Tíminn - 18.02.1988, Blaðsíða 3
Fimmtudagur 18. febrúar 1988
Tíminn 3
Stéttarfélögin ganga frá samningi við erlent flugfelag:
Flugleiðir hf. misstu bitann
vegna 2700 króna mismunar
Frá tilkynningu í gær um að V.R. og B.S.R.B. tækju tilboði Lion Air í
orlofsferðir félagsmanna (f.v.) Sigrún Aspelund, formaður ferðanefndar
B.S.R.B., Kristján Thorlacíus, B.S.R.B. og Pétur A. Maack, V.R.
(Tíminn: Pjetur)
Starfsmannafélagi Flugleiða varð ekki að
ósk um samning við V.R.:
Óljóst til hvaða
ráða verði gripið
1 fréttatilkynningu B.S.R.B. og V.R. um samning við Lion Air um
orlofsferðir í sumar segir frá opnu bréfi stjórnarmanna starfsmannafé-
Iags Flugleiða (STAFF) til formanns V.R., sem birtist í einu
dagblaðanna, þar sem hótað var úrsögn þeirra félaga úr V.R., sem
ynnu hjá Flugleiðum, ef tekjumöguleikar þeirra yrðu skertir með því
að samið yrði um orlofsferðir við annað fyrirtæki. Seinna gerði stjórn
STAFF samþykkt, þar sem farið var fram á við stjórn Flugleiða og
stjórn V.R. að allt yrði gert til að ná samkomulagi. Það hefur ekki
tekist, en stjórnir V.R. og B.S.R.B. telja sig hafa fullreynt að semja
við Flugleiðir, s.s. STAFF æskti.
Engar ákvarðanir hafa verið teknar um aðgerðir innan STAFF
ennþá og því óljóst hvernig brugðist verður viðsamningi V.R. ogLion
Air. þj
Á fundum framkvæmda-
nefndar Verslunarmannafé-
lags Reykjavíkur og ferða-
nefndar B.S.R.B. að kvöldi
þriðjudags var ákveðið að
ganga frá samningi við flugfé- -
lagið Lion Air í Lúxemborg
um orlofsferðir félagsmanna.
Áður en Lion Air var tilkynnt
um þetta í gærmorgun, hafði
ferðanefnd B.S.R.B. samband
við fulltrúa Flugleiða og ítrek-
aði ósk um að flugfélagið lækk-
aði tilboð sitt. Því höfnuðu
Flugleiðir alfarið. Um er að
ræða fjórar ferðir í sumar með
breiðþotu Lion Air milli
Reykjavíkur og Lúxemborgar.
Stéttarfélögin fá einnig að sjá
um sölu um borð. Samningur
milli Lion Air og stéttarfélag-
anna verður undirritaður á
næstu dögum.
Kristján Thoriacíus, formaður
B. S. R. B., sagði að fargj aldið kosti
félagsmenn 8.800 krónur með Lion
Air, en tilboð Flugieiða hefði verið
nokkrum þúsundum króna hærra.
Hann bryti trúnað gæfi hann það
nákvæmar upp. Ábyrgar heimildir
herma að um 2.700 kr. hafi skilið
á milii minnst. Lion Air býður
engan afslátt umfram umsamið
fargjald.
Gengið hefur verið frá sam-
komulagi um leigu á bílum hjá
bíialeigunni Lux-Viking, sem er í
eigu Isiendinga, og orlofshúsum í
Móseldalnum. Flug, hús og bíil í
þrjár vikur kostar félagsmenn
27.600 kr., miðað við fjóra í húsi,
en flug og rúmgóður bíll í jafnlang-
an tíma kr. 15.250. Rætt hefur
verið um, að fleiri stéttarfélög og
jafnvel starfsmannafélög gangi inn
í samninginn. Samtals stæðu þá um
40 þúsund manns til boða ofan-
greind fargjöld. Alls éru sætin
1.996.
„Það hefur komið á daginn að
mun erfiðara er að fá hjá innlend-
um aðilum hagstæð farmiðagjöld,
heidur en verið hefur undanfarin
ár. í því sambandi getum við nefnt
að Flugleiðir hafa hækkað almenn
fargjöld um 26%, eftir því sem þeir
segja, en hækkun á fargjöldum tii
B.S.R.B. og annarra stéttarsam-
taka hefur verið u. þ. b. 52%. Þessu
vildum við ekki una,“ sagði Krist-
ján Thorlacíus í gær. „Þar við
bættist mun hagstæðara tilboð frá
nýju erlendu flugféiagi, Lion Air.
Við eigum ekki í deilu við neinn.
Leitað var hagstæðra kjara fyrir
félaga samtakanna og málin þróuð-
ust þannig að ekkert tilboð frá
innlendum aðilum nálgaðist hið
lága verð sem Lion Air bauð.“
„Við höfum staðið í samningum
við þessi ágætu verkalýðsfélög að
undanförnu og við teljum ekki að
þeim viðræðum sé lokið,“ sagði
Bogi Ágústsson, blaðafulltrúi
Flugleiða. „Við viljum leggja
áherslu á að það sem við bjóðum
er allt annað og meira en þeir hafa
rætt um við Lion Air. Við buðum
aðgang að öllu okkar kerfi, ekki
eina ferð til Lúxemborgar á þriggja
vikna fresti, heldur tvær til þrjár
ferðir á dag. Þá standa til boða tólf
áætlunarstaðir með allri ferðaþjón-
ustu sem um ræðir í stað eins hjá
Lion Air. Þar að auki buðum við
barnaafslátt."
