Tíminn - 18.02.1988, Blaðsíða 12

Fimmtudagur 18. febrúar 1988
12 Tíminn_______
FRÉTTAYFIRLIT
BRUSSEL — Margrét
Thatcher forsætisráðherra
Bretlands hvatti ríki NATO til
að styrkja varnir sínar með því
að koma sér upp nýrri kjarn-
orkuvopnum. Thatcher, sem
var í sinni fyrstu opinberu
heimsókn til höfuðstöðva
NATO í Brussel i gær, lýsti yfir
stuðningi við þá stefnu að
endurnýja skammdrægar
kjarnorkuvopnabirgðir banda-
lagsins. Þetta mál er þó umdeilt
mjög og gæti átt eftir að skipta
leiðtogum ríkja bandalagsins í
fylkingar þegar þeir hittast á
fundi í byrjun næsta mánaðar.
TEL AVIV — ísraelskir her-
menn skutu Palestínumann til
bana og særðu þrjá aðra í
miklum mótmælum gegn yfir-
ráðum ísraelsmanna á her-
teknu svæðunum. Atburðir
þessir áttu sér stað i Shuyukh
þorpinu nálægt Hebron á Vest-
urbakkanum.
TYRE, Líbanon - Múslimar
úr hópi Amalhreyfingar sjíta í -
Libanon sögðu að einum her-
manni úr friðargæslusveitum
SÞ hefði verið rænt. í Beirút
ásökuðu þeir sem rændu nor-
rænu mönnunum tveimur, er
unnu á vegum SÞ, þá um að
hafa starfað fyrir leyniþjónustu
erlends ríkis. Mannræningj-
arnir sögðust ekki ætla að
leysa mennina úr haldi fyrr en
þeir hefðu sannað sakleysi sitt.
MOSKVA — Eldur braust út
í sendiráði Sovétmanna í Was-
hington og voru starfsmenn og
gestir fluttir úr byggingunni
áður en sovéskir slökkviliðs-j
menn réðu niðurlögum eldsins.
VÍNARBORG - Mikill
þrýstingur er nú á Kurt Wald-
heim forseta Austurríkis að
segja af sér og í gær fékk þessi
fyrrum aðalritari SÞ tvær
slæmar fréttir, bæði var að
skoðanakannanir sýndu að
stuðningur við forsetann fer
minnkandi og einnig gagn-'
rýndu forystumenn í viðskipta-
lífinu hann fyrir að víkja ekki úr
embætti.
BANGKOK — Stjórnir Tæ-
lands og Laos undirrituðu
vopnahléssamkomulag en
þær hafa átt í skærum síðustu
sex mánuðina vegna deilna
um yfirráð yfir litlu landsvæði
við landamæri ríkjanna.
TOKYO — Hagfræðingar
telja að japönsk fyrirtæki muni
geta aðlagað sig þrátt fyrir að,
yenið hækki á nýjan leik. Jap-
anskir viðskiptamenn hafa
þegar sýnt að þeir geta hag-
rætt rekstri fyrirtækja sinna
þrátt fyrir hækkandi gengi
yensins gagnvart bandaríska
dalnum síðustu ár.
ÚTLÖND

Forsetaslagurinn í Bandaríkjunum:
Bush aftur kominn
George Bush varaforseti þykir
aftur orðinn líklegastur til að verða
valinn forsetaefni repúblikana eftir
að kjósendur í New Hampshire
veittu honum stuðning sinn. Bush
fékk 38% atkvæða í forkosningun-
um en helsti andstæðingur hans
Robert Dole öldungadeildarþing-
maður frá Kansas fékk 29% at-
kvæða.
Mikhael Dukakis fylkisstjóri í
nágrannafylkinu Massachusetts
vann eins og vænta mátti öruggan
sigur í forkosningum demókrata.
Dukakis fékk 36% atkvæða en næst-
ur honum var Richard Gephardt
fulltrúadeildarþingmaðurinn frá
Missouri sem fékk 20% fylgi.
„Bush hefur náð sér á strik á nýjan
leik og er nú orðinn líklegasti fram-
bjóðandinn“, sagði einn kosninga-
sérfræðingurinn í gær. Varaforsetinn
barðist nánast fyrir pólitísku lífi sínu
eftir að hafa aðeins lent í þriðja sæti
í forvalinu í Iowa í síðustu viku. Lífi
stnu bjargaði hann og gott betur.
Kannanir sjónvarpsstöðvanna
sýndu að Rónald Reagan forseti átti
líklega sinn þátt í sigri Bush. Flestir
kjósendur repúblikana voru nefni-
lega á því að Reagan hefði staðið sig
vel í starfi sínu og vildu að eftirmað-
ur hans héldi áfram á sömu braut.
