Fréttablaðið - 15.10.2003, Blaðsíða 31
15. október 2003
Það er horft á sjónvarpið í stof-unni,“ segir Karl Ágúst Úlfs-
son leikari, og kveðst ekki vera
með sérstaka sjónvarpsstofu eða
hol. Aðspurður hvort sjónvarpið
sé þungamiðjan og uppröðun á
húsgögnum miðist við það segir
hann það ekki vera. „Við eigum nú
bara einn sófa sem reyndar snýr
að sjónvarpinu, en við erum ákaf-
lega lítið sjónvarpsfólk. Þess
vegna hefur sjónvarpið alltaf ver-
ið hálfgerð hornreka hjá okkur og
við ekki lagt mikið upp úr svoleið-
is græjum.“
Karl segist vera með gamalt
tæki sem þarf að berja til hlýðni
reglulega. „Ég byrjaði að berja
það fyrir fimm árum og það hefur
dugað hingað til að berja það
hraustlega ef það er ekki til
friðs.“ ■
Karl Ágúst Úlfsson
Sjónvarpið horn-
reka á heimilinu
MEÐ SJÓNVARPIÐ Í STOFUNNI
Karl Ágúst er með gamalt sjónvarpstæki
sem þarf að berja reglulega, en fjölskyld-
an er hins vegar lítið fyrir sjón-
varpsgláp.
Október í búðunum:
Skrautið er komið
Þótt október sé ekki nema rétthálfnaður er nú orðið hægt
að kaupa jólaskraut nokkuð
víða. Nokkrar verslanir sem
sérhæfa sig í jólaskrauti eru
reyndar opnar allt árið, Jólahús-
ið við Skólavörðustíg og Litla
jólabúðin við Grundarstíg, auk
Jólagarðsins í Eyjafjarðarsveit.
Nokkrar stærri verslanir eru
svo búnar að stilla fram jóla-
skrautinu. Til dæmis er verið að
stilla því bæði í Debenhams í
Smáralind og Ikea.
Óþolinmóð jólabörn geta því
farið að taka forskot á sæluna og
farið að rölta milli búða í leit að
jólaskrauti. Hins vegar fer örugg-
lega best á því að bíða, að minns-
ta kosti í nokkrar vikur, með að
skreyta því þótt gott sé að vera
snemma á ferðinni má jólaskraut-
ið ekki vera orðið of þreytt þegar
jólin loksins koma. ■