Tíminn - 05.02.1983, Blaðsíða 9

9
LAUGARDAGUR 5. FEBRÚAR 1983
W\
W <+
H.QjjH'í.1
árnað heilla
Haraldur Árnason,
ráðunautur - sextugur
Haraldur Árnason, verkfæra- og
vatnsveituráðunautur Búnaðarfélags ís-
lands '/erður sextugur nú 7. febrúar.
Haraldur hefur starfað hjá Búnaðar-
félagi íslands síðan 1954 og er nú meðal
þeirra starfsmanna þess sem lengst hafa
starfað fyrir það.
Það er rík ástæða til að minnast
þessara tímamóta í lífi Haralds og þakka
honum fyrir fjölþætt og giftudrjúg störf
í þágu landbúnaðarins. Þaö vill svo til
að Haraldur hefur lagt hönd að verki við
framkvæmd þriggja mjög merkra þátta í
framfarasögu landbúnaðarins og sveit-
anna síðustu þrjá áratugina, sem síðar
verður vikið að.
Haraldur er fæddur í Miinchen í
Þýskalandi 7. febrúar 1923. Foreldrar
hans voru hjónin Hróðný Einarsdóttir
prests Pálssonar í Reykholti og Árni
Björn gullsmiður Björnsson Símonar-
sonar. Árni var þekktur gullsmiður í
Reykjavík.
Haraldur ólst upp í Reykjavík en átti
sumardvalir í sveitum eins og mjög var
og er títt um bæjarbörn og var meðal
annars á Fróðastöðum í Hvítársíðu og
á Hvarfi í Bárðardal í nokkur sumur,
hjá þekktu ágætisfólki á báðum stöðum.
Á honum og mörgum fleirum sannast að
sveitadvöl hefur fært landbúnaðinum
margan góðan starfsmann og liðsmann.
Haraldur lauk stúdentsprófi frá
Menntaskólanum í Reykjavík 1942.
Stundaði síðan nám í BA-deild og
læknadeild Háskóla íslands 1942- 1944.
Þá sneri hann sér að landbúnaðarfræðum,
fór til Bandaríkjanna og stundaði nám
á sviði búvéla og bútækni við hinn
þekkta Cornell-háskóla í íþöku. Þar tók
hann B.Sc. próf 1947 og meistarapróf
(M.S.) 1949.
Eftir heimkomu 1949 vann hann fyrst
hjá Véladeild S.Í.S. en síðan sem
verkstjóri hjá Vélsmiðjunni Keili og
einnig sem umsjónarmaður á Keflavík-
urflugvelli þar til að hann gerðist
verkfæraráðunautur Búnaðarfélags ís-
lands 1. febrúar 1954. Hjá því hefur
hann starfað nær þrjá áratugi.
Starfinu hjá Búnaðarfélagi íslands
fylgdi meira en ráðunaustsstarf á sviði
véla- og verkfæranotkunar. Haraldur
tók þá strax sæti í Verkfæranefnd
ríkisins. Sú nefnd átti sér merka sögu.
Hún var fyrst skipuð 1927 til að sjá um
útvegun verkfæra og gera tilraunir með
þau. í lögunum um tilraunir í landbúnaði
frá 1940 var henni falið svipað hlutverk
og tilraunaráðunum í jarðrækt ogbúfjar-
rækt, og á hennar vegum voru fyrstu
bútæknitilraunirnar hafnar á Hvanneyri
1954. Haraldur var fulltrúi B.í. í
Verkfæranefnd þar til hún var lögð niður
með nýjum lögum um rannsóknir í þágu
atvinnuveganna sem sett voru 1965. Þá
tók bútæknideild Rannsóknastofnunar
landbúnaðarins á Hvanneyri við í beinu
framhaldi af fyrra starfi þar.
Meira fylgdi starfi verkfæraráðunauts-
ins en þetta.
Þegar 1954 tók Haraldur sæti í
Vélanefnd ríkisins og gerðist fram-
kvæmdastjóri Vélasjóðs er hún rak.
