Fréttablaðið - 26.07.2004, Síða 6
6 26. júlí 2004 MÁNUDAGUR
Metsala í dönskum uppeldisbókum:
Foreldrar gerðir
að féþúfu
UPPELDI Áhyggjur danskra for-
eldra af börnum sínum hefur
greitt götuna fyrir „nýjan atvinnu-
veg“ sem skilar milljónum í vasa
uppeldissérfæðinga og rithöfunda.
Gríðarleg aukning hefur orðið á
undanförnum árum í sölu á sjálfs-
hjálparbókum fyrir foreldra sem
telja sig þurfa ráð sérfræðinga um
allt sem viðkemur börnunum.
Dion Sommer, prófessor í
barnasálfræði við háskólann í Ár-
ósum, segir að áhyggjufullir for-
eldrar séu hafðir að féþúfu. Bæk-
urnar og sérfræðingarnir hafi þau
áhrif á foreldra að þeir verða sí-
fellt áhyggjufyllri og óöruggari.
„Þetta er löngu komið úr böndun-
um,“ segir Sommer í viðtali við
Berlingske Tidende. „Ekki síst í
ljósi þess að kannanir sýna að
dönsk börn hafa það í alla staði
ágætt og búa við gott atlæti.“
Dæmi eru um að uppeldisbæk-
ur seljist í meira en 200.000 ein-
tökum, „Heilræðin í þessum bók-
um eru oft meira en hæpin og tími
til kominn að foreldrar fái að
treysta á eigið hyggjuvit,“ segir
prófessorinn. ■
Hart deilt um
kerfisbreytingar
Íbúðalánasjóður og Samtök banka og verðbréfafyrirtækja saka hver annan
um ófagleg vinnubrögð. SBV segir breytingar á íbúðalánakerfinu ekki
hafa verið nægilega vel unnar. Íbúðalánasjóður vísar gagnrýninni á bug.
HÚSNÆÐISMÁL Hörð bréfaskipti
hafa átt sér stað á milli Íbúða-
lánasjóðs og Samtaka banka og
verðbréfafyrirtækja (SBV)
vegna breytinga á húsnæðislána-
kerfinu sem tók gildi 1. júlí. Aðil-
arnir saka hver annan um ófag-
leg vinnubrögð.
SBV sendi Íbúðalánasjóði er-
indi þar sem vinnubrögð Íbúða-
lánasjóðs við framkvæmd breyt-
inganna voru gagnrýnd meðal
annars vegna tímasetninga í
tengslum við þær. SBV segir að
fjöldi fjárfesta hafi tapað fé
vegna ónógrar kynningar og sak-
ar Íbúðalánasjóð um ófagleg
vinnubrögð.
Íbúðalánasjóður hefur nú sent
SBV svar við erindinu þar sem
gagnrýninni er vísað á bug. Í
bréfi segist sjóðurinn ekki muni
sitja undir rangfærslum sem
komið hafi fram í athugasemd-
um SBV og segir SBV ekki hafa
verið í „góðum tengslum við
framgang viðskiptanna né það
fólk sem raunverulega fram-
kvæmdi skiptin“. Íbúðalánasjóð-
ur segir vinnubrögð SBV ámæl-
isverð.
Árni Páll Árnason, lögfræði-
legur ráðgjafi Íbúðalánasjóðs,
segir að við skiptin hafi verið
stuðst við ráðgjöf Deutsche
Bank sem sé reyndasti fjárfest-
ingabanki Evrópu. Hann segir að
athugasemdir SBV snúi flestar
að þáttum sem séu bein afleiðing
ráðgjafar Deutsche Bank.
Hann segist ekki hafa orðið
var við óánægju með kerfis-
skiptinguna hjá þeim sem vinna í
því umhverfi.
Að sögn Árna Páls voru tíma-
setningar í kerfisbreytingunni
ákveðnar af ríkisstjórninni og
innan þess ramma hafi þurft að
vinna. Um gagnrýni SBV segir
Árni Páll að þær séu ekki byggð-
ar á faglegum forsendum.
„Miðað við aðstæður og þann
skamma stíma sem til verksins
var þá hefur þetta tekist afskap-
lega vel og um það eru allir sam-
mála sem vilja líta á þetta mál á
faglegum forsendum en ekki
með annarleg sjónarmið í huga,“
segir hann.
Guðjón Rúnarsson, fram-
kvæmdastjóri SBV, er undrandi
á viðbrögðum Íbúðalánasjóðs.
„Við teljum þetta óskiljanleg við-
brögð. Kjarni málsins sem við
bentum á í okkar bréfi er sá að
sökum ófaglegra vinnubragða og
ónægrar kynningar báru margir
smærri fjárfestar skarðan hlut
frá borði. Þar er fyrst og fremst
um að ræða fjölda einstaklinga í
landinu sem á húsbréf en missti
af þessu þriggja daga tímabili
sem hann hafði til skiptanna,“
segir hann.
thkjart@frettabladid.is
ÁSTRALÍA Alexander Downer, utan-
ríkisráðherra Ástralíu, segir að
hótanir evrópudeildar al-Kaída
hryðjuverkasamtakanna um
hryðjuverk í landinu verði teknar
alvarlega þó stjórnvöld þar í landi
ætli sér ekki að láta undan þeim. Í
yfirlýsingu, sem birt er á vefsíðu
íslamskra samtaka að nafni
Tawhid, er Ítölum og Áströlum
hótað árásum dragi þeir ekki her-
lið sitt heim frá Írak.
