Morgunblaðið - 12.03.2005, Blaðsíða 14

14 LAUGARDAGUR 12. MARS 2005 MORGUNBLAÐIÐ
FRÉTTIR
á morgun
Ellert
Vigfússon
í Sjóvík
Slökun
að moka
hrossaskít
ÚR VERINU
ÞING unga fólksins fer fram í fyrsta sinn nú um helgina.
Ungliðahreyfingar stjórnmálaflokkanna standa fyrir
þinginu og var það sett í hátíðarsal Háskóla Íslands í
gær.
Þingið er nýr sameiginlegur umræðuvettvangur.
Markmiðið er að vekja upp umræðu um málefni sem
snerta ungt fólk og leiða í ljós hvort ná megi þver-
pólitískri sátt um ákveðin mál. Ályktanir þingsins gætu
þannig gefið vísbendingar um framtíðaráherslur Alþing-
is.
Ragnhildur Ragnarsdóttir, sem situr í samráðsnefnd,
setti þingið og sagði blað vera brotið í sögu íslenskra
stjórnmála.
Enginn pólitískur skotgrafahernaður
Fulltrúarnir koma til þingsins með það að markmiði
að leggja dægurþras til hliðar, horfa til framtíðar og ein-
blína á mál þar sem samstaða gæti hugsanlega náðst.
Ungliðahreyfingarnar vonast til þingið sýni fram á að
stjórnmál snúist fyrst og fremst um hvernig bæta megi
samfélagið öllum til heilla. Vonast er til að skoðanaskipti
sem skapist á þinginu geti verið ungu fólki hvatning til
að láta að sér kveða og taka þátt í stjórnmálastarfi, hvar
sem það kýs að skipa sér í flokk.
Líkt eftir Alþingi
63 fulltrúar taka þátt í umræðum, eða jafnmargir og
sitja á Alþingi. Þá samsvarar fulltrúafjöldi hverrar
hreyfingar sætafjölda viðkomandi stjórnmálaflokks á Al-
þingi. Þingsályktanir voru undirbúnar og lagðar fyrir
þingið í gær og mál verða rædd í hópum sem svipar til
nefnda Alþingis. Fulltrúar frá hverri hreyfingu eiga sæti
í hverjum hópi. Greidd verða atkvæði um ályktanir
þingsins, en þingslit verða á morgun.
Halldór Ásgrímsson, forsætisráðherra, ávarpaði þing-
ið við setninguna. Hann sagði umræðu um stjórn-
málaþátttöku ungs fólks oft vera neikvæða, en lagði
áherslu á mikilvægi þess að ungt fólk sýndi áhuga á
stjórnmálum og hefði afskipti af þeim.
Halldór sagði ungt fólk vissulega hafa áhrif og nefndi
90% húsnæðislán og lækkun afborgana af námslánum
sem dæmi um mál sem komin væru frá ungu fólki. Hann
sagði stjórnmál vera listina að ná málamiðlunum og
komast að niðurstöðu og undirstrikaði mikilvægi þess að
unga fólkið ræddi saman sín á milli.
Loks sagðist hann vonast til að sjá einhver andlitanna
í salnum í þingsal í framtíðinni og sagðist sjálfur alls ekki
á leiðinni að hætta þótt einhverjir vonuðust kannski til
þess.
Morgunblaðið/Jim Smart
Fulltrúarnir voru einbeittir í upphafi þings unga fólksins, sem haldið er í hátíðarsal Háskóla Íslands.
Þing unga fólksins
haldið í fyrsta skipti
Morgunblaðið/Jim Smart
Halldór Ásgrímsson ræddi um mikilvægi þess að ungt
fólk sýndi áhuga á stjórnmálum og tæki þátt í þeim.
ATHUGUN Hafrannsóknastofnunarinnar
á magni og útbreiðslu loðnu úti fyrir Vest-
urlandi gefur ekki tilefni til breyttrar veiði-
ráðgjafar á yfirstandandi vertíð.
Rannsóknaskipið Árni Friðriksson fór í
vikunni til athugana og mælinga úti fyrir
Vesturlandi og Vestfjörðum til að meta
magn og útbreiðslu loðnu sem vart varð við
út af Breiðafirði og Vestfjörðum en einnig
veiddist loðna út af Miðnorðurlandi.
Segir í tilkynningunni að loðnan sem
veiddist út af Vestfjörðum hafi verið ólík
þeirri loðnu sem mæld var í janúarbyrjun
að því leyti að hlutfall fjögurra ára loðnu
var mun hærra og einnig var nokkuð um
tveggja ára kynþroska loðnu í aflanum. Því
var álitið að hér gæti verið um nýja göngu
að ræða.
