Morgunblaðið - 06.01.2005, Blaðsíða 37
MORGUNBLAÐIÐ FIMMTUDAGUR 6. JANÚAR 2005 37
DAGBÓK
Fransk-norrænt stærðfræðingaþing hefstí dag á vegum Íslenska stærðfræða-félagsins. Hér er um að ræða 24. nor-ræna stærðfræðingaþingið, en þingin
eiga sögu sína að rekja aftur til ársins 1910. Auk
norrænu stærðfræðafélaganna tekur Franska
stærðfræðafélagið í þetta skipti þátt í þinginu
sem gerir það jafnframt fyrsta fransk-norræna
stærðfræðingaþingið.
Þingið er mesti viðburður á sviði stærðfræði
sem haldinn hefur verið hér á landi. Á þinginu
verður fjallað um nýjar rannsóknir á hinum fjöl-
mörgu sviðum nútímastærðfræði og verður tæp-
ur helmingur þingsins tileinkaður þremur af svið-
um hennar: algebrulegri rúmfræði, rúmfræðilegri
greiningu og líkindafræði.
„Fjölþjóðlegt samstarf í stærðfræði hefur
mikla þýðingu fyrir þekkingaröflun hér heima.
Við þurfum að vera mjög vakandi fyrir nýjungum
í fræðunum til að miðla því til unga fólksins sem
les við Háskóla landsins og einnig til þess að hag-
nýta þekkinguna á sem flestum sviðum sam-
félagsins,“ segir Ragnar Sigurðsson, formaður
framkvæmdanefndar fransk-norræna stærðfræð-
ingaþingsins. „Þrátt fyrir að stærðfræðin sé í
margra augum háfleyg og flókin fræðigrein, kem-
ur hún alls staðar við sögu í daglega lífinu og fær-
ir ýmsum fræðigreinum verkfæri sem þau nýta
sér. Hún er vísindi í sjálfri sér og einnig undir-
staða allra vísinda, eins og t.d. raunvísinda og
verkfræði. Sem dæmi má nefna að í hvert skipti
sem krítarkort er dregið gegnum lesara fer af
stað forrit sem dulkóðar upplýsingarnar sem
lesnar eru af kortinu til að yfirfæra þær til banka.
Á bak við þetta er mjög flókin stærðfræði. Það er
merkilegt að forritin eru byggð á upplýsingum
um frumtalnaþáttun. Þannig vinnur stærðfræðin
fyrir okkur, alltaf og alls staðar. Táknmál stærð-
fræðinnar er líka alþjóðlegt, þannig að Kínverjar
skrifa hana nákvæmlega eins og við. Hún er eitt
af fáum málum sem eru eins um allan hnöttinn.
Þess vegna er mikilvægt að við eigum að skipa
stóran hóp af fólki sem kann þetta mál vel.
Stærðfræðin er líka vísindi og list, því hún
fjallar um formin í umhverfi okkar og lýsir mörgu
sem tengist arkítektúr og listum. Í þriðja lagi er
hún líka íþrótt, vegna þess að hún er hugaríþrótt
þar sem menn eru að leysa þrautir. Þess vegna
höfðar hún svo mikið til ungs fólks, því hún er
sérstaklega gott þjálfunartæki til að þjálfa rök-
hugsun hjá ungu fólki og börnum.“
Hvernig er hagnýtingu stærðfræði m.a. háttað?
„Stærðfræðin er farin að koma meira og meira
inn í læknavísindin, og besta dæmið frá 20. öld-
inni er sneiðmyndatæknin, þar sem upplýsingar
úr geislum gegnum líkamann eru umreiknaðar
yfir í myndir. Stærðfræðin á bak við það er ákaf-
lega flókin og það skemmtilega við þetta stærð-
fræðingaþing er að rannsóknarniðurstöður Sig-
urðar Helgasonar, sem heldur einmitt
opnunarfyrirlestur þingsins, hafa verið nýttar við
útreikningana sem búa að baki sneiðmynda-
tækni.“
Raunvísindi | Fyrsta fransk-norræna stærðfræðingaþingið í Háskóla Íslands
Grundvallarmál vísindanna
Ragnar Sigurðsson
er fæddur í Reykjavík
árið 1954. Hann lauk
BS-prófi í stærðfræði
frá Háskóla Íslands
1977 og doktorsprófi í
stærðfræði frá Lund-
arháskóla í Svíþjóð
1984.
