Fréttablaðið - 20.12.2006, Page 98

Hollywood hefur þann sið að
hamra járnið á meðan það er heitt
og eftir vinsældir Hringadróttins-
sögu var aðeins tímaspursmál
hvenær ævintýrin um drekaknap-
ann Eragon yrðu færðar upp á
hvíta tjaldið. Sagan hefur helst
unnið sér til frægðar að höfundur
þeirra, Christopher Paolini, var
kornungur þegar hann skrifaði þá
fyrstu og er enn ekki kominn af
unglingsaldri.
Hér segir frá ljóshærða sveita-
piltinum Eragon sem elst upp hjá
frænda sínum eftir að móðir hans
hverfur á braut. Dag einn finnur
hann drekaegg sem klekst út í hans
umsjá; Eragon tilheyrir sumsé
hinni fornu stétt drekariddara, sem
hinn illi Galbatorix taldi sig hafa
gert út af við. Undir handleiðslu
hins vitra Broms ákveða sálufélag-
arnir Eragon og Safíra drekasnót
að leita skjóls hjá andspyrnuhreyf-
ingu sem kallar sig Verðina en her-
menn Galbatorixar, með seiðskratt-
ann Durza fremstan í flokki, fylgja
fast á hæla þeirra.
Paolini er augljóslega mikill
aðdáandi Stjörnustríðs og Hringa-
dróttinssögu og engu líkara en að
hann hafi viljað spara fólki ómakið
að kynna sér ævintýrin tvö í hvort
í sínu lagi og spyrt þau saman í eitt.
Myndin hrópar því beinlínis á sam-
anburð og reynist töfrum sneydd-
ur pollur við hlið djúpsjáva.
Atburðarásin er nákvæmlega sú
sama og í fyrstu myndinni um Loga
geimgengil og nokkrum orka- og
nazgúlalíkjum er sáldrað yfir til að
herða á sprettinum. Þótt epíkin sé
trist stendur formúlan reyndar
fyrir sínu að því leyti að atburða-
rásin heldur lengst af dampi.
Drekinn Safíra er býsna vel gerður
og það besta við myndina en að
ósekju hefði mátt tempra gelgju-
stælana í Eragon. Samband þeirra
tveggja er ekki upp á marga fiska
sem endurspeglast meðal annars í
stirðbusalegum samtölum, en
yngri áhorfendur í leit að afþrey-
ingu láta það varla á sig fá.
Jeremy Irons leikur Brom, hálf-
gerðan bastarð milli Aragorns og
Obi-Wan Kenobi. Irons skilar sínu
af áhugalausri fagmennsku, honum
er líka oft og tíðum vorkunn þar
sem hann þylur páskaeggjaspak-
mælin yfir unglingnum. John
Malkovich leikur Galbotorix eins
og honum einum er lagið skulum
við segja en það er aðeins meiri
völlur á Robert Carlyle í hlutverki
Durza, þótt leikstjórinn geri sér
far um að láta seiðskrattann draga
sem mestan dám af Palpatine keis-
ara úr Stjörnustríði.
Hér er vissulega aðeins um
ræða fyrsta hlutann af þremur og
því rétt að spyrja að leikslokum en
miðað við startið má spretturinn
vera ansi harður ef Eragon á að
komast á verðlaunapall.

Lágfleygur dreki
Árlegir styrktartónleikar X-ins
977, X-mas 2006, fara fram í
níunda sinn á Nasa við Austurvöll
í kvöld. Þetta árið rennur allur
aðgangseyrir til BUGL, Barna og
unglingageðdeildar Landspítal-
ans.
Fram koma: Brain Police, Dr.
Spock, Skakkamannage, Reykja-
vík!, Toggi, Lay Low, Pétur Ben,
Sprengjuhöllin, Dikta, Future Fut-
ure, Noise, Ultra Mega Teknó-
bandið Stefán og Wulfgang.
