Fréttablaðið - 04.07.2008, Blaðsíða 23

[ ]
KMK-félagið stendur fyrir útilegu við Hítarvatn
um helgina þar sem meðal annars verður boðið
upp á kennslu í fluguveiði.
KMK stendur fyrir konur með konum, en það er
öflugt félag sam- og tvíkynhneigðra kvenna. Á
föstudaginn verður lagt af stað í veglega útilegu
félagsins við Hítarvatn skammt frá Borgarnesi, þar
sem margt er í boði.
Samkvæmt Vallý Helgadóttur, formanni félagsins,
verður boðið upp á kennslu í fluguveiði og hægt
verður að kaupa sér veiðikort fyrir þær sem vilja
veiða. „Þetta er fyrst og fremst fjölskylduhátíð því
margar konur ætla að taka börnin sín með. Við fáum
einnig leiðsögn og fræðslu um svæðið sjálft,“
útskýrir Vallý.
KMK hefur lengi farið í útilegur saman fyrstu
helgina í júlí. „Í gegnum árin höfum við einfaldlega
elt sólina en í ár varð Hítarvatn fyrir valinu,“ segir
Vallý. Gist verður bæði í skála og í tjöldum. „Við
höfum allan skálann út af fyrir okkur föstudagsnótt-
ina og svo hálfan skálann laugardagsnóttina.“
KMK stendur fyrir alls kyns uppákomum allt árið.
„Við viljum hafa dagskrána sem fjölbreyttasta því
við vitum að hópurinn okkar er jafn fjölbreyttur og
hann er stór,“ segir Vallý
KMK er ekki með formlega
félagsskrá, né þarf að skrá
sig til að vera meðlimur.
Að sögn Vallýjar nægir
að mæta á þær uppá-
komur sem félagið
býður upp á. „Við
erum þó með póst-
lista sem konur
geta skráð sig á ef
þær vilja fá upp-
lýsingar um
hvað er á döf-
inni hverju
sinni.“ Þær
konur sem hafa áhuga á Hítarvatnsferð-
inni geta skráð sig á kmk@kmk.is strax
í dag eða kíkt á www.kmk.is og kynnt
sér starfsemi félagsins betur.
klara@frettabladid.is
Útilega og flugukennsla
Vallý Helgadóttir formaður KMK segir stemning-
una fyrir útilegu helgarinnar mjög góða.
FRÉTTABLAÐIÐ/ANTON
Bátsferð er tilvalin helgarskemmtun fyrir fjölskylduna.
Hví ekki að skella sér um helgina í bátsferð til Viðeyjar
og ganga aðeins um eyjuna?
WWW.GAP.IS
4
FJALLAHJÓLA
DAGAR
Komdu í GÁP laugardaginn 5. júní og keyptu Mongoose fjallahjól.
Í kaupbæti færðu ársskírteini Íslenska Fjallahjólaklúbbsins auk
15% afsláttar af Mongoose fjallahjóli sem skírteinið veitir þér.
Aðilar frá Íslenska Fjallahjólaklúbbnum verða á staðnum
og veita upplýsingar.
Íslenski
Fjallahjólaklúbburinn
Auglýsingasími
– Mest lesið