Fréttablaðið - 20.12.2006, Qupperneq 6

Breska lögreglan
handtók í gærmorgun 48 ára gaml-
an mann grunaðan um að tengjast
morðunum á fimm vændiskonum í
Suffolk í Bretlandi.
Jafnframt var yfirheyrslum
haldið áfram yfir öðrum karl-
manni, 37 ára, sem handtekinn var
á mánudag.
Lögregla hefur ekki nafngreint
mennina, en breskir fjölmiðlar
fullyrða að sá sem handtekinn var
fyrr í vikunni sé Tom Stephens,
sem nýverið sagði blaðamanni
Sunday Mirror að hann væri sak-
laus, en honum þætti þó líklegt að
hann lægi undir grun því hann
hefði þekkt allar konurnar og hefði
ekki fjarvistarsannanir á þeim
tímum þegar þær voru myrtar.
Maðurinn sem handtekinn var í
gær býr í rauða hverfinu í Ipswich,
þar sem konurnar unnu allar, og
var hann handtekinn á heimili
sínu.
Lík kvennanna fimm fundust
öll í nágrenni Ipswich í byrjun
þessa mánaðar og telur lögregla að
um einn og sama morðingjann sé
að ræða vegna þess hve svipuð
málin eru. Konurnar voru á aldrin-
um 19 til 29 ára og fundust lík
þeirra öll nakin, að frátöldum
skartgripum. Tvær þeirra voru
kyrktar, en banamein hinna liggja
ekki fyrir.
Hvorugur mannanna hefur
verið ákærður, en að sögn lögreglu
koma fleiri menn til greina.
Um fimm hundruð lögreglu-
menn vinna nú að málinu.
Annar karlmaður handtekinn
Brautryðjandi og
læknir af Guðs náð
Minningabrot Hjalta Þórarinssonar læknis
Athyglisverðar
frásagnir
af einstökum
læknisverkum
Spaugsemi
og leiftrandi
hagmælska
Dreifing:
Sími 663 1224
550 5000
AUGLÝSINGASÍMI
Myndir þú kjósa framboð eldri
borgara?
Á að fara fram lögreglurann-
sókn á málefnum Byrgisins?
Enn vantar upp á að
viðbragðsáætlun Flugmálastjórn-
ar vegna deilu Flugstoða ohf. og
Félags íslenskra flugumferðar-
stjóra (FÍF) sé tilbúin, þegar ein-
ungis ellefu dagar eru þar til fyr-
irsjáanlegt rask verður á flugi.
Nái Flugstoðir ohf. ekki að semja
við FÍF á næstu dögum, verða því
verulegar truflanir á öllu flugi á
Íslandi, frá og með áramótum.
„Flug mun leggjast af að einhverju
leyti, líklega að öllu leyti,“ segir
Loftur Guðmundsson, formaður
Félags íslenskra flugumferðar-
stjóra.
Hagsmunaaðilar í ferðaþjón-
ustu hafa því verulegar áhyggjur
af gangi mála. Jón Karl Ólafsson
hjá Flugleiðum segir brýnt fyrir
ferðaþjónustuna að úrlausn náist.
„Þetta er stóralvarlegt mál og
menn verða að fara að koma sér
niður á jörðina. Flugmálastjórn
hefur fullyrt að ekki komi til
stöðvunar á flugi og við trúum því
og treystum á að það gangi eftir.“
Matthías Imsland, framkvæmda-
stjóri Icelandic Express, telur að
ætluð röskun á flugi muni hafa
keðjuverkandi áhrif og talar í því
samhengi um hugsanlega „kata-
strófu“ fyrir Íslendinga og ferða-
þjónustuna í heild sinni. „Það
verður að leysa þetta. Það yrðu
tafir alls staðar og gífurlegur
skaði, ef af yrði,“ sagði Matthías í
gær.
Þorgeir Pálsson, flugmálastjóri
og verðandi forstjóri Flugstoða,
staðfestir aðspurður að viðbragðs-
áætlunin sé ekki með öllu tilbúin.
