Fréttablaðið - 21.09.2006, Blaðsíða 2

2 21. september 2006 FIMMTUDAGUR
SPURNING DAGSINS
Ólafur, er þróttur í þér?
„Já, það er þróttur í mér. Vinnu-
þróttur.“
Ólafur Þórðarson knattspyrnuþjálfari
hefur verið orðaður við ýmis lið að
undanförnu. Háværustu sögusagnirnar
herma að hann sé að fara að taka við
Þrótti í Reykjavík.
LÖGREGLUMÁL „Hann tók upp hníf-
inn, ógnaði mér og sagði mér að
afhenda sér peningana,“ segir Þor-
leifur Eggertsson, eigandi Leifa-
sjoppu við Iðufell í Breiðholti, en
hann var að störfum í söluturnin-
um þegar ránstilraun var gerð þar
á þriðjudagskvöld. „Ég neitaði
honum, en þá sagðist hann ætla að
stinga mig á hol og stökk yfir búðar-
borðið. Ég reyndi að hlaupa út um
bakdyr en hann náði mér næstum
því í dyragættinni. Hann lét pen-
ingakassann vera. Hann einbeitti
sér alveg að mér. Það er eiginlega
skuggalegast í þessu því hann kom
til að ná í peningana. En hann var
síðan ekkert að pæla í þeim.“
Maðurinn hafði komið inn í sölu-
turninn á tólfta tímanum og beðið
eftir því að verða einn með Þorleifi
áður en hann lét til skarar skríða.
Hann var vopnaður hnífi og huldi
andlit sitt með hvítum klút. Á eftir-
litsmyndbandi úr söluturninum
sést maðurinn stökkva yfir búðar-
borðið, hlaupa framhjá peninga-
kassanum og veita Þorleifi eftirför
með hnífinn á lofti. Í atburða-
rásinni gerir hann enga tilraun til
þess að tæma peningakassann
heldur einbeitir sér að því að ná
Þorleifi.
Þorleifur segir að svo virðist
sem maðurinn hafi hætt við þegar
þeir voru komnir út. „Þá hljóp hann
bara í burtu. En þegar ég var að
opna dyrnar var hann alveg í bak-
inu á mér. Það munaði engu.“
Að sögn Þorleifs voru einungis
um 4.500 krónur í kassanum þetta
kvöld og því ljóst að maðurinn
hefði ekki haft mikið upp úr krafs-
inu. Hann segir það mikla mildi að
hafa sloppið óskaddaður frá þessu
en viðurkennir þó að hann hafi ekki
sofið mikið um nóttina. Þorleifur
segist trúa því að maðurinn hafi
ætlað að drepa sig. „Hann var
ekkert að reyna að ná í peningana.
Það sést þegar maður skoðar mynd-
bandið.“
Tveir menn og ein kona voru
handtekin við Höfðabakka stuttu
síðar á stolnum bíl, grunuð um
ránstilraunina. Þau eru öll um tví-
tugt. Bílnum sem þau óku hafði
verið stolið á Selfossi fyrr um
kvöldið. Einn hinna handteknu er
þekktur af lögreglu fyrir ýmis
afbrot. Samkvæmt upplýsingum
lögreglunnar í Reykjavík var fólk-
ið í annarlegu ástandi þegar það
var handtekið og beið enn yfir-
heyrslu síðast þegar fréttist.
thordur@frettabladid.is
Hann ætlaði að drepa mig
Maður á tvítugsaldri vopnaður hnífi reyndi á þriðjudagskvöldið að ræna söluturninn Leifasjoppu við Iðu-
fell í Reykjavík. Eigandi söluturnsins segir að ræninginn hafi ekki litið við peningakassanum. Hann heldur
að maðurinn hafi ætlað að drepa sig.
ÞORLEIFUR EGGERTSSON Bjargaði lífi sínu með því að taka til fótanna. FRÉTTABLAÐIÐ/BRINK
Atlagan að Þorleifi
Árásarmaðurinn stökk yfir afgreiðsluborðið þegar Þorleifur neitaði
að afhenda honum peningana úr búðarkassanum. Þorleifi tókst að
flýja út um bakdyr söluturnsins.

Mynd 1: Árásarmaðurinn nálgast og Þorleifur opnar bakdyrnar.
Mynd 2: Þorleifur reynir að komast út.
Mynd 3: Maðurinn leggur til Þorleifs með hnífnum. Ef myndin prentast vel er
hægt að greina hnífinn í hægri hönd árásarmannsins innan hringsins á myndinni.
1 2
3
Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
LÖGREGLUMÁL Lögreglubíll lenti í
harkalegum árekstri á leið sinni í
útkall vegna ránsins í Iðufelli.
Talið er að lögreglubíllinn hafi
farið yfir á rauðu ljósi á gatna-
mótum Bústaðavegar og Grensás-
vegar og keyrt inn í bíl sem
beygði fyrir hann.
Lögreglubíllinn fór heila veltu
og endaði á ljósastaur. Hann er
gjörónýtur. Kona sem ók hinum
bílnum meiddist ekki og lögreglu-
mennirnir sluppu með minnihátt-
ar meiðsl. Að sögn lögreglu var
um algjört óhapp að ræða. - þsj
Lögreglubíll lenti í árekstri:
Á leið í útkall
STJÓRNMÁL Forysta Nýs afls hefur
ákveðið að leggja samtökin niður
sem stjórnmálaflokk og hvetja
félagsmenn til að ganga í Frjáls-
lynda flokkinn.
