Morgunblaðið - 17.02.2007, Blaðsíða 76

ÁSKRIFT-AFGREIÐSLA 569 1100 LAUGARDAGUR 17. FEBRÚAR 48. DAGUR ÁRSINS 2007 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 Suðvestanátt,
8–13 m/s, og skúr-
ir eða slydduél en
léttskýjað á aust-
anverðu landinu. Lægir síð-
degis. Hlýjast f. austan. » 8
Heitast Kaldast
8°C 0°C
„STAIRWAY to Heaven er ansi viðkvæmt
lag. Ég reyni að spila alla gítarröddina
frægu á sama tíma og ég spila laglínuna og
bassann og svo hljóma úr rythmagítarnum.
Þetta lag tók ansi langan tíma að útsetja,“
segir Eyþór Ingi Jónsson, organisti í Akur-
eyrarkirkju, spurður um hvernig Led
Zeppelin hljómi á orgeli kirkjunnar.
Stairway to Heaven er ekki eina popp-
lagið sem mun hljóma á Óskalaga-
tónleikum Eyþórs sem fara fram í Ak-
ureyrarkirkju í dag því þar mun hann
einnig spila diskóslagara, Dallas-lagið,
Björgvin Halldórsson, Hörð Torfa og
Theme from Starwars á orgelið í eigin út-
setningum. | 65
Óskalögin leik-
in í kirkjunni
Eftir Egil Ólafsson
egol@mbl.is
RANNSÓKNIR á sinubrunanum á Mýrum á
síðasta ári benda til að bruninn hafi haft veruleg
áhrif á gróðurfar. Gróður á brunnu svæðunum
hafi orðið einhæfari en á svæðum sem ekki
brunnu. Smádýralíf og fuglalíf jókst hins vegar
á bunasvæðunum m.a. vegna þess að við brun-
ann losnaði mikið af næringarefnum.
Frumniðurstöður úr viðamiklum rannsókn-
um á áhrifum brunans á jurta- og dýralíf voru
kynntar á Fræðaþingi landbúnaðarins í gær, en
fyrirhugað er að rannsóknirnar standi í fimm
ár. Um 68 ferkílómetrar lands brunnu, en þetta
er talinn mesti sinubruni í Íslandssögunni. Eld-
urinn fór á 3,5 kílómetra hraða frá þeim stað þar
sem hann kviknaði til strandar.
Rannsóknin leiddi í ljós að hrossagauk fjölg-
aði á brunnu svæðunum um 50% og þúfutitt-
lingum um 100%. Guðmundur A. Guðmundsson
líffræðingur sagði þetta frekar óvæntar niður-
stöður þó að þekkt væri af rannsóknum erlendis
að fuglalíf ykist við sinubruna. Rannsóknin
leiddi einnig í ljós að smádýralíf jókst á svæð-
unum sem brunnu.
Rannsókn á jurtalífi leiddi hins vegar í ljós að
gróður var einhæfari á brunnu svæðunum en
þeim sem ekki brunnu. Runnategundir hefðu
farið illa út úr brunanum og sérstaklega þó
krækiberjalyng. Grasvöxtur hefði ekki verið
meiri á brunnu svæðunum en þeim sem ekki
brunnu. Engu að síður væri töluverður endur-
vöxtur á brunnu svæðunum.
Í rannsókninni fannst ný fléttutegund sem
ekki var vitað að yxi á Íslandi. Þetta er tegund
sem kallast mýrarkróka. Rannsóknin leiddi í
ljós að mun meira fannst af hornsíli í vötnum á
brunasvæðinu en í vötnum utan þess. | 14
Bruninn hafði slæm áhrif
á jurtir en góð á fugla

Við rannsókn á áhrifum Mýraeldanna á jurta- og plöntulíf fannst ný jurtateg-
und sem ekki var vitað að yxi hér á landi
Rannsóknin á að standa í fimm ár
Eftir Steinþór Guðbjartsson
steinthor@mbl.is
GUNNAR Örn Örlygsson, þingmaður Sjálf-
stæðisflokksins á Suðvesturlandi og fyrrver-
andi þingmaður Frjálslynda flokksins, fer í
fæðingarorlof á mánudag og tekur Sigurlín
Margrét Sigurðardóttir sæti hans. Hún kemur
inn sem óháður þingmaður eftir að hún sagði
sig úr Frjálslynda flokknum fyrir skömmu.
Hugsanlega vekur það furðu einhverra að
þingmaður komi inn fyrir þingmann í öðrum
flokki en þetta er ekki einsdæmi og í raun eru
það framboðslistarnir sem ráða hverju sinni. Í
þessu tilfelli var Gunnar Örn Örlygsson efsti
maður á lista Frjálslynda flokksins í Suðvest-
urkjördæmi og Sigurlín Margrét Sigurðar-
dóttir í öðru sæti sama lista og hún er áfram
fyrsti varamaður hans þó að bæði séu farin úr
flokknum.
