Fréttablaðið - 01.04.2006, Blaðsíða 40
1. apríl 2006 LAUGARDAGUR40
Stórtíðindi munu eiga sér stað í
sögu Glæstra vona (The Bold and
the Beautiful) á Íslandi mánudag-
inn 3. apríl. Þá verða þættirnir
spólaðir áfram um tvö og hálft ár.
Með öðrum orðum verður hlaupið
yfir atburðarás tveggja og hálfs
ára í þeim tilgangi að færa þætt-
ina nær okkar tímum.
Glæstar vonir hafa verið á dag-
skrá undanfarin ellefu ár, en þætt-
irnar sem sýndir eru hérlendis
eru um fimm árum á eftir fram-
leiðslu. Eftir tímaflakkið umrædda
verða þeir því svo gott sem spán-
nýir og fyrir vikið snöggtum fer-
skari og meira í takt við ríkjandi
tíðaranda; bæði hvað snertir efn-
istök og tískustrauma, sem hafa
einmitt ætíð leikið stórt hlutverk í
þáttunum og lífi Forrester-fjöl-
skyldunnar.
Þrátt fyrir gloppuna þurfa unn-
endur þáttanna engu að kvíða því
kjölfestan er óbreytt og allir við
sama heygarðshornið. Aðalsögu-
hetjurnar eru sem fyrr Forrester-
fjölskyldan, en þrátt fyrir stór-
kostlegt ríkidæmi glímir hún við
margs konar erfiðleika í einkalíf-
inu og hver og einn virðist eiga
sinn skrautlega og illskeytta
djöful að draga. Á árunum sem
hlaupið verður yfir drífur ýmis-
legt á daga söguhetjanna og nægir
að nefna að Brooke hefur eignast
barn og þau Ridge hafa áfram átt
í stormasömu sambandi; gengu
meðal annars í það heilaga tvisvar
auk þess sem Brooke gekk í
skammlíft og vonlítið hjónaband
með Nick Marone. Þá kvaddi
Taylor Hayes þennan heim af
völdum veikinda.
En þegar við tökum upp þráðinn
hafa enn ein stórtíðindin átt sér
stað. Brooke og Ridge hafa náð
saman enn á ný og virðast ást-
fangnari en nokkru sinni fyrr. En
þýðir það að ástin muni vara? Hvað
ætti að vera öðruvísi nú? Hvers
vegna ætti sambandið að vara leng-
ur en í fyrri skiptin? Eins og þeir
sem ekki missa af þætti vita geng-
ur margt á og sögupersónur koma
og fara. Sjaldan eða aldrei hefur
söguþráðurinn verið safaríkari og
nú og eitt er víst að sögupersón-
urnar hafa aldrei verið skrautlegri
eða leikararnir glæstari. Meðal
þeirra sem nú fara með lykilhlut-
verk eru Lorenzo Lamas, hjarta-
knúsari af guðs náð sem margir
muna eflaust eftir úr Falcon Crest,
og Lesley-Anne Down sem er
margreynd sápuleikkona úr þátt-
um á borð við Dallas og Dynasty.
Þá hafa fleiri leikarar úr gamla
góða Dallas gert vart vart við sig í
Glæstum vonum. Nægir þar að
nefna Lindu Gray, sem lék Sue
Ellen og síðast en ekki síst Patrick
Duffy, sem er betur þekktur sem
Bobby Ewing, en innan tíðar mun
Duffy taka að sér stórt hlutverk í
Bold and the Beautiful. Sannkall-
að tilhlökkunarefni fyrir alla unn-
endur góðra sápuópera.
Glæstar vonir verða sem fyrr
sýndar tvisvar á dag, alla virka
daga og samantekt vikunnar er
svo endursýnd á laugardögum.
Spólað áfram um tvö og hálft ár
Sápuóperan Bold and the Beautiful, sem sýnd
hefur verið alla virka daga á Stöð 2, á sér gletti-
lega stóran hóp dyggra áhorfenda. Þessi margverð-
launaða sápuópera hóf göngu sína í Bandaríkjun-
um árið 1987 og hefur verið á dagskrá Stöðvar 2
allar götur síðan 1995.
STORMASAMT SAMBAND Ridge og Brooke hafa verið sundur og saman í gegnum tíðina og
meðal annars gengið í það heilaga í tvígang.
BJÖRN BALDURSSON Björn er fyrrverandi
þýðandi sápuóperunnar Bold and the
Beautiful. FRÉTTABLAÐIÐ/PJETUR
GLÆSTAR VONIR Forrester-fjölskyldan er sem fyrr kjölfesta þáttanna. Þrátt fyrir
mikið ríkidæmi er líf hennar langt í frá auðvelt og allir hafa sinn djöful að draga.
Björn Baldursson er fyrrverandi
þýðandi sápuóperunnar Bold and
the Beautiful. Eftir að hafa þýtt
fimm þætti í hverri viku í nokkur
ár ákvað hann að snúa sér að því
að þýða annað efni fyrir Stöð 2.
„Þetta var allt of mikið fyrir
einn mann að vera með fimm
þætti í viku og síðan er þetta
ekki akkúrat efnið sem höfðar til
karlmanna,“ segir Björn, sem
fylgdist eins og gefur að skilja
vel með framvindu mála í sápu-
óperunni á sínum tíma. „Ég átti
enga uppáhaldspersónu en það
væri helst hún Sally kerlingin.
Hún er hörð viðskiptakona og
dálítið undirförul eins og þær
eru margar persónurnar í þess-
um þáttum,“ segir hann.
Aðspurður segist hann vera
mjög fylgjandi því að færa þátt-
inn fram um nokkur ár. „Mér
finnst það hið besta mál. Það er
eiginlega ómögulegt að vera
svona langt á eftir.“
Patrick Duffy, sem lék Bobby
í Dallas á sínum tíma, er ein af
nýju persónunum í Bold and the
Beautiful og segist Björn spennt-
ur að sjá hvernig hann kemur út.
„Ég gæti vel hugsað mér að horfa
á nokkra þætti með honum. Ég
þýddi líka Dallas í nokkur ár og
fannst þeir þættir nú meira
spennandi.“
Á meðal fleiri þátta á Stöð 2
sem Björn fylgist með eru Nip/
Tuck og sakamálaþátturinn 48
Hours en sápuóperuna
Nágranna horfir hann aftur á
móti aldrei á. - fb
Sally er undirförulÍ dag, 1. apríl, er 35 ára afmæli Hertz á Íslandi. Í tilefni þess hlaupum
við á okkur með tilboði sem hljómar einsog aprílgabb og leigjum
allar tegundir bíla á
… taktu frekar bíl!
50 50 600 • www.hertz.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
3
20
33
03
/2
00
6
yfir daginn*
*Á meðan birgðir af bílum endast. Tilboðið gildir um allt land, í Reykjavík,
Keflavík, á Ísafirði, Akureyri, Egilsstöðum og í Höfn. Venjulegt gjald samkvæmt
verðskrá tekur við ef fólk tekur bílinn lengur en einn dag.
35kr.