Fréttablaðið - 20.12.2006, Page 104
Argentínska undrabarnið
Lionel Messi hefur ekki spilað
með Evrópumeisturum Barcelona
síðan í nóvember, þegar hann rist-
arbrotnaði í 3-1 sigurleik gegn
Real Zaragoza. Messi var fyrr í
vikunni valinn besti ungi leikmað-
ur heims en hann er nú að vinna í
því að jafna sig eftir aðgerð. Messi
er aðeins nítján ára en hann segir
erfitt að fylgjast með samherjum
sínum úr stúkunni og er farið að
kitla í lappirnar. Hann hefur nú
sett stefnuna á að vera orðinn til-
búinn í slaginn fyrir viðureign
Börsunga gegn enska liðinu Liver-
pool í febrúar.
„Ég held að það sé gott að setja
mér það markmið að verða orðinn
tilbúinn fyrir fyrri leikinn gegn
Liverpool. Ég vil alls ekki missa af
honum og tel mig eiga góðan
möguleika á að spila hann. Ég er
ekkert að stressa mig neitt vegna
meiðslanna og veit það vel að
maður má ekki flýta sér of mikið.
Ég reyni að eyða eins miklum tíma
og hægt er til að bati minn verði
fullkominn. Ég gat ekki leikið
gegn Chelsea en ég tel að Barce-
lona þurfi á hjálp minni að halda í
leikjunum gegn Liverpool, þeir
verða alls ekki auðveldir,“ sagði
Messi.
Hann telur að leikstíll Liver-
pool geti reynst erfiður fyrir sitt
lið. „Þeir spila á Englandi en það
er þó spænskur bragur á þjálfar-
anum og sumum leikmönnum.
Þetta verður sérlega erfiður leik-
ur fyrir Barcelona. Öll liðin sem
eru komin áfram í keppninni eru
mjög góð en ég tel að Liverpool,
Lyon og Barcelona séu erfiðust
viðureignar. Ég held samt að
Liverpool hafi samt þó nokkrar
áhyggjur fyrir þessa viðureign
þar sem við erum núverandi Evr-
ópumeistarar og það skapar ótta,“
sagði Messi.
Hann segir að von sín sé að liðið
ferðist til Liverpool með góða
stöðu og leiði þá í einvíginu um að
komast áfram í næstu umferð.
„Það yrði frábært að ná að sigra
svona 2-0 eða 3-0 í fyrri leiknum.
Það er líka mjög mikilvægt að við
fáum ekki mark á okkur á Camp
Nou til að forðast það að lenda í
vandræðum á Anfield,” sagði
Messi, sem hefur vakið mikla
athygli fyrir frammistöðu sína í
sóknarleik Barcelona en hann er
yngsti leikmaður sem skorað
hefur fyrir félagið í deildarleik.
Honum hefur oft verið líkt við
goðsögnina Diego Armando Mara-
dona.
Barcelona tapaði fyrir Inter-
nacional í úrslitaleik heimsmeist-
arakeppni félagsliða um síðustu
helgi en stórt skarð var höggvið í
sóknarleik liðsins þegar Messi og
markaskorarinn Samuel Eto´o
meiddust báðir illa á svipuðum
tíma. Eiður Smári Guðjohnsen
hefur því leikið stærra hlutverk í
liði Börsunga á tímabilinu en
margir bjuggust við.
Lionel Messi er óðum að ná sér eftir ristarbrot sem hefur haldið honum á hlið-
arlínunni síðan í nóvember. Hann missti af leikjum Barcelona gegn Chelsea og
vill alls ekki missa af ferðinni á Anfield í 16-liða úrslitum Meistaradeildarinnar.
Marco Materazzi,
varnarjaxlinn umdeildi, segist
hafa ætlað að fara frá Inter í
janúar á þessu ári þar sem hann
hafi verið hræddur um að missa
sæti sitt í landsliðinu. „Ég var
undir feldi í janúar, það gekk ekki
vel hjá mér með Inter og ég var
eiginlega búinn að ákveða það að
ég þyrfti að fara. Það var ekkert
að samskiptum mínum við
Roberto Mancini, þvert á móti, ég
vildi ekkert fremur en að spila á
HM,“ sagði Materazzi.
Svo fór á endanum að hann lék
lykilhlutverk þegar Ítalía vann
sigur á HM. „Mancini sagði mér
að ég væri mikilvægur fyrir liðið.
Marcello Lippi (landsliðsþjálfari)
sagði mér einnig að vera áfram
og hafa engar áhyggjur,“ sagði
Materazzi.
Ætlaði mér að
fara frá Inter
Fyrirliði West Ham,
Nigel Reo-Coker, fékk í síðustu
viku hatursbréf frá stuðnings-
manni félagsins sem kenndi
honum persónulega um að Alan
Pardew, stjóri liðsins, hefði verið
rekinn. Alan Curbishley var svo
ráðinn og stýrði West Ham til
sigurs gegn toppliði Manchester
United um helgina þar sem Reo-
Coker skoraði eina mark leiksins.
„Það sauð upp úr hjá einum
ungum manni,“ sagði Tony
Finnigan, umboðsmaður Reo-
Cokers. „Ég sagði honum að
henda bréfinu og einbeita sér að
leiknum, sem væri gegn einu
sterkasta félagsliði Evrópu.“
Fékk hatursbréf
Karl-Heinz Rummen-
igge, einn æðsti maður hjá þýska
félaginu Bayern München, segir
að enginn söknuður ríki hjá liðinu
í garð miðjumannsins Michaels
Ballack. Hann er harðorður í garð
Ballacks og segir þá gagnrýni
sem liðið hefur orðið fyrir
undanfarið vera nákvæmlega
eins og á síðasta leiktímabili
þegar þýski landsliðsmaðurinn
var í herbúðum liðsins.