Helgi Bernódusson, skrifstofustjóri Alþing-
is, segir að Sigurlín Margrét sé fyrsti vara-
maður Gunnars, sama hvað á gangi, og enginn
komist fram hjá henni nema hún veiti sam-
þykki sitt eða tilkynni forföll. Hann bendir á að
svipuð staða hafi komið upp nokkrum sinnum
áður. Þegar Svavar Gestsson, þingmaður Al-
þýðubandalagsins, hafi látið af þingmennsku
vorið 1999 hafi Guðrún Helgadóttir verið vara-
maður hans og tekið þingsætið sem þingmaður
óháðra. Eins rifjar Helgi upp að þegar Friðjón
Þórðarson hafi verið dómsmálaráðherra í rík-
isstjórn Gunnars Thoroddsens hafi hann einu
sinni þurft að kalla inn varamann. Það hafi
verið Valdimar Indriðason á Akranesi, síðar
þingmaður, og hann hafi ekki stutt ríkisstjórn
Gunnars Thoroddsens, sem hafi haft mjög
nauman meirihluta á Alþingi, „en ef ég man
rétt þá ákvað Valdimar að breyta ekki valda-
hlutföllum.“ Eins og staðan er nú hefur rík-
isstjórnin 33 þingmenn á bak við sig.
Aðrar reglur hafa gilt í sveitarstjórnum þeg-
ar um sameiginlega framboðslista hefur verið
að ræða. Þá hefur aðalmaður sem hefur forfall-
ast af einhverjum orsökum, getað valið sér
varamann úr sama flokki.
Óháður inn fyrir sjálfstæðismann
Morgunblaðið/Ásdís
Þingmaður Sigurlín Margrét Sigurðardóttir.
Sigurlín Margrét Sigurðardóttir tekur sæti Gunnars Arnar Örlygssonar á Alþingi eftir helgi
Í HNOTSKURN
» Eftir kosningarnar 2003 var ríkis-stjórnin með 34 þingmenn.
» Eftir að Gunnar Örn Örlygssongekk í Sjálfstæðisflokkinn var rík-
isstjórnin með 35 þingmenn.
» Eftir síðustu hrókeringar, þ.m.t.hvarf Kristins H. Gunnarssonar úr
Framsóknarflokknum, er hún með 33 af
63 þingmönnum.
„EN það eina undarlega er að þessi góð-
kunningi minn, Einar Kárason, skuli hafa
lagst svo lágt að skrifa þessa óvönduðu og
óheiðarlegu grein. Það veldur mér í senn
undrun og vonbrigðum,“ segir Birgir Sig-
urðsson leikskáld í Lesbók í dag, í nið-
urlagi greinar, þar sem hann svarar Ein-
ari Kárasyni rithöfundi.
Í grein sinni í Lesbók fyrir viku sagði
Einar að bræðurnir í leikriti Birgis, Degi
vonar, og bræðurnir í Borgarlífi, sögu
Ingimars Erlendar Sigurðssonar, sem er
bróðir Birgis, ættu sér hliðstæðu í Birgi
og Ingimari Erlendi sjálfum.
Í upphafi greinarinnar segir Birgir: „Í
viðtali sem birtist í leikskrá sýningar
Leikfélags Reykjavíkur á Degi vonar nú
kemur fram að þegar ég hef verið spurður
um hvort leikritið byggist á fjölskyldu
minni hafi ég iðulega svarað: „Já og nei og
já og þó aðallega nei. Þetta þýðir að leik-
ritið er fyrst og fremst skáldskapur.“
Birgir segir þá hugmynd Einars, að
með persónunni Reyni í Degi vonar sé
hann að lýsa sjálfum sér, einberan heila-
spuna.
Birgir Sigurðsson Einar Kárason
Einber
heilaspuni
♦♦♦
AÐSTANDENDUR hinnar margrómuðu uppsetningar Þjóðleikhússins
á Pétri Gaut eru á leið til Lundúna í lok næstu viku, en þar verður verk-
ið sýnt í Barbican-menningarmiðstöðinni. Alls verða sýningarnar tíu og
er nær uppselt á þær allar. Verkið verður sett upp á ensku og að sögn
Baltasars Kormáks leikstjóra hefur kostað mikla vinnu að æfa verkið
upp á öðru tungumáli. Það var Michael Billington, einn þekktasti leik-
húsgagnrýnandi Breta, sem hafði milligöngu um uppsetningu verksins
í Lundúnum, en að sögn Baltasars sá hann það hér á landi fyrir hálf-
gerða tilviljun. Á myndinni má sjá þá Björn Hlyn Haraldsson og Ingvar
E. Sigurðsson á æfingu í gær.
Morgunblaðið/G. Rúnar
Á leið til Lundúna