Kristján Thorlacíus sagði að
ckki hefði komið til greina af
Flugleiða hálfu að semja um aðra
áætlunarstaði sérstaklega, ef tekið
yrði öðru tilboði um flug til Lúx-
emborgar. „Það var annað hvort
allt, eða ekkert," sagði hann. „Þá
var sama hvort við semdum við
erlent flugféiag eða innlent!"
„Okkar verðtilboð byggir á
heildarferðapakka og ef mjög
veigamiklir þættir úr honum falla
úr fellur um leið forsenda fyrir
afslættinum," sagði Bogi um það.
„Það er beinlínis rangt, þegar því
er haldið fram, að hækkun milli ára
á fargjöldum til B.S.R.B. sé óeðli-
leg. Hækkunin er 34-35% frá því
sem var í fyrra, ekki 52% svo sem
Kristján heldur fram, á meðan
meðallaunakostnaður hjá Flug-
leiðum hefur hækkað á milli 40 og
50%. Við lítum svo á, að okkar
tilboð núna hafi verið það sama og
í fyrra framreiknað og það sé mjög
sanngjarnt, því að kostnaður hefur
mjög aukist. Samanburður á til-
boði Lion Air og Flugleiða er
ómögulegur, því að við bjóðum
allt aðra þjónustu og betri, því að
meira er innifalið." þj
Suðurlandsbraut 32, þangað sem verslunin 3-K er um það bil að flytja.
3-K á Suðurlandsbraut 32
f húsgagnaversluninni 3-K er mik-
ið um að vera þessa dagana, því að
verið er að flytja hana um set. Um
margra ára bil hefur verslunin verið
á neðstu hæð í húsi Olíufélagsins hf.
að Suðurlandsbraut 18, en innan
fárra daga verður hún opnuð í húsi
Sambands ísl. samvinnufélaga að
Suðurlandsbraut 32. Þar fær hún til
umráða, a.m.k. til bráðabirgða,
húsnæðið sem Byggingavöruverslun
Sambandsins var lengi í á fyrstu hæð
hússins, en starfsemi hennar hefur
nú öll verið flutt í nýtt húsnæði uppi
á Krókhálsi.
Verslunin 3-K er sem kunnugt er
í eigu þriggja sunnlenskra kaupfé-
laga, og af því er nafn hennar
dregið. Þau eru Kf. Árnesinga á
Selfossi, Kf. Rangæinga á Hvolsvelli
og Kf. Skaftfellinga í Vík. í henni
eru seld margs konar húsgögn og
innréttingar, sem framleidd eru í
trésmiðjum þessara þriggja félaga,
og einnig innflutt húsgögn. Verslun-
arstjórar eru þeir Guðmundur Hali-
dórsson og Ragnar Pétursson.
Að Suðurlandsbraut 18 er svo
ætlunin að útibú Samvinnubankans
flytjist í meginhluta þess húsrýmis
sem verslunin var í áður. Útibúið er
núna í bakbyggingu þessa sama
húss, þar sem farið er að þrengjast
um það. Inn í núverandi húsnæði
útibúsins er svo ætlunin að flytja
Verðbréfaviðskipti Samvinnubank-
ans, sem núna eru í byggingu aðal-
bankans við Bankastræti. Gert er
ráð fyrir að bankinn opni á nýja
staðnum fyrir vorið. -csig
Kjartan P. Kjartansson,
fjármálastjóri SÍS:
Þeir vitkast
dag f rá degi
„Við sendum inn endurkröfu um
útlagðar greiðslur og kostnað af
landinu. Þeir höfðu áður komið með
upp á sitt eindæmi ávísun, sem átti
að endurgreiða mér vegna greiðslu
af landinu, svo og einhvern vaxta-
kostnað sem þeir höfðu reiknað
sjálfir. Ég sá strax að þetta voru
rangar upphæðir og vildi ekki tapa
neinum rétt fyrir bráðlæti eða tóm-
læti, og neitaði að taka við ávísun-
inni. Ég skrifaði þeim síðan bréf og
gerði mínar kröfur og í framhaldi af
því bættu þeir greiðslurnar og sendu
mér þrjár ávísanir, sem voru sýnu
hærri, svo ég mundi segja að þetta
væri að tosast í rétta átt og ég tel að
þeir vitkist frá degi til dags,“ sagði
Kjartan P. Kjartansson, fjármála-
stjóri SÍS í samtali við Tímann, en
eins og mönnum er kunnugt hefur
Kópavogskaupstaður ekki greitt
Sambandinu að fullu þann kostnað
sem það lagði út í þegar það festi
kaup á Smárahvammslandi í Kópa-
vogi, en var síðan meinað um kaupin
og landið selt öðrum.
„Ég er sannfærður um það að við
fáum frekari greiðslur frá þessum
mönnum, þegar þeir eru búnir að
skoða betur þá endurgreiðsiureikn-
inga og endurgreiðsluyfirlit sem ég
hefi sent þeim. Sambandið er því
alls ekki úrkula vonar um það að
bæjaryfirvöld greiði þann kostnað
sem við höfum farið fram á að þau
greiði. Hitt er annað mál hvort að
þeim verður sendur einhver annar
og meiri kostnaður, um það hefur
ekki verið tekin ákvörðun, og mér
finnst það ólíklegt á þessu stigi,“
sagði Kjartan.
Kjartan vildi ekki tjá sig um hve
mikið Sambandið teldi að Kópa-
vogsbær skuldaði því, en samkvæmt
heimildum Tímans mun vera um að
ræða rúma milljón króna.
-SÓL