Fréttablaðið - 24.12.2004, Side 4
4 24. desember 2004 FÖSTUDAGUR
Bókasala fyrir jól:
Arnaldur í sérflokki
BÓKASALA „Ég átti von á því að
Kleifarvatn myndi seljast vel, en
það eru mikil tíðindi að hún hafi
selst í meira en 20 þúsund eintök-
um,“ segir Sigurður Svavarsson
hjá Félagi íslenskra bókaútgef-
enda um bókasöluna fyrir jólin.
Arnaldur Indriðason er konung-
ur jólabókaflóðsins í ár og stefnir í
metsölu í bókstaflegri merkingu. Í
gær höfðu 22 þúsund eintök selst
af bókinni. „Ég hef haldið því fram
að það væri ekki hægt að selja
meira en tólf til fimmtán þúsund
eintök af einum titli fyrir jól á
þessum litla markaði. Arnaldur
hefur hitt á eitthvað einstakt.“
Samkvæmt upplýsingum frá Hag-
kaup hefur bókin Fiskréttir Hag-
kaupa líka selst í um 20 þúsund
eintökum fyrir þessi jól.
Arnaldur ber höfuð og herðar
yfir aðra höfunda samkvæmt spá
bókaútgefenda, því talið er að bók
Guðrúnar Helgadóttur, Öðruvísi
fjölskylda, seljist í um tólf þúsund
eintökum. Sigurður segir að fyrir
utan Arnald sé fátt sem komi á
óvart. Guðrún sé fyrir löngu búin
að festa sig í sessi og nái mjög vel
til barna og Óttar Sveinsson eigi
fastan og dyggan lesendahóp. - bs
Hermenn í Írak
heyja sálarstríð
Sálarþrek bandarískra hermanna í Írak fer dvínandi. Árásin á herstöðina í
Mosul var sjálfsmorðsárás. Hermönnum finnst þeir hvergi vera öruggir.
Verktakar í uppbyggingarstarfi gefast upp.
ÍRAK, ÞÝSKALAND Bandarísk yfir-
völd hafa nú staðfest að spreng-
ingin sem varð 22 mönnum að
bana í matsal bandarískrar her-
stöðvar í borginni Mosul í Írak á
þriðjudaginn var ekki vegna flug-
skeytis heldur var um sjálfs-
morðsárás ræða. 69 manns
særðust í árásinni.
Donald Rumsfeld, varnarmála-
ráðherra Bandaríkjanna, og
Richard Myers hershöfðingi til-
kynntu þetta á blaðamannafundi í
gær. Líkamshlutar árásarmanns-
ins hafa fundist sem og vesti sem
hann notaði til að geyma sprengi-
efnið í.
Árásin á þriðjudaginn er litin
gríðarlega alvarlegum augum.
Ekki hefur orðið meira mannfall í
árás á bandaríska herstöð í Írak
síðan stríðið hófst í mars 2003.
Stjórnmálaskýrendur í Bandaríkj-
unum segja að árásin hafi þegar
haft áhrif á sálarþrek hermanna.
Fyrst hægt sé að ógna öryggi
þeirra með þessum hætti inni á
herstöð finnist þeim að þeir séu
hvergi öruggir.
Fyrirtækið sem ráðið var til að
reka mötuneytið í herstöðinni í
Mosul er með starfsmenn frá
ýmsum löndum í vinnu hjá sér,
einnig Íraka. Samtökin Ansar al-
Sunnah sem hafa lýst ábyrgð á
árásinni segja á heimasíðu sinni á
netinu að maðurinn sem sprengdi
sig í loft upp hafi verið Íraki frá
Mosul. Hann hafi starfað í mötu-
neytinu í fjóra mánuði áður en
hann sprengdi sig í loft upp.
Aukin sókn uppreisnarmanna
hefur ekki bara áhrif á sálarlíf
hermanna heldur einnig uppbygg-
inguna í landinu. Í gær tilkynnti
verktakafyrirtækið Contrack
International að það væri hætt að
sinna verkefni sínu við uppbygg-
ingu vegakerfisins. Það verk var
metið á rúma 20 milljarða króna.
Ástæðan fyrir því að fyrirtækið
ætlar að draga sig út úr Írak er
aukin hætta á hryðjuverkum og
ógn við öryggi starfsmanna.
Mikið er að gera á hersjúkra-
húsinu í Landstuhl í Þýskalandi
þessa dagana en þangað eru illa
særðir bandarískir hermenn flutt-
ir frá Írak. Læknar vinna nú
myrkranna á milli og er reiknað
með því að ástandið verði svipað
um jólin. Á miðvikudaginn voru 42
hermenn fluttir þangað. Sautján af
þeim voru taldir í bráðri lífshættu.
Í gær voru 30 hermenn til viðbótar
fluttir til Landstuhl.
trausti@frettabladid.is
SÍMINN
Brynjólfur Bjarnason forstjóri fyrirtækisins.
Einkavæðing:
Samið um
ráðgjöf
VIÐSKIPTI Einkavæðingarnefnd
skrifaði í gær undir samkomulag
við fjármálafyrirtækið Morgan
Stanley um að fyrirtækið veiti
nefndinni ráðgjöf og aðra þjón-
ustu við sölu ríkisins á hlutabréf-
um í Símanum.
