Fréttablaðið - 22.06.2006, Blaðsíða 78
22. júní 2006 FIMMTUDAGUR42
maturogvin@frettabladid.is
ÞRÚGUR GLEÐINNAR
> EINAR LOGI VIGNISSON
VEITINGASTAÐURINN SILFUR HÓTEL BORG, PÓSTHÚSSTRÆTI 11, S. 5782008
-Þú getur alltaf treyst á prinsinn-
Hlíðasmára 8 • 201 Kópavogi • S: 554 7200 • www.hafid.is
Nú er sumarið komið
Laxatilboð
Laxflök 990kr/kg beinlaus
Lax í teryaki og hunangs 1290kr/kg
Fiskigrillspjót-Lúða í smjörkryddi-
Keila í miðjarahafskryddi og margt
margt fleira. Opið til 18:30
Þorri Hringsson er þekktur fyrir
skrif sín um vín í Gestgjafanum
og veitingahúsagagnrýni en færri
vita að matargerð höfðar enn
meira til hans.
„Áhugi minn á víni spratt út frá
áhuga á mat. Ég veit miklu meira
um mat ef út í það er farið og hef
meiri áhuga á matargerð en víni,“
segir Þorri. Hann eldar mikið
heimavið og leikur sér með hrá-
efnið. „Ég vil hafa þetta fjölbreytt
bara til að „stimulera“ sjálfan mig
og víkka sjóndeildarhringinn.
Maður reynir alltaf að prófa ein-
hvern nýjan vinkil á hlutunum þó
að maður endi oft á svipuðum upp-
skriftum. Þannig virkar öll sköp-
un,“ segir Þorri, en hann starfar
einnig sem listmálari.
Þorri gefur hér uppskrift að
salati með hægelduðum tómötum
og geitaosti. „Ég gef þetta upp
fyrir fjóra sem nokkuð mikinn
forrétt, svo má líka hafa þetta
fyrir sex sem lítinn forrétt og
aðalrétt fyrir tvo til þrjá,“ segir
Þorri. „Þetta er ákaflega gott salat
sem tekur svolítinn tíma að undir-
búa en er auðvelt að gera deginum
áður. Aðalvinnan felst í því að
hægelda tómatana en þar gildir
þolinmæðin og ekkert annað,“
segir hann. Geitaosturinn fæst
meðal annars í Ostabúðinni og
Hagkaupi en hann er hvítur og
pakkaður í rúllu. „Það eru nokkrar
tegundir til, sá þekktasti heitir
Soignon. Svo eru í þessu bara
venjulegar hunangsristaðar hnet-
ur,“ segir Þorri.
Salat með hægelduðum tómötum
og ferskum geitaosti
500 g kirsuberjatómatar (eða bara
smáir tómatar)
120 g ferskur geitaostur, t.d. Soignon.
200 g blönduð salatlauf, s.s. frisée,
klettasalat og lollo rosso
2 msk. hunangsristaðar jarðhnetur
(gróft saxaðar)
balsamedik
extra-virgin ólífuolía
sjávarsalt, t.d. Maldon
hrásykur
Ofninn er hitaður í 120° C. Sker-
ið tómatana í tvennt og raðið þeim
í eldfast mót og látið sárið snúa
upp. Blandið saman sæmilegan
skammti af balsamediki, ólífuolíu
og hrásykri, t.d. einn dl af olíu, 1
msk af balsamediki og 1 tsk af
hrásykri, og penslið tómatana með
blöndunni.
Stráið ögn af sjávarsalti yfir og
hægeldið í ofninum í 5 til 7 klst. og
penslið af og til með olíublönd-
unni. Aðalatriðið er að elda tómat-
ana á sem lengstum tíma, við sem
lægstan hita því þannig verða þeir
sætir og safaríkir. Kælið svo tóm-
atana í ísskáp, þerrið salatið og
skiptið því á fjóra diska. Dreifið
tómötunum jafnt á diskana og
myljið ferska geitaostinn yfir sal-
atið og tómatana. Stráið að lokum
pínulítlu af hunangshnetunum yfir
allt. Þegar salatið er borið fram er
gott að skvetta góðri ólífuolíu og
smá balsamediki yfir (því dýrara
því betra). Þetta salat er gott með
hvítvíni frá Nýja-Sjálandi, t.d.
Kim Crawford sauvignon blanc.
Sumarsalat vínsérfræðingsins
ÞORRI HRINGSSON Þorri gaf út Vín, handbók um vín og vínmenningu, árið 2003 en hann hefur einnig skrifað um vín í Gestgjafanum og
víðar.
Í dag verður veitinga-
staðurinn Silfur á Hótel
Borg formlega opnaður.
Staðurinn sérhæfir sig í
minni réttum sem hægt er að blanda
saman og er maturinn í anda franskrar
matargerðar. Svört og hvít leðursæti,
steingráir veggir, kristalsljósakrónur og
arineldur setja svip sinn á rýmið sem er
nútímalegt og móðins.
Matseðillinn: „Hugmyndafræðin er
að þetta sé staður til þess að koma
og upplifa mat og prófa eitthvað nýtt
frekar en að fá magafylli,“ segir Jón
Páll Haraldsson, framkvæmdastjóri
veitingasviðs Hótel Borgar. „Grunn-
urinn í eldamennskunni er ný-frönsk
matargerð en matreiðslumeistari árs-
ins 2005, Þórarinn Eggertsson, heldur
utan um þetta,“ segir Jón Páll. Kokk-
arnir setja saman fimm rétta seðil á
hverjum degi. Einnig geta gestir sett
saman seðil sjálfir, en þrír réttir sam-
svara venjulegum aðalrétti. Boðið er
upp á dúfu, önd, lamb, naut, ostrur, og
ýmiss konar fisk svo eitthvað sé nefnt,
auk „grænna“ rétta eins og grænurtu-
súpu. Silfur er opið í hádeginu og þá er
boðið upp á hefðbundna, fljótlega rétti
sem og flóknari.
