Morgunblaðið - 29.05.2006, Blaðsíða 39
MORGUNBLAÐIÐ MÁNUDAGUR 29. MAÍ 2006 F 39
eins og annarstaðar til að auka útsýni
og þannig geta íbúarnir numið lands-
lagið,“ segir í kynningargögnum og
sama kemur fram um Svínholtið en
þar fléttast byggðin inn í nálægðina
við golfvöllinn. Þetta svæði getur nýtt
sér frábæra sólarstöðu enda reiknað
með einbýlishúsum þarna.
Á neðri svæðunum, við hraunið og
vatnið er lögð áhersla á nálægð við
náttúruna. Þar er einnig hugsuð ein-
býlishúsabyggð. Táknrænt fyrir allt
skipulagið verða grænir strengir sem
liggja upp í gegnum allt hverfið sitt
hvorum megin við breiðgötuna. Þessi
opnu svæði auka á útsýnið í gegnum
svæðið og gefa fólki færi á að njóta
útiveru og nálgast náttúruauðlindina
í hrauninu og við vatnið.
„Dalirnir ganga á milli holtanna en
þar er landslag lægst og þar er reikn-
að með annars konar byggð í Neðri-
dal. Unnið er með nýstárlega hug-
mynd hvað varðar skipulag og
hönnun hverfisins sem verður ein-
býlishúsabyggð inni í þéttvöxnu
skóglendi. Ofan við breiðgötuna sem
mun liggja þar í gegn verður hins
vegar raðhúsabyggð sem mun tengj-
ast yfir í Setbergshverfið í Hafnar-
firði.
Megindalurinn er lægsta landslag-
ið í hverfinu sem við vinnum með og
þar er hugsuð fjölbýlishúsabyggð.
Húsin verða byggð þétt, 4–5 hæða há,
beggja vegna vegarins og vegfarand-
inn fær þá tilfinningu að hann sé að
fara í gegnum lítinn borgarkjarna.
Beggja vegna við fjölbýlið verður rað-
húsabyggð með mjög lokuðum görð-
um þannig að fólk fær mikið næði.
Næst fjölbýlishúsabyggðinni í ná-
lægð við vatnið og opna náttúru er
reiknað með þjónustukjarna, hverfis-
smiðju, þar sem verður opinber þjón-
usta, skólar og íþróttaaðstaða. Ná-
lægðin við fjölbýlið er hugsuð þannig
vegna þess að búast má við að yngsta
fólkið verði fjölmennast þar,“ segir
ennfremur.
Þá leggja þeir áherslu á að ekki er
sama einbýlishús í nálægð við hraun-
ið eða uppi á holtunum því mismun-
urinn liggur í sérkennum svæðanna.
Þá er lögð mikil áhersla á göngustíg-
anet um allt svæðið sem mun tengjast
um allt hverfið og yfir í náttúruauð-
lindina allt um kring auk þess sem
það tengist hugsanlegum hverfum
framtíðarinnar.
Lederer + Ragnarsdóttir + Oei
Þýska arkitektastofan Ledere +
Ragnarsdóttir + Oei byrjaði starf-
semi á árinu 1979. Sérstaða stofunnar
byggist á því að starfsfólkið, sem er í
dag um 30, vinnur í litlum vinnuhóp-
um og fylgir sami hópurinn hverju
einstöku verkefni frá upphafi til enda.
Á þessu tímabili hefur stofan tekið
þátt í yfir 140 samkeppnum og unnið
til yfir 60 verðlauna.
Mikil áhersla er lögð á hönnum
sem er í takt við nánasta umhverfi.
Byggingarhefð svæða er skoðuð og
kafað djúpt ofan í eiginleika þeirra
bygginga sem fyrir eru.
Jórunn Ragnarsdóttir, einn af eig-
endum stofunnar, hefur verið búsett í
Þýskalandi síðan hún lauk námi í
arkitektúr í Stuttgart og hefur getið
sér gott orð þarlendis og víðar. Eig-
endurnir komu að vinnu tillögunnar.
