Fréttablaðið - 24.12.2004, Síða 24
24 24. desember 2004 FÖSTUDAGUR
STEFÁN JÓN HAFSTEIN
Fylgdi konu sinni, sem þá
var flugfreyja, til Lúxemborg-
ar. Honum þóttu það ekki
skemmtileg jól.
Laufabrauð í póstinum og bara mylsnan eftir í
boxinu til að nusa af í fjarlægu landi. Engin
útvarpsmessa. Engin jólaföt. Ekkert hangikjöt.
Bara fyllerí og erill og allir á hvunndagsskónum.
Enginn hátíðleiki. Engin fjölskylda. Engin jól.
Fréttablaðið tók púlsinn á þremur Íslendingum
sem kynnst hafa jólunum að heiman.
Hermann Hreiðarsson, atvinnu-
maður í fótbolta, segist orðinn
vanur því að boltinn setji strik í
reikninginn þegar kemur að
jólahaldi. Hermann spilar með
Charlton í ensku úrvalsdeildinni,
en liðið mætir Southampton ann-
an í jólum. „Maður nær aðfanga-
dagskvöldi ágætlega,“ segir
hann en þá er æft um morguninn
og svo er frí það sem eftir lifir
dags. „Svo er mætt snemma á
jóladagsmorgun á æfingu,“ segir
hann en bætir við að leikmenn
fái aðeins að kíkja heim til sín
áður en haldið er úr húsi seinni
partinn inn á hótel þar sem er
dvalið þar til að leik kemur.
„Leikurinn er svo held ég klukk-
an tólf á annan í jólum, þannig að
maður verður kominn heim aft-
ur í kvöldmatinn um sex eða
sjöleytið.“
„Maður gengur orðið að því
vísu að það sé leikur á annan í
jólum,“ segir hann, en þannig
hafi þetta verið hjá honum síð-
ustu sjö til átta árin. „Svo er aft-
ur leikur 28. desember, svo 1.
janúar og aftur 3. janúar, þannig
að það er bara fjör í þessu.“
Hermann segir að á heimilinu
séu fjögur börn og um jólin eðli-
lega líf og fjör, fullt hús af gest-
um. „Þetta er bara ein af þessum
fórnum sem fylgja starfinu og
ekkert verið að grenja neitt yfir
því.“ ■
Að heiman um jólin
GUÐNÝ OG JORDI Eru á leiðinni heim um jólin. Þau
upplifa í fyrsta sinn íslensku jólin saman. Guðný segir
að hún sé mikið jólabarn. Hún geti alls ekki hugsað
sér að missa af þeim íslensku.
HERMANN HREIÐARSSON
Hermann segist alvanur því að
fórna jólahaldi með fjölskyldunni
fyrir æfingar og leiki með liði
sínu í boltanum, þetta sé bara
eitt af því sem fylgi atvinnu-
mennsku í fótbolta.
Fórnar jólum
fyrir boltann
Stefán Jón Hafstein, borgarfull-
trúi R-listans, segir sorglegustu
jólin sín hafa verið þegar hann fór
með konunni sinni, sem þá var
flugfreyja, til Lúxemborgar. „Hún
var send til Lúxemborgar og var
neydd til að stoppa þar um jólin.
Ég fékk reyndar að fara með, svo
þetta yrði skárra fyrir hana,“ seg-
ir Stefán Jón, sem var þá rétt um
tvítugt.
Stefán segir þau hafa fengið
einhverja vísbendingu að kalkúni
á hótelinu en á hefði þetta endað á
hálfgerðu fylliríi. „Mér þóttu þetta
ekki skemmtileg jól.“ Síðan hefur
Stefán oftar upplifað jól í útlönd-
um, eins og á námsárunum í
Bandaríkjunum. Hann segir það
hafa þó verið öðruvísi, því þar átti
hann heimili. Mamma hans sendi
laufabrauð í boxi til Ameríku og
hann gat þefað af mylsnunni þeg-
ar sendingin kom. ■
Sorgleg jól í Lúxemborg
„Aðalmáltíðin allt árið um
kring er í hádeginu þannig að
aðaljólamáltíðin er líka í há-
deginu. Fjölskyldan kemur
saman á jóladaginn og borðar
á milli tvö og sex. Það er jóla-
hátíðin á Spáni,“ segir Guðný
Hilmarsdóttir ljósmyndari
sem búsett er í Barcelona.
Guðný segir æ algengara
að pakkar séu gefnir á að-
fangadagskvöld. Gjafaaustur
eins og sjáist hér hafi ekki
tíðkast þar áður á jólunum.
Fólk klæði sig ekki í spariföt-
in þótt komin séu jól. Guðný
hefur búið í rúm sex ár á
Spáni en aldrei upplifað jólin
þar sjálf.
„Ég vil alls ekki missa af
íslensku jólum. Ég er hér allt
árið og væri hér með fjöl-
skyldu og allt, því kærastinn
minn er héðan, en af því sem
er búið að segja mér frá
myndi ég ekki vilja skipta út
íslensku jólunum,“ segir Guð-
ný og bætir við: „Hér er ekki
þetta myrkur og kertaljósin
og kósí stemning sem maður
finnur heima. Ég er svo mikið
jólabarn, ég get ekki hugsað
mér tvö ár án íslenskra jóla.“
Guðný hefur eftir kærasta
sínum að fólk á Spáni sé búið
að missa jólaandann sem hafi
verið. „Fólk lítur á jólin sem
frí í vinnunni. Aðalhátíðin er
um daginn og svo fer fólk út
að djamma um kvöldið,“ segir
Guðný: „Ef það er frí daginn
eftir þá eru barirnir opnir.
Það er bara þannig.“
Guðný segir að litlu hefði
munað að hún fengi ekki frí í
vinnunni hjá Samsung þar
sem hún selur raftæki hálfan
daginn: „Ég barðist fyrir frí-
inu og það tókst.“ Hún stoppi
því stutt að þessu sinni, að-
eins nokkra daga. Kærastinn
Jordi komi með henni. Hann
hafi oft komið til landsins en
aldrei um jól. Þau séu því
spennt að upplifa íslensk jól
saman. ■
Jólabarnið kemur
heim frá Barcelona