Fréttablaðið - 24.03.2007, Blaðsíða 52
hús&heimili
Fátt er betra eftir erfiðan vinnu-
dag en að slaka á í notalegu um-
hverfi, skála í ísköldum drykk
og narta í þjóðlegt snarl. Óðinn
Bolli Björgvinsson vöruhönnuður
hefur á undanförnum árum lagt
sitt af mörkum til að þessi stund
geti orðið enn ánægjulegri fyrir
okkur hin og meðal annars hann-
að borðbúnað, klakamót og þægi-
lega stóla.
„Ég lærði vöruhönnun í LHÍ
og útskrifaðist sem vöruhönnuð-
ur fyrir tveimur árum. Ég stefndi
alltaf að því að fara út í vöru- eða
iðnhönnun en þegar ég komst að
því að slíkt nám væri hafið hér
þá skellti ég mér í það. Mig hafði
lengi langað til að fara í iðnhönn-
un og vann hjá fyrirtæki hér á Ís-
landi sem hafði starfandi iðnhönn-
uð innanborðs. Ég var alltaf mjög
spenntur fyrir því sem hann var
að fást við en það náði ekki lengra
þá og ég sneri mér að öðrum verk-
efnum. Áður en langt um leið varð
ákveðin breyting á lífi mínu sem
varð til þess að ég fékk tækifæri
til þess að skella mér í skóla. Ég
sótti um í LHÍ og sé ekki eftir
því,“ segir Óðinn Bolli.
Á heimasíðu Óðins, www.odinn.
com, má sjá skemmtilegt úrval af
hlutum úr smiðju hans. Þar getur
meðal annars að líta stílhreina
„stóla“ sem ætlaðir eru til þess að
halla sér upp að og hvíla sig stund-
arkorn fremur en að setjast á.
Einnig má sjá skemmtileg klaka-
mót sem koma flestum kunnug-
lega fyrir sjónir enda hafa þau nú
verið í sölu í verslunum um nokk-
urt skeið.
„Ég er alltaf að reyna að búa
til einfalda hluti og bæta það sem
fyrir er. Það er svo margt í okkar
heimi sem er búið að marghanna
og þessi bransi gengur að stórum
hluta út á það að vinna með það
sem til er fyrir.“ Hönnun Óðins
ber með sér sterka strauma úr
íslenskri náttúru og segist hann
hafa verið þeirrar gæfu aðnjót-
andi í æsku að njóta hennar til
hins ýtrasta. „Þegar ég var barn
var mikið farið með mig í veiði-
túra, útilegur og fjallaferðir. Það
er ótrúlegt hvað maður sækir
mikið í það enda sér maður allt
aðra hlið á landinu þegar maður
skoðar það frá þessum sjónarhóli.
Það eru ákveðin gæsahúðaáhrif
sem sitja eftir og ég nýti mér þau
þegar það á við.“
Eitt af því sem vekur athygli
á heimasíðu Óðins er bakki sem
búinn er til úr íslenskum flatkök-
um. „Ég var að reyna að finna
einhvern þátt í okkar menningu
sem mætti betur fara. Maður
hefur svo oft fengið flatbrauð
með baunasalati og ég fór svo-
lítið að einblína á framsetningu
á íslenskum mat. Í framhaldi af
því fór ég að leika mér með flat-
brauðið. Það gekk ótrúlega vel,
flatbrauðið er hægt að baka í mis-
munandi formum og mislengi og
það endist lengi eftir að búið er að
forma það og baka það. Mér þótti
aflanga formið heppnast best
en það hefur ákveðna tilvísun í
þorratrogið. Þessi vara er meira
til að hafa gaman af. Stærsti hluti
minnar hönnunar hefur virkni og
tilgang,“ segir Óðinn og nefnir
sem dæmi Lautarstólinn. „Hann
er mikill skúlptúr og getur sómt
sér vel einn og sér á stofugólfinu
þegar hann er ekki í notkun en
þjónar sínum tilgangi þegar á þarf
að halda. Ég hef verið að vinna að
nýrri útgáfu að honum, einfald-
ari og stílhreinni. Það stendur til
að gera nokkur eintök af honum
enda er ég orðinn þokkalega sátt-
ur með hann .
Óðinn segist hafa verið heppinn
síðan hann lauk námi enda allt-
af fengið næg verkefni við hæfi.
„Ég hef náð að halda mér í nýju
fagi og þó að maður hafi stundum
þurft að fara að smíða eitthvað til
að auka tekjurnar þá hef ég alltaf
náð að halda mér í þessu fagi og
er mjög ánægður með það.“ - hg
ÞJÓÐLEGT með tilgang
Óðinn Bolli Björgvinsson vöruhönnuður fær innblástur úr íslenskri náttúru.
Hér má sjá
fyrstu útfærslu
Lautarstólsins
en Óðinn vinn-
ur nú að nýrri
gerð hans.
Óðinn segist alltaf hafa verið heppinn með verkefni. FRÉTTABLAÐIÐ/VILHELM
Margir kannast
við klakaboxin
en þau má til
dæmis fá í Kokku.
Óðinn vann
skemmtilega
með íslenska
flatbrauðið.
Dalsmynni *116 Reykjavík, Sími:566-8417 Fax:5668457 hundagalleri@simnet.is, www.dalsmynni.is
Við ræktum: Papillon, Chihuahua, Pomeranian, Japanese Chin, Pug, French bulldog, Cavalier King Charles, Spaniel, Miniature Pinscher, Miniature Púðli, Pekingese, Silky Terrier
Smáhundaræktun
24. MARS 2007 LAUGARDAGUR8