Jón Magnússon, formaður Nýs
afls, segir þessa tilhögun hafa átt
sér dálítinn aðdraganda. „Formleg-
ar viðræður stóðu ekki lengi en
upphaf þeirra var fyrir síðustu
kosningar,“ segir Jón. Frumkvæðið
hafi komið frá fólki sem stóð utan
flokkanna tveggja.
Guðjón A. Kristjánsson, for-
maður Frjálslynda flokksins, segir
það gott ef fólk vilji ganga til liðs við
flokkinn. „Það er mjög gott þegar
hópar sem liggja nálægt hvor öðrum
í ýmsum málefnum ná saman.“
Báðir segja þeir einhvern
áherslumun að finna á stefnu flokk-
anna en benda á að stefnuskrár séu
til endurskoðunar á flokksþingum
og ekki loku fyrir það skotið að
stefna Frjálslynda flokksins taki
breytingum.
„Ekkert er ákveðið um fram-
boðsmál Frjálslyndra fyrir þing-
kosningarnar í vor og lögðu báðir
áherslu á að ekki hefðu verið gerðir
samningar um að félagar í Nýju
afli fengju sérstök sæti á fram-
boðslistum.
Rúmlega 400 eru á félagaskrá í
Nýju afli. Yfir þúsund eru í Frjáls-
lynda flokknum. Báðir flokkar
buðu fram í öllum kjördæmum í
síðustu þingkosningunum. - bþs
Nýtt afl lagt niður og félagsmenn hvattir til að ganga í Frjálslynda flokkinn:
Liðsheildin verður sterkari
KIRKJUMÁL Kirkjuráð Þjóðkirkjunnar segir upp-
sögn Hilmars Arnar Agnarssonar vera hluta af
skipulagsbreytingum sem boðaðar hafa verið í
Skálholti en ráðið hefur greitt rúmlega áttatíu
prósent af launum organista í Skálholti um
fimmtán ára skeið. Kirkjuráðið fjallaði í gær
um breytingar sem stjórn Skálholts hefur boðað
á skipulagi og starfsemi Skálholtsstaðar.
Í bókun ráðsins um málefni organistans eru
breytingarnar útskýrðar og staðfest að organ-
istanum hafi verið sagt upp störfum. Þá segir
einnig að Kirkjuráð hafi skipað stjórn Skál-
holts, sem „unnið hafi að því að hrinda stefnu-
mótuninni í framkvæmd“.
Eins og greint hefur verið frá í Fréttablað-
inu hafa boðaðar breytingar fallið í grýttan
jarðveg heimamanna og Félags organista.
Hilmar Örn hefur stýrt kórum í sveitinni auk
þess að vera organisti í Torfastaðakirkju,
Haukadalskirkju og Bræðratungukirkju, auk
Skálholtskirkju.
Sigurður Sigurðarson, vígslubiskup í Skál-
holti, segir grunninn að skipulagsbreytingun-
um hafa verið lagðan í janúar á fundi Kirkju-
ráðs, skólaráðs Skálholtsskóla og þeirra er
starfa á staðnum. Uppsögn Hilmars Arnar
tekur gildi 1. október en tekur aðeins til þess
hluta organistastarfsins sem Kirkjuráð hefur
kostað.
Hilmar Örn hefur þegar leitað sér lögfræði-
aðstoðar vegna málsins en hann hefur starfað
sem dómorganisti frá því árið 1991. - mh
Kirkjuráð Þjóðkirkjunnar lagði grunninn að skipulagsbreytingum á Skálholtsstað:
Ræddu harðvítugar deilur í Skálholti
BISKUP ÍSLANDS GENGUR AF FUNDI Karl Sigurbjörns-
son, biskup Íslands, sést hér ganga af fundi Kirkjuráðs
sem fram fór í Biskupsstofu. FRÉTTABLAÐIÐ/HÖRÐUR
SÁTTIR Guðjón Arnar Kristjánsson og Jón Magnússon handsöluðu samkomulagið.
FRÉTTABLAÐIÐ/HEIÐA
FINNLAND Útblástur gróðurhúsa-
lofttegunda er meiri í Helsinki en
í öðrum höfuðborgum Norðurland-
anna, samkvæmt nýrri rannsókn
sem skýrt er frá á vefsíðum
finnska dagblaðsins Helsingin
Sanomat. Orsakir þessa eru raktar
til raforkuframleiðslu borgarinn-
ar, sem nánast alfarið er fengin
með brennslu jarðefnaeldsneytis.
Samkvæmt sömu rannsókn
mun útblástur gróðurhúsaloftteg-
unda vera minnstur hér í
Reykjavík. - gb
Loftið í Norðurlandaborgum:
Hreinast hér,
verst í Helsinki
HLUTABRÉF Gengi hlutabréfa í Exista
hefur hækkað um rúm tíu prósent
eftir að félagið var skráð í
Kauphöll Íslands í lok síðustu viku.
Þetta þýðir að þeir sem tóku
þátt í hlutafjárútboði til almennra
fjárfesta og fengu hámarks-
skammt hafa hagnast um 25
þúsund krónur.
Alls óskuðu 7.400 fjárfestar
eftir því að kaupa hlutabréf í
hinum almenna hluta útboðsins og
varð þrjátíuföld umframeftir-
spurn. - eþa
Hlutafjárútboð Exista:
Almennir fjár-
festar græða