„Þetta kemur sér vel fyrir Bush“,
sagði einn stjórnmálaskýrenda NBC
sjónvarpsstöðvarinnar.
Helstu keppinautar Bush, þeir
Robert Dole og Pat Robertson fyrr-
um sjónvarpspredikari, töpuðu báð-
ir í New Hampshire. Dole hafði
vonast til að fylgja eftir sigri sínum í
Iowa en varð verulega undir í slagn-
um við Bush. Hann var enda ekki
ánægður og sakaði varaforsetann
um að hafa beitt fyrir sig lygi á
síðustu dögunum fyrir kosningarnar
í New Hampshire.
Ekki voru nú stjórnmálaskýrend-
ur á því að ásakanir og reiði Doles í
gær myndi koma honum vel í þeirri
baráttu sem framundan er.
Sjónvarpspredikarinn Robertson
stóð sig vel í Iowa, varð þriðji, en nú
fékk hann lítinn stuðning og hafnaði
í fimmta og síðasta sætinu. Kannanir
sýndu að fáir kjósendur repúblikana
í New Hampshire, utan þeir sem
tengjast baptistasöfnuðum, studdu
Robertson. En sjónvarpspredikar-
inn er ekki af baki dottinn og segist
ætla að veita Bush harða keppni í
Suðurríkjunum: „Við erum að færa
okkur til suðurs og þar verða þeir í
bakgarðinum mínum“, sagði
Robertson um andstæðinga sína í
gær.
Bush má eiga von á mikilli keppni
frá Dole í næstu viku þegar kosið
verður í Minnesota og Suður-Da-
kota. Þar verður hinsvegar um frek-
ar lítilvægar forkosningar að ræða,
flestir bíða eftir „Super Tuesday"
eða „þriðjudeginum stóra“ þann 8.
mars þegar kosið verður í tuttugu
fylkjum og þar af í tólf Suðurfylkj-
um. Bush á einmitt mikinn stuðning
vísan í Suðurfylkjunum og aðstoðar-
menn varaforsetans voru því fullir
bjartsýni þegar við þá var rætt í gær.
„Við erum að fara þangað sem
George Bush er sterkastur, til
suðurs", sagði kosningastjóri hans.
Dukakis var sá sem kom, sá og
sigraði í demókratakjörinu í New
Hampshire. Enda var ekki langt að
fara því þessi grískættaði fylkisstjóri
erviðstjórnvölinn í nágrannafylkinu
Massachusetts og því þekktur stjórn-
málamaður á þessum slóðum.
Richard Gephardt mátti einnig
George Bush: Barðist fyrír pólitísku lífi í New Hampshire og er hvergi dauður
ennþá.
vel við una, var í öðru sæti og sigraði
einmitt í síðustu viku í forvalinu í
Iowa. Gephardt hefur talað fyrir
harðri viðskiptastefnu og jafnvel
innflutningshöftum og það virðist
falla í góðan j arðveg meðal kjósenda
demókrata. Raunar hefur Gephardt
verið að vinna á í Suðurfylkjunum
samkvæmt skoðanakönnunum en
þar vonast þó aðrir frambjóðendur,
nefnilega þeir Albert Gore og Jesse
Jackson, til að koma út sem sigur-
vegarar.
Gore er öldungadeildarþingmað-
ur frá Tennessee og það er að duga
eða drepast fyrir hann á „þriðjudeg-
inum stóra“ því honum hefur gengið
illa bæði í Iowa ogNew Hampshire.
Jackson hefur hinsvegar gengið
nokkuð vel í þessum tveimur fylkj-
um og varð t.d. fjórði í New Hamps-
hire þótt þar kysu nær eingöngu
hvítir kjósendur. Jackson á vísan
stuðning blökkumanna í suðri sem
telja um 20% kjósenda þar.
Gary Hart, frægasti frambjóðandi
demókrata, er hinsvegar langt á eftir
í baráttunni. Hann fékk aðeins 4%
atkvæða í New Hampshire, fylki
sem hann sigraði Walter Mondale í
á svo eftirminnilegan hátt fyrir fjór-
um árum. Víst er að ásakanir um
framhjáhald Harts á síðasta ári og sú
ákvörðun hans að hætta og hætta
síðan við að hætta hafa gert vonir
hans um að komast í Hvíta húsið á
næsta ári að engu.
ÚTLÖND
:íh>;V
OukíiUs
DuLmis
•'IViNdcnl .
'f ' ’I
fSk-rSÉ HI-WAV 20 MOVILLE, IA.
Mikhael Dukakis: Sigraði í New Hampshire og hefur mannafla og peninga til að vera með í demókrataslagnum þar
til yfir lýkur og úrslit ráðast.