Fjórtán tilboð bárust í verkið
frá innlendum og erlendum fyrir-
tækjum áður en frestur til að skila
inn tilboðum rann út 25. október.
Ákvörðunin var tekin eftir mat
einkavæðingarnefndar á verði,
þjónustu og gæðum tilboðanna.
Ríkið á um 99 prósent hlutafjár í
Símanum. -ghg
Menningar- og viður-
kenningarsjóður KEA:
27 styrkir
STYRKVEITINGAR Styrkir úr Menn-
ingar- og viðurkenningarsjóði KEA
voru afhentir á Fiðlaranum
á Akureyri sl. miðvikudag. Alls
bárust 85 umsóknir og fengu 27
styrki, samtals að fjárhæð rúmar
fimm milljónir króna.
Andri Teitsson, framkvæmda-
stjóri KEA, og Benedikt Sigurðar-
son, formaður stjórnar, afhentu
styrkina og í máli Andra kom fram
að þetta var í annað sinn á árinu
sem sjóðurinn veitir styrki. Sam-
tals hefur verið úthlutað um 13
milljónum króna úr sjóðnum í ár.
- kk
Borðar þú skötu á Þorláksmessu?
Spurning dagsins í dag:
Ferð þú í jólaboð?
Niðurstöður gærdagsins
á visir.is
54,13%
45,87%
Nei
Já
KJÖRKASSINN
Farðu inn á fréttahluta visir.is
og segðu þína skoðun
VEGLEGUR STYRKUR
Frá afhendingu styrksins, f.v. Guðmundur Þ.
Jónsson, Georg Páll Skúlason, Séra Hjálmar
Jónsson og Bjarni Torfason..
Í hjartastað:
Veglegur
styrkur
HEILBRIGÐISMÁL Fulltrúaráð verka-
lýðsfélaganna í Reykjavík afhenti
söfnuninni Í hjartastað og Minn-
ingarsjóði Þorbjörns Árnasonar
styrk að upphæð 400.000 krónur í
vikunni. Söfnunin er til að fjár-
magna gervihjörtu og þjálfa
starfsfólk Landspítala - háskóla-
sjúkrahúss til að læra tæknina sem
þarf til að koma hjörtum fyrir.
Gervihjarta er ný tækni og stór-
kostleg, þar sem dælubúnaður er
græddur í sjúklinginn í hjartastað.
Búnaðurinn sér um að dæla blóð-
inu um líkamann upp frá því. ■
METSÖLUSPÁ BÓKAÚTGEFENDA
1. Kleifarvatn Arnald Indriðason.
2. Öðruvísi fjölskylda Guðrúnu Helga-
dóttur.
3. Útkall: Týr sekkur Óttar Sveinsson.
4. Barn að eilífu Sigmund Erni Rúnarsson.
5. Sakleysingjarnir Ólaf Jóhann Ólafsson.
6. Englar og djöflar Dan Brown.
7. Belladonna skjalið Ian Caldwell og
Dustin Thomason.
8. Baróninn Þórarinn Eldjárn.
9. Dauðans óvissi tími Þráin Bertelsson.
10. Halldór Halldór Guðmundsson /
Heimsmetabók Guinnes / Arabíu-
konur Jóhönnu Kristjónsdóttur.
BÓKAFLÓÐ
Kleifarvatn hefur selst í 22 þúsund eintökum og kláraðist í búðum. Bókin er gefin út af
Eddu og er þetta metár fyrir forlagið.
Mest seldu bækurnar þessi jól samkvæmt
spá Félags íslenskra bókaútgefenda. Spá-
in byggir á prentuðu upplagi titla og á
sölulistum bókabúða og forleggjara.
EFTIR ÁRÁSINA Í MOSUL
Hermenn bera særðan hermann á sjúkrabörum eftir sjálfsmorðsárásina í matsal herstöðv-
arinnar í Mosul í Írak.
FALLNIR HERMENN
Í átökum 1.035
Slys 280
Alls 1.315
Heimild: Bandaríska varnarmálaráðuneytið
ÁREKSTUR Á HVILFTARSTRÖND
Þriggja bíla árekstur varð á Hvilft-
arströnd í Önundarfirði í gærdag.
Einn bílanna var kyrrstæður þegar
bíll rann aftan á hann og þriðji bíll-
inn þar á eftir. Fremsti bíllinn
hafnaði utan vegar. Einn maður
kvartaði undan eymslum. Bílarnir
skemmdust ekki mikið.
ELDUR Í POTTI Eldur kviknaði í
potti á eldavél í Reykjavík í gær og
slökkviliðið var kallað til. Enginn
búnaður var á heimilinu til að
slökkva eldinn og meiddist húsráð-
andi lítillega við að ráða niðurlög-
um eldsins. Varðstjóri hjá
slökkviliðinu brýnir fyrir fólki að
vera búið að hugsa fyrir hvernig
skuli bregðast við verði eldur laus.
■ LÖGREGLUFRÉTTIR