síst er
viðurkenningunum ætlað að vera
hönnuðum og iðnaðarmönnum hvatn-
ing til að afla sér aukinnar menntunar
á sviði lagnamála.
Amtsbókasafnið Akureyri varð að
þessu sinni fyrir valinu hjá viðurkenn-
ingarnefnd Lagnafélags Íslands.
Viðurkenningar fyrir lofsvert
heildarverk hlutu Verkfræðistofa
Norðurlands ehf, Blikkrás ehf, Raf-
tákn ehf, Bútur ehf, Vilhelm Guð-
mundsson rafvirkjameistari og Akur-
eyrabær. Í flokki smærri lagnakerfa
hlutu viðurkenningu Danfoss og
Lagnakerfamiðstöð Íslands. Þá voru
Þorbjörn Karlsson verkfræðingur og
Jónas Jóhannsson pípulagninga-
meistari heiðraðir sérstaklega við
þessa athöfn.
Í áliti viðurkenningarnefndar
Lagnafélags Íslands segir m.a.:
„Heildarverk við lagnir í Amts-
bókasafninu Akureyri eru öll til fyr-
irmyndar. Aðgengi að tækjum og
lögnum er gott, handverk iðnaðar-
manna allt til fyrirmyndar.“
Amtsbókasafnið hlaut viðurkenn-
inguna „Lofsvert lagnaverk 2003“
Handverk iðnaðar-
manna til fyrirmyndar
Morgunblaðið/Kristján
Lagnaverðlaun Verðlaunahafar og eða fulltrúar þeirra sem fengu
viðurkenningu Lagnafélags Íslands.
UM 40 börn á aldrinum 10 til 15
ára taka þátt í Aðventutónleikum
Sinfóníuhljómsveitar Norðurlands
sem verða í Akureyrarkirkju á
morgun, sunnudaginn 12. desem-
ber kl. 16.
Aðventutónleikar hljómsveit-
arinnar hafa undanfarin ár verið í
samvinnu við börn og að þessu
sinni var leitað til nemenda úr gít-
ar- og blásaradeild sem flytja
munum jólalög með hljómsveitinni.
Á efnisskránni eru auk jólalag-
anna konsert fyrir horn og hljóm-
sveit eftir F.A. Rossetti, einleikari
er László Czenek hornaleikari.
Tónleikunum lýkur svo á því að
frumflutt verður tónverk eftir
Hildigunni Rúnarsdóttur við jóla-
sögu eftir Jón Guðmundsson,
„Stjarnan mín og stjarnan þín“.
Um 40 börn úr Tónlistarskólanum á Akureyri taka þátt í jólatónleikum Sinfóníuhljómsveitar Norðurlands á morg-
un, hér eru þátttakendur úr blásaradeild skólans, en að auki taka börn í gítardeild þátt í tónleikunum.
Aðventutónleikar Sinfóníuhljómsveitar Norðurlands
Fjöldi barna tekur þátt
AKUREYRI