Fréttablaðið - 08.06.2007, Qupperneq 72

Það er heldur rólegra yfir tónleikahaldi í sumar heldur en undanfar-
in tvö sumur, en það er samt engin ástæða til að kvarta. Vorið er búið að
vera líflegt og framundan eru nokkrir mjög spennandi tónleikar. Þar ber
einna hæst komu frönsku snillinganna í Air sem spila í Laugardalshöll
19. júní næstkomandi.
Franskt popp var lengi vel ekki sérstaklega hátt skrifað. Fyrir utan
einstaka yfirburðamenn eins og Serge Gainsbourg og franska yé-yé
poppið frá sjöunda áratugnum sem þótti vera hin fullkomna blanda af
kúlheitum og lummuskap þá var ekki mikið í boði. Franskt rokk var að
stærstum hluta skelfilegt. Þetta breyttist allt á tíunda áratugnum þegar
franskt rapp og rafpopp fór að vekja athygli út fyrir heimahagana. MC
Solaar, Daft Punk og Laurent Garnier hækkuðu prófílinn mikið og svo
kom Air fram á sjónarsviðið og franskt popp varð eitursvalt. Í dag er
fullt af flottri franskri tónlist í gangi. Brot af henni mátti sjá og heyra í
Reykjavík á tónleikum á vegum Franska vorsins, Pourquoi pas?
Air er sennilega þekktasta franska hljómsveitin í heiminum í dag. Hún
hefur verið á tónleikaferðalagi síðustu mánuði um Evrópu og Norður-
Ameríku og ef marka má þá dóma sem ég hef séð þá er þetta frábær tón-
leikasveit. Auk þeirra Nicolas Godin og Jean-Benoit Dunckel er hópur
hljóðfæraleikara á sviðinu m.a. tveir trommu-
leikarar. Jean-Benoit mætir með hljómborða-
stæðurnar sínar, þ.á.m. Moog-hljóðgerfil-
inn og Wurlitzer-píanóið, en Nicolas spilar
á gítar og bassa. Dagskráin samanstend-
ur af lögum frá öllum ferlinum. Nokkur
lög eru af nýju plötunni, en þeir taka líka
smelli eins og Kelly Watch The Stars, La
Femme D’Argent, Cherry Blossom Girl
og Sexy Boy. Fágað og dáleiðandi segja
menn...
„Air“ ekki málið að mæta?
Frönsk fágun í Höllinni
Lagið „Yeah that´s right“ með
íslensku hljómsveitinni Úlpu
er notað í nýrri alnæmisvarna-
auglýsingu sem sýnd er á sjón-
varpsstöðinni MTV. Herferð-
in kallast Staying Alive og er
sjónvarpað um allan heim.
„Það voru valdir nokkrir
flottir leikstjórar til að gera
auglýsingar. Þeir höfðu svo al-
gerlega frjálsar hendur fyrir
utan að auglýsingarnar áttu að
vera grófar og hreyfa við fólki.
Ég er búin að horfa á nokkrar
og sumar þeirra eru alls ekki
fyrir viðkvæma,“ segir Magn-
ús Leifur Sveinsson, söngvari Úlpu. Leik-
stjórinn sem gerði auglýsinguna þar sem
tónlist Úlpu er notuð heitir Ivan Zacharias
og er talinn einn af bestu auglýsingaleik-
stjórum heims. Hann hefur
meðal annars gert auglýsingu
fyrir Coca Cola, Levi´s galla-
buxnaframleiðandann og fyrir
heimsmeistaramótið í knatt-
spyrnu 2006 þar sem David
Beckham, Zidane og fleiri léku
listir sínar.
Ivan þessi var staddur hér
á landi síðasta sumar þar sem
hann tók upp Vaselín-auglýs-
ingu við Mývatn. Líklegt má
telja að hann hafi komist í kynni
vð tónlist Úlpu í þeirri ferð.
Lagið sem notað er í auglýs-
ingunni er tekið af síðustu plötu
Úlpu, Attempted Flight by Winged Men.
Úlpa er að taka upp nýja plötu og stefnt er á
að klára hana í sumar áður en Bjarni gítar-
leikari verður pabbi.
Úlpa gegn alnæmi
Fimmta breiðskífa Queens
of the Stone Age kemur í
verslanir á mánudaginn.