Ragnar starfaði sem
sérfræðingur í stærð-
fræði á Orkustofnun
1983–6 og sem sérfræðingur í stærðfræði við
Raunvísindastofnun HÍ frá 1986.
Ragnar er kvæntur Sigríði Jenný Guð-
mundsdóttur félagsráðgjafa og eiga þau þrjá
syni.
Hringvegur 1 frátekinn
ÉG verð að beina því til þingmanna
að nauðsynlegra er að setja ferða-
takmarkanir á flutningavagna en
auglýsingar um sykur.
Þannig er að það er orðið stór-
hættulegt að ferðast á milli staða á
hringveginum. Milli jóla og nýárs
fór ég á milli Akureyrar og Reykja-
víkur og mætti eða fór framhjá tug-
um flutningavagna. Hringvegurinn
annar ekki þessari viðbót og slys
hljóta að verða.
Það má breyta þessu líkt og gert
var með umferð vinnuvéla, á meðan
beðið er eftir öðrum vegi eða
breikkun.
Gísli Baldvinsson.
Miðbær
FYRIR nokkru var verið að ræða
brúargerð yfir Elliðavog.
Forseti borgarstjórnar vildi hafa
brúna hjá IKEA en vegagerðin hjá
Húsasmiðjunni. Forsetinn sagðist
vilja hafa hana hjá IKEA vegna
þess að að þaðan væri styttra niður
í miðbæ. Vegagerðarmennirnir
sögðu aftur á móti að brúin hjá
Húsasmiðjunni væri nokkur þúsund
milljónum ódýrari og svo er það
auðvitað kostur að hafa nóg af nögl-
um innan seilingar þegar byggja á
stóra brú. Nú er það stundum sagt
að flugvöllurinn trufli eðlilega þró-
un í Reykjavík. Þetta er misskiln-
ingur. Fyrir nokkrum árum var
völlurinn endurgerður og urðu eng-
ar truflanir þótt norður-suð-
urbrautin væri lokuð mánuðum
saman. Seinustu 100 árin hafa verið
stöðugar framfarir í flugvéla-
smíðum og eru nú til flugvélar sem
nægja brautir sem eru aðeins þriðj-
ungur af lengd flugbrautanna í
Reykjavík. Austur-vesturbraut
mætti lengja út í sjó og láta hana
enda að austan við afgreiðslu Flug-
félagsins. Fluggarðamenningin lifði
áfram góðu lífi og yrði með tím-
anum að lifandi safni.
Gestur Gunnarsson,
Flókagötu 8, Rvík.
Rauður bakpoki glataðist
á gamlárskvöld
RAUÐUR bakpoki glataðist við
Players í Kópavogi eða í leigubíl um
fimmleytið aðfaranótt nýársdags.
Gleraugu, myndavél, snyrtidót og
föt eru meðal þess sem var í bak-
pokanum. Fundarlaunum heitið. Ef
þú hefur fundið bakpokann, vinsam-
legast hafðu samband við Sigrúnu í
síma 896 2960.
2 hringar týndust
í Kringlunni
TVEIR hringar týndust í Kringl-
unni á Þorláksmessu, líklega í versl-
un. Skilvís finnandi hafi samband í
síma 562 4099.
Velvakandi
Svarað í síma 5691100 frá 10–12
og 13–15 | velvakandi@mbl.is
1. d4 Rf6 2. c4 g6 3. Rc3 Bg7 4. e4 d6 5.
Be2 0-0 6. Rf3 Bg4 7. Be3 Rfd7 8. Hc1
c5 9. d5 Ra6 10. h3 Bxf3 11. Bxf3 Rc7
12. 0-0 e6 13. Be2 exd5 14. exd5 f5 15.
Dd2 Df6 16. f4 Hfe8 17. Hce1 Kh8 18.
Bd3 b5 19. cxb5 Rb6 20. Be2 Hab8 21.
Bf2 Df7 22. Hd1 Rcxd5 23. Rxd5 Dxd5
24. Dxd5 Rxd5 25. Bf3 Rc7 26. a4 Bf8
27. Be1 Re6 28. Bc3+ Rd4 29. Hxd4
cxd4 30. Bxd4+ Bg7 31. Bxa7 Hbc8 32.