Downer segir að þó að samtök-
in séu óþekkt hafi hótun frá þeim
engu að síður birst á netinu og því
beri að taka hana alvarlega. Hann
segir einnig að þjóðir heims verði
að horfast í augu við hryðju-
verkaógnina og að menn þurfi
stöðugt að vera vakandi gagnvart
henni.
Í síðustu viku hótuðu samtökin
árásum á Búlgaríu og Pólland dragi
þau ekki herlið sitt frá Írak. ■
VEISTU SVARIÐ?
1Vopnaður maður var handtekinn áAkureyri á föstudaginn. Hvernig vopn
bar maðurinn?
2Hvað heitir forstjóri Samskipa erlendis?
3Sunna Gestsdóttir setti Íslandsmet umhelgina á Meistaramóti Íslands í
frjálsum íþróttum. Í hvaða grein?
Svörin eru á bls. 22
GUÐJÓN RÚNARSSON
Framkvæmdastjóri Samtaka banka og verð-
bréfafyrirtækja er undrandi á viðbrögðum
Íbúðalánasjóðs við gagnrýni samtakanna.
ÁRNI PÁLL ÁRNASON
Lögmaður Íbúðalánasjóðs segir gagnrýni
Samtaka banka og verðbréfafyrirtækja ekki
byggja á málefnalegum forsendum.
REYNT AÐ SLÖKKVA
Miklir skógareldar geisuðu í Suður-Frakk-
landi um helgina og þurftu um tvö þúsund
manns að yfirgefa heimili sín.
Suður-Frakkland:
Miklir
skógareldar
FRAKKLAND,AP Um þrjú þúsund
hektarar af skóglendi brunnu og
um tvö þúsund manns þurftu að
flýja heimili sín vegna mikilla
skógarelda norður af Marseille í
Frakklandi um helgina. Þrír
slökkviliðsmenn slösuðust við
vinnu sína þar af tveir þegar þeir
fengu á sig vatn sem sleppt var úr
flugvél. Hvassviðri var töluvert á
þessum slóðum og náði eldurinn
því að breiðast fljótt út. Flugvélar
og þyrlur voru notaðir í slökkvi-
starfinu sem um sextán hundruð
manns komu að. ■
ÓK ÖLVAÐUR ÚT AF Ökumaður á
miðjum aldri var fluttur á slysa-
deild eftir að hann ók út af Hnoðra-
holtsbraut í Garðabæ um fjögur-
leytið í fyrrinótt. Maðurinn slasaðist
lítið en bíllinn er mikið skemmdur
eða jafnvel ónýtur. Hann er grunað-
ur um ölvun við akstur.
DATT OG LENTI UNDIR BÍL Kona
var flutt á sjúkrahús eftir að hún
lenti undir afturhjóli bíls í Land-
sveit í gær. Atvikið átti sér stað á
vegslóða eftir að konan féll í
jörðina með þeim afleiðingum að
hún lenti undir bílnum. Konan er
talin viðbeinsbrotin.
■ LÖGREGLUFRÉTTIR
HUNDAR Í BÚRI
Breskur dýraverndunarsinni hvatti til aftöku á
vísindamönnum er stunduðu tilraunir á dýrum.
Dýraverndunarsinni:
Hvatti til
aftöku
BRETLAND Einn virtasti ráðgjafi
tveggja helstu baráttuhópa fyrir
réttindum dýra í Bretlandi olli
miklu fjaðrafoki um helgina þegar
hann hélt því fram að hægt væri að
bjarga lífi milljóna dýra með því að
taka af lífi vísindamenn sem störf-
uðu í líftækniiðnaðinum.
Í viðtali við breska blaðið The
Observer sagði hann að ofbeldi
væri hluti af baráttunni gegn kúg-
un. „Ef eitthvað slæmt kemur fyrir
þá sem gera tilraunir á dýrum mun
það draga úr áhuga annarra til að
gera hið sama,“ sagði hann. ■
Staðbundnir Rúmenar:
Meinað að
fara úr landi
BÚKAREST, AP Tæplega milljón
Rúmenum hefur verið meinað að
yfirgefa landið það sem af er ár-
inu. Flesta skortir fé til ferðalaga
en ferðalangar þurfa að sýna
fram á að þeir eigi að minnsta
kosti hundrað evrur, andvirði
tæplega níu þúsund króna, fyrir
hvern dag sem þeir ætla sér að
ferðast innan landa sambandsins.
Mörgum var meinuð brottför
vegna þess að þeir voru ekki með
sjúkratryggingu eða vegna gruns
um að ætla að stunda ólöglega
vinnu. Rúmenía hefur sóst eftir
aðild að ESB árið 2007 en þarf að
taka á ólöglegum innflytjendum
fyrst. ■
Al-Kaída hótar stjórnvöldum í Ástralíu:
Taka hótanir alvarlega
ÁRÁSUM HÓTAÐ
Evrópudeild al-Kaída hótar hryðjuverkum
dragi Ástralar ekki til baka herlið sitt frá Írak.
06-07 25.7.2004 22:52 Page 2