Réttur - 01.01.1962, Page 16
16
R É T T U R
Og vilja menn eiga undir því,
þeim ættjarðar gröm verði rögn,
og formælt þeim verði frá kyni til kyns
eða kæfi þá gleymskunnar þögn?
Vilja menn hlutskipti hreppa með þeim,
sem hafa það verðskuldað nóg,
að yfir þá kæmi biskupsins blóð,
sem böðullinn sjötugan hjó?
Virðist mönnum það vegarnest
vera hvað frekast sér hent
að liðinna feðra þykkja þung,
sem þrautanna mest hafa kent,
yfir þeim standi með ógnandi hefnd
sem ógurlegt þrumuský,
með viðbúinn sögunnar voðadóm?
Eða vilja merm bíða eplir því,
Að hrópað upp verði í himininn
frá hafsströnd til öræfa lands
af brennandi iiörmum það bænaróp
frá brjósti hvers einasta manns:
Guðs heipt yfir þá, sem nú hika sér við
að heimta vorn rétt eins og menn!
Guðs hefnd yfir þá, sem oss rétt’ hafa rænt
og refjast að skila honum enn!