Morgunblaðið - 27.05.2005, Blaðsíða 11

MORGUNBLAÐIÐ FÖSTUDAGUR 27. MAÍ 2005 11
FRÉTTIR
BYGGÐ á Geldinganesi, Viðey,
Engey, Akurey og landfyllingar og
byggð í Örfirisey, átak til að efla
miðborgina, hagkvæmniathugun og
hugsanlega nýjar kosningar um
framtíð Reykjavíkurflugvallar,
hverfatorg, fjölgun íbúa um 30.000
og endurskipulagning grænna
svæða í borginni eru meðal þeirra
hugmynda um framtíðarskipulag
sem sjálfstæðismenn kynntu á
blaðamannafundi í gær.
Hugmyndir sjálfstæðismanna
bera yfirskriftina „Búum til betri
borg – horfum lengra, hugsum
stórt“ og hefur flokkurinn unnið að
undirbúningi þeirra um nokkurt
skeið. Vilhjálmur Þ. Vilhjálmsson,
oddviti sjálfstæðismanna í borgar-
stjórn, sagði að mikil vinna lægi að
baki tillögunum og leitað hefði verið
til verkfræðinga og annarra sér-
fræðinga við gerð þeirra. Hugmynd-
irnar verða kynntar íbúum höfuð-
borgarsvæðisins á íbúafundum og
leitað eftir ábendingum þeirra um
það sem betur mætti fara auk þess
sem haldið verður íbúaþing í júní
fyrir alla Reykvíkinga og hug-
myndabanki opnaður á vef borgar-
stjórnarflokks sjálfstæðismanna,
www.betriborg.is. Tillögurnar eru
því ekki endanlegar, heldur gætu
þær tekið nokkrum breytingum.
Eyjarnar tengdar við borgina
Í núverandi mynd gera hugmynd-
ir sjálfstæðismanna ráð fyrir byggð
á Engey, Viðey og Geldinganesi og
tengingum við eyjarnar frá borg-
inni. Þannig yrði brú frá Örfirisey
yfir í Engey að vestanverðu og að
austanverðu yrðu jarðgöng yfir í
Laugarnesið, eins og sjá má á með-
fylgjandi mynd. Gerð yrði landfyll-
ing til norðurs í átt að Engey út frá
gatnamótum Kringlumýrarbrautar
og Sæbrautar og ennfremur er gert
ráð fyrir landfyllingu frá Örfirisey
yfir í Akurey og að íbúðarbyggð rísi
á því svæði. Örfirisey yrði stækkuð
um 300 hektara og Engey um 40
hektara auk þess sem stungið er
upp á að lítil, lágreist og vistvæn
íbúðarbyggð rísi í austurhluta Við-
eyjar með fáum íbúum. Vilhjálmur
sagði að þótt hugmyndirnar um
byggð á eyjunum og landfyllingar
kynnu að þykja stórtækar væru þær
raunhæfar og benti t.d. á að á und-
anförnum áratugum hefði um 240
hekturum verið bætt við Reykjavík,
þar af hefði um 125 hekturum verið
bætt við höfnina. Aukningin hefði
verið hvað mest á undanförnum 15–
20 árum.
Á fundinum kom fram að hver
fermetri af landfyllingu frá þriggja
metra dýpi og sex metra upp fyrir
sjávarmál kostar um 6.000 krónur.
Ef reynt er að slá á kostnað við þær
landfyllingar sem gert er ráð fyrir í
tillögum sjálfstæðismanna myndi
hann vera alls 20–21 milljarður
króna.
Vilhjálmur sagði að breytingar
sem þessar myndu lækka lóðaverð í
borginni og kostnaðurinn við þær
skilaði sér því til baka. Hann bendir
einnig á að byggja mætti um 6.800
íbúðir á þessu svæði, miðað við tutt-
ugu íbúðir á hektara, og væri með-
alíbúðarverð frekar lágt.
Með nýrri íbúðarbyggð á þessum
stöðum myndi íbúum fjölga um
30.000 samkvæmt tillögum sjálf-
stæðismanna auk þess sem aukið
lóðaframboð myndi styrkja miðborg
Reykjavíkur. Vilhjálmur sagði að
allir sem vildu búa í Reykjavík ættu
að eiga þess kost. „Því miður hefur
það ekki verið þróunin undanfarin
ár,“ sagði hann og bætti við að sjálf-
stæðismenn vildu gefa borgarbúum
kost á því í ríkari mæli að fá úthlut-
aðar lóðir í sérbýli.
Hann sagði að uppbygging
byggðarinnar tæki auðvitað ákveð-
inn tíma en með henni væri hægt að
fullnægja lóðaframboði í að minnsta
kosti 30–40 ár. „Við ætlum ekki að
stefna byggðinni upp til heiða eins
og nú er verið að gera.“
Lagt er til að unnin verði hag-
kvæmnikönnun um Vatnsmýrar-
svæðið og borgarbúum svo gefinn
kostur á að taka upplýsta ákvörðun
um málið. Vilhjálmur sagði á fund-
inum í gær að til greina kæmi að
endurtaka kosningu um hvort flug-
völlurinn ætti að fara og útilokaði
ekki að slík kosning tæki til fleiri en
eingöngu íbúa höfuðborgarsvæðis-
ins.
Stefnumörkun R-listans óljós
Hann sagði stefnumörkun R-
listans varðandi Vatnsmýrina vera
óljósa og að niðurstaða atkvæða-
greiðslunnar um framtíð flugvallar-
ins frá árinu 2001 hefði verið gerð
að engu á dögunum með yfirlýsingu
frá borgaryfirvöldum og samgöngu-
ráðuneytinu um að hefja viðræður
um framtíð flugvallarins að lokinni
könnun á möguleikum varðandi
flugvöllinn.
