Morgunblaðið - 05.09.2006, Blaðsíða 34

34|Morgunblaðið
Nýr og betri dans er heitið á vikunámskeiði fyrir pör með áherslu á
hreyfingu og gleði. Innifalið í verði er gisting á stórglæsilegu fimm
stjörnu hóteli. Markmiðið er að njóta lífsins með dansi, rómantík og
góðum mat. Námskeiðið leiða Theodóra Sæmundsdóttir og Jóhann Örn
Ólafsson danskennarar og Bjargey Aðalsteinsdóttir íþróttafræðingur.
Síðast seldust sætin upp hratt svo það er um að gera að dusta rykið af
dansskónum og bóka fljótt.
Hin geysivinsælu námskeið
fyrir konur í umsjón Bjargeyjar
Aðalsteinsdóttur í samvinnu
við Dale Carnegie á Íslandi.
– ERU BETRI EN AÐRAR!www.kreditkort.is
Mundu eftir
MasterCard
ferðaávísuninni
F
ít
o
n
/
S
ÍA
m.v. 2 saman í svítu. Flug, skattar, gisting í svítu
á glæsihótelinu Princesa Yaiza. Morgunverður,
námskeið og skoðunarferð innifalin.
75.148,-Verð:
Afslappandi og uppbyggjandi vikuferð á fimm stjörnu strandhóteli á
Kanarí. Yfirskrift ferðarinnar er Nýr og betri lífsstíll, þar sem reyndir
leiðbeinendur halda skemmtileg námskeið. Hugsaðu þér bara, heil vika
af leikfimi, yoga, slökun, fyrirlestrum, thai-nuddi, dansleikfimi og fleiru.
Hvergi er betra að segja streitunni stríð á hendur og endurskapa eigin
persónu en í ljúfu haustævintýri á Lanzarote. Settu þig í fyrsta sætið og
bókaðu strax.
m.v. 2 saman í svítu. Innifalið í verði:
Flug, skattar, gisting með morgunverði,
námskeið og námskeiðsgögn.
77.500,-Verð:
17.–24. október 2006
14.–31. október 2006
Vikuferð til að styrkja þig sjálfa
1.–8. febrúar 2007
i f r il r j i j lf
. . f r r
www.sumarferdir.is
Sími 575 1515
Ferðastu út
til að ferðast
inn!
Ný og betri kona!
Yoga mynd
Nýr og
betri
dans!
Ógleymanleg paraferð
24.–31. október
l l
. .
Byggðu upp líkama og sál 17.–24. október
lí l . .
Nýr og betri lífsstíll U
mahro bauð mér út að borða í tilefni af af-
mælinu mínu. Ég vissi ekkert hvert við
myndum fara, fékk aðeins þær upplýs-
ingar að það yrði ólíkt öllu öðru sem ég
hefði upplifað. Ég var því mjög spennt, því
að borða góðan mat og bragða á nýjum réttum er eitt af
því skemmtilegasta sem ég geri. Það veit Umahro líka og
hann hafði pantað borð á matarsýningunni På Barnsben
í Madeline á Islandsbryggju í Kaupmannahöfn sem nú
stendur yfir,“ segir Þorbjörg. „Sýningin er hugsuð sem
upplifun fyrir nær öll skilningarvitin, bragð, hljóð, lykt
og sjón. Bornir voru fram tíu tapasréttir, hver á eftir öðr-
um, sem kitluðu svo sannarlega öll vit. Þeir kölluðu fram
æskuminningar; eitthvað sætt, létt, bros og áhyggju-
leysi. Stemningin á sýningunni var allt öðruvísi en á
venjulegu veitingahúsi og andrúmsloftið sem þar ríkti
kallaði brosið ósjálfrátt fram á varirnar og eftirvænt-
inguna, tilfinninguna sem maður fann svo oft fyrir sem
barn. Þetta var ótrúleg upplifun og svo margt sem kom á
óvart! Ég þurfti t.d. að klæðast regnkápu þegar við borð-
uðum dýrlegt eggjahvítukrem með lakkrísbragði því á
þeim augnablikum rigndi sápukúlunum yfir okkur. Þetta
var ævintýri. Og á meðan við gæddum okkur á ljúffeng-
um laxi var slökkt á öllum ljósum í salnum svo við sáum
vart handa skil. En það var allt með ráðum gert því til-
gangurinn var einmitt að láta ekkert annað trufla mat-
argesti, þeir áttu aðeins að njóta matarins og virkilega
finna bragðið af honum.
