Fréttablaðið - 26.05.2005, Blaðsíða 65
26. maí 2005 FIMMTUDAGUR
FH-ingar eru sjöunda li›i› í sögu tíu li›a efstu deildar sem hefur fullt hús og
sex mörk e›a meira í plús eftir fyrstu tvær umfer›ir Íslandsmótsins.
FH-ingar í hóp góðra liða
FÓTBOLTI FH-ingar hafa byrjað
Landsbankadeild karla með sann-
færandi hætti í sumar. Hafnfirð-
ingar hafa unnið báða leiki sína á
útivelli og hafa fullt hús stiga og
markatöluna 8-1 úr fyrstu tveim-
ur leikjum sínum, sem báðir fóru
fram á Suðurnesjum. Það má bú-
ast við því að hinum níu liðunum í
deildinni sé ekki farið að lítast á
blikuna enda eru nokkrir í leik-
mannahópi FH sem myndu labba
inn í lykilhlutverk hjá flestum lið-
um deildarinnar en eru stundum
jafnvel ekki í 16 manna hópi FH á
leikdegi.
FH-ingar eru sjöunda liðið í
sögu tíu liða efstu deildar sem
hefur náð slíkri draumabyrjun og
öll hin sex hafa unnið titil á því
tímabili. Fimm af þessum sex lið-
um hafa enn fremur orðið Íslands-
meistarar um haustið og tvö
þeirra unnu tvöfalt á tímabilinu
sem þau byrjuðu svona vel.
Meðal þessarra liða eru Vals-
menn frá 1978, sem töpuðu ekki
deildarleik á tímabilinu, tvöfaldir
meistarara Skagamanna sem
unnu 20 leiki af 22 í deild og bikar
og skoruðu 62 deildarmörk í 18
leikjum sumarið 1993 og svo
Skagaliðið sem vann tvöfalt sum-
arið 1996. Hin þrjú liðin eru Ís-
landsmeistarar Valsmanna 1980,
Íslandsmeistarar Framara 1990
og svo bikarmeistarar KR-inga
1994.
Aðeins eitt þessara liða lék
báða leiki sína á útivelli líkt og
FH-liðið nú en KR-ingar byrjuðu
Íslandsmótið 1994 með tveimur
leikjum á útivelli, unnu 5-0 sigur á
Breiðabliki á Kópavogsvelli í 1.
umferð og sóttu síðan 2-0 sigur í
Garðabæ þremur dögum síðar.
James Bett, faðir Baldurs Bett,
núverandi leikmanns FH, lék
einmitt með KR-liðinu þetta
sumar og skoraði meðal annars
tvö mörk í fyrsta leiknum.
Baldur kom inn á sem vara-
maður í Grindavík og skoraði þá
fimmta og síðasta mark FH-liðs-
ins í leiknum. KR-ingar unnu
reyndar aðeins einn af næstu átta
leikjum og enduðu í fimmta sæt-
inu um haustið en öll hin liðin
tryggðu sér Íslandsmeistaratitil-
inn.
Þetta er líka í fyrsta sinn síðan
1990 sem lið sem nær svona frá-
bærri byrjun á Íslandsmótinu er
ekki undir stjórn Guðjóns Þórðar-
sonar, en ÍA 1993, KR 1994 og ÍA
1996 voru öll undir hans stjórn.
Ásgeir Elíasson var því síðastur á
undan Guðjóni að taka Íslands-
mótið með trompi í fyrstu tveim-
ur umferðunum en Fram vann
báða fyrstu leiki sína sumarið
1990, 4-0.
Næst á dagskrá hjá FH er
fyrsti heimaleikur sumarsins
þegar Eyjamenn koma í heimsókn
í Kaplakrikann en aðeins þrjú af
umræddum sex liðum unnu þrjá
fyrstu leiki tímabilsins; Valur
1978 og 1980 og ÍA 1993.
ooj@frettabladid.is
Ólafur Þórðarson, þjálfari ÍA, bað dómarann Garðar Örn Hinriksson afsökunar:
FÓTBOLTI Ólafur Þórðarson, þjálf-
ari Skagamanna í knattspyrnu,
hefur dregið ummæli sín um
Garðar Örn Hinriksson, dómara í
efstu deild, til baka. Ólafur hélt
því fram í fjölmiðlum í gær að
Garðar Örn hataði ákveðna leik-
menn ÍA og sakaði hann um hlut-
drægni í dómgæslu sinni. Síðar
um daginn sá hann að sér og
hringdi persónulega í Garðar
Örn, þar sem málin voru útkljáð.
„Ég bað hann afsökunar á að
láta þessi ummæli falla. Ég geri
mér grein fyrir því að þau áttu
engan veginn heima í fjölmiðl-
um. Og ég bað hann innilega af-
sökunar á því,“ sagði Ólafur við
Fréttablaðið í gær.
