Fréttablaðið - 11.10.2006, Blaðsíða 81

MIÐVIKUDAGUR 11. október 2006 37
FÓTBOLTI Salih Heimir Porca hefur
verið ráðinn þjálfari kvennaliðs
Keflavíkur í knattspyrnu. Porca
þjálfaði áður kvennalið Hauka en
hefur nú gert þriggja ára
samning við Keflavík. Porca lék
hér á árum áður með nokkrum
liðum í efstu deild í knattspyrnu
við góðan orðstír. - dsd
Knattspyrnudeild Keflavíkur:
Porca þjálfar
kvennaliðið
SALIH HEIMIR PORCA Er hér á ferðinni
í bikarúrslitaleik KR og Grindavíkur árið
1994. FRÉTTABLAÐIÐ/BRYNJAR
HANDBOLTI Króatíski landsliðs-
maðurinn Tomislav Broz, sem
kom til Fylkis rétt fyrir tímabilið,
mun ekki nýtast Fylki sérstaklega
vel í upphafi móts því hann er illa
meiddur í nára og verður frá að
minnsta kosti fram yfir áramót.
Þetta er mikið áfall fyrir Fylki
en miklar væntingar voru gerðar
til Króatans fyrir tímabilið. Ekki
er ólíklegt að Fylkir taki upp
veskið af þessu tilefni og styrki
liðið enn frekar. - hbg
Nýi Króatinn hjá Fylki:
Frá fram yfir
áramót
FÓTBOLTI Ledley King verður ekki
með enska landsliðinu sem mætir
Króötum í dag vegna hnémeiðsla.
King var ekki með á æfingu
liðsins í mánudaginn og eftir fund
með læknum enska liðsins var
ákveðið að King færi ekki með
liðinu til Króatíu. „Það var ljóst
að King yrði mjög tæpur fyrir
leikinn og við ákváðum að taka
enga áhættu með hann,“ sagði
talsmaður enska landsliðsins.
Þetta er töluvert áfall fyrir
King, sem þótti leika vel í
fjarveru Rio Ferdinand, en Rio
fór með liðinu til Króatíu og búist
er við því að hann verði í
byrjunarliðinu. Englendingar eru
á toppi riðilsins en Króatar geta
jafnað þá að stigum ef þeim tekst
að vinna Englendinga í dag. - dsd
Enska landsliðið:
King ekki með
gegn Króötum
HANDBOLTI Í gær var dregið í
Evrópukeppnunum í handbolta en
íslensku félögin Fylkir og Haukar
eru enn meðal þátttakenda.
Haukar drógust gegn franska
félaginu Paris Handball í þriðju
umferð Evrópukeppni félagsliða
en Fylkir dróst á móti svissneska
liðinu St. Ottmar, sem er frá St.
Gallen, í Áskorendakeppni
Evrópu.
Fyrri leikirnir eru 4. og 5.
nóvember og síðari leikirnir viku
síðar. - hbg
Evrópukeppnin í handbolta:
Haukar fara til
Parísar
Á LEIÐ TIL FRAKKLANDS Kári Kristjáns-
son og félagar í Haukum mæta Paris
Handball.
FÓTBOLTI Hollenski framherjinn
Ruud van Nistelrooy sagðist í
gær vera búinn að sættast við
gamla stjórann sinn, Sir Alex
Ferguson, og að allt væri í góðu
þeirra á milli.
„Ég skulda Ferguson mikið og
ber mikla virðingu fyrir honum,“
sagði van Nistelrooy, sem sakaði
Ferguson fyrir skömmu síðan um
að hafa svikið sig og stungið sig í
bakið. „Það sem gerðist er liðin
tíð og við verðum að halda áfram.
Margir frábærir leikmenn hafa
yfirgefið United og farið til
annarra liða,“ sagði van Nistel-
rooy, sem hefur byrjað tímabilið
frábærlega með Real og skorað
líkt og óður væri. - hbg
Van Nistelrooy og Ferguson:
Búnir að grafa
stríðsöxina
FÓTBOLTI Hinn skrautlegi og
skemmtilegi leikmaður Manchest-
er City, Joey Barton, var í gær
sektaður um 250 þúsund krónur
og gefin aðvörun fyrir athæfi sitt
eftir leikinn gegn Everton á dög-
unum.
Þegar Barton var að ganga af
velli eftir leikinn fékk hann það
óþvegið frá stuðningsmönnum
Everton sem hrópuðu að honum.
Barton, sem var þegar kominn úr
að ofan, gerði sér lítið fyrir og dró
stuttbuxurnar sínar niður að aftan
er hann labbaði framhjá stuðn-
ingsmönnunum. Hann sem sagt
„múnaði“ stuðningsmennina, sem
höfðu lítinn húmor fyrir uppátæki
Bartons.
„Ég fékk sanngjörn réttarhöld
og ég get ekki beðið um meira,“
sagði Barton þegar úrskurðurinn
var ljós. „Ég vil þakka leikmanna-
samtökunum, félaginu mínu og
enska knattspyrnusambandinu
fyrir að hlusta á mig og stuðnings-
mönnunum sem skrifuðu mér bréf
og sýndu þar með stuðning sinn í
verki. Bréfin voru ekki bara frá
stuðningsmönnum Man. City held-
ur líka frá stuðningsmönnum ann-
arra liða.
Ég er mjög þakklátur og von-
andi endar málið hér og er grafið
og gleymt. Ég fékk sekt og einnig
sanngjörn réttarhöld þannig að ég
kvarta ekki yfir neinu.“
Barton sagði að aganefndin
hefði tekið mark á að honum hefði
verið ögrað og fyrir vikið hefði
úrskurðurinn ekki verið eins harð-
ur og margir bjuggust við. Atvikið
náðist á myndband og hefur vakið
mikla lukku úti um um allan heim
enda klárlega um einstakan atburð
að ræða.
- hbg
Joey Barton sleppur með sekt og aðvörun:
Sektaður um 250 þúsund
fyrir að sýna afturendann
JOEY BARTON Fagnar hér einu marka sinna fyrir Manchester City. Hér er hann þó
fullklæddur. NORDIC PHOTOS/AFP
VAN NISTELROOY Sáttur við Alex Fergu-
son. NORDIC PHOTOS/AFP