Fram kemur í hugmyndum sjálf-
stæðismanna að þeir vilji að nú þeg-
ar verði hafist handa við lagningu
Sundabrautar samkvæmt leið þrjú
og að hún nái frá Sæbraut yfir
Kollafjörðinn upp á Vesturlandsveg.
Vilhjálmur segir að framkvæmdin
verði dýr, en samgönguráðherra
hafi lýst yfir vilja sínum til þess að
brautin verði lögð. Þá er lagt til að
mislæg gatnamót verði reist á
gatnamótum Kringlumýrarbrautar
og Miklubrautar og eftir færslu
Hringbrautarinnar yrði umferð um
Miklubrautina þá að mestu leyti í
frjálsu flæði frá austri til vesturs.
Þá telja sjálfstæðismenn mikilvægt
að byggja mislæg gatnamót á Vest-
urlandsveg og Suðurlandsveg.
Vilja byggja
meðfram
ströndinni
og á eyjum
Myndin sýnir byggð í Reykjavík eins og Sjálfstæðismenn sjá hana fyrir sér. Byggð verði á landfyllingum og á sögufrægum eyjum við höfuðborgina.
– Nýtt íbúðasvæði við Sundin
– Byggð í Engey og á Geldinganesi
– Lítil vistvæn byggð í austurhluta Viðeyjar
– Átak 101 fyrir miðborgina með sérstakri
áherslu á uppbyggingu við Laugaveginn
– Jafnvægi milli stórra og minni íbúða og
sérbýlis og fjölbýlis
– Hagkvæmnisathugun á kostum sem í boði
eru í Vatnsmýrinni
– Í kjölfar athugunarinnar tækju borg-
arbúar upplýsta ákvörðun um framtíð
svæðisins
– Græn svæði betur skilgreind
– Miklabrautin án hindrana frá austri til
vesturs
– Greið umferðarleið í gegnum alla borgina
– Fjölgun íbúa um 30.000
Helstu tillögur
sjálfstæðismanna
Borgarstjórnarflokkur sjálfstæðismanna kynnir hugmyndir um framtíðarskipulag Reykjavíkur
Eftir Árna Helgason
arnihelgason@mbl.is
Morgunblaðið/Golli
Borgarfulltrúarnir kynna tillögurnar á blaðamannafundi í gær.
ALFREÐ Þorsteinsson, stjórnar-
formaður Orkuveitu Reykjavíkur og
oddviti framsóknarmanna í borgar-
stjórn Reykjavíkur, segir að samn-
ingar um orkusölu veitunnar til
stóriðju séu mun arðsamari en sala
á raforku á almennum markaði og
hafi gert Orkuveitunni kleift að
selja almenningi raforku ódýrara en
ella væri. Hann segist ekki eiga von
á því að mismunandi áherslur í
orkumálum hafi áhrif á R-listasam-
starfið og væntir þess að skynsam-
leg niðurstaða náist þar í þessum
efnum.
Árni Þór Sigurðsson, oddviti
Vinstri grænna í
borgarstjórn
Reykjavíkur, rit-
ar grein í Morg-
unblaðið í gær
þar sem segir
meðal annars að
Orkuveitan eigi
ekki að taka þátt
í „álæðinu með
því að leggja í
áhættusamar framkvæmdir, hvort
sem er vegna álvers í Helguvík eða
á Norðausturlandi“.
Alfreð sagði aðspurður um þetta
að viðhorf Vinstri grænna og fram-
sóknarmanna væru gjörólík þegar
kæmi að stóriðjumálum og þessar
ólíku áherslur hefðu meðal annars
komið fram í atkvæðagreiðslu í
borgarstjórn um ábyrgð vegna
Kárahnjúkavirkjunar.
„Stefna okkar framsóknarmanna
í borgarstjórn er sú að nýta nátt-
úruauðlindir landsins með skynsöm-
um og umhverfisvænum hætti.
Þannig höfum við haft forustu um
að Reykjavíkurborg eignaðist lönd
og lendur í nágrenni borgarinnar og
hagnýtti þær með vistvænum jarð-
varmavirkjunum bæði á Nesjavöll-
um og á Hellisheiði,“ sagði Alfreð.
Hann sagði að það væri fjarri lagi
að þessar framkvæmdir væru fjár-
hagslega áhættusamar, sem sæist
best á því að arðsemi samninganna
um orkusölu til Norðuráls, sem þeir
hefðu gert, væri 11–12%, meðan
arðsemi af sölu á raforku á almenn-
um markaði væri einungis 3–4%.
50 milljarðar næstu 20 árin
„Stóriðjusamningarnir hafa leitt
til lægra raforkuverðs fyrir Reyk-
víkinga en ekki öfugt. Sala Orku-
veitu Reykjavíkur á raforku til
Norðuráls næstu 20 árin nemur um
50 milljörðum króna sem bæði
greiðir virkjanirnar niður á tiltölu-
lega skömmum tíma og skilar að
öðru leyti hagnaði. Þessir samning-
ar eru því afar mikilvægir auk þess
sem tugir milljarða koma inn á höf-
uðborgarsvæðið á framkvæmdatím-
anum vegna virkjanaframkvæmda
og byggingar álvers. Það leiðir til
aukins hagvaxtar, hærri útflutn-
ingstekna og styrkir atvinnulífið.
Vinstri grænir hafa stutt þessar
framkvæmdir og ég vænti þess að
skynsamleg niðurstaða náist innan
Reykjavíkurlistans um framhald
þessa máls,“ sagði Alfreð ennfrem-
ur.
Stóriðjusamningar hafa lækkað orkuverð
Alfreð Þorsteinsson