Garðar Örn staðfesti að hann
og Ólafur hefðu rætt saman og
að hann hefði samþykkt afsökun-
arbeiðni hans. Ólafur hefði dreg-
ið til baka hvert orð og hann
hefði að auki viðurkennt að víta-
spyrnudómur Garðars í leik Vals
og ÍA á mánudagskvöldið hefði
líklega verið réttur. Málið væri
því afgreitt af beggja hálfu.
vignir@frettabladid.is
Ólafur dregur ummæli sín til baka0
20
40
60
80
100
-stærsti fjölmiðillinn
,,Gull, silfur og brons”
-stærstu fjölmiðlar landsins.
81%
91% 89%
Íslendingar 12-80 ára
Fréttablaðið er stærsti fjölmiðill landsins.
Yfir 90% landsmanna lesa blaðið yfir vikuna.
Þetta er í annað sinn á hálfu ári sem
Fréttablaðið tekur þetta sæti af
Ríkissjónvarpinu. Stöð 2 er í þriðja sæti
og helsti keppinautur Fréttablaðsins
á dagblaðamarkaði , Morgunblaðið,
er nokkuð á eftir í 5. sæti
*Uppsöfnuð dekkun vikunnar
*
STÖ
Ð
2
Fannar Ólafsson og Pálmi Freyr Sigurgeirsson hafa samið við KR-liðið:
Kennum KR-li›inu a› vinna næsta vetur
KÖRFUBOLTI Á blaðamannafundi í
gær var formlega tilkynnt að
Fannar og Pálmi myndu leika með
Vesturbæjarliðinu í úrvalsdeild-
inni næsta vetur, en Fréttablaðið
greindi frá þessu fyrir nokkru.
Blaðamaður spurði Fannar hvern-
ig tilfinning það væri að koma í
Vesturbæinn og hvort liðið ætti
möguleika á að vera í toppbarátt-
unni í vetur.
„Það er mjög gott að vera kom-
inn í KR og ég hlakka mikið til að
vinna með þessum strákum
hérna. Mér skilst að menn séu að
hugsa um að fá jafnvel fleiri
sterka leikmenn til liðs við okkur
og við ætlum að vera í baráttunni
um titilinn, annars myndi ég ekki
koma hingað og spila. Við erum að
vísu með mjög ungt lið og nýir
menn eru að koma í það, svo það
tekur væntanlega tíma að slípa
hlutina saman hjá okkur. Við þurf-
um að aðlagast strákunum sem
eru hérna fyrir og þeir þurfa að
aðlagast okkar leik, þannig að ég á
nú ekki von á því að við komum
fljúgandi inn í tímabilið. Ég held
hins vegar að að við eigum eftir
að verða sterkir og alveg örugg-
lega eitt af topp fjórum í deildinni
þegar við erum búnir að finna
taktinn. KR er með gott lið sem
sýndi það í fyrra að það getur al-
veg unnið hvaða lið sem er, en
skortir bara reynsluna held ég.
Við Pálmi þurfum að miðla þeirri
reynslu sem við höfum til yngri
leikmanna og kenna þeim hvað til
þarf og kenna þeim að vinna,“
sagði Fannar.
baldur@frettabladid.is
NÚMER 15 OG 8 HJÁ KR NÆSTA VETUR Fannar Ólafsson (15) og Pálmi Freyr Sigurgeirsson
(8) sjást hér með Böðvari Guðjónssyni, formanni Körfuknattleiksdeildar KR, eftir að þeir
undirrituðu samning við Vesturbæjarliðið. FRÉTTABLAÐIÐ/E.ÓL.
TÓK ÖRÐ SÍN AFTUR Ólafur Þórðarson,
þjálfari ÍA, hringdi í Garðar Örn Hinriks-
son dómara í gær. FRÉTTABLAÐIÐ/STEFÁN
EINU AF ÁTTA MÖRKUM FAGNAÐ FH-ingar hafa skorað átta mörk í fyrstu tveimur leikjum
sínum í Landsbankadeild karla og hér fagna þeir einu af fimm mörkum sínum í Grindavík
um helgina. FRÉTTABLAÐIÐ/SIGURJÓN
SJÖ LIÐ HAFA BYRJAÐ SEX
OG SEX Í 10 LIÐA DEILD
Valur 1978 (6 stig, markatala 8-2, +6)
Valur 1980 (6 stig, markatala 7-0, +7)
Fram 1990 (6 stig, markatala 8-0, +8)
ÍA 1993 (6 stig, markatala 6-0, +6)
KR 1994 (6 stig, markatala 7-0, +7)
ÍA 1996 (6 stig, markatala 8-1, +7)
FH 2005 (6 stig, markatala 8-1, +7)