Tíminn - 03.02.1988, Blaðsíða 7

Miðvikudagur 3. febrúar 1988
Tíminn 7
KRON opnar
í Kaupgarði
Þessa dagana er verið að vinna að
því að sameina Stórmarkað KRON
og verslunina Kaupgarð við Engi-
hjalla í Kópavogi, sem KRON
keypti á dögunum. Af þeim sökum
er Kaupgarður nú lokaður, meðan
breytingar standa þar yfir, en búðin
verður opnuð að nýju eftir næstu
helgi. Þá verður Stórmarkaðnum
lokað, en hin nýja verslun verður
rekin undir nafninu „Stórmarkaður-
inn Kaupgarði".
Sölurýmið á nýja staðnum er
nokkru minna en í gamla Stórmark-
aðnum, en á móti kemur að þar er
ætlunin að leggja megináherslu á
verslun með matvörur. Þannig
hyggst KRON opna þarna fullkomn-
ari matvöruverslun en var í hinu
húsinu, en leggja minni áherslu en
þar á sérvörur, sem félagið verslar
nú með á annarri hæðinni á Kaup-
stað í Mjódd. Á nýja staðnum
verður þannig til dæmis meira gert
fyrir kjöt og ferskvörur en var á
hinum staðnum, og einnig verður
þar brauðgerð inni í búðinni, líkt og
þegar er í Kaupstað.
Ástráður hjá Loðnunefnd
brúnaþungur:
Engin veiði og
leiðinleg spá
„Það er ekkert að frétta. Það
hefur enginn bátur tilkynnt afla, það
er bræla á miðunum, hún stendur
djúpt og spáin er leiðinleg," sagði
Ástráður hjá Loðnunefnd í samtali
við Tímann í gær.
6-8 vindstig hafa verið á miðunum
síðustu tvo dagana, á norðaustan og
engin veiði.
Frá áramótum hafa bátarnir þó
landað 222.560 tonnum og eiga því
eftir að veiða tæp 375.000 tonn, ef
þeir ætla að klára kvótann.
„Þeir ná því alveg og fara létt
með,“ sagði Ástráður. -SÓL
Núna er verið að gera umtalsverð-
ar breytingar á búðinni í Kaupgarði,
og meðal annars verður hún stækkuð
um húsrými sem nú hýsir þar bakarí
og tvær sérverslanir, sem færast um
set. Þá hefur hús Stórmarkaðarins
þegar verið selt, og er kaupandinn
byggingavöruverslunin Byko. Verð-
ur það afhent nú síðast í febrúar.
Þá er það að frétta frá KRON að
um síðustu áramót tók til starfa
hlutafélagið Þönglabakki 1 hf., sem
yfirtekið hefur fasteign félagsins sem
hýsir Kaupstað í Mjódd. Eigendur
þessa félags eru KRON, Sambandið
og þrjú samstarfsfyrirtæki þess. Mun
þetta félag annast rekstur fasteignar-
innar framvegis. -esig
Húsnæðið í Kaupgarði, þar sem KRON opnar Stórmarkað sinn eftir helgina í endurbættri aðstöðu.
Örlög frumvarps um verkaskiptingu ríkis og sveitarfélaga eru síður en svo ráðin:
Jöfnunarsjóður skiptimynt?
Það ríkir nokkur óvissa um með-
ferð frumvarps um verkaskiptingu
milli ríkis og sveitarfélaga, nú í
upphafi þings eftir þorrahlé. Málinu
þokaði hægt áfram fyrir þinghlé og
var tekið út úr annarri umræðu. Sem
stendur er það til umfjöllunar hjá
félagsmáladeild neðri deildar, en
óvíst hvenær það verður afgreitt
þaðan til áframhaldandi umræðu.
Það eykur enn á óvissu um fram-
gang málsins að blikur eru á lofti
með stuðning einstakra stjórnar-
þingmanna til frumvarpsins í
óbreyttri mynd. Framsóknarþing-
maðurinn Guðni Ágústsson lýsti sig
andvígan frumvarpinu í umræðum á
Alþingi og flokksbróðir hans, Jón
Kristjánsson segist vera að skoða
hug sinn um stuðning við frumvarp-
ið. Ennfremur hefur formaður fé-
lagsmálanefndar neðri deildar, Al-
exander Stefánsson, haft fyrirvara
um stuðning við frumvarpið í
óbreyttri mynd. Og svo virðist sem
fleiri stjórnarþingmenn séu verulega
tvístígandi í afstöðu sinni gagnvart
frumvarpinu. Það er því orðin áleitin
spurning hvort frumvarpið hafi, að
öllu óbreyttu, meirihlutastuðning í
þinginu.
