Fréttablaðið - 20.10.2005, Side 46

Er farinn norður
Ungur hafnfirskur leikari hefur ráðið sig hjá Leikfélagi Akureyrar.
Bak við gamla Lækjarskóla má finna Gamla bókasafnið, kaffi- og
menningarhús fyrir ungt fólk í Hafnarfirði. Gerð var stór könnun
meðal ungs fólks og þar kom í ljós að það vildi fá aðstöðu í bæinn
fyrir ýmsar uppákomur, fundi, tónleika og menningarlega viðburði
og fleira. Gamla bókasafnið hefur verið opið fyrir slíkt í um þrjú ár,
en þar var allt unnið í samvinnu við ungt fólk og er húsið og
starfsemin þar ætluð fyrir sextán ára og eldri.
Viðtökurnar hafa verið góðar, þó sérstaklega á kvöldin. Ungt
fólk getur nýtt sér þessa aðstöðu í ýmsa viðburði og má með sanni
segja að þetta hafi mikið gildi. Meðal þess sem fram fer á staðnum
er að einu sinni í viku hittast ungar mæður á aldrinum 16-20 ára,
hljóta fræðslu og ræða málin sín á milli. Þegar tónleikar fara fram
í kaffihúsinu er oftast mjög vel mætt og hefur það komið fyrir að
þurft hafi að vísa fólki frá vegna þrengsla í húsinu.
Gamla bókasafnið
KAFFI- OG MENNINGARHÚS FYRIR UNGT FÓLK.
Gamla bóka-
safnið stendur
bak við gamla
Lækjarskóla.
Ungar mæður
hittast á
staðnum einu
sinni í viku
með börn sín.FR
ÉT
TA
B
LA
Ð
IÐ
/H
EI
Ð
A
Jóhannes Haukur Jóhannesson er
ungur leikari á uppleið og útskrifað-
ist í vor frá leiklistardeild Listahá-
skóla Íslands. Jóhannes er Hafnfirð-
ingur í húð og hár en hann ólst upp
í Norðurbænum og er þekktur undir
nafninu Jói Prestley í Hafnarfirði.
Hann hefur ráðið sig hjá Leikfélagi
Akureyrar þar sem hann mun taka
þátt í þremur sýningum og verður
meðal annars þriðji Hafnfirðingur-
inn til að bregða sér í hlutverk tann-
læknisins í Litlu hryllingsbúðinni.
„Ég fékk þetta viðurnefni þegar
ég var í grunnskóla en þá var Elvis
Presley mér ofarlega í huga og ég
reyndi m.a. að greiða mér eins og
hann. Vinur minn Davíð Geirsson
byrjaði að kalla mig Jóa Prestley og
það festist alveg við mig jafnvel þó
ég hafi hætt að greiða mér svona,“
sagði Jóhannes sem er fluttur til
Akureyrar og mun búa þar þangað
til í maí á næsta ári.
„Nú er ég búinn að vera á Akur-
eyri í um tvo mánuði og bærinn
minnir mig mikið á Hafnarfjörð,
andinn er mjög svipaður. Það er
svona nettur sveitafílingur án þess
að við séum í sveit. Þar er eitt kaffi-
hús sem eiginlega allir fara á og svo
er öll þjónusta mjög góð því fólk er
svo almennilegt og leggur sig fram
við að hjálpa manni.“
Hann kann meira fyrir sér en að
leika og syngja því hann spilar bæði
á gítar og píanó. „Ég hef verið að
spila í veislum og á pöbbum og
þannig,“ sagði Jóhannes, en hann
leikur í sýningunni Fullkomið brúð-
kaup sem verður frumsýnd í kvöld.
Hann leikur í Litlu hryllingsbúð-
inni sem tekin verður til sýninga í
febrúar á næsta ári og þá mun hann
leika í Maríubjöllunni sem frum-
sýnd verður í apríl. „Þetta er fínn
pakki, ég hefði ekki flutt til Akur-
eyrar bara upp á grínið þó það sé
fínn staður. Maður vill helst vera
heima hjá sér,“ sagði Jóhannes sem
lék í Hárinu og Grease auk þess sem
hann tók þátt í einu verki í Þjóð-
leikhúsinu.
Jóhannes mun feta í fótspor Ladda og Stefáns Karls með því að leika tannlækninn í Litlu
hryllingsbúðinni. FRÉTTABLAÐIÐ/VALLI
8 ■■■ { Hafnarfjörður } ■■■■■■■■■■■■■■■■■■■■■■■■■■■■■■■■■■■■■■■■■■■■■■