Fréttablaðið - 17.12.2003, Blaðsíða 4

4 17. desember 2003 MIÐVIKUDAGUR
Þarf að efla löggæslu í höfuð-
borginni?
Spurning dagsins í dag:
Hvað finnst þér um jólafrí þingmanna?
Niðurstöður gærdagsins
á www.frett.is
22%
78%
Nei
Já
Kjörkassinn
Farðu inn á frett.is og segðu þína skoðun
frétt.is
■ Impregilo
■ Írak
Fimm milljarða velta Íslandsflugs:
Nær allar tekjur að utan
VIÐSKIPTI Einungis 5% tekna Ís-
landsflugs komu vegna starsemi
félagsins innanlands fyrstu níu
mánuði ársins. Afgangurinn er
vegna leiguflugsstarfsemi
félagsins erlendis. Tekjur
félagsins fyrstu níu mánuði árs-
ins eru tæpir fimm milljarðar
króna og er það 1,5 milljörðum
meira en allt árið í fyrra.
Ómar Benediktsson, fram-
kvæmdastjóri Íslandsflugs, seg-
ir bæði nýja viðskiptavini og
nýjar flugvélar ástæðu veltu-
aukningarinnar. Hagnaður
fyrstu níu mánuðina var 282
milljónir króna. „Hagnaðurinn
hefur vaxið hlutfallslega meira
en veltan sem er sérlega
ánægjulegt fyrir félag í svo
örum vexti.“ Hjá félaginu starfa
nú um 200 manns þar af 120 Ís-
lendingar.
Í flugflota Íslandsflugs eru
14 flugvélar þar af sex þotur af
gerðinni Airbus. Ekki eru önnur
innlend félög með slíkar vélar í
flota sínum. ■
Eftirlaunamál
vega þungt
Ásmundur Stefánsson ríkissáttasemjari hefur fengið fyrstu samninga-
nefndirnar á sinn fund. Sér fram á strangar samningalotur. Samninga-
nefnir ríkisins og Starfsgreinasambandsins til sáttasemjara á föstudag.
KJARAMÁL „Ýmislegt í þessari
samningalotu getur orðið býsna
snúið,“ segir Ásmundur Stefáns-
son ríkissáttasemjari um samn-
ingalotuna sem nú er að ganga í
garð. Í fyrradag var kjaradeilu
Starfsgreinasambandsins og rík-
isins vísað til sáttasemjara en
fjöldi kjarasamninga er laus um
eða eftir áramót. Samþykkt
Alþingis um bætt lífeyrisréttindi
æðstu ráðamanna varð til þess að
verkalýðshreyfingin hefur reist
þá kröfu að félagar fái sömu
kjarabót og lífeyrisréttur þeirra
verði styrktur með sambærileg-
um hætti. Því er
komin allt önnur
staða upp en verið
hefur undanfarið
þar sem samninga-
nefndir Samtaka
atvinnulífsins og
a t v i n n u r e k e n d a
hafa verið á fremur lágstilltum
nótum að ræða um nýja samninga.
Ari Edwald, framkvæmdastjóri
SA, gagnrýndi það í Fréttablaðinu
í gær að ríki og sveitarfélög sem
fara með skattlagningarvald skuli
úthluta lífeyrisréttindum sem úti-
lokað sé fyrir almennan vinnu-
markað að uppfylla líka. Ásmund-
ur ríkissáttasemjari segir að það
blasi við að semja um kjör starfs-
fólks sem er hjá ríkinu en á mis-
mundandi lífeyrisskjörum eftir
því hvaða stéttarfélögum það til-
heyri.
„Eftirlaunamálið verður þung-
ur póstur,“ segir Ásmundur.
Hann segir að boðað hafi verið
til samningafundar með Starfs-
greinasambandinu og samninga-
nefnd ríkisins á næstkomandi
föstudag.
„Þá verður væntanlega stuttur
fundur þar sem við leggjum á ráð-
in um framhald viðræðna,“ segir
Ásmundur.
Hann vill engu spá um viðræð-
ur á næstunni enda séu að koma
jól og fáir virkir dagar til ára-
móta.
rt@frettabladid.is
Lánshæfismat Íslands:
Horfur
jákvæðar
EFNAHAGSMÁL Matsfyrirtækið
Standard & Poor’s hefur uppfært
horfur um lánshæfiseinkunn í
erlendri mynt frá stöðugum í
jákvæðar. Fyrirtækið staðfesti
jafnframt allar lánshæfis-
einkunnir fyrir Ísland.
