Fréttablaðið - 21.10.2002, Blaðsíða 8

8 21. október 2002 MÁNUDAGUR
INNLENT
SAMKEPPNI „Þetta getur þýtt það
að markaðshlutdeild okkar minn-
ki, og haft áhrif á afkomuna. Við
tökum á móti þessum keppinaut
og munum keppa við hann, von-
andi á góðum grunni,“ segir
Brynjólfur Bjarnason, forstjóri
Landssímans.
„Ég tel að kaup Íslandssíma á
þessum meirihluta í Tali og vænt-
anleg sameining í framhaldi af
því geri fyrirtækið öflugra. Tal
er óneitanlega með styrka stöðu
á farsímamarkaði. Ég held að Ís-
landssími verði verðugur keppi-
nautur í framtíðinni. Það hlýtur
að leiða til þess að Síminn hafi
meira svigrúm til athafna, þá
vonandi neytendum til góðs í
framtíðinni,“ segir Brynjólfur.
Keppinautar Símans hafa
nokkrum sinnum kært að Síminn
misnoti markaðsráðandi stöðu
sína. Íslandssímamenn telja sig
hafa náð lágmarksstærð til að
keppa við Símann.
Brynjólfur segir erfitt að spá
fyrir um hvort símamarkaðurinn
sé kominn í sína endanlegu
mynd. „Mér sýnist að með þess-
ari sameiningu sé búið að setja
undir einn hatt meginþorra síma-
starfsemi. Ég geri mér ekki grein
fyrir því hvort ný minni fyrir-
tæki spretti upp eða að þau sem
eru líka starfandi sameinist inn í
þetta félag. Ég myndi halda að
með þessu fyrirtæki væru komið
nokkuð öflugt félag.“ 
Forstjóri Símans um sameiningu Tals og Íslandssíma:
Eykur svigrúm okkar til athafna
BRYNJÓLFUR BJARNASON
Tökum á þeirri samkeppni sem fylgir sam-
einingu Íslandssíma og Tals.
Starfsgreinasambandið:
Kvótanum
verði skilað
SJÁVARÚTVEGUR „Til að sátt skapist
um fiskveiðistjórnkerfið, krefst
Starfsgreinasambandið þess að
útgerðum verði gert að skila yfir-
ráðaréttinum yfir auðlindinni í
áföngum,“ segir í ályktun Starfs-
greinasambandsins.
Sambandið telur þörf á gagn-
gerri endurskoðun stjórnkerfis
fiskveiða. Verði útgerðum gert að
skila kvótanum í áföngum, megi
snúa við þeirri óeðlilegu eigna-
tilfærslu með tilheyrandi bú-
seturöskun sem orðið hafi á síð-
ustu áratugum og jafnframt tryg-
gja á ný eðlilega endurnýjun í at-
vinnugreininni. 
BÚKAREST, AP Víðar er deilt um
vernd móðurmálsins en á Íslandi.
Í Rúmeníu voru nýverið sett lög
sem banna notkun erlendra orða á
opinberum vettvangi, nema því
aðeins að rúmensk
þýðing fylgi. Þeir
sem brjóta þessi
lög geta átt von á
sektum.
Viðbrögð lands-
manna eru misjöfn.
Sumir halda ekki
vatni vegna hlát-
urs. Aðrir eru
komnir í skotgraf-
irnar og ætla að
berjast af öllu afli gegn þessum
lögum, sem þeir telja hámark
þröngsýninnar.
Reyndar hafa lögin ekki enn
tekið gildi þótt þingið hafi sam-
þykkt þau fyrr í mánuðinum.
Skorað hefur verið á forseta
landsins að undirrita þau ekki.
Hann hefur enn ekki gefið upp af-
stöðu sína.
Höfundur laganna er George
Pruteanu, málfræðingur sem tek-
ur baráttu sína fyrir tungunni
afar alvarlega.
„Markmið laganna er að gefa
fjöldanum, sem talar ekki erlend
tungumál, tilfinningu fyrir því að
hann eigi líka göturnar, en ekki
bara uppskafningar og nýríka
fólkið í glæsihöllunum,“ sagði
Pruteanu á þingi þegar lögin voru
afgreidd.