Loðna fannst víða á athugunarsvæðinu í
umtalsverðu magni, mest í norðanverðu
Nesdýpi og í Breiðafirði, en á síðarnefnda
svæðinu var veiði alla þá daga sem athug-
unin fór fram, 5.–10. mars. Þá varð vart
loðnu norður í Djúpál, út af Ísafjarðar-
djúpi, en ís hamlaði frekari athugunum á
því svæði.
Ekki meiri
loðnukvóti
„ÞETTA er mikill áfangi og árangur þrot-
lausrar vinnu undanfarin níu ár. Þetta gefur
okkur tækifæri til að njóta góðs af umhverf-
ismerkjum og skilgreinir einnig þær kröfur
sem eðlilegt er að gera til greinarinnar,“ segir
Kristján Þórarinsson, stofnvistfræðingur
LÍÚ, um samþykki Matvæla- og landbúnaðar-
stofnunar Sameinuðu þjóðanna (FAO) um
leiðbeinandi reglur um umhverfismerkingar
sjávarafurða.
Stefnumótunarvinna að umhverfismerking-
um sjávarafurða hófst að marki í starfshópi á
vegum norrænu ráðherranefndarinnar árið
1996 en í henni áttu sæti fulltrúar bæði stjórn-
valda og atvinnugreinarinnar. Kristján hefur
tekið þátt í þessari vinnu frá upphafi og segir
hann að á þeim tíma hafi umræðan um um-
hverfismerkingar verið hávær og útlit fyrir að
margir aðilar myndu vilja taka að sér um-
hverfismerkingar. „Þá kom strax fram vilji til
að setja ramma utan um umhverfismerkingar,
því annars skapast hætta á að hver sá aðili
sem tekur þær að sér setji eigin kröfur og
starfsreglur sem geta verið óraunhæfar. Síð-
an hefur megináherslan alltaf verið á að um-
hverfismerkingar snúist um sjálfbærar veiðar
og áhrif á vistkerfið og að merkið stæði fyrir
sem það segðist standa fyrir.“
Kristján segir að núna sé þannig ekkert að
vanbúnaði fyrir þá sem vilji bjóða umhverf-
ismerki sjávarafurða. Krafan sé að við vottun
þeirra sé fylgt leiðbeinandi reglum FAO.
„Þannig munu allir helstu kaupendur sjáv-
arafurða sem þess óska gera svipaðar kröfur
um sjálfbærar veiðar. Auk þess þrengja regl-
urnar svigrúm kaupenda til að setja fram
óraunhæfar kröfur og misbeita vottun á sjálf-
bærni í öðrum eða vafasömum tilgangi.“
MSC lagar sig líklega að FAO
Umhverfismerkingarsamtökin Marine
Stewarship Council (MSC) hafa um nokkurra
ára skeið boðið umhverfisvottun fiskveiða og
að í kjölfarið mætti merkja sjávarafurðir úr
þeim með merki samtakanna.
Kristján segir erfitt að átta sig á því hvaða
áhrif hinar nýju reglur hafi á vottun MSC.
Líklegast sé þó að MSC lagi sína starfshætti
að reglum FAO.
Kristján segir að Fiskifélag Íslands, ásamt
sambærilegum samtökum á Norðurlöndum,
hafi um nokkurt skeið kannað áhuga á því að
koma á fót umhverfismerki, til dæmis fyrir
fisk úr Norður-Atlantshafi. Honum sé auk
þess kunnugt um að fleiri aðilar séu að íhuga
umhverfisvottun.
Kristján segir að í reglum FAO felist skil-
greining á sjálfbærum veiðum, og í þeim sé
kveðið á um hvernig standa á að vottun. „Í
þeim eru reglur um hvernig eigi útfæra staðla,
faggildingarstofur eiga að tryggja hæfni vott-
unaraðilans, sem er þriðji aðili sem ber veru-
leikann saman við staðlana. Þegar umhverf-
issamtök taka aftur á móti að sér
umhverfisvottun eru þau sjálf í öllum hlut-
verkum, þau eiga merkið, setja kröfurnar og
annast faggildinguna og ráða þannig starfs-
réttindum vottunaraðilans. Það eru ekki eðli-
leg vinnubrögð.“
FAO leggur til reglur um umhverfismerkingar sjávarafurða
Koma í veg fyrir misbeitingu
Morgunblaðið/Þorkell