Tíminn - 03.02.1988, Blaðsíða 5

Miðvikudagur 3. febrúar 1988
Tíminn 5
Ljóst er að verð á ánamaðki til beitu til annarra veiða en í
atvinnuskyni, þ.e. fyrir sportveiðimenn, mun hækka talsvert á sumri
komanda vegna þess að á þá mun leggjast söluskattur samkvæmt
nýju lögunum um söiuskatt.
„Fram að því að nýju lögin gengu í gildi 7. janúar var ánamaðkur
undanskilinn söluskatti, hvernig sem á það var litið. Nú breyttist
þetta þannig, að beita, sem er til annars en atvinnuveiða, er
söluskattsskyld. Það er einungis beita, sem er notuð til atvinnuveiða,
sem er undanþegin núna,“ sagði Gestur Steinþórsson, skattstjóri í
Reykjavík, um söluskatt sem beitusalar verða nú að leggja á vöru
sína og greiða ríkinu mánaðarlega. „Engar sérstakar ráðstafanir til
að finna þá aðila, sem hafa annað slíkri sölu, hafa verið gerðar enn.
Það hefur ekki þótt tímabært.“
Það verður þó tímabært innan
tíðar og má leiða getur að því, að
smáauglýsingar maðkasölumanna á
síðastliðnu sumri verði hafðar tii
hliðsjónar við leitina. Nóg þótti
karpað í fyrra um hátt verð á lifandi
beitu til sportveiðimanna. En um
leið og leyfi til silungs- og laxveiða
hækka úr öllu hófi eykst kostnaður
veiðimanna einnig við kaup á
maðkabeitu vegna skattlagningar
ríkisins.
Það voru uppgripatímar hjá
maðkasölum síðastliðið sportveiði-
tímabil. Verð á ánamaðki varð oft
hátt í þurrkunum í fyrrasumar, laxa-
maðkar voru seldir á 10 til 12 krónur
stykkið og silungsmaðkar á hálfu því
verði. Maðkasalan varð því heldur
en ekki góð aukabúgrein á mörgum
heimilum.
Því var það ekki að ástæðulausu
að maðkatínslu var að finna á lista
yfir mögulegar aukabúgreinar í sér-
stökum hugmyndabanka sem Stétt-
arsamband bænda lét frá sér fara í
fyrra. Taldist mönnum þá að nærri
léti að um 14.000 íslenskir ánamaðk-
ar væru í einu ærgildi, sem frægt
varð.
Það er við því að búast að verðið
hækki á komandi sumri og dragi því
verulcga úr sölumöguleikum á
maðki hjá maðkatínslufólki. Eins og
á alla aðra vörur leggst söluskattur-
inn ofan á verð seljanda, sem reiknar
hann ekki til sinna tekna.
En hvað segja maðkatínslu- og
sölumenn? Verður hrun á maðka-
markaðnum næsta sumar? Eða sitja
þeir að vöru, sem veiðimenn geta
ekki verið án og hækka hana þess
vegna úr öllu valdi? Koma þeir ef til
vill til móts við viðskiptavini sína og
lækka eigin álagningu?
Svör höfðu sölumenn ekki á reið-
um höndum, enda höfðu fæstir leitt
hugann að því, að þeir yrðu að
greiða söluskatt á næsta sumri.
Margir þeirra, sem ráku umfangs-
mikla maðkaverslun í fyrra, eru
■ ungir að árum og sumir hverjir
aldrei þurft að greiða skatta fyrr.
„Þetta er smáaurabissness og við-
skiptin fara fram í dyragættinni hjá
mér. Mér finnst afar hæpið að hægt
sé að fara fram á söluskatt. Þetta er
engin verslun af því taginu sem þarf
að greiða söluskatt af. En ef af því
verður get ég fullyrt að það hætti
allir í þessu,“ sagði maðkasölukona.
Og þá standa margir veiðimenn
uppi beitulausir, sem ekki geta gefið
sér tíma til að liggja á hækjum sér í
döggvotu grasi um niðdimma nótt
að tína maðk. Vegna reglna í flestum
laxveiðiánum hér á landi getur það
þó orðið eina lausn þeirra.
Þj
Æ fleiri munu nú tína sinn maðk
sjálfír, segja maðkasalar.
(Tfmamynd Gunnar)
Hætta á að maðkasölumenn leggi upp laupana:
Söluskattur á ánamaðk
skekur beitumarkaðinn
Algjör umskipti á rekstri Hraðfrystihúss Patreksfjarðar nauðsyn:
Skuldar Byggðastofnun
alls 80 milljónir kr.
Löggæslutengsl við Hafnarfjörð formlega rofin:
Löggæslan á nesinu
tengist Reykjavík
Vandi Hraðfrystihúss Patreks-
fjarðar var enn til umræðu á fundi
stjómar Byggðastofnunar f gær og
var samþykkt að veita fyrirtækinu
lán að upphæð 35 milljónir króna.
Að undanförnu hefur verið unnið
að úttekt á málum fyrirtækisins í
samvinnu stofnunarinnar, viðskipta-
banka og aðaleiganda og er lánið
veitt til fjárhagslegrar endurskipu-
lagningar. Stjórnin setti þau skilyrði
fyrir láninu að áður en til afgreiðslu
þess kemur leggi fyrirtækið fram
rekstrar- og greiðsluáætlun fyrir skip
og frystihús. í henni skal koma fram
hvaða fjárhagslegu aðgerðir verða
framkvæmdar af eigendum, við-
skiptabanka og öðrum aðilum og
hvemig fyrirtækið getur staðið við
fjárhagslegar skuldbindingar sínar á
næstu 4 árum. Enn fremur skal
fyrirtækið gera Byggðastofnun grein
fyrir fjárhagsstöðu sinni ársfjórð-
ungslega á næstunni enda verða
skuldir þess við Byggðastofnun alls
um 80 milljónir króna ef af útborgun
þessa láns verður.