„Ég neita því ekki að Ballack
skoraði nokkur mikilvæg og
eftirminnileg mörk fyrir okkur
en komið hefur í ljós að brottför
hans hefur ekki haft neina úrslita-
þýðingu fyrir liðið. Þeir sem
halda því fram að við söknum
þess að hafa ekki Ballack ættu að
minnast þess að nákvæmlega
sama gagnrýni var til staðar
síðasta tímabil.“
Við söknum
Ballacks ekki
Vandræðagemsinn í NFL-
deildinni, Terell Owens, var í gær
sektaður um tvær og hálfa milljón
íslenskra króna fyrir að hrækja
framan í andstæðing í miðjum
leik. Atvikið átti sér stað um síð-
ustu helgi er félag Owens, Dallas
Cowboys, lagði Atlanta Falcons.
Owens játaði eftir leikinn að
hafa hrækt framan í DeAngelo
Hall, varnarmann Falcons, en
hann slapp með refsingu á vellin-
um þar sem dómararnir sáu ekki
atvikið. Owens er búinn að áfrýja
dómnum en lítil ánægja er með
hans hegðun innan raða Cowboys
og líklegt að verði brugðist..
„Við sættum okkur ekki við
svona framkomu,“ sagði harðjaxl-
inn Bill Parcells sem þjálfar Dall-
as. „Það má vel vera að við refsum
honum á okkar hátt en við munum
ekki greina neinum frá því hvern-
ig við myndum refsa honum.“
Þar með er ljóst að Owens fer
ekki í bann eins og Hall vildi sjá
gerast. Hann sagði sekt ekki
breyta neinu enda ætti Owens
miklu meira en nóg af peningum.
Slumman kostaði tvær
og hálfa milljón króna
Greint hefur verið frá því
í dönskum og enskum fjölmiðlum
undanfarna daga að enska úrvals-
deildarfélagið West Ham og Her-
følge í Danmörku eigi í viðræðum
um að koma á samstarfi félaganna
á milli. West Ham er í eigu Íslend-
inga og mun Eggert Magnússon,
stjórnarformaður félagsins, vera
upphafsmaðurinn að þessum við-
ræðum.
Fulltrúar frá West Ham fara til
Danmerkur í janúar til Herfølge
sem leikur í dönsku 1. deildinni. Ef
verður af samstarfinu munu efni-
legir leikmenn hjá danska félaginu
eiga greiða leið inn í West Ham.
„Þetta snýst um hvort og hvern-
ig við getum komið hvor öðrum til
góða,“ sagði Per Rud, yfirmaður
íþróttamála, við vefmiðilinn Bold.
dk á mánudag. „Samstarf við West
Ham í framtíðinni mun gefa félag-
inu tækifæri á að gera samninga
við unga og efnilega leikmenn. Í
kjölfarið getum við sent þá til Eng-
lands eftir að þeir hafa æft hér í
Danmörku.“
Rud segir að West Ham þyki
Danmörk spennandi kostur og að
Herfølge sé þekkt fyrir að ala upp
sterka leikmenn.
Slíkt samstarf er alls ekki
óþekkt í knattspyrnuheiminum og
ekki ólíklegt að West Ham muni í
framtíðinni leita til íslensks knatt-
spyrnufélags. KR hefur til að
mynda átt í samstarfi við Millwall
sem kom hingað til lands síðastlið-
ið sumar og lék hér tvo æfinga-
leiki. Þá hefur ÍBV átt í samstarfi
við Crewe á Englandi.
West Ham vill samstarf við Herfølge í Danmörku
Leik Liverpool og
Arsenal í fjórðungsúrslitum
ensku deildabikarkeppninnar var
frestað vegna mikillar þoku sem
lagðist á Anfield, heimavöll
Liverpool, í gær.
Rafael Benitez, stjóri Liver-
pool, var þó ekki sáttur við að
leiknum skyldi hafa verið aflýst.
„Ég held að við hefðum getað
spilað. Þetta kom mér á óvart því
í morgun vorum við að æfa við
miklu verri aðstæður,“ sagði
Benitez. „En það er ekki hægt að
breyta ákvörðuninni. Hana
verður að virða þótt maður sé
ekki sammála.“
Ekki var ákveðið í gærkvöldi
hvenær leikurinn gæti farið fram
en Arsene Wenger, stjóra
Arsenal, þótti afar ólíklegt að
hann færi fram í kvöld.
Frestað vegna
þoku á Anfield
Einn leikur fór fram í
þýsku úrvalsdeildinni í handbolta
í gær þegar Lemgo tók á móti
Frisch auf Göppingen. Heima-
menn unnu auðveldan sigur, 38-
26, og var Logi Geirsson marka-
hæsti leikmaður vallarins með
átta mörk. Ásgeir Örn Hallgríms-
son skoraði fjögur mörk og átti
þeir báðir góðan leik.
Fyrir leik voru bæði lið með
nítján stig í 7.-8. sæti en Lemgo
færðist með sigrinum upp í það
sjötta. Magdeburg er í sjöunda
sæti, stigi á eftir Lemgo, en á tvo
leiki til góða.
Logi með átta
Tveggja vikna löngum
vangaveltum um framtíð Allens
Iverson virtist lokið í gærkvöldi
þegar bandarískir fjölmiðlar
greindu frá því að hann væri á
leið til Denver Nuggets.
Hermdu sömu heimildir að í
staðinn fengi Philadelphia 76ers
Andre Miller, Joe Smith og tvo
valrétti í 1. umferð nýliðavals
NBA á næsta ári. Ekki væri
útilokað að einn eða tveir
láglaunaleikmenn færu einnig til
félagsins, allt í skiptum fyrir
Iverson.
Á leið til Denver