Vel skipulagt hverfi tryggir
verð hverrar fasteignar
Í kynningargögnum með þeirra til-
lögu kemur fram að fylgt hafi verið
öllum ákvæðum í skipulags- og bygg-
ingarlögum, en markmiðið er að
stuðla að skynsamlegri og hag-
kvæmri nýtingu landsins, tryggja
varðveislu náttúrunnar og hafa sjálf-
bæra þróun að leiðarljósi.
„Við landnám verður alltaf röskun
á náttúrulegu umhverfi. Til þess að
viðhalda landslagi svæðisins veljum
við þá leið að laga byggingar og stað-
setningu gatna að upprunalegu formi
landsins,“ segja þeir og bæta við að
markmiðið hafi verið að skapa eftir-
sóknarvert íbúðahverfi með mismun-
andi húsagerðum og -stærðum sem
allir íbúar hverfisins geta verið stoltir
af.
„Til að hverfi geti talist vel heppn-
að, þarf að uppfylla allar daglegar
þarfir íbúa, veita fólkinu öryggi og
bjóða upp á fjölbreytta aðstöðu til úti-
veru. Ótvíræð umhverfisgæði auka
samhug fólks, örva félagsleg sam-
skipti og bæta umgengni bæði sam-
eiginlegra opinberra bygginga svo og
allra útivistarsvæða. Þá tryggir vel
skipulagt og gaumgæfilega útfært
íbúðahverfi verð sérhverrar fasteign-
ar,“ segja arkitektarnir og bæta við
að þar sem landið er hæðótt er hægt
að hafa útsýni frá hverju húsi og
garðar sólsælir.
Þeir leggja til að í Setbergslandi
verði blönduð íbúðabyggð, alls 575
íbúðareiningar. Einbýlishús af ýms-
um stærðum verða 55% af hverfinu,
rað- og tvíbýlishús 25% og fjölbýlis-
hús 20%. Þá er reiknað með skóla og
tveimur leikskólum eins og gert var
ráð fyrir í útboðsgögnunum. Þeir sjá
hins vegar fyrir sér að auk þess verði
í hverfinu þjónustumiðstöð, kaffihús
niðri við vatnið, kirkja, safnaðarheim-
ili, útisundlaug, íþróttavellir og út-
sýnisturn. Þá leggja þeir ríka áherslu
á mótun sameiginlegs útivistarsvæðis
sem nýtist borgurunum til daglegrar
útiveru.
„Við erum þeirrar skoðunar að
stórt sameiginlegt grænt svæði fyrir
alla sé dýrmætara en stórar afgirtar
lóðir. Þetta sameiginlega svæði sem
við köllum „Birkilund“ liggur á milli
hrauntanga austan megin, íbúða-
byggðarinnar vestan megin og kring-
um Urriðakotsvatn. Þar sem Elliða-
vatnsvegur áður skar hverfin í
sundur er nú mjó löng brú sem gerir
hverfunum mögulegt að renna saman
í eina heild. Íbúar hverfanna samnýta
skólann, sundlaugina, íþróttavellina
og aðrar opinberar stofnanir án þess
að fara yfir götu, öryggi barna, aldr-
aðra og annarra fótgangandi og hjól-
andi situr í fyrirrúmi,“ segja þeir og
bæta við að í Birkilundi verði fjöldi
birkitrjáa á víð og dreif sem mynda
aðlaðandi skóglendi sem býður upp á
ótal útivistarmöguleika.
Kanon gerir ráð fyrir mestum þéttleika byggðar og hæstu hlutfalli fjölbýlis meðfram hrauninu í átt að Urriðakotsvatni.
Þýska arkitektastofan Ledere + Ragnarsdóttir + Oei leggur til að í Setbergslandi verði blönduð íbúðabyggð, alls 575 íbúðareiningar. Einbýlishús af ýmsum stærð-
um verða 55% af hverfinu, rað- og tvíbýlishús 25% og fjölbýlishús 20%. Setbergslandið er vinstra megin og Svínholt til hægri.
Arkitektastofa Schmidt, Hammer, Lassen leggur áherslu á opin svæði eins og hinar stofurnar.
Schmidt, Hammer, Lassen arkitektar leggja til að í dalverpi ofan við Breiðgötuna sem mun liggja þar í gegn verði rað-
húsabyggð sem tengist yfir í Setbergshverfið í Hafnarfirði.