Verð: Hver réttur er frá 1600 upp í 2400
krónur og fimm rétta sælkeraseðill er
á 6.800 kr. Í hádegi er hægt að fá tvo
rétti á 2400 og þrjá á 2900 krónur.
HM í Þýskalandi er mikil bjórhátíð og eru þýskir móðgaðir yfir því
að amerískur bjór skuli vera opinber bjór mótsins. Gáfust ekki upp
fyrr en Budweiser leyfði Bitburger að fljóta með niður hálsa vallar-
gesta. Þýskaland er enda eitt höfuðríki bjórgerðar í veröldinni. Vín-
gerð hefur verið stunduð af þrótti í Þýskalandi í margar aldir en
ekki skorað jafnhátt og bjórinn hjá neytendum. Löngum hefur verið
litið niður á þýsk vín, einkum sökum óorðsins sem hin dísætu Lieb-
fraumilch-vín komu á gjörvöll vín þessa mikla lands. Á síðustu
árum hafa orðið gríðarlegar framfarir í þýskri víngerð. Víntímarit
hafa hampað þeim og flestir bestu veitingastaðir Vesturlanda leggja
sig fram um að bjóða upp á þau á vínlistum sínum. Talað er um
þýsku nýbylgjuna í víngerð rétt eins og talað var um þýsku nýbylgj-
una í kvikmyndagerð sem stóð einmitt hæst síðast þegar HM var
haldið í Þýskalandi. Helsti páfi nýbylgjunnar er Ernst Loosen sem
valinn var maður ársins í víntímaritinu Decanter í fyrra. Hann er
oft kallaður „Herra Riesling“ því enginn hefur átt jafn mikinn þátt
í því og hann að hefja þá mögnuðu þrúgu til vegs og virðingar á ný.
Þýsku riesling vínin eru mörg hver alveg sérdeilis prýðileg,
afbragðs matarvín sem eiga einkar vel við okkar ágæta sjávarfang.
Úrval þeirra hefur aukist nokkuð undanfarið í vínbúðum hérlendis
þótt áherslan sé einkum á ódýari og einfaldari vínin. Þau eru afar
hagstæð í verði hér á landi vegna þess að þau eru lág í alkóhóli og
ofuralkóhólskattarnir leggjast því ekki á þau af eins miklum þunga
og á alkóhólríkari vín. Vegna hins lága alkóhólmagns eru
þau kjörin í samkvæmi, hægt er að dreypa á þeim eins og
bjór án þess að svífi um of á mannskapinn. Léttvín eru
reyndar iðulega valin fram yfir bjór í samkvæmum í
Þýskalandi rétt eins og hér á landi þar sem léttvínsneysla
eykst stöðugt á kostnað bjórneyslu. Alkóhólléttu hvítvín-
in hafa þó ekki náð fyllilega þeirri hylli sem þau verð-
skulda, ennþá eimir eftir af þeim molbúahætti hjá
okkur Íslendingum að kaupa vín einkum eftir styrk-
leika.
Þýsku vínin skora
VERT AÐ SPÁ Í:
Í vínbúðum fást bæði einföld riesling vín og dýrari og vandaðri frá til
dæmis Dr. Loosen og Guntrum sem hefur um árabil átt mest selda
hvítvínið hérlendis. Palts er annar athyglisverður framleiðandi með
frambærileg vín og fyrir þá sem vilja eignast minjagrip um HM er vert
að benda á vínið FiFA WM 2006 frá framleiðandanum Moselland
sem alltaf er með skrautlegar flöskur.
Staður þar sem fólk prófar nýja hluti
> Prófaðu...
að grilla ferskju-
helminga með hvítu
súkkulaði ofan á.
Stráðu yfir sykri, kan-
il, og settu með örlítið
af bræddu smjöri.
Smá skvetta af
amaretto og nokkrar
pistasíuhnetur setja
punktinn yfir i-ið.
Hvaða matar gætirðu síst verið
án?
Það er örugglega sesam gerlausa
hrökkbrauðið, ég ferðast með það
til útlanda. Set alltaf jarðarberjasultu
og ost ofan á það.
Fyrsta minning um mat?
Rjúpurnar hjá mömmu á aðfanga-
dag.
Besta máltíð sem þú hefur fengið?
Rjúpurnar hjá mömmu á aðfanga-
dag.
Er einhver matur sem þér finnst
vondur?
Hákarl, ég kann ekki að meta hann.
Leyndarmál úr eldhússkápnum?
Ég á alltaf rucolasalat, balsamedik og
gott sinnep. Það er hægt að nota í
geggjaðar samlokur eða salat.
Hvað borðar þú til að láta þér líða
betur?
Hafragraut.
Hvað áttu alltaf í ísskápnum?
Trönuberjadjús og vínber.
Ef þú yrðir föst á eyðieyju, hvað
tækirðu með þér?
Hrökkbrauðið og gott Kaffitárs-kaffi.
Hvað er það skrítnasta sem þú
hefur borðað?
Ekkert sérstakt sem ég man eftir.
MATGÆÐINGURINN: SVAVA JOHANSEN, EIGANDI NTC
Alltaf með sinnep og rucolasalat í eldhússkápnum