Þessum störfum gegndi hann þar til
jarðræktarlögum var breytt 1972 og
. nefndin og Vélasjóður lagður niður. Þá
voru tímar breyttir og ekki þörf á að
reka skurðgröfur eða önnur framræslu-
tæki á vegum ríkisins, svo mörg ræktun-
arsambönd og einstaklingar höfðu þá
yfir nauðsynlegum tækjakosti að ráða.
Vélasjóður tók að reka hér skurð-
gröfur 1942 og urðu þá mikil tímamót í
sögu framræslu og túnræktar. Það var
upphaf nýrrar ræktunaraldar í íslenskum
búskap. Þegar mest var umleikis hjá
Vélasjóði á sjötta.og framan af sjöunda
tug aldarinnar rak hann yfir þrjátíu
skurðgröfur sem unnu í öllum lands-
hlutum, hafði stórt viðhaldsverkstæði og
varahlutageymslu, sem var byggt í
Kópavogi á árunum 1956- 57.
Árið 1962 flutti vélasjóður enn tækni-
nýjung inn í landið þar sem voru finnsku
lokaræsaplógamir. Eftir að gerð plógsins
hafði nokkuð verið breytt og hann
lagfærður fyrir íslenskar aðstæður rak
Vélasjóður tvo slíka plóga um skeið og
var ræst með þeim víða um land,
sumstaðar óhemju stór landsvæði. Har-
aldur átti þarna að sjálfsögðu stærstan
hlut að.
Við þennan umfangsmikla rekstur
með miklu mannahaldi munu þeir
eðliskostir, sem einkenna Harald Áma-
son hvað mest hafa komið sér vel, en
það eru dugnaður og áræði samfara
einstaklega glaðlegu og geðþekku við-
móti, sem mikið hefur að segja í öllum
samskiptum. Hann mun enda hafa verið
hjúasæll og kunnað vel að velja sér menn
til starfa.
Annar þáttur í störfum Haraldar fyrir
Búnaðarfélag íslands er hlutur hans að
því að útbreiða súgþurrkun í landinu.
það kom í hlut verkfæraráðunautsins að
teikna súgþurrkunarkerfi og leiðbeina
bændum um allt er hana varðaði. Þær
framfarir í fóðurverkun sem þessu
fylgdu eru ómetanlegar. Ekkert er
bóndanum betra en gott heimafengið
fóður.
Með breytingunni á jarðræktarlögun-
um 1972 var tekið að veita framlag á
vatnsveitur til heimilis og búþarfa. Hófst
þá nýr þáttur í störfum Haralds Árna-
sonar. Áður hafði Ásgeir L. Jónsson,
vatnsvirkjaráðunautur mælt fyrir vatns-
veitum bæði á einstökum jörðum og
fyrir félagsveitum. En með lagabreyting-
unni varð geysileg aukning á þessum
framkvæmdum svo að líkja má við
byltingu. Er Haraldur hafði ekki lengur
um Vélasjóð að sinna sótti hann um leyfi
frá störfum í tæpt ár og fór til náms í
Hollandi og lagði stund á jarðvatnsfræði
og annað er tengdist rannsóknum á sviði
framræslu. Að þeim rannsóknum hefur
hann síðan nokkuð unnið eftir því sem
tími hans og handbærir fjármunir hafa
leyft. Meira er þó um hitt að eftir
heimkomuna fók hann að sér að mæla
fyrir og gefa fyrirmæli um gerð vatns-
veitna og hefur það verið ærið starf
síðan. Nú er búið að leggja félagsveitur
um fjölmargar sveitir og jafnvel stóra
hluta úr mörgum sýslum auk óteljandi
smærri veitna fyrir fáa eða einstaka bæi.
Nær allur undirbúningur, mælingar og
hönnun þessara veitna, sem oft er
umfangsmikill og vandasamur hefur
hvílt á herðum Haralds. Mörgum bænd-
um hefur hann því hjálpað til að fá gott
og heilnæmt neysluvatn þar sem það
var bágborið fyrir. Þetta er þriðji stóri
þáttur Haralds að merkum framförum í
landbúnaði og í sveitum landsins. Þetta
kalla ég gæfu í starfi og er dæmi um það
hve ánægjulegt það er að vinna með og
fyrir íslenska bændur.