Hd1 Hc4 33. a5 Bxb2 34. b6 Bd4+
Staðan kom upp í Hastings-mótinu
sem lauk fyrir skömmu. Li Wu (2.236)
hafði hvítt gegn Zahar Efimenko
(2.594). 35. Hxd4! Hxd4 36. b7 Hb4 37.
a6 Kg8 38. Bf2 Hb1+ 39. Kh2 og svart-
ur gafst upp enda biskupar hvíts og frí-
peð hans óstöðvandi. Mótið í ár er
haldið með afar furðulegu sniði sem
virðist þó enda sem útsláttarfyrir-
komulag. Einnig er afar sérstakt að
hvítur fær 20 mínútna minni umhugs-
unartíma en svartur. Reglur þessa
sniðs eru mjög ítarlegar og svo flóknar
að það er vart fyrir nokkurn mann að
skilja þær.
SKÁK
Helgi Áss Grétarsson | dagbok@mbl.is
Hvítur á leik.
Svíning er neyðarúrræði.
Norður
♠643
♥ÁD1064 S/AV
♦KD
♣K96
Suður
♠K752
♥KG8732
♦--
♣ÁG10
Vestur Norður Austur Suður
-- -- -- 1 hjarta
Dobl 4 hjörtu Pass Pass
Pass
Vestur trompar út gegn fjórum
hjörtum og austur fylgir lit. Hvernig
er best að spila?
Það væri óstuð að fara niður, því
spilið er ljónsterkt. En kannski væri
það enn sterkara ef blindur ætti þrist
og tvist í tígli í staðinn fyrir hjónin.
Skaðasárir spilarar gætu farið niður
eftir misheppnaða tilraun til að nýta
tígulhjónin. Þeir myndu spila tíg-
ulkóng úr borði í öðrum slag og henda
spaða heima.
Þú ert ekki í þeim hópi.
Norður
♠643
♥ÁD1064
♦KD
♣K96
Vestur Austur
♠ÁD108 ♠G9
♥5 ♥9
♦Á1095 ♦G876432
♣8532 ♣D74
Suður
♠K752
♥KG8732
♦--
♣ÁG10
Sjáum hvað gæti gerst: Vestur fær
á tígulás og spilar hlutlaust tígli um
hæl. Sagnhafi hendir spaða heima,
reynir kannski að spila spaða á kóng-
inn (þótt vitað sé að vestur eigi ásinn),
en þarf svo á endanum að finna lauf-
drottningu. En sú leit misheppnast,
því dobl vesturs í byrjun er í léttara
lagi.
Allt er þetta óþarfi. Rétt er að nota
innkomur blinds á hjarta til að trompa
tígulhjónin og spila svo litlum spaða úr
borði og dúkka níu austurs. Austur
spilar spaða áfram og sagnhafi dúkkar
aftur og er rétt sama hvernig landið
liggur. Ef austur skyldi eiga þriðja
spaðann, má leggja kónginn á, en hér
verður austur að skipta yfir í lauf eða
spila tígli í tvöfalda eyðu.
BRIDS
Guðmundur Páll Arnarson | dagbok@mbl.is
Hópþjálfun - Breyttur lífsstíll
Tækjasalur
Ásta Vala
Berglind Erna Matja Sigrún
Sjúkraþjálfun Styrkur • Stangarhyl 7 • 110 Reykjavík
Auður
Í Sjúkraþjálfun Styrk í Stangarhyl 7, Reykjavík,
eru leikfimihópar og lífsstílsnámskeið að hefj-
ast að nýju.
Í boði verða gigtarhópar, hjartahópar, leikfimi
fyrir konur og námskeið um breyttan lífsstíl.
Takmarkaður fjöldi verður í hópunum og vel
er fylgst með hverjum og einum, en leiðbein-
endur eru allir sjúkraþjálfarar.
Frír aðgangur að tækjasal fylgir hópþjálfun-
inni.
Bjóðum nýja þátttakendur velkomna.
Einnig er hægt að kaupa mánaðarkort/árskort í
endurnýjaðan og vel útbúinn tækjasal.
Nánari upplýsingar er að finna á vef
okkar www.sstyrkur.is
Skráning er í síma 587 7750
Réttu stærðirnar
Hlíðasmára 11 • Kópavogi • sími 517 6460
www.belladonna.is
Útsalan í fullum gangi
10-50%
afsláttur
Regnbogadagar
Laugavegi 54,
sími 552 5201
1.000 króna
dagur í Flash
• Peysur
• Gallabuxur
• Bolir
• Kjólar
á aðeins 1.000 krónur í dag
Kápur 2.990 og margt fleira á ótrúlegu verði