Fréttablaðið - 28.10.2005, Síða 75

28. október 2005 FÖSTUDAGUR
Höfðabakka 1 - sími 587 50 70
Dúndur tilboð
Aðeins í dag föstudag.
Ekki láta þetta fara framhjá þér,
25% afsláttur
Skötuselur og öll lúða í dag
með 25% afslætti.
FÓTBOLTI Knattspyrnumaðurinn
Ingvi Rafn Guðmundsson er á
góðum batavegi eftir að hafa fót-
brotnað illa í leik Keflavíkur og
ÍBV í 2. umferð Landsbankadeild-
arinnar í sumar. Ingvi Rafn er með
skrúfur og bolta í sköflungnum og
má ekki byrja að hlaupa fyrr en
undir jól en á samt ekki von á öðru
en að ná stærstum hluta undirbún-
ingstímabilsins í vor.
„Þetta hefur gengið vel og
beinið er í góðu lagi en skrúf-
urnar valda því að ég er stífur í
löppinni,“ segir Ingvi Rafn en
fjórir mánuðir eru liðnir síðan
hann lenti í skelfilegu návígi við
Pál Hjarðar, leikmanni ÍBV, með
fyrrgreindum afleiðingum. „Ég er
í mikill endurhæfingu en má ekki
hlaupa. Ég hjóla og syndi mikið og
er að vinna upp tapaðan massa í
löppinni,“ segir Ingvi Rafn, sem
var í sex vikur í gifsi og rýrnaði
fóturinn mikið við það.
„Þetta er búinn að vera erf-
iður tími og ég neita því ekki að
það greip oft um sig óþolinmæði
í sumar þegar maður þurfti að
horfa á æfingar á leiki. En nú
hugsa ég bara fram á veginn og
get ekki beðið eftir að því að byrja
að spila á ný.“
- vig
Keflvíkingurinn Ingvi Rafn Guðmundsson er risinn úr rekkju:
Á góðum batavegi eftir fótbrot
RÚMLIGGJANDI Þessi mynd var tekin dag-
inn eftir fótbrotið.
Vináttulandsleikur:
PÓLLAND-ÍSLAND 37-38 (17-18)
Mörk Íslands (skot): Ólafur Stefánsson 10/3 (16),
Guðjón Valur Sigurðsson 8/1 (13), Jaliesky Garcia
Padron 4 (9), Snorri Steinn Guðjónsson 4 (6),
Alexander Peterson 4 (5), Einar Hólmgeirsson 3
(5), Sigfús Sigurðsson 3 (4), Róbert Gunnarsson
2 (3).
Varin skot: Hreiðar Guðmundsson 8, Birkir Ívar
Guðmundsson 6.
Iceland Express-deild karla:
FJÖLNIR-ÞÓR AK. 90-80
HÖTTUR-ÍR 72-98
GRINDAVÍK-HAMAR/SELFOSS 114-84
Stig Grindavíkur: Páll Axel Vilbergsson 34 (Hitti
úr 13 af 17 skotum sínum. Þar af 8 þriggja stiga
körfur), Damon Bailey 17 (13 fráköst, 6 stoðs.),
Þorleifur Ólafsson 16, Páll Kristinsson 12 (9 frák-
öst), Guðlaugur Eyjólfsson 9, Björn Brynjólfsson
6, Davíð Hermannsson 6, Ármann Vilbergsson
5, Eggert Pálsson 5, Hjörtur Harðarson 3, Ágúst
Dearborn 1.
Stig Hamars/Selfoss: Clifton Cook 33 (14 fráköst,
9 stoðsend.), Svavar Pálsson 19, Friðrik Hreinsson
15, Atli Gunnarsson 8, Hallgrímur Brynjólfsson 5,
Rúnar Sævarsson 2, Bragi Bjarnason 2.
NJARÐVÍK-HAUKAR 78-74
SKALLAGRÍMUR-KR 70-98
Stig Skallagríms: Jovan Zdravevski 21, Chris Man-
ker 19, Axel Kárason 10, Hafþór Gunnarsson 9,
Pétur Sigurðsson 7, Bjarni Kristmarsson 3, Áskell
Jónsson 1.
Stig KR: Skarphéðinn Ingason 21, Ashley Champ-
ion 20, Pálmi Freyr Sigurgeirsson 19, Darri Hilm-
arsson 10, Steinar Kaldal 9, Níels Dungal 6, Ellert
Arnarsson 5, Baldur Ólafsson 4, Jón H. Baldvins-
son 4.
Evrópukeppni kvenna:
PAYS DIAIX-HAUKAR 99-59 (59-27)
Stig Hauka: Kesha Tardy 25 (13 fráköst), Helena
Sverrisdóttir 15 (5 fráköst, 5 stoðs.), Jelena Jovanic
8, Hanna Hálfdanardóttir 4, Pálína Gunnlaugs-
dóttir 4, Kristrún Sigurjónsdóttir 2, Sigrún Ámund-
adóttir 1.
ÚRSLIT GÆRDAGSINS
KÖRFUBOLTI Heimamenn í Fjölni
unnu nokkuð þægilegan tíu stiga
sigur sem var fyllilega verð-
skuldaður. „Við leiddum alveg frá
upphafi og vorum klárlega betri
aðilinn og áttum sigurinn skil-
inn,“ sagði Benedikt Guðmunds-
son, þjálfari Fjölnis, eftir leikinn.
„Þetta var kannski ekki skemmti-
legasti körfuboltinn sem boðið
hefur verið upp á en stigin skipta
öllu. Við vorum þar að auki með
nýjan Kana sem var ekki alveg
komin með kerfin á hreint þannig
að það þarf að fínpússa ýmsa hluti
hjá okkur.“
Sá fáséði atburður átti sér stað
í leikhléi að Þórsarinn Jón Orri
Kristjánsson braut aðra körfuna
í húsinu. Hann ætlaði þá að troða
með miklum látum en kannski
ekki eins miklum látum og raun
bar vitni því karfan splundraðist
líkt og sést á stundum í NBA-bolt-
anum. Sem betur fer voru fleiri
körfur í húsinu svo það var hægt
að klára leikinn.
- hbg
Karfa brotnaði
Það gekk mikið á þegar Fjölnir tók á móti Þór í
Grafarvogi í gær. Meðal annars var karfa brotin.
SKÖMMUSTULEGUR Jón Orri Kristjánsson sést hér skömmustulegur á minni myndinni eftir
að hafa brotið körfuna með eftirminnilegri troðslu í leikhléinu. FRÉTTABLAÐIÐ/VALLI