Sæta bragðið er nefnilega það bragð sem flestir
þekkja, geðjast og eru öruggastir með en það eru til svo
mörg önnur „brögð“ í heiminum! Tapasréttirnir voru þó
langt frá því að vera sykurlausir enda varla hægt þegar
yfirskriftin á máltíðinni er „barn og bragð“ en fyrir henni
stóð matreiðslukonan Mette Marinussen sem er nokkuð
þekkt í Danmörku. Hún notar mikið af kryddum sem
framkalla sætuna úr hráefninu sjálfu.“
Féll fyrir súkkulaðikökunni – og Umahro
Það var einmitt maturinn hans Umahro sem Þorbjörg
féll fyrir þegar hún var að kynnast honum fyrir fimm ár-
um. „Umahro var og er yndislegur en maturinn
hans …,“ segir Þorbjörg og hálfandvarpar. „Framtíð
mín var ráðin eftir að ég bragðaði á súkkulaðikökunni
hans í þriðja heimboðinu. Hún er ekkert venjuleg, auð-
vitað ekki. Búin til úr sætum kartöflum, 75% belgísku
súkkulaði, smjöri og kókosolíu. Enginn viðbættur sykur.
En vá! Bragðið var ótrúlegt og kakan bráðnaði hreinlega
í munninum – og það gerði svo ég líka.“
Þorbjörg segir að flestum þyki sætt bragð vera gott en
það fari samt eftir því um hvers konar sætu sé að ræða.
„Sætt er ekki bara sætt. Mér finnst hvítur sykur, sem
bætt er svo að segja í allar vörur, allt of uppáþrengjandi,
sætt bragð. Það hreinlega ískrar í hvítum sykri. Hunang
er allt öðru vísi sæta, það er mildara og sætan úr blóm-
unum er augljós ef um er að ræða gott og ekta hunang.
Sætan úr ávöxtunum, eins og eplum sem er blandað súru
bragði og sætan kemur fyrst fram þegar við förum að
tyggja og eftirbragðið, það sem situr eftir á tungunni er
þægilega sætt.“
Náttúruleg sæta er góð
Þurrkaðir ávextir eru enn sætari og döðlurnar t.d.
geta haft mjög djúpt, heitt, næstum því karamellubragð.
Sætan fer eftir hvenær döðlurnar voru teknar af pálm-
anum og þurrkaðar. Þegar ég bjó í Marokkó fyrir mörg-
um árum voru alla vega tíu mismunandi þurrkaðar döðl-
ur á markaðnum og tíu mismunandi sætubrögð. Við
Umahro, og sérstaklega Umahro, lögum mat og höldum
námskeið um matargerð með náttúrulegri sætu úr
ávöxtum, þurrkuðum ávöxtum, berjum, rótargrænmeti
þar sem við notum einnig krydd sem gefur sætt bragð
eða laðar fram sætuna í hráefninu. Það er engin tilviljun
að fyrsta reglan í 10 grunnreglum, heilsukerfi sem við
höfum þróað, hljómar svona: „Ekki borða sykur, hvorki
sýnilegan, ósýnilegan eða gervisykur!“ Neysla á við-
bættum sykri leiðir t.d. til óæskilegrar þyngdaraukn-
ingar og hefur vond áhrif á t.d. bólgumyndun, hátt kól-
esteról og hjarta- og æðasjúkdóma. Við Umahro höfum
verið og verðum í vetur með fræðslu og matreiðslunám-
skeið í Heilsuhúsinu í Lágmúla 5, en við höfum á síðustu
misserum kennt mörgum hvernig má gera mataræði
hollara og bragðbetra og hlotið góðar undirtektir. Það er
margt nýtt á döfinni hjá okkur, þ.á m. 15 vikna námskeið
og fræðsla fyrir þá sem vilja létta sig fyrir lífið.“
Upplifun fyrir skilningarvitin
Morgunblaðið/Árni Torfason
Tilfinningafólk Þorbjörg Hafsteinsdóttir og Oscar Umahro Cadogan kunna að njóta góðs matar.
Ljósmynd/Kristinn Ingvarsson
TENGLAR
........................................................................
www.10grunnreglur.com
Heilsuhjónin Þorbjörg Hafsteinsdóttir, hjúkrunarfræðingur og næring-
arþerapisti, og matlistamaðurinn Umahro Cadogan búa aðra hvora viku í
Danmörku og hina á Íslandi. Í síðustu viku átti Þorbjörg afmæli og auðvitað
kom eiginmaðurinn henni á óvart.