Fréttablaðið - 18.12.2004, Side 84

Ingólfur Örn
Björgvinsson og
Embla Ýr Báru-
dóttir vöktu mikla
og verðskuldaða at-
hygli í fyrra með
teiknimyndasög-
unni Blóðregn sem byggði á frá-
sögn Njálu af eftirmálum brenn-
unnar á Bergþórshvoli. Þar var
Kári Sölmundarson í forgrunni
þar sem hann leitaði hefnda á
brennumönnum.
Blóðregn hlaut Barnabóka-
verðlaun Fræðsluráðs Reykjavík-
ur, sérstaka viðurkenningu
Dimmalimm myndskreytiverð-
launanna og var ein þeirra bóka
sem var fékk Bóksalaverðlaunin
2003. Ingólfur og Embla hafa nú
fylgt velgengni Blóðregns eftir
með sjálfstæðu framhaldi, Brenn-
unni. Eins og nafnið gefur til
kynna er hér í raun um forleik
Blóðregns að ræða og hér er það
einn helsti töffari Íslendingasagn-
anna, Skarphéðinn Njálsson, sem
drífur örlagaríka atburðarásina
áfram en henni lýkur eins og al-
þjóð veit með því að eldur var
borinn að Bergþórshvoli.
Ingólfur segir að það hafi alltaf
verið hugmyndin að gera fleiri
bækur og Embla bætir því við að
þau séu þegar farin að huga að
þriðja bindinu sem mun að öllum
líkindum segja frá Þráni Sigfús-
syni sem endaði ævidaga sína við
Markarfljót.
Það er óhætt að segja að með
myndasögum sínum séu þau hjón-
in að nema ný lönd í íslenskum
bókmenntum þar sem myndasögu-
hefð Íslendinga er fremur fátæk-
leg. „Það er í raun óvenjulegt að
jafn rótgróin útgáfa og Mál og
menning skuli gefa út myndasögu
og það er líka ánægjulegt hversu
vel bókunum hefur verið tekið af
lesendum þar sem það er engin
hefð fyrir þessu hér,“ segir Ingólf-
ur. „Við höfðum þó alltaf trú á að
þetta myndi ganga en það kom
okkur samt á óvart hversu fólk
var opið fyrir þessu. Hugmyndin
var meðal annars að færa alvöru-
bókmenntir til ungu kynslóðarinn-
ar,“ segir Ingólfur og leggur
áherslu á að með þessum orðum sé
hann ekki að tala niður til mynda-
sögunnar sem bókmenntagreinar
enda séu Blóðregn og Brennan
sjálfstæðar sögur. „Þetta eru sjálf-
stæðar sögur og ekki hugsaðar
sem dyr að Njálu þótt þær geti
vissulega nýst sem slíkar.“
Þegar talið berst að litskrúðugu
persónugalleríi Njálu er óhjá-
kvæmilegt að spyrja höfundana
hver sé eftirlætispersóna þeirra.
„Ég hélt mest með Kára þegar við
vorum að gera Blóðregn en núna
finnst mér Skarphéðinn vera
aðal,“ segir Ingólfur og það er
greinilegt að hann á erfitt með að
gera upp á milli manna. Embla
skýtur því svo inn að skúrkurinn
Mörður Valgarðsson sé þeim
einnig hugleikinn. „Hann er mjög
flottur eins og við sjáum hann og
þótt hann sé svolítið svört týpa
reyndum við aðeins að bera í
bætifláka fyrir hann.“
Ingólfur og Embla segast alls
ekki geta flokkað sig sem alvöru
myndasögunörda og þau séu ekki
öllum stundum að skoða það
nýjasta í myndasögubransanum í
hillum verslunarinnar Nexus.
„Ég hef auðvitað kynnt mér það
sem flýtur ofan á í því sem er að
gerast í dag,“ segir Ingólfur. „En
annars hef ég alltaf verið meira í
evrópsku myndasögunum, Tinna,
Ástríki, Lukku-Láka og Prins
Valiant.“ thorarinn@frettabladid.is
18. desember 2004 LAUGARDAGUR
úrval gólflampa á
frábæru verði
Margar gerðir.
Verð frá:
nú opið til kl:
22.00
á laugardaglau.: 11 - 22 / sun.:
13
- 1
8
lampi á mynd
verð: 9.980,-
Opið laugard. 10-18
og sunnud. 10-17
SKJÓTIÐ SAMAN Í Í GJÖF
Fyrir ungu stúlkuna
Fyrir mömmuna
Fyrir ömmuna
Fyrir langömmuna
Pelskápur
Pelsúlpur
Dúnúlpur
Leðurjakkar
Kasmír Ullarkápur
Hattar, húfur og kanínuskinn
Mörkinni 6, 108 Reykjavík, sími 588 5518
INGÓLFUR ÖRN BJÖRGVINSSON OG EMBLA ÝR BÁRUDÓTTIR Eru að gera það gott með Njálumyndasögum sínum. „VIð höfum
aldrei reynt að vera meðvitað á einhverri línu og velt því sérstaklega fyrir okkur hvort það sé hægt að gera myndasögu sem hægt væri að
kalla íslenska en hluti af því er auðvitað val á efni,“ segir Ingólfur.
Forleikur Skarphéðins
Njálssonar að blóðregni
84-85 (68-69) Folk 17.12.2004 18:52 Page 2