Lánshæfiseinkunn Íslands er
studd af styrku stjórnkerfi og
auðugu og sveigjanlegu hagkerfi
ásamt góðri stöðu opinberra
fjármála. Það sem hindrar
hækkun einkunnarinnar eru
miklar erlendar skuldir þjóðar-
innar ásamt skuldbindingum og
ábyrgðum stjórnvalda utan fjár-
laga. ■
Vöxtur hjá Samskipum:
Bætt við
nýrri leið
FLUTNINGAR Sam-
skip hafa ákveðið
að bæta við nýrri
áætlunarleið milli
Íslands og Evrópu
frá og með ára-
mótum. Hefur
tæplega fimm
þúsund tonna
gámaskip verið
tekið á leigu til að
sinna þessu verk-
efni. Það verður
jafnframt 14. skipið í reglubund-
num siglingum hjá Samskipum en
að auki er félagið með allmörg skip
í ýmsum sérverkefnum. Knútur G.
Hauksson, forstjóri Samskipa, segir
þetta skref tímabært. „Vegna stór-
aukinna flutninga á þessu ári höfum
við verið með fjölmörg leiguskip í
óreglulegum siglingum milli
Íslands og meginlandsins.“ Innan-
lands bætast við Grundartangi og
Reyðarfjörður sem áfangastaðir
Samskipa. ■
KRÖFUGÖNGUR TIL STUÐNINGS
SADDAMS Einn lögreglumaður
féll og annar særðist þegar átök
brutust út í göngu til stuðnings
Saddams Hussein borginni
Mósúl. Bandarískir hermenn
drápu þrjá Íraka og særðu tvo í
samskonar kröfugöngu í bænum
Ramadi.
ELLEFU UPPREISNARMENN
FELLDIR Bandarískir hermenn
drápu ellefu íraska uppreisnar-
menn sem gerðu þeim fyrirsát í
þorpinu Samarra skammt norður
af Bagdad. Tveir menn á vélhjól-
um, vopnaðir sprengjum og sjálf-
virkum byssum, skutu að bílalest
hersins og leituðu síðan skjóls
innan um hóp af börnum á leið
heim úr skóla. Bandarísku her-
mennirnir notuðu leyniskyttu-
rifla til að skjóta árásarmennina.
SPRENGJA VIÐ VEGKANT Þrír her-
menn særðust þegar sprengja
sprakk við vegkant í Tíkrít,
heimabæ Saddams Hussein.
Tveir mannanna liggja enn á
sjúkrahúsi en ástand þeirra er
stöðugt.
VILJA ÍSLENSKT SJÓNVARP
Impregilo vill að íslensk stjórn-
völd grípi til aðgerða og tryggi að
íslenskar sjónvarpsútsendingar
náist á framkvæmdasvæði Kára-
hnjúkavirkjunar. Í tilkynningu
frá fyrirtækinu segir að þar sem
fjölmargir íbúar Kárahnjúka-
svæðis greiði afnotagjöld RÚV sé
sanngjarnt að þeir nái líka út-
sendingum stofnunarinnar.
Grafarvogur:
Eldur laus í þvottahúsi
ELDUR Eldur varð laus í þvotta-
húsi í parhúsi við Fundafold í
Grafarvogi um fjögurleytið í
gærdag. Slökkvilið höfuðborg-
arsvæðisins fór á vettvang og
slökkti eldinn á skömmum tíma.
Að sögn varðstjóra brugðust
húsráðendur rétt við með því að
loka hurðinni á þvottahúsinu.
Eldsupptök er enn ókunn. Eng-
inn reykur barst um íbúðina
heldur einskorðaðist hann við
þvottahúsið.
Tveir dælubílar voru sendir á
staðinn ásamt tveimur sjúkra-
bílum. ■
ÓMAR BENEDIKTSSON
Íslandsflug er á mikilli siglingu og tekju-
vöxtur félagsins verulegur. Einungis 5%
teknanna koma af innlendri starfsemi.
Stjórn Straums:
Magnús
nýr inn
VIÐSKIPTI Ný stjórn Straums verð-
ur kjörin á hluthafafundi á
fimmtudag. Fjölgað verður um
einn í stjórninni. Andri Sveinsson
hættir í stjórninni, en hann sat
fyrir hönd Landsbankans sem
hefur selt hlut sinn í félaginu.
Ólafur B. Thors er formaður
stjórnar Straums og mun hann
samkvæmt heimildum sitja áfram
í stjórninni. Þá mun Magnús
Kristinsson, útgerðarmaður í
Vestmannaeyjum, taka sæti í
stjórn Straums. Íslandsbanki á
um þriðjungshlut í Straumi.
Bankaráð Íslandsbanka vinnur að
því að velja menn til stjórnarsetu
í Straumi fyrir sína hönd. ■
ILLA BRUGÐIÐ
Rétt viðbrögð forðuðu frekara tjóni..
ÁSMUNDUR STEFÁNSSON
Gerir sig kláran í að sætta verkalýð og launagreiðendur.
■
Ýmislegt í þess-
ari samninga-
lotu getur orðið
býsna snúið.
NÝ LEIÐ
Reyðarfjörður og
Grundartangi bæt-
ast við sem fastir
áfangastaðir sam-
skipa.