Fréttablaðið - 30.09.2008, Blaðsíða 26
Alltaf er nóg um að vera á
veitinga- og skemmtistaðnum
Fjörukránni í Hafnarfirði og
nú fer að líða að færeyskum
dögum staðarins.
„Ein flottasta hljómsveit Færey-
inga mun koma og spila hjá okkur
á færeyskum dögum, helgina 24.
til 26. október. Við munum bjóða
upp á færeyskan mat og hljóm-
sveitin spilar fyrir matargesti á
litla veitingastaðnum okkar, Fjör-
unni. Eftir matinn verður hald-
inn dansleikur í færeyskum stíl
í Fjörugarðinum þar sem sama
hljómsveitin leikur,“ segir Jó-
hannes Viðar Bjarnason, fram-
kvæmdastjóri og eigandi Fjöru-
krárinnar.
Fjörukráin er samheiti yfir tvo
mismunandi staði. Fjöruna, sem
er lítill og rómantískur staður, og
Fjörugarðinn, þar sem syngjandi
víkingar taka daglega á móti fólki
og bera mat fram í trogum og leir-
skálum. „Við erum með víkinga-
veislur og líflegar uppákomur á
hverju kvöldi,“ segir Jóhannes og
bætir við að um jólin breytist vík-
ingarnir í íslenska jólasveina sem
þjóna gestum. Matseðill staðarins
er mjög fjölbreyttur og að sögn
Jóhannesar er Víkingamatseðill-
inn, sem er á þjóðlegu nótunum,
afar vinsæll.
Jóhannes rekur einnig Hótel
Víking fyrir utan Fjörukrána.
„Hótelið er engu líkt en við opnuð-
um það árið 2000. Við erum með 42
herbergi búin öllum nútíma þæg-
indum. Hvert herbergi er svokall-
að þemaherbergi. Fyrir utan vík-
ingastílinn þá erum við líka með
herbergi í færeyskum og græn-
lenskum stíl. Einnig erum við með
heitan pott, gufubað og minja-
gripaverslun þar sem við seljum
mikið af handverki og minjagrip-
um frá Grænlandi og Færeyjum,
ásamt munum frá víkingatímabil-
inu.“
Hótelið og veitingastaðirnir eru
vel sóttir af erlendum ferðamönn-
um, en Jóhannes segir Íslendinga
líka hafa stundað Fjörukrána vel í
gegnum tíðina. „Við erum oft með
góð tilboð fyrir fólk utan af landi
og það er duglegt að koma. Við
fáum líka mikið af Færeyingum,
en Fjörukráin er mjög vel þekkt í
Færeyjum.“
Fjörukráin hefur verið starf-
rækt í átján ár og hefur Jóhannes
fylgt staðnum alla tíð. Hugmynd-
ina að staðnum fékk hann í út-
skriftarferð ásamt félögum sínum
úr Hótel- og veitingaskólanum til
New York. „Þá fórum við á ítalsk-
an veitingastað þar sem allir þjón-
arnir voru ítalskir óperusöngvar-
ar og þeir sungu fyrir matargesti.
Þessi upplifun sat í mér og mig
langaði að laga hugmyndina að ís-
lenskum aðstæðum og það tókst.“
- kka
30. SEPTEMBER 2008 ÞRIÐJUDAGUR6 ● fréttablaðið ● hafnarfjörður
Jóhannes Viðar segir færeyska daga ávallt vinsæla en þeir eru nú haldnir í tólfta sinn
í Fjörukránni. FRÉTTABLAÐIÐ/ARNÞÓR
Færeyskir tónar á Fjörukránni
Sigríður Ásta fatahönnuður hefur
verið búsett í Hafnarfirði í tvö ár.
Uppáhalds veitingastaður: „Í
Hafnarborg er Maður lifandi með
útibú og þar er býsna notalegt
að eyða hádegishléinu. Þá getur
maður kíkt á listsýningu í leið-
inni.“
Uppáhaldsgönguleiðin: „Hún
liggur ekki fram hjá nýju blokk-
unum á Norðurbakkanum. En
mér finnst ofsalega notalegt að
rölta í gegnum gamla bæinn og
skoða gömlu húsin og svo jafn-
vel fara einn hring í Hellisgerði.
Síðan er ofboðslega fallegur
göngustígur sem liggur í gegnum
Setberg með fram læknum sem
ég uppgötvaði bara í gær. Þar er
sérstaklega gaman að ganga núna
þegar hraunið er allt í haustlitun-
um.“ - rat
MINN HAFNARFJÖRÐUR
Sigríður Ásta Árnadóttir fatahönnuður
heldur upp á Mann lifandi í Hafnarfirði.
FRÉTTABLAÐIÐ/ANTON