Langt er frá að hér sé getið allra starfa
Haralds á einu eða öðru sviði fyrir
Búnaðarfélag íslands eða aðra aðila, en
staðar skal þó numið.
Það lætur að líkum að Haraldur hefur
í öllum þessum störfum unnið fyrir
fjölmarga bændur, e.t.v. eru þeir færri
af bændum landsins sem hann hefur ekki
átt einhver samskipti við. Hann er.
hvarvetna vel látinn, enda fer saman
skarpskyggni, góð og vingjarnleg fram-
koma, dugnaður, hjálpsemi og vandvirkni
í starfi. Því hafa störf hans öll lánast
vel.
Haraldur er einnig ákaflega góður
vinnufélagi og vinsæll af öllu sínu
samstarfsfólki.
Haraldur er tvíkvæntur. Fyrri kona
hans var Herdís Jónsdóttir og eru börn
þeirra Árni Björn, búfræðikandidat og
ráðunautur í Noregi, Jón Ingi vélfræð-
ingur, Svanbjörg Helga, kennari og
Hildigunnur arkitekt.
Síðari kona Haraldar er Ema Erlends-
dóttir og eiga þau tvö börn Auði
Ingibjörgu, stúdent og Gunnlaug Brján
nema.
Haraldur er á allan hátt vel gerður
maður, myndarlegur á velli og vel á sig
kominn og finnst okkur samstarfsfólki
hans allt of snemmt að tala um að hann
haldi sér vel - við sjáum tæpast á honum
aldur. Engu að síður er starfsdagurinn
hjá Búnaðarfélagi íslands orðinn nokk-
uð langur. En við vonum að enn eigi
eftir að bætast þar verulega við og
sendum við þeim Ernu og Haraldi okkar
bestu kveðjur með þeirri ósk.
Jónas Jónsson.
bridge
Hvað á að gera þegar ,,Super Bowl” og
Bridgehátíð eru á sama tíma?
Ef svo fer sem horfir verð ég að fara að
vinna þennan þátt á míkrófilmu því eftir því
sem meira efni berst í þáttinn verður plássið
í blaðinu minna. Um síðustu helgi komst
ekki nema tæplega helmingur fyrirhugaðs
efnis á prent og ég verð því að biðja þá sem
sendu mér fréttir afsökunar. Vonandi kemur
þetta ekki fyrir aftur.
En það er best að byrja á Bridgehátíðinni
sem var um síðustu heigi. Helstu úrslit
mótanna hafa þegar birst í blaðinu en röð 10
efstu para í Stórmóti B.R. var þessi:
Lars Blakset -
Steen Möller Danm................ 244
Alan Sontag -
Kyle Larsen USA ................. 234
Guðmundur Páll Arnarsson -
Þórarinn Sigþórsson BR .......... 201
George Mittelman -
Mark Molson Kanada, ............. 201
Aðalsteinn Jörgensen -
Stefán Pálsson BH................ 198
Jens Auken -
Stig Werdelin Danmörku, ......... 177
Kristmann Guðmundsson -
Sigfús Þórðarson BS ............. 107
Hörður Arnþórsson
Jón Hjaltason BR. .................97
Guðlaugur R. Jóhannsson -
Örn Arnþórsson BR..................92
Þessi pör fengu öll verðlaun en alls námu
verðlaun fyrir tvímenninginn 5000 $.
Lengi vel leit út fyrir íslenskan sigur á
mótinu því Guðmundur og Þórarinn virtust
um tíma komnir með örugga forustu. Þegar
10 umferðir voru eftir af mótinu höfðu þeir
140 stigum meira en næsta par. En undir
lokin gekk allt á afturfótunum hjá þeim og í
síðustu umferðinni skutust gestapörin tvö
uppfyrir þá. En að öðru leyti mega lslending-
ar vel við una og árangur Aðalsteins og
Stefáns og Sigfúsar og Kristmanns er sérlega
áægjulegur.