„Það er ekki tímabært að fara út í
það í smáatriðum, hvernig fyrir-
komulagi þjónustunnar verður
breytt, en það verður minni sveigj-
anleiki. Menn munu fljúga eftir
föstum leiðum, frekar en að geta
beðið um að velja sér flugleiðir og
hagkvæmnustu flughæð. En það
er auðvitað grundvallaratriði að
fullu flugöryggi verður haldið
uppi.“ Hvort erlendum flugum-
ferðarstjórum verður boðið starf í
stað hinna íslensku, segir flug-
málastjóri að það verði auðvitað
að fá flugumferðarstjóra til starfa
til að auka þjónustustigið á nýjan
leik, hvernig svo sem að því verði
staðið.
Sturla Böðvarsson samgöngu-
ráðherra telur „engar líkur á að
það komi til neyðarástands hér,
fundin verður lausn á þessu“.
Sturla segir að Íslendingar hafi
miklum skyldum að gegna í
alþjóðafluginu, sem snúi að yfir-
flugi á Norður-Atlantshafinu og að
þær hafi forgang.
Flug gæti raskast
mikið eftir áramót
Forsvarsmenn flugfélaganna hafa verulegar áhyggjur af flughorfum eftir ára-
mót, en þá er liðinn uppsagnarfrestur sextíu flugumferðarstjóra. Talið er að
röskunin geti haft keðjuverkandi áhrif á allt flug. Flugmálastjóri segir að eftir
áramót verði augljóslega minni sveigjanleiki en að öryggi verði fyllilega tryggt.
Byrgið braut lög
árum saman með því að afeitra
vistmenn sína. Fyrir sjö árum, í
desember 1999, sendi Landlæknis-
embættið frá sér skilaboð til Heil-
brigðiseftirlits Hafnarfjarðar um
að Byrgið hefði ekki leyfi fyrir því
að stunda afeitrun þar sem að það
væri ekki sjúkrastofnun.
Í skýrslu heilbrigðisráðherra
frá því í mars 2005 er Byrgið hins
vegar inni á töflu yfir þær stofn-
anir og félagasamtök sem bjóða
upp á rými til afeitrunar. Því vissi
heilbrigðisráðuneytið að afeitrun
fór fram í Byrginu þótt félagið
hefði ekki leyfi fyrir þannig starf-
semi.
Grímur Atlason, bæjarstjóri og
þroskaþjálfi, gerði fyrir nokkrum
árum úttekt á meðferðarmálum á
Íslandi. Hann segist telja að skort-
ur sé á faglegu eftirliti með þeim
stofnunum sem sinna þessari þjón-
ustu. „Ég hef ekki komið beint að
þessum málum í nokkurn tíma en
hef fylgst vel með. Ég hef ekki séð
neinar breytingar á meðferðar-
flórunni. Ég get ekki séð að það
hafi komið nein stefnumótandi
sýn frá stjórnvöldum eða öðrum á
þessum tíma þótt það sé vissulega
þörf á því.“ Grímur segist hafa
lagt það til fyrir nokkrum árum að
greiningarstöð yrði stofnuð en
ekki fengið miklar undirtektir.
„Það eru stofnanir hérna eins
Vogur sem hafa mikla reynslu og
ættu að geta unnið þetta mjög fag-
lega.“
Það verður að leysa
þetta. Það yrðu tafir alls
staðar og gífurlegur skaði, ef af
yrði
Kynferðisafbrota-
deild lögreglunnar í Reykjavík
hefur hafið rannsókn á karlmanni
sem beraði kynfæri sín í msn-
samtali við fjórtán ára gamla
stúlku að því er hann hélt. Þetta
staðfesti Hörður Jóhannesson
aðstoðaryfirlögregluþjónn við
Fréttablaðið í gær.
Í tölvupósti sem gengur manna
á milli eru sýndar skjásíður af
samtali mannsins við móður
stúlkunnar sem þóttist vera dóttir
hennar. Þar tilkynnti móðirin
ítrekað að hún væri 14 ára. Þrátt
fyrir það beraði maðurinn kynfæri
sín í vefmyndavélina og gaf
kynferðislega tilburði í skyn.
Lögregla hefur
hafið rannsókn