Alexander Stefánsson segir að ef
á annað borð eigi að afgreiða þetta
mál á næstunni, verði það að gerast
í þessum mánuði því að sveitarfélög-
in og íþróttahreyfingin þurfi á svari
að halda sem fyrst um fjárframlög
þeim til handa til ýmissa verkefna.
Alexander sagði málið ekki hafa
komið aftur til umræðu í félagsmála-
nefnd, en hinsvegar væri hann að
athuga nú hvað ríkisstjórnin vilji
gera í málinu. „Ég tel að mikilvægt
sé að koma fyrstu skrefunum í
verkaskiptingu til framkvæmda sem
fyrst, en það er afar mikilvægt að
breyta ákvæðum frumvarpsins um
íþróttasjóð og félagsheimilasjóð. Ég
vil skoða hug ríkisstjórnarinnar til
þessara breytinga á frumvarpinu."
Aðspurður um vaxandi andstöðu
í þingsölum við frumvarpið, sagði
Alexander að sér virtist sem allir
þingmenn væru á þeirri skoðun að
koma eigi á hreinni verkaskiptingu
milli ríkis og sveitarfélaga. „Það eru
allir sammála um mikilvægi þessa
máls, en hinsvegar vilja menn sjá
trygga tekjustofna. Tortryggni
manna nú tengist því að ekki er enn
komið fram frumvarp um jöfnunar-
sjóð sveitarfélaga," sagði Alexander
Stefánsson.
Það virðist vera verulegur kurr í
mörgum sveitarstjórnarmönnum um
frumvarpið eins og það liggur fyrir
þinginu. Hjörtur Þórarinsson, fram-
kvæmdastjóri Samtaka sunnlenskra
sveitarfélaga, segir forsvarsmenn
sveitarfélaga almennt fúsa að taka
yfir fleiri verkefni, en því aðeins að
fjármunir, til að kosta þau, séu
tryggðir. „Það þýðir ekki að spyrja
sveitarfélögin aftur og aftur um hvað
þau vilja kaupa, þegar seljandinn er
svo sjálfur með ávísanaheftið. Það
þarf fyrst og fremst að krefja fjár-
málaráðuneytið svara um hvað það
ætlar að tryggja sveitarfélögunum
mikið fjármagn til verkefnanna.“
Hjörtur lét þess getið að sunn-
lenskir sveitarstjórnarmenn væru á
þeirri skoðun að þær breytingar,
sem frumvarpið um verkaskipting-
una hefði í för með sér, væru svo
umfangsmiklar að þær kölluðu á
umþóttunartíma til undirbúnings,
áætlunargerðar og endurskipulagn-
ingar á rekstri. „Það má líka taka
undir varnarorð Sambands íslenskra
sveitarfélaga gagnvart jöfnunar-
sjóðnum. Og mér sýnist að eigi að
nota hann sem skiptimynt, sem hót-
un til þess að menn þori ekki annað
en að segja já,“ sagði Hjörtur Þórar-
insson. óþh
Truflandi framkoma Kortsnojs kom Jóhanni úr jafnvægi:
Einvígið enn óútkljáð
Á mánudagskvöld náði Kortsnoj
að jafna stöðuna í einvíginu við
Jóhann Hjartarson, eftir mjög slaka
taflmennsku þess síðarnefnda.
í raun þurfti Kortsnoj nákvæm-
lega ekkert að hafa fyrir þeim sigri,
því Jóhann virtist vera alveg úr
sambandi við skákina frá upphafi og
átti sér í raun aldrei viðreisnar von,
líkt og Kortsnoj í fyrstu skák einvíg-
isins, sællar minningar. Þessi ósigur
Jóhanns hefur það í för með sér, að
nú þarf að framlengja einvígið.
Keppendur munu draga um liti að
nýju og síðan verða tvær skákir að
fullri lengd, tefldar á miðvikudag og
föstudag. Ef þá verður enn jafnt,
verður tefldur svo kallaður bráð-
abani á laugardag, sem felst í mun
styttri skákum. Fyrst verður tefld
skák, þar sem hvor hefur klukku-
tíma til að ljúka skákinni, og ef enn
verður jafnt, þá önnur skák, þar sem
hvor um sig hefur hálftíma. Verði
enn jafnt, verða tefldar skákir með
15 mínútna umhugsunarfrest á
mann, uns annar hvor þeirra tapar.