Mótið tókst mjög vel og útlendingarnir
höfðu orð á því að þetta væri eitt það
jafnsterkasta mót af þessari stærðargráðu
sem þeir hefðu tekið þátt í. M.a. þótti þeim
mikið til koma að í einni setunni gáfu 7 grönd
sögð og unnin aðeins 1 stig yfir meðalskor.
Og það má geta þess til gamans að eina parið
sem missti alslemmuna var Lodge og Sowter.
Stórmót Flugleiða var spilað á sunnudegi
og mánudegi. 21 sveit tok þátt í mótinu og í
undankeppninni var spilað í 3 riðlum þar sem
2 sveitir úr hverjum riðli komust í undanúrs-
lit. Það vakti athygli að margar sterkar sveitir
voru strax slegnar út, svo sem Danirnir, sveit
Sævars Þorbjörnssonar og Jóns Hjaltasonar.
I undanúrslitariðlunum sigruðu Bretarnir og
sveit Ólafs Lárussonar og þær spiluðu síðan
til úrslita en sveitir Aðalsteins Jörgensen og
Alan Sontags spiluðu um 3. sætið.
Það var jafnt í báðum leikjunum í hálfleik
en í seinni hálfleik tóku gestirnir öll völd.
Tony Sowter, Steve Lodge, Tony Forrestr
og Raymond Brock sigruðu því í Stórmóti
Flugleiða; Ólafur Lárusson, Hermann Lárus-
son, Hannes Jónsson, Sigtryggur Sigurðsson
og Óli Már Guðmundson voru í öðru sæti og
Alan Sontag, Kyle Larsen, George Mittelm-
an og Mark Molson í þriðja sæti. Alls voru
3000 $ í verðlaun á Flugleiðamótinu.
Fjöldi áhorfenda fylgdist með Bridgehátíð-
inni og hafa vonandi ekki orðið fyrir
vonbrigðum með spilamennskuna. En iík-
lega hefur það vaki mesta athygli þegar Kyle
Larsen mætti á sunnudag með útvarpstæki
og þann dag allan sat hann með heyrnartæki
á hausnum og hlustaði á lýsingu frá
úrslitunum í bandartska hornaboltanum
meðan hann spilaði.
Bridgefélag Reykjavíkur
Nú eru búnar 14 umferðir af 43 í
aðaltvímenning félagsins. Mótið er enn
hnífjafnt en staða efstu para er nú þessi:
Guðlaugur R. Jóhannsson -
Orn Arnþórsson Aðalsteinn Jörgensen - .... 169 .... 155
Ólafur Lárusson - .... 141
Hrólfur Hjaltason- .... 139
Guðmundur Páll Amarson - Þórarinn Sigþórsson
Ásgeir Ásbjömssn - Jón Þorvarðarson .... 128
Bjöm Eysteinsson - Guðmundur Sv, Hermannsson ... .... 124
Friðrík Guðmundsson - .... 119
Sigurður Sverrisson - Valur Sigurðsson .... 119
Jón Ásbjömsson - Símon Símonarson
Þátttakan eða réttara sagt þáttökuleysi hefur
valdið vonbrigðum en líklega munu aðeins 8
sveitir taka þátt í hvorum flokki. Þetta er í
fyrsta sinn sem íslandsmót kvenna í sveita-
keppni er haldið en fslandsmót yngri spilara
var fyrst haldið í fyrra. Núverandi Islands-
meistari yngri spilara er sveit Hannesar
Lentz.
