24 stundir - 13.06.2008, Blaðsíða 18

18 FÖSTUDAGUR 13. JÚNÍ 2008 24stundir
Eftir Kristjönu Guðbrandsdóttur
og Svanhvíti Ljósbjörgu
Sigrún Þorsteinsdóttir hefur haft
áhuga á hollustu síðan hún var 12
ára gömul en þá hætti hún að
borða sælgæti og óhollan mat til
að safna peningum fyrir hesti sem
hana langaði í. „Ég hef bara ekkert
byrjað aftur og síðan eru liðin 22
ár,“ segir Sigrún og hlær. Sigrún
heldur úti vefsíðunni CafeSigr-
un.com þar sem hún birtir
fjöldann allan af hollum upp-
skriftum en vefsíðan hefur verið
mjög vinsæl.
„Ég opnaði vefinn 23. febrúar
2003 en þá var ég búin að safna
uppskriftum í langan tíma, var sí-
fellt að týna þeim á sneplum hing-
að og þangað og var lengi að finna
hverja uppskrift. Það pirraði mig
að finna ekki vef eins og mig vant-
aði og því ákvað ég með hjálp
mannsins míns sem er forritari að
smíða vef með hollum upp-
skriftum.“
Engar hamingjusamar hænur
Sigrún segist þó ekki hafa byrjað
að elda fyrir alvöru fyrr en hún bjó
í London í nokkur ár. „Þar var svo
mikið úrval af góðu hráefni, mikil
fjölbreytni og flottar heilsubúðir
og ég gat ekki annað en fengið
innblástur. Svo höfum við ferðast
töluvert, meðal annars oft til Afr-
íku og þar bætist alltaf við fróð-
leikur og áhugi á framandi mat-
armenningu.“ Sigrún segist að
sama skapi ekki geta kvartað yfir
hráefnisvalinu hér heima enda hafi
það stórbatnað síðustu tíu ár. „Ég
er einna helst ósátt við hversu lítil
áhersla er á svokallað „free range“
kjöt eða hamingjusamar hænur en
þar erum við fimm árum á eftir
nágrannaþjóðum. Það er ekki nóg
að kjötið sé ekki hormónabætt því
kjúklingar eiga ekki að vera í búr-
um eða innilokaðir allt sitt líf.“
Neytendum ýtt að óhollustu
Aðspurð hvernig henni finnist
verðið á Íslandi, samanborið við
London segir Sigrún hreinskiln-
islega að yfir því gráti hún söltum
tárum. „Verðlagið er skelfilegt og á
meðan sælgæti lækkar í verði
hækkar hollustuvara eins og fram
hefur komið í verðkönnunum síð-
ustu mánuði. Ég skil ekki þessa
þróun. Neytendum er ýtt í átt að
óhollustu og sumir hafa ekki kost
á því að kaupa eingöngu lífrænt og
hollt hráefni,“ segir Sigrún sem
segist vera mikill hollustusælkeri.
„Ég borða ekki kjöt, er heldur ekki
hrifin af mjólkurvörum og vit-
anlega borða ég ekki hvítan sykur,
hvítt hveiti eða neitt slíkt. Af og til
borða ég fisk og ég er mikill sushi-
fíkill. Ég er líka hrifin af mat-
armiklum salötum, pottréttum og
ég elska súpur. Hollar kökur eru
líka eitthvað sem mér finnst gam-
an að borða og enn skemmtilegra
þegar öðrum sem borða venjuleg-
ar, óhollar kökur finnst þær góðar
líka. Þá gleðst hollustuhjartað
mikið,“ segir Sigrún og hlær. Sig-
rún lætur hér fylgja með þrjár
mismunandi uppskriftir sem allar
eiga það sameiginlegt að vera holl-
ar og syndsamlega góðar.
Appelsínu- og ólífusalat
1 appelsína
1/4 rauðlaukur
 6-8 svartar ólífur, steinlausar
smá klípa cayenne-pipar
1 msk. ólífuolía
1/2 tsk. agave-síróp
fersk kóríanderlauf til
skreytingar (má sleppa)
Skrælið appelsínuna og hreinsið
allt hvíta hýðið utan af henni sem
og himnuna sem umlykur appel-
sínuna. Best er að skera appel-
sínuna á bakka með börmum því
þið þurfið að nota safann sem
kemur af appelsínunni.
Skerið rauðlaukinn í örþunnar
sneiðar og aðskiljið hringina í
sneiðunum. Raðið appels-
ínusneiðunum á disk. Dreifið
laukhringjunum yfir sneiðarnar.