Jóhann þarf nú að taka sig saman
í andlitinu og ekki láta Kortsnoj fara
í taugarnar á sér, heldur byrja að
tefla upp á nýtt. Það er nú hlutverk
aðstoðarmanna Jóhanns að efla
sjálfstraust hans og hjálpa honum að
öðlast þá trú, að hann geti í raun
sigrað gamla manninn.
ByrjUnin í þessari skák, varð sú
sama og í fjórðu skákinni, þar sem
Jóhann sigraði svo eftirminnilega.
Kortsnoj breytti út af og það virtist
koma Jóhanni í opna skjöldu. Það
má ef til vill segja að Jóhann hafi átt
að breyta til um byrjun, svo undir-
búningur Kortsnoj kæmi ekki að
gagni.
Hvítt: Viktor Kortsnoj
Svart: Jóhann Hjartarsson
Enski leikurinn. Broddgaltaraf-
brigði.
1. Rf3 - Rf6
2. c4 - b6
3. g3 - c5
4. Bg2 - Bb7
5. 0-0 - e6
6. Rc3 - Be7
7. d4 - cxd4
8. Dxd4 - d6
Hingað til hefur skákin teflst eins
og fjórða einvígisskákin en nú virðist
heimavinna Kortsnojs koma fram. í
fjórðu skákinni lék hann 9. Be3?? og
náði engu út úr stöðunni.
9. b3 - Rbd7
Riddari svarts stendur betur á d7
heldur en c6, jafnvel þó með þeim
leik vinni svartur tíma.
10. Rb5 -
Sama hugmynd og í fjórðu skák-
inni, en leikurinn virðist nú hafa
komið Jóhanni á óvart.
10. - Rc5
11. Hdl - d5
Jóhann vill losa um sig. Hann
notar til þess sama hátt og í fjórðu
skákinni.
12. cxd5 - exd5?
Jóhann tekur á sig stakt peð á
miðborðinu og virðist ekki hafa séð
næsta leik hvíts, eða ekki talið hann
hættulegan. 12. - Bxd5 væri betra.
Nú hefur eðli stöðunnar breyst.
13. Bh3! - 0-0
14. Bb2 - a6
15. Rc3 - He8
16. Hacl -
Nú getur svartur ekki andæft á c
línunni, vegna biskupsins á h3 og
ekki má leika 16. -Bc8, vegna peðs-
ins á d5. Jóhann leikur nú sennilega
tapleiknum, vegnaþess aðeftirþann
leik, teflir hvíta staðan sig sjálf. Ef
til vill sá Jóhann ekki 18. leik hvíts,
sem opinberar alla veikleikana í
stöðu svarts.
16. - Re6?
17. BxRe6 - fxBe6
18. Ra4 - b5
I llllllll ■ i
Illllli. ■ III i
i llllllllli ■ i UH ii ■
111 i iiiii i 111
4A 111 m ■J
A H
A H iiiiiii A IHI IHI
iiiiii Bis a
Nú kemst hvítur inn á svartan
meðriddara sinn og varla má svartur
skipta upp á c5, vegna allra svörtu
reitanna sem hvítur réði þá yfir. 18.
- b5 var eina leiðin til að forða
peðinu.
19. Rc5 - Bc8
20. Re5 - Bf8
21. Hc2 - a5
Kortsnoj býst til að ráðast inn
með þungu mennina með tvöföldun
hrókanna á c línunni. í raun er
ekkert til bjargar, en Jóhann nær
heldur ekki að veita neina mót-
spyrnu.
22. Hdcl - Db6?
23. Df4 - Be7
24. Bd4 - Dd6
25. Rcd3 - Hf8?
Síðasti afleikur Jóhanns í skákinni
og aðeins eftir:
26. Bc5! -
Og Jóhann gaf skákina. Það sést
að maður er af hjá Jóhanni og ef
svarið er 26. Dc7, þá má leika 27.
Rg6 - DxDf4, 28. RxBe7f og síðan
er drottningin drepin með manns-
vinningi og ef 26. - Dd6, 27. Rc6 og
aftur er maður dauður. Því gafst
Jóhann upp.
Nú er bara að bíta í skjaldarrend-
ur og láta Kortsnoj ekki sigra sig í
sálfræðistríði, heldur sigra hann á
taflborðinu og sýna þannig að fyrstu
fjórarskákirnar voruengin tilviljun.
Ólafur Helai
Árnason
SKÁESKÝRANDI