Að sögn Þorkels Mána Pét-
urssonar hjá X-inu hefur
útvarpsstöðinni tekist að
safna nokkrum milljónum á
undanförnum árum með X-
mas. Hann segir að BUGL
þurfi nauðsynlega á
peningum að halda,
þar sem stofnunin sé
fjársvelt eins og
flestar heilbrigðis-
stofnanir hér á
landi.
Þorkell Máni
bætir því við að nýtt met verði
sett í frumsömdum jólalögum á
tónleikunum í kvöld. „Þarna verða
fjögur til fimm frumsamin jóla-
lög. Skakkamanage verður til
dæmis með lagið Coste Del jól,“
segir hann og lofar skemmtilegum
tónleikum. Þessir tónleikar eru
það eina skemmtilega við jólin,
enda er það eina sem við hlökkum
til varðandi jólin er að komast í
frí,“ segir hann.
Miðaverð á X-mas 2006 er 977
kr og rennur hver einasta
króna til Barna- og unglinga-
geðdeildar Landspítalans.
Kynnir verður Gunnar Sig-
urðsson. Húsið opnar kl.
20.00.
Met í frumsömdum
jólalögum á X-mas
Joseph Barbera, annar af
höfundum teiknimynda á
borð við Tomma og Jenna,
The Flinstones, Jóga björn
og Scooby-Doo, er látinn, 95
ára gamall.
Barbera stofnaði fyrirtækið Hanna-
Barbera ásamt félaga sínum Willi-
am Hanna á sjötta áratugnum eftir
að þeir höfðu unnið saman að
Tomma og Jenna fyrir MGM-kvik-
myndafyrirtækið.
„Joe mun lifa áfram í gegnum
verk sín,“ sagði Barry Meyer, for-
maður Warner Brothers. „Persón-
urnar sem hann skapaði með félaga
sínum heitnum, William Hanna, eru
ekki bara teiknaðar ofurstjörnur
heldur einnig stór hluti af banda-
rískri dægurmenningu.“
Barbera ólst upp í Brooklyn í New
York og ætlaði fyrst að vera banka-
starfsmaður. Fljótlega fóru teikn-
ingar hans að vekja athygli og
komst hann í kynni við Hanna. Þró-
uðu þeir saman Tomma og Jenna og
næstu sautján árin gerðu þeir
teiknimyndir um þessa svörnu
óvini. Alls hlutu þeir sjö óskars-
verðlaun og fjórtán tilnefningar
fyrir vikið.
„Þegar við byrjuðum feril okkar
sagði fólk: „Köttur og mús? Það enn
og aftur,“ sagði Barbera í viðtali
árið 1993. „Fólk sagði að allir væru
búnir að gera þetta, t.d. með kött-
inn Felix, köttinn Ignatz og auðvit-
að Mikka mús. En mér fannst þú
ekki þurfa talmál til að skilja
umfjöllunarefnið, sama í hvaða
landi þættirnir væru sýndir. Allt
sem þú þyrftir væru köttur og mús
og allir myndu vita hvað myndi ger-
ast.“
Eftir að þeir félagar stofnuðu
Hanna-Barbera árið 1957 sköpuðu
þeir fjölda skemmtilegra teikni-
mynda á borð við The Flinstones,
Huckleberry Hound og The Jet-
sons. Þættirnir um Flinstone-fjöl-
skylduna varð fyrsta teiknimynda-
röðin til að vera sýnd á besta tíma í
sjónvarpi, auk þess sem hver þáttur
var lengri en teiknimyndir höfðu
verið fram að því.
Næstu áratugi á eftir framleiddu
Hanna og Barbera þrjú hundruð
teiknimyndaraðir, þar á meðal Scoo-
by-Doo, sem fjallar um stóran hund
sem leiðir hóp táninga í leit að
draugum. Teiknimyndin hóf göngu
sína árið 1969 og gekk við miklar
vinsældir í sautján ár, sem er met í
teiknimyndaheiminum.
Eftir lát Hanna árið 2001 starf-
aði Barbera áfram sem aðstoðar-
framkvæmdastjóri hjá Warner
Brothers við framleiðslu teikni-
mynda.