Dreifið ólífunum yfir sneið-
arnar. Í litla skál skuluð þið blanda
saman ólífuolíunni, cayenne-
piparnum og agave-sírópinu.
Hrærið vel. Hellið yfir salatið og
látið standa við stofuhita í um
klukkutíma.
Döðlu- og bananastangir
20 stangir
 460 g þurrkaðir bananar (fást
t.d. í Yggdrasil og fleiri stöð-
um)
 200 g möndlur (heilar)
120 g þurrkaðar döðlur
 4 msk. appelsínu- eða eplasafi
Aðferð: Maukið möndlurnar í
matvinnsluvél þangað til þær eru
orðnar frekar fínlegar (ekki alveg
að dufti samt). Setjið í stóra skál.
Maukið banana og döðlur með
appelsínusafanum (gætuð þurft að
mauka í tveimur skömmtum).
Bætið meira við ef ykkur finnst
þurfa. Þetta ætti ekki að verða að
algjöru mauki samt, meira eins og
þétt deig. Blandið öllu saman með
höndunum og hnoðið vel eða not-
ið hrærivél og deigkrók. Mótið
stangir (ég miða við 40 grömm) og
pakkið hverri og einni inn í plast.
Það má auðvitað móta kúlur,
kubba o.s.frv. allt eftir smekk.
Járnríkur og hreinsandi
Vítamíndrykkur fyrir 2
1 vel þroskuð pera, lífrænt
ræktuð (þessar sem eru óreglu-
legar í laginu, ljósgular með
þunnu hýði)
1 lítill vel þroskaður banani
 25 ml hreinn rauðrófusafi
 100 ml hreinn ananassafi
1 lúka bláber
25 ml hreinn appelsínusafi
Maukið bananann og peruna í
blandara ásamt appelsínusafanum.
Bætið bláberjum út í og blandið
mjög vel. Bætið rauðrófusafanum
og ananassafanum út í og blandið
áfram. Berið fram strax. Nota má
eplasafa í stað ananassafans.
24stundir/Sverrir
Sigrún Þorsteinsdóttir fær margar heimsóknir á CafeSigrún.com
Hætti í óhollustunni
til að eiga fyrir hesti
Sigrún Þorsteinsdóttir
heldur úti fjölbreyttum
uppskriftavef sem öllum
er frjálst að nota en hún
hefur haft áhuga á holl-
ustu síðan hún var 12 ára
gömul og langaði frekar í
hest en sælgæti.
➤ Sigrún opnaði nýverið far-símaútgáfu af vefsíðunni
CafeSigrun.com sem er til
dæmis hægt að nota í búð-
inni.
➤ Sigrún segir að það fari tölu-verður tími í vefsíðuna og í
raun allur hennar lausi tími
en þetta sé hennar áhuga-
mál.
➤ Sigrún hefur aldrei auglýstvefsíðuna en heimsóknum
fjölgar daglega.
CAFE SIGRÚN
Sigrún Þorsteinsdóttir
Neytendum er ýtt í átt að
óhollustu og sumir hafa ekki
kost á því að kaupa eingöngu
lífrænt og hollt hráefni.
Matur
Umsjónarmenn:
Svanhvít
Ljósbjörg
svanhvit@24stundir.is
Kristjana
Guðbrandsdóttir
dista@24stundir.is
María
Ólafsdóttir
maria@24stundir.is
ÍS
L
E
N
S
K
A
S
IA
.I
S
S
F
G
4
20
40
0
4.
20
08
SJÁLFLÍMANDI HNÍFAPARASKORÐUR
Gullkistan- Frakkastíg 10 - Sími: 551-3160.
Hjálpa þér að halda öllu í skorðum í skúffum.Einning sjálflímandi filt tilað
klæða skúffur og filt með verjandi efni svo ekki falli á silfur og silfur-
plett.Við eigum líka fægilög, fægiklúta og ídýfulög til að hreinsa.
SENDUM Í PÓSTKRÖFU.
Sérfræðingar
í saltfiski
466 1016
- Útvatnaður saltfiskur án beina til suðu
- Sérútv. saltfiskur án beina til steikingar
- Ýsa, þorskur, gellur, kinnfiskur, rækjur
- Einnig fjölbreytt úrval tilbúinna rétta
www.ektafiskur.is
pöntunarsími:
frumkvöðlafyrirtæki ársins  - viðurkenning frá matur úr héraði - localfood
TILBOÐ Á VÍNSKÁPUM
ís-húsið
Smiðjuvegi 70 - 200 Kópavogur
S: 566 6000 - www.ishusid.is
ÚTSALA ÚT VIKUNA
VERÐ 39.990
n
et
ve
rs
lu
n
is
h
u
si
d
.is