Bridgedeild Breiðfirðinga
Nú stendur yfir aðaltvímenningur deildar-
innar með þátttöku 48 para. Að 7 umferðum
loknum var staðan þessi:
Guðmundur Aronsson -
Sigurður Ámundason .............. 189
Baldur Asgeirsson -
Magnús Halldórsson .............. 143
Amar lngólfsson -
Þorsteinn Bergmann .............. 120
Gunnar Karlsson -
Sigurjón Helgason ............... 117
Halldór Helgason -
Sveinn Helgason ................. 103
Steinunn Snorradóttir -
Vigdís Guðjónsdóttir...............95
Nanna Ágústsdóttir -
Ragnheiður Einarsdóttir ...........84
Ásta Jóhannesdóttir -
Sigríður Pálsdóttir ...............80
Högni Torfason -
Steingrímur Jónasson ..............79
Birgir Sigurðsson -
Brynjólfur Guðm.son ...............76
Spilað er í Hreyfilshúsinu á fimmtudags-
kvöldum undir stjórn Guðmundar Kr. Sig-
urðssonar.
Bridgefélag Kópavogs
Fimmtudaginn 20. janúar var spilaður 1
kvölds tvímenningur og þar urðu þessi pör í
efstu sætum:
Bjami Sveinsson -
Júlíus Snorrason................. 197
Ragnar Björnsson -
Þorvaldur Þórðarson.............. 192
Þórir Sveinsson -
Jónatan Líndal................... 178
Næsta miðvikudag verða spilaðar næstu 8
umferðir í Domus Medica.
íslandsmót kvenna og
yngri spilara
1 gærkvöldi hófst í íþróttahúsi Hafnar-
fjarðar fslandsmót í kvenna og yngri flokki.
Spilað verður áfram í dag og á sunnudag.
Guðmundur
Sv.
Hermannsson.
skrifar
Aðalsveitakeppni félagsins er'hafin og alls
spila 9 sveitir 16 spila leiki allar við alla. Eftir
4 umferðir er staðan þessi:
Friðjón Þórhallsson 57
Grímur Thorarinsen 55
Stefán Pálsson 55
Ármann J. Lárusson 51
Bridgedeild Skagfirðinga
Síðastliðinn þriðjudag var fram haldið
aðalsveitakeppni. Staðaefstusveitaerþessi:
1. Sveit Lárusar Hermannss.
88+frest.leik.
2. Sveit Hjálmars Pálssonar 73
3. Sveit Guðrúnar Hinriksdóttur 71
4. Sveit Hildar Helgadóttur 65
Spilað er í Drangey, Félagsheimili Skag-
firðinga, Síðumúla 35.
RÍKISSPÍTALARNIR
lausar stöður
LANDSPÍTALINN
FÉLAGSRÁÐGJAFI óskast til eins árs í hálft starf á öldrunarlækn-
ingadeild Landspítalans Hátúni 10B. Umsóknirer greini menntun
og fyrri störf sendist stjórnarnefnd ríkisspítalanna fyrir 1. mars n.k.
Upplýsingar veitir yfirfélagsráðgjafi öldrunarlækningadeildar í
síma 29000.
DEILDARSJÚKRAÞJÁLFARI óskast við endurhæfingardeild.
Æskilegt að umsækjandi hafi áhuga á að vinna við endurhæfingu
gigtarsjúklinga.
Upplýsingar veitir yfirsjúkraþjálfari endurhæfingardeildar í síma
29000.
VIFILSSTAÐASPITALI
SJÚKRAÞJÁLFARI óskast frá 1. apríl eða eftir samkomulagi.
Húsnæði i boði. Upplýsingar veitir yfirsjúkraþjálfari í síma 42800.
SJÚKRALiÐAR óskast til starfa við Vífilsstaðaspítala.
Upplýsingar veitir hjúkrunarframkvæmdastjóri i síma 42800.
GÆSLUVISTARHÆLIÐ í
GUNNARSHOLTI
Staða FORSTÖÐUMANNS Gæsluvistarhælisins í Gunnarsholti er
laus til umsóknar. Staðan veitist frá 1. apríl 1983 eða eftir
samkomulagi. Laun samkvæmt launakerfi ríkisins. Umsóknir er
greini aldur, menntun og fyrri störf sendist Skrifstofu ríkisspítalanna
fyrir 4. mars n.k.
Upplýsingar veitir starfsmannastjóri í síma 29000.
RÍKISSPÍTALAR
Reykjavík, 6. febrúar 1983.