Steinþór Helgi Arnsteins-
son athugaði hvort drottn-
ingin sjálf, Josh Homme, sé
enn jafn rokkþyrst.
Frá upphafi hefur Queens of the
Stone Age verið hljómsveit eins
manns, Josh Homme, en hann
hafði áður verið í hljómsveitinni
Kyuss. Homme stofnaði sveitina
árið 1997 og á þessum áratug er
listinn yfir liðsmenn sveitarinnar
orðinn lengri en öll dómsgögnin
í Baugsmálinu. Má þar til dæmis
nefna Dave Grohl (Nirvana og Foo
Fighters), Nick Oliveri (Kyuss),
Mike Johnson (Dinosaur Jr.), Billy
Gibbons (ZZ Top) og Matt Camer-
on (Pearl Jam, Soundgarden og
Smashing Pumpkins).
Allir þessir hæfileikaríku tónlist-
armenn sem Homme hefur fengið
til liðs við sig hafa ekki síst skap-
að þann góða orðstír sem Drottn-
ingar steinaldarinnar státa af.
Hvort allur þessi fjöldi sé vegna
þess hversu eftirsóknarvert er
að fá að spila með sveitinni eða
einfaldlega vegna rokkstælanna
í Homme verður hér látið liggja
milli hluta.
Stjörnufansinn á nýju plötunni,
Era Vulgaris, er reyndar ekki eins
mikill og oft áður. Mark Lanegan
mætir aftur á svæðið og fær að
fikta við nokkur lög og síðan er
söngvari Strokes, Julian Casa-
blancas, sérstakur gestur í lag-
innu Sick, Sick, Sick. Núverandi
meðlimir eru engir aukvisar.
Trommarinn Joey Castillo var
áður í Danzig en hann og Troy van
Leeuwen, sem var áður í A Perf-
ect Circle og Failure, hafa verið í
sveitinni frá 2002. Nýjustu með-
limirnir eru þeir Dean Fertita úr
The Raconteurs og Michael Shum-
an úr Wires on Fire.
Allt eru þetta menn sem Homme
treystir fullkomnlega en speking-
ar hafa þó reyndar lengi rætt um
að Homme og sveitin sem heild
hafi aldrei jafnað sig á brott-
hvarfi bassaleikarans Nicks Oli-
veri en hann hafði sett mikinn svip
á hljómsveitina. Ástæðan fyrir
brotthvarfi Oliveris sagði Homme
í einu útvarpsviðtali að væri sú að
Oliveri hefði kynferðislega áreitt
kærustuna hans.
Homme hefur þó langt í frá grát-
ið Björn bónda heldur safnað
liði. Síðasta platan, Lullabies to
Paralyze, þótti reyndar ekki nógu
merkileg og Homme viðurkenndi
sjálfur að þar hefði sveitin náð lág-
punkti sínum. Era Vulgaris virðist
hins vegar ætla að snúa gæfunni
Drottningunum í hag. Fyrsta smá-
skífa plötunnar, Sick, Sick, Sick, er
þrususlagari og sameinar allt það
besta í fari sveitarinnar; níðþung
riff, harkalega taktfastan trommu-
slátt og verulega grípandi laglínu.
Songs for the Deaf var æsiakst-
ur um eyðimörk Kaliforníu en Era
Vulgaris er reið um stræti Holly-
wood, „[...] dökk, hörð og rafmögn-
uð, eiginlega eins og bygginga-
verkamaður,“ sagði Homme í við-
tali nýlega. Vægast sagt skondin
lýsing en á ágætlega við. Homme
hefur eftir sem áður tekist að
skapa frábæra rokkplötu enn og
aftur sem á þessum síðustu og
verstu tímum verður sífellt sjald-
gæfari hæfileiki.
SMS
LEIKUR
SENDU SMS JA 2HO
Á 1900 OG ÞÚ GÆTIR
UNNIÐ BÍÓMIÐA!
VINNINGAR ERU BÍÓMIÐAR,
DVD MYNDIR, TÖLVULEIKIR
OG MARGT FLEIRA!
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d.
K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
9
9
kr
/s
ke
yt
ið
.
HEIMSFRUMSÝND 8. JÚNÍ
STRANGLEGA BÖNNUÐ