Sum dæmin eru óneitanlega
býsna brosleg. Pulsusalar á götum
úti geta til dæmis ekki kallað orð-
in „hot dog“, eins og þeir hafa
vanist. Pruteanu leggur til að þeir
kalli varning sinn „eins konar
pulsur í eins konar brauði“. Og
hamborgar eiga að heita „samlok-
ur frá Hamborg“.
Lögunum er einkum ætlað að
höfða til eldra fólks, sem ólst upp
undir einræðisstjórn Nicolaes
Ceausescus og lærði ekki ensku.
„Rúmenar eru föðurlandsvin-
ir,“ sagði bílstjóri að nafni
Dumitru Popa, „og raunverulegir
föðurlandsvinir eru samþykkir
þessum lögum.“
Aðrir sjá í þessum lögum aftur-
hvarf til tíma kommúnistastjórn-
arinnar. „Þessi lög eru rothögg
fyrir það frelsi sem áunnist hefur
eftir byltinguna 1989,“ segir
Eugen Nicolaescu, formælandi
Frjálslynda flokksins. „Það er fá-
ránlegt að þýða asnalega hluti yfir
á rúmensku, sem þegar hafa að-
lagast málinu og eru komnir inn í
orðabók hins opinbera.“
Blaðamaðurinn Cornel Nistor-
escu tekur undir þetta: „Að reyna
að halda vörð um rúmensku með
lögregluvaldi er eins og að reyna
að stjórna því hvernig fuglarnir
fljúga.“ 
Enskuslettur bann-
aðar með lögum
Í Rúmeníu er vernd móðurmálsins orðin eitt helsta hitamálið. Þingið
hefur bannað notkun erlendra orða á opinberum vettvangi. Sumir telja
þetta afturhvarf til kommúnistatímans. Aðrir hlægja sig máttlausa.
ENSKUSLETTUR Á HÚSVEGG
„Keeping the world moving“ stendur þarna á ensku utan á byggingu í Búkarest. Þetta er
auglýsing fyrir flutningafyrirtæki. Taki nýju lögin gildi verður að láta þýðingu fylgja með.
Að reyna að
halda vörð
um rúmensku
með lögreglu-
valdi er eins
og að reyna
að stjórna því
hvernig fugl-
arnir fljúga.
AP
/M
AR
IU
S
N
EM
ES
ÍÞRÓTTAHÚS Í HOFSSTAÐAMÝRI
Bæjarstjórn Garðabæjar hefur
falið tækni- og umhverfissviði
bæjarins að undirbúa útboð á
grundvelli niðurstaðna starfs-
hóps um byggingu íþróttamann-
virkis í Hofsstaðamýri.
STAL 700 KRÓNUM Í SMÁMYNT
Maður á fimmtugsaldri var í gær
dæmdur í mánaðarfangelsi, skil-
orðsbundið í tvö ár, í Héraðsdómi
Vestfjarða. Maðurinn hafði stolið
fartölvu úr báti í Suðureyrar-
höfn, myndavél úr Fiskvinnslu
Íslandssögu og 700 krónum í
smámynt úr verbúð á Suðureyri.
LEYSA ÞARF LÆKNAVANDANN Á
ÍSAFIRÐI Bæjaryfirvöld í Ísa-
fjarðarbæ telja það vera for-
gangsverkefni stjórnvalda að
leysa þann vanda sem steðjar að
heilbrigðisþjónustu í bænum.
Fjórir af sex heilsugæslulæknum
hafa sagt upp störfum, þar á
meðal yfirlæknirinn.
GUÐMUNDUR TYRFINGSSON
FÉKK UMHVERFISVERÐLAUN
Sturla Böðvarsson, samgönguráð-
herra, veitti í fyrradag fólks-
flutningafyrirtækinu Guðmundi
Tyrfingssyni ehf. á Selfossi um-
hverfisverðlaun Ferðamálaráðs
Íslands 2002.
HEIMILISLÆKNAR BERA
MISJAFNLEGA ÚR BÝTUM
Það virðist fara eftir hvar menn er í starf
og hvaða stöðu þeir gegna hvort þeir
hækka í launum eftir úrskurð Kjaranefndar
.