Ekki er á þessu stigi vitað hvað
eigendur og viðskiptabanki hyggjast
gera til að rétta fyrirtækið af en
aðgerðir þeirra eru forsenda fyrir
því að af útborgun lánsins geti orðið
og að rekstri fyrirtækisins verði kom-
ið á réttan kjöl. Á undanförnum
áram hefur Hraðfrystihús Patreks-
fjarðar hf. hvað eftir annað fengið
veralegt fjármagn til fjárhagslegrar
endurskipulagningar. Þar á meðal
veitti Byggðastofnun fyrirtækinu 27
milljóna króna lán á árinu 1987.
„Algjör umskipti verða að verða
á rekstri fyrirtækisins ef þessi lán-
veiting á að verða til nokkurs gagns,“
segir í tilkynningu frá Byggðastofn-
un, sem send var fjölmiðlum ( gær.
Á stjórnarfundinum í gær vora að
auki veitt lán að upphæð 98 milljónir
til 40 aðila vegna endurbóta á skip-
um í innlendum skipasmíðastöðv-
um.
M
Tengslin sem verið hafa milli lög-
reglu í Hafnarfirði og lögregluvarð-
stofunnar á Seltjarnarnesi voru
formlega rofin á mánudag 1. febrúar
og starfar varðstofan nú í tengslum
við lögregluna í Reykjavík. Þetta
mun ekki aðeins gera lögreglunni í
Hafnarfirði verkið auðveldara held-
ur er búist við að bæjarbúar á
Seltjarnarnesi fái betri og virkari
löggæslu og útköllum verði betur
sinnt. Lögreglan í Reykjavík hefur
af meiri liðsafla að taka til að hlaupa
undir bagga, þegar lögreglu-
mennirnir tveir á Seltjarnarnesi hafa
ekki undan, og þar að auki er um
styttri veg að fara.
Hinn 1. maí nk. mun einnig lög-
gæsla í Mosfellsbæ tengjast Reykja-
víkurlögreglu, en heyrir nú undir
lögreglu í Hafnarfirði. Ekki er ljóst
hvernig að því verður staðið, enda
liggur það ekki enn fyrir á samnings-
borðinu. þj
Gögnum deiluaðila
skilað til sýslumanns:
Flókudeilum
var frestað
öll gögn varðandi landamerkja-
deiluna við Flókadalsá hafa borist
sýslumanni Mýra- og Borgarfjarðar-
svslu, bæði sóknargögn Matthíasar
Á. Mathiesens, Birgis Þorgilssonar
og Birgis Jóhanns Birgissonar, eig-
enda Skóga, og varnargögn Sigurðar
Albertssonar, bónda á Brúsholti.
Flutningi máis hefur verið frestað
fram á vor, þegar laxveiðitímabilið
hefst. Telur bóndi að eigendur
Skóga ásælist laxveiðitekjur sínar,
en talsmaður Skógamanna hefur
sagt þær vera lítils virði. Þeir vilji
aðeins koma landamerkjum á
hreint.
M
Páll A. Pálsson yfirdýralæknir telur ekki koma til greina að leyfa
kjúklinga- og eggjainnflutning frá Hollandi:
Alvarleg kúvending
I gær sendu Hagkaupsmenn beiðni til
landbúnaðarráðuneytisins um að fá að flytja inn einn eggjagám
og annan kjúklingafylltan frá HoUandi. Jón Ásbergsson,
framkvæmdastjóri Hagkaups sagðist í samtaU við Tímann ekki
vera mjög bjartsýnn um jákvæða afgreiðslu erindisins. „Það hefur
verið haft eftir skrifstofustjóra landbúnaðarráðuneytisins í
fjölmiðlum að hann Uti svipuðum augum á þennan innflutning og
á innflutning eiturlyfja og víns. Og meðan það er afstaðan er ekki
hægt að gera ráð fyrir jákvæðri afgreiðslu. En það er vert að láta
á þetta reyna,“ sagði Jón Ásbergsson.
þ.m.t. egg. En hinsvegar hefur
landbúnaðarráðuneytið gefið
undanþágu frá þessum lögum í
þeim tilvikum að eggin séu notuð
til útungunar.“ Páll bætti við að
hingað til hafi egg verið flutt inn frá
Noregi vegna þess að þar hafi síst
orðið vart alvarlegra fuglasjúk-
dóma. „En við myndum ekki þora
Yfirdýralæknir, Páll A. Pálsson,
segir að ekki komi til greina að
veita Hagkaupi nefnt innflutnings-
leyfi, enda brjóti það í bága við lög
frá 1928 og 1962 um bann við
slíkum innflutningi vegna sjúk-
dómahættu. „Það hefur alla tíð
verið túlkað þannig að óheimilt
væri að flytja hingað hrámeti,
að flytja inn þessar vörar frá
Hollandi,“ sagði Páll.
Aðspurður sagði Páll að í tengsl-
um við innflutning frá Hollandi
væri viss hætta á að hin svokallaða
Newcastle-veiki gæti borist með
bæði eggjum og kjúklingum.
„Þetta er veirasjúkdómur," sagði
Páll, „sem er ákaflega skæður og
getur drepið allt að 100% alifugla
stofns. Og hinu skyldu menn ekki
gleyma að ef þessi innflutningur
verður leyfður, er verið að gefa
alvarlegt fordæmi um innflutning
matvæla. Það yrði alvarleg kúvend-
ing, ef það yrði meginregla, eins og
fulltrúaráð Sjálfstæðisflokksins
vildi, að breyta til um þetta,“ sagði
Páll A. Pálsson.
óþh