Réttur - 15.07.1935, Blaðsíða 7

'það í mútur til spánskra auðmanna — gjalda skatt er-
lendis og stela honum af alþýðu á laun, undir fölsku
yfirskyni.
Þeir hafa samþykkt landráðayfirlýsinguna til Eng-
landsbanka á leynifundi á Alþingi — og fyrst meðgeng-
ið, er Kommúnistaflokkurinn afhjúpaði hana.
Þeir hafa gert landráðasamninginn við Þýzkaland og
þrætt fyrir það, þrátt fyrir sannanir Kommúnistaflokks-
ins, unz þeir nú gefast upp og reyna að koma skömminni
hver á annan, þótt allir séu þeir samsekir.
Hættan á að lancLráða-valdhafarnir á íslandi kóróni
þessi svik sín við sjálfstæði landsins með því að gefa
brezka auðvaldinu hér sérstök lagaleg réttindi (t. d. veð-
setji tolltekjurnar eins og Magn. Guðm. o. fl.) er því
yfirvofandi í sambandi við gjaldþrot eða þótt ekki væri
nema stundargreiðsluþrot íslenzka ríkisins. Og þeir
myndu með því hugsa sér að tryggja um leið völd sín
•gagnvart íslenzku alþýðunni með því að hleypa brezka
auðvaldinu þannig inn í ríkisvéin.
Þetta myndi þýða, að imperíalisminn brezki fengi
lagaleg völd í viðbót við hin fjárhagslegu — að íslenzki
verkalýðurinn yrði ekki aðeins að heyja frelsisbaráttu
sína gegn íslenzka ríkisvaldinu, heldur og því brezka —
að baráttan yrði því margfalt lengri, harðari og fórn-
frekari, að sínu leyti alveg eins og hún yrði gegn auð-
valdinu innanlands, ef fasismi þess næði hér sigri.
íslenzka alþýðan verður því að setja allan kraft á að
hindra, að brezki imperíalisminn nái slíkum tökum hér,
alveg eins og hún með öllu sínu þreki mun hindra að
fasisminn nái hér sigri.
En það er auðséð, að fái burgeisastéttin að fara sínu
fram, þá rekur að þessu, jafnvel á næstu 2—3 árum.
íslenzka burgeisastéttin stendur veik og háð gagnvart
ærlenda auðvaldinu, mótspyrnan gegn henni magnast
innanlands — og uppgjöfin verður „úrræði“ hennar.
„Morgunblaðið“ spyr nú þegar, hvort síðasti áfanginn
í íslenzku sjálfstæðisbaráttunni verði aldrei farinn.
127