Úrskurður Kjaranefndar í
máli heimilislækna
Sumir lækka
en aðrir
hækka
DEILA Enginn niðurstaða varð á
fundi heimilislækna með heil-
brigðisráherra á fimmtudaginn.
Ákveðið var að aðilar skoðuðu mál-
ið fram yfir helgi og mættust þá að
nýju. Heilsugæslulæknar í Kefla-
vík ræddu sérstaklega við ráð-
herra en uppsagnir þeirra taka
gildi um næstu mánaðarmót. Þórir
Kolbeinsson formaður félags
heimilislækna segir að næsta
skref sé að fá betri túlkun á úr-
skurðinum og efna síðan til félags-
fundar. Á fundi þeirra við ráðherra
hafi ekki verið rætt um réttinda-
baráttu en hann á ekki von á öðru
en það verði gert á fundinum í
næstu viku. „ Það er mjög misjafnt
hvort menn bera eitthvað úr být-
um eftir þennan úrskurð Fljótt á
litið sýnist okkur það alveg fara
eftir hvar menn eru í starfi og til
að mynda lækka unglæknar en
sumir hópar hækka eitthvað og
enn aðrir hreinlega lækka,“ segir
Þórir Kolbeinsson. 
ORÐRÉTT
HVAÐ ER HÚN ÞÁ?
„Margaret Thatcher
er auðvitað ekki ein-
hver maður úti í bæ.“
Hannes Hólmsteinn Giss-
urarson í Silfri Egils.
ERTU NÚ ALVEG
VISS?
„Í annað skiptið fauk ég ofan af
búrhvalshaus, en varð nú ekki
meint af.“
Halldór Blöndal, forseti alþingis og fyrr-
um flensari, í Morgunblaðinu.
KRYDDSTELPUR LESA EKKI
NJÁLU
„Hún lærði fullt af íslenskum
klúryrðum og notaði þau á meðan
við gerðum það.“
Séð og heyrt náði ekki tali af einum hels-
ta tíðindamanni sínum í gegnum árin,
Fjölni Þorgeirssyni, og heimfærði því lýs-
ingar hans á kynlífinu með Mel B. beint
upp úr breska sunnudagsblaðinu People.
Osló á kafi í snjó:
Ófærð og
umferðar-
öngþveiti
NOREGUR Vetur konungur kom
Norðmönnum í opna skjöldu um
helgina en á aðfararnótt sunnu-
dags kyngdi snjó svo hressilega
niður í höfuðborginni að snjólagið
varð um 7 sentímetrar á nokkrum
klukkustundum. Fyrsti snjórinn í
Osló setti bílaumferð úr skorðum
enda áttu fæstir von á fannferg-
inu. Götur urðu fljótt ófærar og
mikið var um árekstra en lögregla
hafði þó ekki haft neinar spurnir
af alvarlegum meiðslum á fólki á
sunnudagsmorgun. 
Nefnd til ráðgjafar um
verndarsvæði:
Ótengd
virkjunum
STJÓRNMÁL Steingrímur Sigfússon
formaður Vinstri grænna hefur
tekið sæti í nefnd sem umhverfis-
ráðherra skipaði til ráðgjafar um
stofnun verndarsvæðis eða þjóð-
garðs norðan Vatnajökuls. Í yfir-
lýsingu sem Steingrímur sendi
frá sér vegna þessa segir að Alcoa
láti ranglega að því liggja að
nefndarskipunin sé með einhverj-
um hætti í tengslum við tilteknar
virkjunarhugmyndir. Svo sé ekki.
Í erindisbréfi ráðherra þar sem
óskað sé eftir tilnefningum sé
ekki minnst einu orði á slíkt.“ 
Þjófur í Súðarvogi:
Gómaður á
hlaupum
INNBROT Lögreglan í Reykjavík
hljóp uppi þjóf sem hafði brotist
inn í Súðarvoginum snemma á
sunnudagmorgun. Tveir menn
höfðu framið innbrotið en annar
komst undan. Sá sem náðist hafði
meðal annars í fórum sínum front
af bílaútvarpi og GSM-síma sem
hann hafði stolið. Annars var
fremur rólegt í hefðbundnum
helgarstörfum lögreglunnar í höf-
uðborginni þrátt fyrir ölvun í mið-
bænum og hverskyns pústra.