Fréttablaðið - 15.10.2003, Blaðsíða 18

Eggert Thorlacius og StefaníaÓskarsdóttir keyptu sér íbúð
við Guðrúnargötu í Norðurmýr-
inni fyrir nokkrum árum. Helsti
gallinn á góðri íbúð var sá að eld-
húsið var lítið, einungis 5,5 fm.
Hins vegar var lítið forstofuher-
bergi við hliðina á eldhúsinu, 5,5
fm að stærð. Í vor hófust þau hjón-
in handa við að búa til nýtt eldhús
úr þessum tveimur herbergjum.
Að ýmsu var að hyggja áður en
hafist var handa. Eggert og Stef-
anía teiknuðu sjálf innréttinguna
eins og þau vildu hafa hana og
hófu leikinn á því að leita tilboða í
hana í öllum helstu eldhúsinnrétt-
ingabúðum. Tilboði Björnsins var
tekið og innréttingin var keypt og
komið fyrir í bílskúrnum áður en
niðurrifsstarfsemin hófst. „Við
höfðum heyrt svo margar hryll-
ingssögur af því að fólk sæti uppi
með hálfa innréttingu og þyrfti að
bíða eftir hinum helmingnum og
við nenntum því ekki.“
Þau hjónin rifu innréttinguna
niður og brutu niður vegginn með
hjá góðra vina. Leggja þurfti
pípulagnir í nýja eldhúsið, raf-
magn og múra. Þjónusta pípu-
lagnamannsins var keypt en ann-
ars gerðu þau flest sjálf auk þess
sem „eiginmenn vinkvenna okkar
hjálpuðu til.“ Fylla þurfti upp í
hurðaopið á forstofuherberginu.
Það var gert með gifsplötum sem
settar voru á trégrind og sparsl-
að í kring.
Sjálf flotuðu þau gólfið á nýja
eldhúsinu, en gólfhæðin á her-
bergjunum tveimur var mismun-
andi. Þau lögðu svo parket úr
rauðeik á gólfið. Flísarnar keyp-
tu þau í Húsasmiðjunni.
Eggert og Stefanía eru mjög
ánægð með afraksturinn. Eldhús-
ið er bjart og fallegt og vinnuað-
staðan til fyrirmyndar. Til dæmis
datt þeim í hug að setja upp-
þvottavélina í vinnuhæð, við hlið-
ina á vaskinum, sem er að sjálf-
sögðu miklu betra fyrir bakið.
„Allir hafa ofninn í þessari hæð
og hann er nú ekki notaður jafn
mikið og uppþvottavélin,“ benda
þau á.
Mánuð tók að breyta eldhús-
inu - með dagvinnunni. Alls kost-
uðu breytingarnar á eldhúsinu
um 900.000 þúsund, þá er allt
talið, innréttingar, heimilistæki,
flísar, gólfefni og ljós. ■
EGGERT OG S
TEFANÍA Í NÝJ
U ELDHÚSI
Mjög ánægð ein
s og við er að bú
ast.
HURÐAROPI EYTT
Fyllt var upp í dyrnar á forstofuherberginu með gifsplötu sem sett var
á trégrind og sparslað í kring.
TVÖFALT STÆRRA
Eldhúsið stækkaði um helming við breytinguna.
Fyrir og eftir:
Tvöfölduðu eldhúsið
á einum mánuði
VOND VINNUAÐSTAÐAÞað var ekki mikið pláss í gamla eldhúsinu.
15. október 2003Heimilisblaðið2
SNYRTILEGT
Vel tókst til með að eyða ummerkjum um
hurðina.
SVO VAR VEGGURINN BROTINN
Góðir vinir komu í heimsókn og fengu útrás.